ബ്രിട്ടീഷ് എയ്റോ-എഞ്ചിൻ നിർമ്മാതാക്കളായ റോൾസ്-റോയ്സ് ചരിത്രത്തിലാദ്യമായി ഇന്ത്യയിൽ ഡയറക്ടർ ബോർഡ് യോഗം ചേർന്നു. പ്രതിരോധം, ഊർജസുരക്ഷ, അടിസ്ഥാന സൗകര്യ വികസനം തുടങ്ങിയ മേഖലകളിൽ ഇന്ത്യയുമായുള്ള തന്ത്രപരമായ പങ്കാളിത്തം ശക്തമാക്കുന്നതിന്റെ ഭാഗമായാണ് ഈ നീക്കം. കമ്പനി സി.ഇ.ഒ തുഫാൻ എർഗിൻബിൽജിക് പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി. ഇന്ത്യയുടെ ദീർഘകാല വളർച്ചാ ലക്ഷ്യങ്ങളും ഇരുരാജ്യങ്ങളും തമ്മിലുള്ള വ്യാവസായിക സഹകരണ സാധ്യതകളും കൂടിക്കാഴ്ചയിൽ ചർച്ചയായി.
ഇന്ത്യയുടെ അഞ്ചാം തലമുറ യുദ്ധവിമാനമായ എ.എം.സി.എ (AMCA) പദ്ധതിക്കായി തദ്ദേശീയ എൻജിൻ വികസിപ്പിക്കുന്നതിൽ റിലയൻസ് ഇൻഡസ്ട്രീസുമായി സഹകരിക്കാനുള്ള പദ്ധതിയാണ് കമ്പനിയുടെ പ്രധാന നീക്കങ്ങളിലൊന്ന്. ഇതിന്റെ ഭാഗമായി ഇന്ത്യയിൽ ഒരു എയറോസ്പേസ് ഗ്യാസ് ടർബൈൻ കോംപ്ലക്സ് സ്ഥാപിക്കുന്നതിനുള്ള സാധ്യതകളും പരിശോധിക്കുന്നുണ്ട്. ബംഗളൂരുവിലെ ഇന്നൊവേഷൻ സെന്റർ സന്ദർശിച്ച റോൾസ്-റോയ്സ് ബോർഡ് അംഗങ്ങൾ, ഇന്ത്യയുമായുള്ള വ്യാവസായിക ബന്ധം കൂടുതൽ ആഴത്തിലാക്കാനുള്ള പ്രതിബദ്ധതയും വ്യക്തമാക്കി.
British aero-engine maker Rolls-Royce hosted its first-ever board meeting in India. CEO Tufan Erginbilgic met Prime Minister Narendra Modi as the company explores partnering with Reliance Industries to manufacture engines for India’s 5th-generation AMCA fighter jet project.
