റെയിൽവേ വീലുകൾ, ആക്സിലുകൾ, വീൽസെറ്റുകൾ എന്നിവയുടെ നിർമ്മാണത്തിനായി ഇറ്റലിയിലെ പ്രമുഖ കമ്പനിയായ ലുക്കീനി ആർഎസ് ഹോൾഡിംഗുമായി (Lucchini RS Holding) പങ്കാളിത്തത്തിൽ ഏർപ്പെട്ടതായി ജുപിറ്റർ വാഗൺസ് (Jupiter Wagons) അറിയിച്ചു. ഈ കരാറിന്റെ ഭാഗമായി ലുക്കീനി ആർഎസ് 15 ശതമാനവും, ഇറ്റാലിയൻ സർക്കാർ പിന്തുണയുള്ള സാമ്പത്തിക സ്ഥാപനമായ സിമെസ്റ്റ് (SIMEST) 10 ശതമാനവും ഓഹരികൾ സ്വന്തമാക്കുമെന്ന് കമ്പനി വ്യക്തമാക്കി.
ഏകദേശം 307 കോടി രൂപ (28 മില്യൺ യൂറോ) വിലമതിക്കുന്നതാണ് ഈ 25 ശതമാനം ഓഹരി പങ്കാളിത്തം. അസംസ്കൃത വസ്തുക്കളുടെ സംസ്കരണം മുതൽ പൂർത്തിയായ ഉൽപ്പന്നങ്ങൾ വരെ റെയിൽവേ ഘടകങ്ങളുടെ സമ്പൂർണ്ണ മൂല്യ ശൃംഖല ഈ പുതിയ കൂട്ടായ്മയിലൂടെ നിർമ്മിക്കപ്പെടും.
ഛത്രപതി സംഭാജിനഗറിലെ നിലവിലുള്ള ജെടിആർഡബ്ല്യുഎഫ് പ്ലാന്റിനെ ഒഡിഷയിൽ നിർമ്മിക്കുന്ന പുതിയ ഗ്രീൻഫീൽഡ് നിർമ്മാണ സമുച്ചയവുമായി സംയോജിപ്പിക്കുമെന്നും കമ്പനി അറിയിച്ചിട്ടുണ്ട്. നിർണായക റെയിൽവേ ഘടകങ്ങളുടെ നിർമ്മാണത്തിൽ രാജ്യത്തിന്റെ സ്വയംപര്യാപ്തത വർദ്ധിപ്പിക്കുന്നതിനുള്ള ഒരു സുപ്രധാന നാഴികക്കല്ലാണ് ഈ പുതിയ സംരംഭമെന്ന് ജുപിറ്റർ വാഗൺസ് എംഡി വിവേക് ലോഹിയ വ്യക്തമാക്കി.
Jupiter Wagons partners with Italy’s Lucchini RS & SIMEST with a ₹307 crore deal to set up an integrated railwheel manufacturing platform in India.
