വിഴിഞ്ഞം തുറമുഖത്ത് കയറ്റുമതി-ഇറക്കുമതി (Exim) പ്രവർത്തനങ്ങൾ ആരംഭിക്കുന്നതിന്റെ ഭാഗമായി 100 ഏക്കർ വിസ്തൃതിയിൽ ഒരു കെയ്ടെയ്നർ ഫ്രൈറ്റ് സ്റ്റേഷൻ (CFS) നിർമിക്കാൻ അദാനി പോർട്സ്. ചരക്ക് നീക്കം വർദ്ധിക്കുന്നത് കണക്കിലെടുത്താണ് ഫ്രൈറ്റ് സ്റ്റേഷൻ നിർമാണം. ചരക്കുകൾ പരിശോധിക്കാനും തരംതിരിക്കാനും റീപാക്ക് ചെയ്യാനും സഹായിക്കുന്ന ഈ സംവിധാനം നിലവിലില്ലാത്തതിനാൽ, തുടക്കത്തിൽ മുഴുവൻ ലോഡുള്ള കെയ്ടെയ്നറുകൾ മാത്രമായിരിക്കും റോഡ് വഴി കൈകാര്യം ചെയ്യുക.
ഭാവിയിലെ വിപുലീകരണ പദ്ധതിയെന്ന നിലയിലാണ് ഈ കെയ്ടെയ്നർ ഫ്രൈറ്റ് സ്റ്റേഷൻ നിർമ്മിക്കുന്നത് എങ്കിലും, ചരക്ക് നീക്കത്തിന്റെ അളവ് അനുസരിച്ച് താൽക്കാലിക സൗകര്യങ്ങൾ ഒരുക്കുന്നതും പരിഗണനയിലുണ്ട്. കോയമ്പത്തൂർ, തിരുപ്പൂർ, തിരുനെൽവേലി എന്നിവിടങ്ങളിലെ ചെറുകിട-ഇടത്തരം സംരംഭകർക്ക് (MSMEs) ഈ തുറമുഖം വഴി കുറഞ്ഞ ചെലവിലും വേഗത്തിലും കയറ്റുമതി നടത്താൻ ഇതിലൂടെ സാധിക്കും. കസ്റ്റംസിന്റെ അന്തിമ അനുമതി ലഭിച്ചതിനെ തുടർന്ന്, സി.എഫ്.എസ് ഇല്ലാത്തതിനാൽ ചില നിയന്ത്രണങ്ങളോടെയാണ് നിലവിൽ കയറ്റുമതി-ഇറക്കുമതി പ്രവർത്തനങ്ങൾ ആരംഭിക്കുന്നത്. കൂടാതെ, വിഴിഞ്ഞത്ത് സി.എഫ്.എസും വെയർഹൗസുകളും സ്ഥാപിക്കുന്നതിനായി സംസ്ഥാന സർക്കാരും ഭൂമി ഏറ്റെടുക്കൽ നടപടികൾ ആരംഭിച്ചിട്ടുണ്ട്.
Adani Ports plans to develop a 100-acre Container Freight Station (CFS) at Vizhinjam Port to support export-import operations, improve cargo handling, and boost logistics efficiency for businesses in South India
