ഭൗമരാഷ്ട്രീയ വെല്ലുവിളികളും അസംസ്‌കൃത വസ്തുക്കളുടെയും ഗതാഗതത്തിന്റെയും ചെലവിലുണ്ടായ വർദ്ധനവും കാരണം ഇന്ത്യയിൽ വാഹനങ്ങളുടെ വില ഉയർത്താൻ ആഡംബര വാഹന നിർമ്മാതാക്കളായ വോൾവോ കാർസ് ആലോചിക്കുന്നു. കപ്പൽ ഗതാഗത തടസ്സങ്ങളും ഉൽപ്പാദന ചെലവിലെ വർദ്ധനവും കാരണം സമീപഭാവിയിൽ തന്നെ വിലവർദ്ധനവിന് കമ്പനി നിർബന്ധിതരാകുമെന്ന് വോൾവോ കാർസ് ഇന്ത്യ മാനേജിംഗ് ഡയറക്ടർ ജ്യോതി മൽഹോത്ര വ്യക്തമാക്കി.
പ്രീമിയം ഇലക്ട്രിക് വാഹനമായ EX90 വിപണിയിൽ അവതരിപ്പിക്കുന്ന ചടങ്ങിലാണ് കമ്പനി ഈ കാര്യം അറിയിച്ചത്. നിലവിൽ ഇന്ത്യയിലെ മൊത്തം വിൽപ്പനയുടെ നാലിലൊന്ന് ഇലക്ട്രിക് വാഹനങ്ങളിൽ നിന്നാണ് കമ്പനിക്ക് ലഭിക്കുന്നത്. ഇതിന്റെ ഭാഗമായി ഇന്ത്യയിൽ തങ്ങളുടെ സാന്നിധ്യം ശക്തമാക്കുന്നതിന് പ്രതിവർഷം ഒരു പുതിയ ഇലക്ട്രിക് വാഹനം വീതം വിപണിയിലിറക്കാനും വോൾവോ പദ്ധതിയിടുന്നുണ്ട്. നിലവിൽ ഇന്ത്യയിൽ വിൽക്കുന്ന നാല് മോഡലുകളിൽ രണ്ടെണ്ണം പൂർണ്ണമായും ഇലക്ട്രിക് ആണെന്നും, പുതിയ ഇലക്ട്രിക് കാറുകളായ EX90, ES90 എന്നിവ ഉടൻ വിപണിയിലെത്തുമെന്നും കമ്പനി കൂട്ടിച്ചേർത്തു.
Volvo Cars India considers a price hike across its model lineup due to rising input and logistics costs while planning to introduce new electric models like EX90 and ES90.
