മുംബൈ-അഹമ്മദാബാദ് ബുള്ളറ്റ് ട്രെയിൻ പദ്ധതിയുടെ നിർമ്മാണത്തിൽ നിർണ്ണായക നാഴികക്കല്ല് പിന്നിട്ടുകൊണ്ട് ഗുജറാത്തിലെ ബറൂച്ച് ജില്ലയിലുള്ള ട്രാത്സി ഗ്രാമത്തിന് സമീപം 130 മീറ്റർ നീളമുള്ള കൂറ്റൻ സ്റ്റീൽ പാലം വിജയകരമായി സ്ഥാപിച്ചു. വെസ്റ്റേൺ ഡെഡിക്കേറ്റഡ് ഫ്രൈറ്റ് കോറിഡോർ റെയിൽവേ ട്രാക്കുകൾക്ക് മുകളിലൂടെ സൂറത്-വഡോദര സെക്ഷനുകളെ ബന്ധിപ്പിക്കുന്ന 330 മീറ്റർ നീളമുള്ള പാലത്തിന്റെ പ്രധാന ഭാഗമാണ് വിജയകരമായി ലോഞ്ച് ചെയ്തത്.
ഏകദേശം 18 മീറ്റർ ഉയരവും 15.5 മീറ്റർ വീതിയുമുള്ള ഈ കൂറ്റൻ സ്റ്റീൽ നിർമ്മിതിക്ക് 2,900 മെട്രിക് ടണ്ണോളം ഭാരമുണ്ട്. അതിനൂതന ഓട്ടോമേറ്റഡ് സംവിധാനങ്ങളും ഹെവി ഹൈഡ്രോളിക് ജാക്കുകളും ഉപയോഗിച്ച് അതീവ സുരക്ഷയോടെയും കൃത്യതയോടെയുമാണ് എൻജിനീയർമാർ ഈ സങ്കീർണ്ണമായ ദൗത്യം പൂർത്തിയാക്കിയത്. ഗുജറാത്തിൽ ബുള്ളറ്റ് ട്രെയിൻ പദ്ധതിക്കായി വിഭാവനം ചെയ്ത 17 സ്റ്റീൽ പാലങ്ങളിൽ 14ആമത്തേതാണ് ഇപ്പോൾ വിജയകരമായി പൂർത്തിയായിരിക്കുന്നത്.
The Mumbai-Ahmedabad Bullet Train project completes a major milestone by installing a massive 2900-tonne steel bridge over the Dedicated Freight Corridor in Gujarat.
