ആഗോള സാമ്പത്തിക പ്രതിസന്ധികൾക്കിടയിലും ഇന്ത്യയിൽ കൂടുതൽ നിക്ഷേപം നടത്തണമെന്ന പ്രധാനമന്ത്രി നരേന്ദ്ര മോദിയുടെ ആഹ്വാനത്തിന് പിന്തുണയുമായി ഭാരതി എയർടെൽ ചെയർമാൻ സുനിൽ ഭാരതി മിത്തൽ രംഗത്തെത്തി. സ്വർണം ഇറക്കുമതി ചെയ്യുന്നതിനോടുള്ള അമിതമായ താൽപ്പര്യം ഉപേക്ഷിക്കണമെന്നും ഊർജ്ജ ചെലവ് കുറയ്ക്കാൻ പുനരുപയോഗ ഊർജ്ജത്തിലേക്ക് മാറണമെന്നും സി.ഐ.ഐ (CII) ബിസിനസ് ഉച്ചകോടിയിൽ അദ്ദേഹം പറഞ്ഞു.
വെല്ലുവിളികൾ നിറഞ്ഞ ഈ സമയത്ത് ഇന്ത്യയിൽ നിക്ഷേപം വർദ്ധിപ്പിക്കാനാണ് വ്യവസായ ലോകം തയ്യാറാകേണ്ടതെന്നും അദ്ദേഹം ഓർമ്മിപ്പിച്ചു. തന്റെ കമ്പനിയായ എയർടെൽ രാജ്യത്ത് വൻതോതിൽ നിക്ഷേപം നടത്തുന്നുണ്ടെന്നും ഇന്ത്യയുടെ ആഭ്യന്തര വളർച്ചയിൽ വിശ്വാസമർപ്പിക്കേണ്ട നിമിഷമാണിതെന്നും മിത്തൽ കൂട്ടിച്ചേർത്തു. സാമ്പത്തിക വളർച്ചയ്ക്കും രാജ്യപുരോഗതിക്കും നൽകിയ സംഭാവനകൾ പരിഗണിച്ച് അദ്ദേഹത്തിന് സി.ഐ.ഐയുടെ ലൈഫ് ടൈം അച്ചീവ്മെന്റ് അവാർഡ് ഉച്ചകോടിയിൽ വെച്ച് സമ്മാനിച്ചു.
Bharti Airtel Chairman Sunil Mittal urges industries to ‘double down’ on India investments, reduce gold imports, and switch to renewable energy for economic growth.
