ഇന്ത്യയിൽ നിന്നുള്ള ആദ്യത്തെ നേരിട്ടുള്ള വാണിജ്യ ചരക്കുട്രെയിൻ നേപ്പാളിലെത്തി. ഭേദഗതി വരുത്തിയ ഇന്ത്യ-നേപ്പാൾ റെയിൽ ട്രാൻസിറ്റ് പ്രോട്ടോക്കോളിന്റെ കീഴിൽ 40 വാഗണുകളിലായാണ് കനോളയുമായി ട്രെയിൻ ലക്ഷ്യസ്ഥാനത്ത് എത്തിയത്. കൊൽക്കത്ത തുറമുഖത്ത് നിന്ന് അതിർത്തിവഴി ബിരാത്നഗറിലേക്ക് നേരിട്ട് ചരക്കുനീക്കം നടത്താൻ ഈ പുതിയ സംവിധാനത്തിലൂടെ സാധിക്കും
ഈ റെയിൽ ഗതാഗതം വഴി ഇരു രാജ്യങ്ങൾക്കുമിടയിലുള്ള ചരക്ക് നീക്കത്തിന്റെ സമയവും ലോജിസ്റ്റിക്സ് ചെലവുകളും ഗണ്യമായി കുറയ്ക്കാൻ കഴിയുമെന്നാണ് റെയിൽവേ മന്ത്രാലയം വ്യക്തമാക്കുന്നത്. പലവട്ടം ചരക്കുകൾ കൈകാര്യം ചെയ്യുന്നത് ഒഴിവാക്കപ്പെടുന്നതിനാൽ കയറ്റുമതിക്കാർക്കും ഇറക്കുമതിക്കാർക്കും ഇത് വലിയ ആശ്വാസമാകും. പരിസ്ഥിതി സൗഹൃദപരവും കൂടുതൽ കാര്യക്ഷമവുമായ ഈ പുതിയ വ്യാപാര മാതൃക ഇരു രാജ്യങ്ങളും തമ്മിലുള്ള സാമ്പത്തിക ബന്ധത്തിന് പുതിയ കരുത്ത് പകരുമെന്നും പ്രതീക്ഷിക്കുന്നു
India’s first direct commercial container freight train carrying canola from Kolkata Port arrives in Biratnagar, Nepal, boosting cross-border trade and logistics
