വീട്ടുജോലിക്കാരെ ഉടനടി ലഭ്യമാക്കുന്ന ഓൺലൈൻ പ്ലാറ്റ്ഫോമായ ‘പ്രോന്റോ’ (Pronto), പ്രമുഖ യുഎസ് നിക്ഷേപകൻ ലാച്ചി ഗ്രൂമിൽ (Lachy Groom) നിന്ന് 20 മില്യൺ ഡോളർ (ഏകദേശം 189 കോടി രൂപ) സമാഹരിച്ചു. ഇതോടെ കമ്പനിയുടെ വിപണി മൂല്യം വെറും രണ്ട് മാസത്തിനുള്ളിൽ ഇരട്ടിയായി വർധിച്ച് 200 മില്യൺ ഡോളറിൽ എത്തി. എപ്പിക് ക്യാപിറ്റൽ, ജനറൽ കാറ്റലിസ്റ്റ് എന്നിവരിൽ നിന്ന് നേരത്തെ സമാഹരിച്ച 25 മില്യൺ ഡോളറിന് പുറമെയാണിത്. പുതിയ നിക്ഷേപത്തോടെ കമ്പനിയുടെ ആകെ ഫണ്ട് സമാഹരണം 58 മില്യൺ ഡോളറായി ഉയർന്നുവെന്ന് സ്ഥാപക അഞ്ജലി സർദാന അറിയിച്ചു.
ലഭിക്കുന്ന ഫണ്ട് പ്രധാനമായും സേവനദാതാക്കളുടെ എണ്ണം വർധിപ്പിക്കുന്നതിനായി വിനിയോഗിക്കുമെന്ന് കമ്പനി വ്യക്തമാക്കി. ഏപ്രിൽ മാസത്തിൽ ബുക്കിംഗുകളിൽ 40 ശതമാനം വർധനവുണ്ടായെങ്കിലും, തിരഞ്ഞെടുപ്പും വിളവെടുപ്പ് കാലവും കാരണം പല പ്രൊഫഷണലുകളും നാട്ടിലേക്ക് മടങ്ങിയത് സേവനങ്ങളെ ബാധിച്ചിരുന്നു. ഈ പ്രതിസന്ധി മറികടക്കാൻ കൂടുതൽ തൊഴിലാളികളെ പ്ലാറ്റ്ഫോമിൽ എത്തിക്കാനാണ് പ്രോന്റോ ലക്ഷ്യമിടുന്നത്. നിലവിൽ വീട്ടുജോലികൾക്ക് പുറമെ കാർ വാഷിംഗ് സേവനവും കമ്പനി ആരംഭിച്ചിട്ടുണ്ട്; ഉടൻ തന്നെ ബെംഗളൂരുവിൽ ഹോം കുക്ക് സേവനവും ലഭ്യമാക്കും.
Instant house-help platform Pronto has secured $20 million (₹189 crore) in fresh funding. With its valuation doubling to $200 million, the startup plans to expand its service provider network and launch home cook services in Bengaluru
