രൺബീർ കപൂർ, സായ് പല്ലവി, യാഷ് എന്നിവർ പ്രധാന വേഷങ്ങളിലെത്തുന്ന നിതീഷ് തിവാരി ചിത്രം ‘രാമായണ’ മുൻകൂർ ടിക്കറ്റ് ബുക്കിംഗിൽ മികച്ച നേട്ടം കൈവരിക്കുന്നു. നവംബർ 5ന് ലോകമെമ്പാടുമുള്ള തിയേറ്ററുകളിൽ പ്രദർശനത്തിനെത്തുന്ന ഈ ബ്രഹ്മാണ്ഡ ചിത്രം മുൻകൂർ ടിക്കറ്റ് വിൽപ്പനയിലൂടെ മാത്രം 10 കോടി രൂപയെന്ന നാഴികക്കല്ലിലേക്ക് അടുക്കുകയാണ്. വെള്ളിയാഴ്ച വരെയുള്ള കണക്കുകൾ പ്രകാരം 3,964 ഷോകളിലായി 1.47 ലക്ഷത്തിലധികം ടിക്കറ്റുകൾ വിറ്റഴിഞ്ഞതിലൂടെ ചിത്രം 8.27 കോടി രൂപയുടെ ഗ്രോസ് കളക്ഷൻ നേടിക്കഴിഞ്ഞു. ഇതിൽ 7.48 കോടി രൂപയും ഹിന്ദി പതിപ്പിൽ നിന്നാണ് ലഭിച്ചത്. കന്നഡ പതിപ്പിൽ നിന്ന് 57.69 ലക്ഷം രൂപയും തെലുങ്ക് പതിപ്പിൽ നിന്ന് 21.11 ലക്ഷം രൂപയും മുൻകൂർ ബുക്കിംഗിലൂടെ സ്വന്തമാക്കി.
സംസ്ഥാന അടിസ്ഥാനത്തിൽ മഹാരാഷ്ട്ര, ഡൽഹി, കർണാടക, ഗുജറാത്ത്, തെലങ്കാന എന്നിവയാണ് ടിക്കറ്റ് വിൽപ്പനയിൽ മുന്നിൽ നിൽക്കുന്നത്. നഗരങ്ങളിൽ 2 കോടി രൂപയലധികം നേടി ഡൽഹി-എൻസിആർ ഒന്നാമതും 1.49 കോടി രൂപയോടെ മുംബൈ രണ്ടാമതുമുണ്ട്. കൂടാതെ ഹൈദരാബാദ് (47 ലക്ഷം രൂപ), ബെംഗളൂരു (44.97 ലക്ഷം രൂപ), പൂണെ (42.6 ലക്ഷം രൂപ) എന്നിവിടങ്ങളിലും മികച്ച ബുക്കിംഗ് പുരോഗമിക്കുന്നു. രാത്രി സമയത്തെ ഷോകൾക്കാണ് ഏറ്റവും കൂടുതൽ ആവശ്യക്കാരുള്ളത് (2.77 കോടി രൂപ).
ശ്രീരാമനായി രൺബീർ കപൂറും സീതയായി സായ് പല്ലവിയും രാവണനായി യാഷും എത്തുന്ന ചിത്രം രണ്ട് ഭാഗങ്ങളായാണ് അണിയറയിൽ ഒരുങ്ങുന്നത്. ചിത്രത്തിന്റെ രണ്ടാം ഭാഗം 2027-ൽ തിയേറ്ററുകളിലെത്തും.
Nitesh Tiwari’s epic drama ‘Ramayana’, starring Ranbir Kapoor, Sai Pallavi, and Yash, nears the Rs 10-crore mark in advance bookings ahead of its worldwide release
