വിമാന ഇന്ധന വിലയിലെ (എ.ടി.എഫ്) വൻ കുതിച്ചുചാട്ടവും ആഗോള തലത്തിലെ അനിശ്ചിതത്വങ്ങളും കാരണം രാജ്യത്തെ ഏറ്റവും വലിയ വിമാനക്കമ്പനിയായ ഇൻഡിഗോ ടിക്കറ്റ് നിരക്കുകൾ ഉയർത്തിയേക്കും. പ്രവർത്തനച്ചെലവിലുണ്ടായ വൻ വർധനവ് മറികടക്കാൻ ടിക്കറ്റ് നിരക്ക് കൂട്ടുകയല്ലാതെ മറ്റു വഴികളില്ലെന്ന് ഇൻഡിഗോ സി.ഇ.ഒ വില്ലി വാൽഷ് വ്യക്തമാക്കി. ജൂലൈ മുതൽ സെപ്റ്റംബർ വരെയുള്ള സാമ്പത്തിക പാദത്തിൽ കമ്പനിയുടെ ഇന്ധനച്ചെലവിൽ 67 ശതമാനത്തിന്റെ വൻ വർധനവാണ് രേഖപ്പെടുത്തിയത്.
കഴിഞ്ഞ പാദത്തിൽ ഇൻഡിഗോയുടെ പ്രവർത്തനാദായം 26 ശതമാനം ഉയർന്ന് 23,364 കോടി രൂപയിലെത്തിയെങ്കിലും 1,879 കോടി രൂപയുടെ അറ്റനഷ്ടമാണ് കമ്പനി നേരിട്ടത്. മുൻ വർഷത്തെ സമാന പാദത്തിലെ നഷ്ടമായ 2,582 കോടി രൂപയെ അപേക്ഷിച്ച് നഷ്ടത്തിന്റെ തോത് കുറഞ്ഞിട്ടുണ്ടെങ്കിലും ഉയർന്ന ഇന്ധനച്ചെലവ് കമ്പനിയുടെ ലാഭക്ഷമതയെ സാരമായി ബാധിച്ചു. വരാനിരിക്കുന്ന ഉത്സവ സീസണിലെ യാത്രാ തിരക്ക് പ്രതീക്ഷ നൽകുന്നുണ്ടെന്നും അന്താരാഷ്ട്ര പാതകളിലേക്കുള്ള വിപുലീകരണ പദ്ധതികളും എയർബസ് A350 വിമാനങ്ങൾ സർവീസിലിറക്കാനുള്ള തീരുമാനവും തടസ്സമില്ലാതെ തുടരുമെന്നും കമ്പനി അറിയിച്ചു.
IndiGo may increase flight ticket prices due to a sharp surge in aviation fuel costs and continuous quarterly losses. Read details on the price hike.
