രാജ്യത്ത് ആദ്യമായി ‘മെഗാ പോർട്ട്’ (Mega Port) പദവി ഔദ്യോഗികമായി പ്രഖ്യാപിച്ച് കേന്ദ്ര സർക്കാർ. തുറമുഖ, ഷിപ്പിംഗ്, ജലപാത മന്ത്രാലയം പുറത്തിറക്കിയ ഗസറ്റ് വിജ്ഞാപനപ്രകാരം നാല് പ്രധാന തുറമുഖങ്ങൾക്കാണ് ഈ പുതിയ പദവി ലഭിച്ചിരിക്കുന്നത്. ദീൻദയാൽ (കാണ്ട്ല), ജവഹർലാൽ നെഹ്റു (നവ സേവ), പാരദീപ് എന്നിവയും അദാനി ഗ്രൂപ്പിന്റെ മുന്ദ്ര തുറമുഖവുമാണ് ഈ പട്ടികയിൽ ഇടംനേടിയത്. കേന്ദ്ര സർക്കാരിന്റെ നിയന്ത്രണത്തിലുള്ള പ്രധാന തുറമുഖങ്ങൾക്കിടയിൽ, സ്വകാര്യ മേഖലയിൽ നിന്നുള്ള ഏക തുറമുഖമെന്ന പ്രത്യേകത അദാനി ഗ്രൂപ്പിന്റെ മുന്ദ്രയ്ക്കുണ്ട്.
ഈ മെഗാ പോർട്ട് പദവിക്ക് അഞ്ച് വർഷത്തെ കാലാവധിയാണുണ്ടാവുക. കഴിഞ്ഞ ജൂലൈ 30-ന് പുറത്തിറക്കിയ ഗസറ്റ് വിജ്ഞാപനത്തിൽ നിശ്ചയിച്ച മാനദണ്ഡങ്ങളുടെ അടിസ്ഥാനത്തിലാണ് ഈ പുതിയ തരംതിരിവ് നടപ്പിലാക്കിയിരിക്കുന്നത്. പ്രതിവർഷം 150 ദശലക്ഷം മെട്രിക് ടൺ (MMT) ചരക്ക് കൈകാര്യം ചെയ്യുന്ന ബൾക്ക് തുറമുഖങ്ങൾക്കോ അല്ലെങ്കിൽ 7.5 ദശലക്ഷം ഇരുപത് അടി തുല്യ യൂണിറ്റുകൾ (MTEUs) കൈകാര്യം ചെയ്യുന്ന കണ്ടെയ്നർ തുറമുഖങ്ങൾക്കോ ആണ് ഈ പ്രത്യേക പദവിക്ക് അർഹതയുള്ളത്.
The Ministry of Ports, Shipping and Waterways officially notified four ‘Mega Ports’ in India: Deendayal, JNPT, Paradip, and Adani’s Mundra Port.
