റിലയൻസ് ഇൻഡസ്ട്രീസിന്റെ പ്രതിദിനം 660,000 ബാരൽ ശേഷിയുള്ള റിഫൈനറിയിലെ ക്രൂഡ് യൂണിറ്റും മറ്റ് അനുബന്ധ യൂണിറ്റുകളും ഈ മാസം പകുതിയോടെ അറ്റകുറ്റപ്പണികൾക്കായി താൽക്കാലികമായി അടച്ചിടുന്നു. സാധാരണ നിലയിലുള്ള അറ്റകുറ്റപ്പണികൾക്കായി മൂന്ന് മുതൽ നാല് ആഴ്ച വരെയാണ് ഈ നിയന്ത്രണം ഏർപ്പെടുത്തുന്നത്. ലോകത്തിലെ ഏറ്റവും വലിയ റിഫൈനറി സമുച്ചയമായ ഇവിടെ ആഭ്യന്തര വിപണിയിലേക്ക് പ്രധാനമായും ഇന്ധനം എത്തിക്കുന്ന രണ്ട് വലിയ ക്രൂഡ് ഡിസ്റ്റിലേഷൻ യൂണിറ്റുകളാണ് ഉള്ളത്. ഇതിലൊന്നാണ് ഇപ്പോൾ അറ്റകുറ്റപ്പണിക്കായി മാറ്റുന്നത്.
രാജ്യത്ത് ഇന്ധനക്ഷാമം ഉണ്ടാകാതിരിക്കാൻ സ്വകാര്യ എണ്ണക്കമ്പനിയായ നയാര എനർജി തങ്ങളുടെ റിഫൈനറിയിലെ പ്രവർത്തനങ്ങൾ പുനരാരംഭിച്ച ശേഷമായിരിക്കും റിലയൻസ് അറ്റകുറ്റപ്പണികൾ തുടങ്ങുക. മെയ് പകുതിയോടെ ഈ പ്രക്രിയ ആരംഭിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്. നിലവിൽ റിലയൻസിന് ഇതിനു പുറമെ പ്രതിദിനം 704,000 ബാരൽ ശേഷിയുള്ള കയറ്റുമതി കേന്ദ്രീകൃതമായ മറ്റൊരു റിഫൈനറി കൂടിയുണ്ട്.
Reliance Industries announces a temporary shutdown of a major crude unit at its Jamnagar refinery for routine maintenance. Learn how this 3-4 week process is being managed to avoid domestic fuel shortages
