ഇന്ത്യൻ വിപണിയിൽ സാന്നിധ്യം ശക്തമാക്കുന്നതിന്റെ ഭാഗമായി പുതിയ രണ്ട് ആഗോള എസ്യുവികളായ ലാൻഡ് ക്രൂയിസർ എഫ്ജെ (Land Cruiser FJ), കൊറോള ക്രോസ് (Corolla Cross) എന്നിവ രാജ്യത്ത് പുറത്തിറക്കാൻ ടൊയോട്ട ഒരുങ്ങുന്നു. മഹാരാഷ്ട്രയിലെ ടൊയോട്ടയുടെ നിർമ്മാണ യൂണിറ്റുകളിൽ നിർമ്മിക്കുന്ന ഈ വാഹനങ്ങൾ മത്സരാധിഷ്ഠിത വിലയിൽ വിപണിയിലെത്തിക്കാനാണ് കമ്പനി ലക്ഷ്യമിടുന്നത്.
ഇതിൽ ഫോർച്യൂണറിന് താഴെയായി ഇടംപിടിക്കുന്ന ലാൻഡ് ക്രൂയിസർ എഫ്ജെ 2028-ഓടെ വിപണിയിലെത്തുമെന്ന് പ്രതീക്ഷിക്കുന്നു. മഹീന്ദ്ര താർ റോക്സ്, സ്കോർപിയോ-എൻ എന്നിവയ്ക്ക് വെല്ലുവിളിയാകുന്ന ഈ ഓഫ്-റോഡർ എസ്യുവിയിൽ പെട്രോൾ, ഡീസൽ, ഹൈബ്രിഡ് എൻജിൻ ഓപ്ഷനുകൾ ഉണ്ടായേക്കാം.
മറ്റൊരു പ്രധാന മോഡലായ കൊറോള ക്രോസ് എസ്യുവി 2029-ഓടെ ഇന്ത്യയിൽ അവതരിപ്പിക്കാനാണ് കമ്പനി പദ്ധതിയിട്ടിരിക്കുന്നത്. ഇന്നോവ ഹൈക്രോസ് നിർമ്മിച്ചിരിക്കുന്ന ടി.എൻ.ജി.എ-സി പ്ലാറ്റ്ഫോമിൽ എത്തുന്ന ഈ വാഹനം ശക്തമായ ഹൈബ്രിഡ് പവർട്രെയിൻ ഓപ്ഷനോടെയാകും വിപണിയിലെത്തുക.
Toyota plans to launch the Land Cruiser FJ and Corolla Cross SUVs in India between 2028 and 2029, manufactured locally at its Maharashtra plant.
