യുഎഇ ഇറാനിന് 3 ബില്യൺ യുഎസ് ഡോളർ കൈമാറിയെന്ന അന്താരാഷ്ട്ര മാധ്യമ റിപ്പോർട്ടുകൾ യുഎഇ വിദേശകാര്യ മന്ത്രാലയം ശക്തമായി നിഷേധിച്ചു. ഈ വാർത്തകൾ പൂർണ്ണമായും വ്യാജവും അടിസ്ഥാനരഹിതവുമാണെന്ന് മന്ത്രാലയം ഔദ്യോഗിക പ്രസ്താവനയിലൂടെ വ്യക്തമാക്കി. ഇറാന്റെ മരവിപ്പിച്ചു നിർത്തിയിരുന്ന യാതൊരുവിധ ഫണ്ടുകളും യുഎഇ റിലീസ് ചെയ്യുകയോ കൈമാറുകയോ അല്ലെങ്കിൽ യുഎഇ വഴി കടത്തിവിടുകയോ ചെയ്തിട്ടില്ലെന്നും അധികൃതർ കൂട്ടിച്ചേർത്തു. തെറ്റായ വിവരങ്ങൾ പ്രചരിപ്പിക്കരുതെന്നും കൃത്യത ഉറപ്പാക്കാൻ ഔദ്യോഗിക സ്രോതസ്സുകളെ മാത്രം ആശ്രയിക്കണമെന്നും മാധ്യമങ്ങളോട് മന്ത്രാലയം ആവശ്യപ്പെട്ടു.
പടിഞ്ഞാറൻ ഏഷ്യയിലെ സംഘർഷങ്ങൾ അവസാനിപ്പിക്കാൻ വാഷിംഗ്ടണും ടെഹ്റാനും തമ്മിലുള്ള സമാധാന കരാറിൽ ഒപ്പുവെക്കുന്നതിന് ഇറാന് സാമ്പത്തിക ആനുകൂല്യങ്ങൾ ലഭിക്കുമെന്ന റിപ്പോർട്ടുകൾ യുഎസ് വൈസ് പ്രസിഡന്റ് ജെഡി വാൻസും തള്ളിപ്പറഞ്ഞു. കരാറിൽ ഒപ്പുവെക്കുന്നതിനോ ചർച്ചകളിൽ പങ്കെടുക്കുന്നതിനോ മാത്രമായി ഇറാന് പണമോ ഫണ്ടുകളോ നൽകുന്നില്ലെന്ന് അദ്ദേഹം വ്യക്തമാക്കി. ഇറാൻ അവരുടെ ആണവായുധ പരിപാടികൾ അവസാനിപ്പിക്കുകയും തങ്ങളുടെ ബാധ്യതകൾ പൂർണ്ണമായി നിറവേറ്റുകയും ചെയ്താൽ മാത്രമേ മേഖലയിലാകെ സാമ്പത്തിക നേട്ടങ്ങൾ ഉണ്ടാകൂ എന്നും, നിർദിഷ്ട കരാർ അമേരിക്കയുടെയും സഖ്യകക്ഷികളുടെയും സുരക്ഷ മുൻനിർത്തിയാണ് രൂപകൽപ്പന ചെയ്തിട്ടുള്ളതെന്നും അദ്ദേഹം കൂട്ടിച്ചേർത്തു.
The UAE Ministry of Foreign Affairs has firmly denied reports claiming it transferred or released $3 billion in frozen funds to Iran, calling the news fake.
