സംരംഭകരേയും നിക്ഷേപകരേയും സഹായിക്കുന്ന ബിസിനസ് നെറ്റ് വർക് ഗ്രൂപ്പായ ബിസിനസ് കേരളയുടെ ഗൾഫ് ഇന്ത്യൻ ട്രേഡ് എക്സ്പോ ഡിസംബർ 7, 8 തിയ്യതികളിൽ കാലിക്കറ്റ് ട്രേഡ് സെന്ററിൽ നടക്കും. ആഗോള തലത്തിലുള്ള നെറ്റ് വർക്കിങ് സാധ്യതയാണ് ഇന്ത്യയിൽ നിന്നും ഗൾഫ് രാജ്യങ്ങളിൽ നിന്നുമുള്ള സംരംഭകരുടെ ബി2ബി എക്സ്പോയിലൂടെ സംരംഭകരെ കാത്തിരിക്കുന്നത്.
ഇരുന്നൂറോളം സ്റ്റാളുകളാണ് എക്സ്പോയ്ക്കായി ട്രെഡ് സെന്ററിൽ ഒരുക്കിയിട്ടുള്ളത്. മെഷിനറി, ബിൽഡേർസ്, ഐടി തുടങ്ങി വിവിധ മേഖലയിലുള്ള സംരംഭകർ എക്സ്പോയിൽ അണിനിരക്കും. വിദേശ ബ്രാൻഡുകളുടെ ബിസിനസ് സർവീസുകൾ കേരളത്തിലുള്ളവർക്ക് പരിചയപ്പെടുത്താനും നമ്മുടെ ബ്രാൻഡുകൾക്ക് ആഗോള വ്യാപനം ഉണ്ടാകാനും എക്സ്പോ സഹായിക്കും. കേരളത്തിലുള്ള കമ്പനികൾക്ക് കയറ്റുമതി സാധ്യതയും വിദേശ കമ്പനികൾക്ക് ഇറക്കുമതി സാധ്യതയും എക്സ്പോയിലൂടെ ഒരുക്കും.
ട്രെയിനിങ് പ്രോഗ്രാമുകൾ, ബിസിനസ് അവാർഡുകൾ, ലോഞ്ചിങ്ങുകൾ, പ്രസന്റേഷനുകൾ, നിക്ഷേപ മീറ്റിങ്ങുകൾ എന്നിവയും എക്സ്പോയുടെ ഭാഗമായി നടക്കും. കൂടുതൽ വിവരങ്ങൾക്ക് 7511199201, 7511199202 എന്നീ നമ്പറുകളിൽ ബന്ധപ്പെടാം.
The Gulf Indian Trade Expo 2024, organized by Business Kerala, will be held on December 7-8 at the Calicut Trade Center. Explore global networking, B2B opportunities, and business growth avenues.
