അഹമ്മദാബാദിൽ നടന്ന ആവേശകരമായ ഐ.പി.എൽ 2026 ഫൈനലിൽ ഗുജറാത്ത് ടൈറ്റൻസിനെ അഞ്ച് വിക്കറ്റിന് തകർത്ത് റോയൽ ചലഞ്ചേഴ്സ് ബെംഗളൂരു (RCB) വീണ്ടും കിരീടം ചൂടി. ഈ തകർപ്പൻ ജയത്തോടെ കിരീടം നിലനിർത്തുക മാത്രമല്ല, സീസണിലെ ഏറ്റവും വലിയ സാമ്പത്തിക പുരസ്കാരവും ആർ.സി.ബി സ്വന്തമാക്കി. ചാമ്പ്യന്മാരായ റോയൽ ചലഞ്ചേഴ്സ് ബെംഗളൂരുവിന് സമ്മാനത്തുകയായി 20 കോടി രൂപയാണ് ലഭിച്ചത്.
റണ്ണേഴ്സ്-അപ്പായ ഗുജറാത്ത് ടൈറ്റൻസ് 12.5 കോടി രൂപയും സ്വന്തമാക്കി. സീസണിന്റെ തുടക്കത്തിൽ കടുത്ത പതർച്ച നേരിട്ടെങ്കിലും മികച്ച തിരിച്ചുവരവ് നടത്തിയാണ് ശുഭ്മൻ ഗില്ലിന്റെ നേതൃത്വത്തിലുള്ള ഗുജറാത്ത് ടീം ഫൈനൽ വരെയെത്തിയത്. ഫൈനലിലെ പരാജയം ഗുജറാത്ത് ക്യാമ്പിന് ഏറെ നിരാശാജനകമാണെങ്കിലും വലിയ സാമ്പത്തിക നേട്ടത്തോടെ സീസൺ അവസാനിപ്പിക്കാൻ അവർക്ക് സാധിച്ചു.
Royal Challengers Bengaluru (RCB) secures a massive ₹20 crore cash prize after winning the IPL 2026 title, while runners-up Gujarat Titans take home ₹12.5 crore.
