ലോക്കോ പൈലറ്റുമാർക്കും മറ്റ് റണ്ണിംഗ് സ്റ്റാഫുകൾക്കും വിശ്രമിക്കാനും ഭക്ഷണം കഴിക്കാനുമുള്ള റണ്ണിംഗ് റൂമുകളിൽ പാചകവാതക സിലിണ്ടറുകൾക്ക് (LPG) പകരം പൈപ്പ് വഴിയുള്ള പ്രകൃതിവാതകം (PNG) ഉപയോഗിക്കാൻ റെയിൽവേ മന്ത്രാലയം തീരുമാനിച്ചു. പശ്ചിമേഷ്യൻ രാജ്യങ്ങളിലെ നിലവിലെ പ്രതിസന്ധികൾ എൽപിജി വിതരണത്തെ ബാധിക്കാൻ സാധ്യതയുള്ളതിനാലാണ് ഈ തന്ത്രപരമായ നീക്കം. ആറുമാസത്തിനുള്ളിൽ എല്ലാ സോണുകളിലും ഈ മാറ്റം പൂർത്തിയാക്കാനാണ് ഉത്തരവ്.
റണ്ണിംഗ് റൂമുകൾ 24 മണിക്കൂറും പ്രവർത്തിക്കുന്നതിനാൽ തടസ്സമില്ലാത്ത ഇന്ധനലഭ്യത അത്യാവശ്യമാണെന്ന് മന്ത്രാലയം വ്യക്തമാക്കി. ട്രെയിൻ ഗതാഗതത്തിന്റെ സുഗമമായ നടത്തിപ്പിന് ജീവനക്കാർക്ക് കൃത്യസമയത്ത് ഭക്ഷണം ഉറപ്പാക്കേണ്ടതുണ്ട്. എൽപിജി സിലിണ്ടറുകൾ എത്തിക്കുന്നതിലെ പ്രായോഗിക ബുദ്ധിമുട്ടുകൾ ഒഴിവാക്കാനും പിഎൻജി കണക്ഷനുകൾ വഴി സാധിക്കുമെന്ന് റെയിൽവേ അറിയിച്ചു. ഇതോടൊപ്പം കൂടുതൽ സുരക്ഷിതവും ലാഭകരവുമായ ഇന്ധനം എന്ന നിലയിലാണ് പിഎൻജിക്ക് പ്രാധാന്യം നൽകുന്നത്.
To ensure uninterrupted fuel supply and enhanced safety, the Ministry of Railways has directed all zones to switch from LPG to Piped Natural Gas (PNG) in running rooms within six months
