പ്രധാനമന്ത്രി നരേന്ദ്ര മോദിയും യു.എസ് പ്രസിഡന്റ് ഡൊണാൾഡ് ട്രംപും തമ്മിൽ ഫോൺ വഴി ഉഭയകക്ഷി ചർച്ച നടത്തി. വ്യാപാരം, പ്രതിരോധം, ഊർജം, നിർണായക സാങ്കേതികവിദ്യകൾ തുടങ്ങി വിവിധ മേഖലകളിലെ സഹകരണം ഇരു നേതാക്കളും യോഗത്തിൽ അവലോകനം ചെയ്തു.
ആഗോള സമാധാനവും സുരക്ഷയും മുൻനിർത്തിയുള്ള ശ്രമങ്ങൾ ഉൾപ്പെടെയുള്ള പ്രാദേശിക, അന്തർദേശീയ വിഷയങ്ങളെക്കുറിച്ചും ചർച്ചയിൽ അഭിപ്രായങ്ങൾ കൈമാറിയതായി പ്രധാനമന്ത്രി നരേന്ദ്ര മോദി സോഷ്യൽ മീഡിയയിലൂടെ വ്യക്തമാക്കി. തങ്ങളുടെ സമഗ്ര ആഗോള തന്ത്രപരമായ പങ്കാളിത്തം കൂടുതൽ ശക്തിപ്പെടുത്തുന്നതിനായി അടുത്ത ബന്ധം തുടർന്നു കൊണ്ടുപോകാൻ ഇരു നേതാക്കളും ധാരണയിലെത്തി.
