കേരളം ഉൾപ്പെടെയുള്ള ദക്ഷിണേന്ത്യൻ സംസ്ഥാനങ്ങളിലെ ആഡംബര കാർ ഉപഭോക്താക്കൾക്കായി ചെന്നൈയിൽ അത്യാധുനിക ഷോറൂം തുറന്ന് ബ്രിട്ടീഷ് ആഡംബര കാർ നിർമാതാക്കളായ റോൾസ് റോയ്സ്. ഉപഭോക്താക്കൾക്ക് സ്വന്തം അഭിരുചിക്കനുസരിച്ച് കാറുകളുടെ രൂപകൽപ്പനയും ഇന്റീരിയറും മറ്റ് സവിശേഷതകളും തിരഞ്ഞെടുക്കാനുള്ള വിപുലമായ സൗകര്യങ്ങളോടെയാണ് പുതിയ ഷോറൂം പ്രവർത്തനം ആരംഭിച്ചത്.
റോൾസ് റോയ്സ് മോട്ടോർ കാർസിന്റെ സെയിൽസ് ആൻഡ് ബ്രാൻഡ് ഡയറക്ടർ ജൂലിയൻ ജെങ്കിൻസ് ഉദ്ഘാടന ചടങ്ങിൽ പങ്കെടുത്തു.
കേരളത്തിൽ ഉൾപ്പെടെ ദക്ഷിണേന്ത്യൻ സംസ്ഥാനങ്ങളിൽ റോൾസ് റോയ്സിന്റെ വിൽപ്പനയും സർവീസും നിർവഹിക്കുന്ന കുൻ എക്സ്ക്ലൂസീവാണ് പുതിയ ഷോറൂമിന് പിന്നിൽ. 2013 മുതൽ ചെന്നൈ ആസ്ഥാനമായി പ്രവർത്തിക്കുന്ന സ്ഥാപനമാണ് കുൻ എക്സ്ക്ലൂസീവ്.പുതിയ ഷോറൂമിന്റെ പ്രധാന പ്രത്യേകത ‘ബെസ്പോക്ക് കമ്മീഷനിങ് അറ്റെലിയർ’ (Bespoke Commissioning Atelier) എന്ന പ്രത്യേക വിഭാഗമാണ്.
സാധാരണ കാർ ഷോറൂമുകളിൽനിന്ന് വ്യത്യസ്തമായി, ഇവിടെ ഉപഭോക്താക്കൾക്ക് തങ്ങളുടെ വ്യക്തിഗത അഭിരുചിക്കനുസരിച്ച് റോൾസ് റോയ്സ് കാറുകളുടെ വിവിധ സവിശേഷതകൾ തിരഞ്ഞെടുക്കാം.
കാറിന്റെ പുറംഭാഗത്തെ നിറം, ഇന്റീരിയർ ഡിസൈൻ, സീറ്റുകൾ, ഫിനിഷിങ്, അലങ്കാരങ്ങൾ തുടങ്ങിയവയുടെ വിവിധ ഓപ്ഷനുകൾ നേരിട്ടുകണ്ട് തീരുമാനിക്കാനുള്ള സൗകര്യമാണ് ഒരുക്കിയിരിക്കുന്നത്.
ഓരോ റോൾസ് റോയ്സ് കാറും ഉപഭോക്താവിന്റെ വ്യക്തിത്വവും അഭിരുചിയും പ്രതിഫലിപ്പിക്കുന്ന രീതിയിൽ രൂപകൽപ്പന ചെയ്യാൻ സഹായിക്കുന്നതാണ് ഈ സംവിധാനം.
റോൾസ് റോയ്സ് കാറുകളുടെ ഏറ്റവും ശ്രദ്ധേയമായ ഡിസൈൻ സവിശേഷതകളിലൊന്നായ പാന്തിയോൺ ഗ്രില്ലിൽനിന്ന് പ്രചോദനം ഉൾക്കൊണ്ടാണ് പുതിയ ഷോറൂമിന്റെ പ്രവേശനകവാടം രൂപകൽപ്പന ചെയ്തിരിക്കുന്നത്.
ഇന്ത്യൻ കലയും ഡിസൈനും പരിചയപ്പെടുത്തുന്ന പ്രത്യേക പ്രദർശനവിഭാഗവും ഷോറൂമിൽ സജ്ജീകരിച്ചിട്ടുണ്ട്.
ആഡംബര കാറുകൾ പ്രദർശിപ്പിക്കുന്നതിനപ്പുറം, ബ്രാൻഡിന്റെ രൂപകൽപ്പനാ പാരമ്പര്യവും വ്യക്തിഗത കാർ നിർമാണ സാധ്യതകളും ഉപഭോക്താക്കൾക്ക് അനുഭവിച്ചറിയാൻ കഴിയുന്ന രീതിയിലാണ് ഷോറൂം ഒരുക്കിയിരിക്കുന്നത്.
ഇന്ത്യയും റോൾസ് റോയ്സും തമ്മിലുള്ള ബന്ധത്തിന് ഒരു നൂറ്റാണ്ടിലേറെ പഴക്കമുണ്ടെന്ന് റോൾസ് റോയ്സ് മോട്ടോർ കാർസ് സെയിൽസ് ആൻഡ് ബ്രാൻഡ് ഡയറക്ടർ ജൂലിയൻ ജെങ്കിൻസ് പറഞ്ഞു.
2025-ൽ ഏഷ്യാ പസഫിക് മേഖലയിൽ റോൾസ് റോയ്സിന് ഏറ്റവും കൂടുതൽ വളർച്ച രേഖപ്പെടുത്തിയ രാജ്യമാണ് ഇന്ത്യയെന്നും അദ്ദേഹം വ്യക്തമാക്കി.
സ്വന്തം അഭിരുചിക്കനുസരിച്ച് സവിശേഷമായ കാറുകൾ നിർമിപ്പിക്കുന്ന പാരമ്പര്യം ഇന്ത്യൻ ഉപഭോക്താക്കൾക്കുണ്ടെന്നും ദക്ഷിണേന്ത്യയിലെ ഉപഭോക്താക്കൾക്ക് കൂടുതൽ മികച്ച സേവനങ്ങൾ ലഭ്യമാക്കുന്നതിനുള്ള പ്രധാന ചുവടുവയ്പ്പാണ് ചെന്നൈയിലെ പുതിയ ഷോറൂമെന്നും അദ്ദേഹം പറഞ്ഞു.
റോൾസ് റോയ്സിന് കേരളത്തിൽ മികച്ച ഉപഭോക്തൃനിരയുണ്ടെന്ന് കേരള സെയിൽസ് ഹെഡ് കോളിൻ എൽസൺ വ്യക്തമാക്കി. കേരളത്തിൽനിന്നുള്ള ഉപഭോക്താക്കൾക്ക് പുതിയ ചെന്നൈ ഷോറൂമിലെത്തി കാറുകളുടെ ഡിസൈൻ, നിറങ്ങൾ, ഇന്റീരിയർ, ഫിനിഷിങ് തുടങ്ങിയ സവിശേഷതകൾ നേരിട്ടുകണ്ട് തിരഞ്ഞെടുക്കാനാകും.വ്യക്തിഗത അഭിരുചികൾക്ക് പ്രാധാന്യം നൽകുന്ന ഉപഭോക്താക്കൾക്കായി വിപുലമായ സൗകര്യങ്ങളാണ് ഷോറൂമിൽ ഒരുക്കിയിരിക്കുന്നതെന്ന് റോൾസ് റോയ്സ് മോട്ടോർ കാർസ്–കുൻ എക്സ്ക്ലൂസീവ് ചെന്നൈ ഡീലർ പ്രിൻസിപ്പൽ വാസന്തി ഭൂപതിയും പറഞ്ഞു.
കേരളത്തിലെ ആഡംബര കാർ ഉപഭോക്താക്കൾക്ക് റോൾസ് റോയ്സിന്റെ ബെസ്പോക്ക് സേവനങ്ങൾ കൂടുതൽ സൗകര്യപ്രദമായി ലഭ്യമാക്കാൻ പുതിയ ഷോറൂം സഹായിക്കുമെന്നാണ് കമ്പനിയുടെ പ്രതീക്ഷ.
ദക്ഷിണേന്ത്യയിലെ ആഡംബര കാർ ഉപഭോക്താക്കളുമായി കൂടുതൽ അടുത്ത ബന്ധം സ്ഥാപിക്കാനുള്ള റോൾസ് റോയ്സിന്റെ ശ്രമത്തിന്റെ ഭാഗമായാണ് ചെന്നൈയിലെ പുതിയ ഷോറൂം.കാർ വാങ്ങുന്നതിനൊപ്പം സ്വന്തം അഭിരുചിക്കനുസരിച്ച് അതിന്റെ ഓരോ സവിശേഷതയും തിരഞ്ഞെടുക്കാനുള്ള അനുഭവത്തിന് പ്രാധാന്യം നൽകുന്നതാണ് പുതിയ ഷോറൂമിന്റെ പ്രത്യേകത.കേരളം ഉൾപ്പെടെയുള്ള ദക്ഷിണേന്ത്യൻ സംസ്ഥാനങ്ങളിലെ റോൾസ് റോയ്സ് ഉപഭോക്താക്കൾക്ക് ഇനി ചെന്നൈയിൽ കൂടുതൽ വിപുലമായ വ്യക്തിഗത കാർ ഡിസൈനിങ് അനുഭവം ലഭ്യമാകും.
Rolls-Royce Motor Cars has opened a new luxury showroom in Chennai, offering its clientele in Kerala and other South Indian states access to an enhanced experience in selecting and personalising their cars.
