എറ്റേണൽ ലിമിറ്റഡിൽ നിന്ന് പടിയിറങ്ങിയതിന് ശേഷം, ആരോഗ്യ-സാങ്കേതികവിദ്യയിലും വ്യോമയാന മേഖലയിലും പുതിയ സംരംഭങ്ങളുമായി ദീപിന്ദർ ഗോയൽ രംഗത്തെത്തുന്നു. ശരീരത്തിന്റെ മെറ്റബോളിക് നില തത്സമയം അളക്കാൻ സഹായിക്കുന്ന ‘ടെമ്പിൾ’ (Temple) എന്ന അത്യാധുനിക വെയറബിൾ ഉപകരണം അടുത്ത ഒരു വർഷത്തിനുള്ളിൽ അദ്ദേഹം വിപണിയിലെത്തിക്കും.
ഇതിനുപുറമെ, നഗരങ്ങളിലെ ഗതാഗതക്കുരുക്കിന് പരിഹാരമായി കുറഞ്ഞ ചെലവിൽ സർവീസ് നടത്തുന്ന എട്ടുപേർക്ക് സഞ്ചരിക്കാവുന്ന വിമാനങ്ങൾ വികസിപ്പിക്കുന്ന ലാത്ത (LAT) എയ്റോസ്പേസ് എന്ന സംരംഭത്തിലും അദ്ദേഹം നിക്ഷേപം നടത്തുന്നുണ്ട്. സൊമാറ്റോയെ എറ്റേണൽ എന്ന വമ്പൻ സാമ്രാജ്യമാക്കി മാറ്റിയ ഗോയൽ, തന്റെ പുതിയ പരീക്ഷണങ്ങളിലൂടെ സാങ്കേതിക രംഗത്ത് വീണ്ടും വലിയൊരു ചുവടുവെപ്പിനൊരുങ്ങുകയാണ്.
Zomato founder Deepinder Goyal is venturing into health tech with a metabolic wearable ‘Temple’ and investing in LAT Aerospace to develop 8-seater regional aircraft.
