ഇന്ത്യയുടെ അത്യാധുനിക സാങ്കേതിക വിദ്യകൾ ആഗോളതലത്തിൽ വ്യാപിപ്പിക്കുന്നതിന്റെ ഭാഗമായി ഐഐടി മദ്രാസ് ഗ്ലോബൽ റിസർച്ച് ഫൗണ്ടേഷൻ അമേരിക്കയിൽ തങ്ങളുടെ ആദ്യ കേന്ദ്രം തുറന്നു. കാലിഫോർണിയയിലെ മെൻലോ പാർക്കിലാണ് ഈ കേന്ദ്രം പ്രവർത്തനം ആരംഭിച്ചത്. സിലിക്കൺ വാലിക്ക് സമീപം സ്ഥിതി ചെയ്യുന്ന ഈ സെന്റർ, ഇന്ത്യൻ ഡീപ്പ്-ടെക് സ്റ്റാർട്ടപ്പുകൾക്ക് ആഗോള വിപണിയിലേക്കും നിക്ഷേപകരിലേക്കും എത്തിച്ചേരാനുള്ള ഒരു ലോഞ്ച്പാഡായി പ്രവർത്തിക്കും.
ഏകദേശം 62 കോടി രൂപ നിക്ഷേപത്തിലാണ് ഈ പദ്ധതി വിഭാവനം ചെയ്തിരിക്കുന്നത്. ഇതിൽ 4.5 ദശലക്ഷം ഡോളർ ഐഐടി മദ്രാസ് ഗ്ലോബൽ നേരിട്ടാണ് നിക്ഷേപിക്കുന്നത്. ഗവേഷണങ്ങൾ വാണിജ്യാടിസ്ഥാനത്തിൽ വികസിപ്പിക്കാനും സ്റ്റാർട്ടപ്പുകൾക്ക് ആവശ്യമായ മാർഗനിർദ്ദേശങ്ങളും പങ്കാളിത്തവും നൽകാനും ഈ കേന്ദ്രം മുൻകൈ എടുക്കും. മെൻലോ പാർക്കിന് പിന്നാലെ അമേരിക്കയുടെ കിഴക്കൻ തീരത്തും രണ്ടാമതൊരു കേന്ദ്രം കൂടി ആരംഭിക്കാൻ ഐഐടി മദ്രാസിന് പദ്ധതിയുണ്ട്.
IIT-Madras has opened its first international research center in Menlo Park, California. Designed as a launchpad for Indian deep-tech startups, the $7.5 million initiative aims to bridge the gap between Indian innovation and Silicon Valley investors
