വിദ്യാർത്ഥികളിൽ ശാസ്ത്രീയ ചിന്തയും അവബോധവും വളർത്തുന്നതിനായി ഇന്ത്യയുടെ പ്രഥമ പ്രധാനമന്ത്രി ജവഹർലാൽ നെഹ്റുവിന്റെ പേരിൽ ‘സെന്റർ ഓഫ് സയന്റിഫിക് ടെമ്പർ’ ആരംഭിക്കുമെന്ന് മുഖ്യമന്ത്രി വി.ഡി. സതീശൻ പ്രഖ്യാപിച്ചു. പട്ടം ഗവൺമെന്റ് മോഡൽ ഗേൾസ് ഹയർ സെക്കൻഡറി സ്കൂളിൽ നടന്ന സംസ്ഥാനതല സ്കൂൾ പ്രവേശനോത്സവം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ആഗോള നിലവാരത്തിലുള്ള വിദ്യാഭ്യാസം ഉറപ്പാക്കുന്നതിനായി അന്താരാഷ്ട്ര സ്ഥാപനങ്ങളുടെ മാതൃകയിൽ മികവിന്റെ കേന്ദ്രങ്ങളും (Centres of Excellence) സംസ്ഥാനത്ത് സ്ഥാപിക്കുമെന്ന് മുഖ്യമന്ത്രി വ്യക്തമാക്കി. ആർട്ടിഫിഷ്യൽ ഇന്റലിജൻസ് ഉൾപ്പെടെയുള്ള സാങ്കേതിക മുന്നേറ്റങ്ങളുടെ ഈ കാലഘട്ടത്തിൽ പുതിയ മാറ്റങ്ങൾ ഉൾക്കൊള്ളാൻ വിദ്യാർത്ഥികൾ തയാറാകണമെന്നും ലഹരി മാഫിയക്കെതിരെ കുട്ടികൾ ശക്തമായ നിലപാട് സ്വീകരിക്കണമെന്നും അദ്ദേഹം കൂട്ടിച്ചേർത്തു.
Chief Minister V.D. Satheesan announces the launch of ‘Nehru Centres of Scientific Temper’ and Centres of Excellence to elevate school education in Kerala.
