ഗുജറാത്തിന്റെ സ്വന്തം ഇലക്ട്രിക് ഇരുചക്ര വാഹന ബ്രാൻഡായ ബിയു4 ഓട്ടോ കേരള വിപണിയിൽ എത്തി . താങ്ങാവുന്ന വില, അടിപൊളി ഡിസൈൻ, കുറഞ്ഞ ചാർജിംഗ് എന്നിവയാണ് സവിശേഷതകൾ. ഷൈൻ, സ്റ്റാർ, ഡോഡോ എന്നി മൂന്ന് ലോ സ്പീഡ് മോഡലുകളും ഹൈ സ്പീഡ് വേരിയന്റായ ഫീനിക്സുമാണ് കൊച്ചി കേന്ദ്രമാക്കി ബിയു4 കേരളാ വിപണിയിൽ എത്തിച്ചിരിക്കുന്നത്.
ഷൈൻ, സ്റ്റാർ, ഡോഡോ എന്നി മൂന്ന് ലോ സ്പീഡ് മോഡലുകളും ഹൈ സ്പീഡ് വേരിയന്റായ ഫീനിക്സുമാണ് ബിയു4 വിപണിയിൽ എത്തിച്ചിരിക്കുന്നത്. സെപ്റ്റംബറിൽ പുതിയ ബൈക്കുകളും മോപ്പഡുകളും വിപണിയിലെത്തിക്കും. ഇതിന് പുറമെ ഉയർന്ന പ്രകടനം കാഴ്ചവെക്കുന്ന സൂപ്പർ ബൈക്കുകളും അവതരിപ്പിച്ച് വിപണി കൈയ്യടക്കാനുളള തയ്യാറെടുപ്പിലാണ് ബിയു4.
നിലവിൽ സ്റ്റാർ, ഷൈൻ എന്നിവയാണ് ജനപ്രിയ മോഡലുകൾ ആണെങ്കിൽ മികച്ച രൂപകല്പനയുളള ഡോഡോ യുവാക്കൾക്കിടയിൽ തരംഗമാകുമെന്നാണ് പ്രതീക്ഷ. നാല് മുതൽ ആറ് മണിക്കൂറിനുളളിൽ പൂർണമായും ചാർജ് ചെയ്യാം. ഒറ്റ ചാർജിൽ 90 മുതൽ 120 കിലോ മീറ്റർ വരെ സഞ്ചരിക്കാനാകും. ലോ സ്പീഡിന് 250 വാട്ട് മോട്ടോർ പവറും ഫീനിക്സ് ഹൈ സ്പീഡ് വേരിയന്റിന് 1500 വാട്ടുമാണുളളത്. 65,000 മുതൽ 1.1 ലക്ഷം വരെ എക്സ് ഷോറൂം വില വരുന്ന ഫീനിക്സിന് ട്രാക്കിംഗ്, ജിയോ ഫെൻസിംഗ്, മൊബൈൽ ആപ്ലിക്കേഷനിലൂടെയുളള നിയന്ത്രണം എന്നി സൗകര്യങ്ങളുമുണ്ട്.
ഇതിലും മികച്ച സംവിധാനങ്ങളുമായിട്ടാകും സൂപ്പർ ബൈക്കുകൾ അധികം താമസിയാതെ നിരത്തിലേക്കെത്തുക.
Gujarat-based EV brand BU4 Auto enters the Kerala market with low-speed models (Shine, Star, Dodo) and the high-speed Phoenix. Explore affordable designs, 120km range, and upcoming high-performance electric bikes
