സ്വദേശി ഓഡിയോ ബ്രാൻഡായ ഫയർ-ബോൾട്ടിന് പിന്നാലെ പ്രമുഖ ഓഡിയോ ഉപകരണ നിർമ്മാതാക്കളായ മിവിയും (Mivi) സ്മാർട്ട്ഫോൺ വിപണിയിലേക്ക് കടക്കുന്നതായി ഔദ്യോഗികമായി സ്ഥിരീകരിച്ചു. എക്സ് (X) പ്ലാറ്റ്ഫോമിലൂടെ പങ്കുവെച്ച പോസ്റ്റിലൂടെ അടുത്ത മാസം ഇന്ത്യയിൽ പുതിയ 5ജി സ്മാർട്ട്ഫോൺ പുറത്തിറക്കുമെന്ന് കമ്പനി പ്രഖ്യാപിച്ചു.
സ്നാപ്ഡ്രാഗൺ ചിപ്സൈറ്റിന്റെ കരുത്തിലാണ് ഈ പുതിയ ഹാൻഡ്സെറ്റ് വിപണിയിലെത്തുന്നത് എന്നതാണ് പ്രധാന പ്രത്യേകത. ആകർഷകമായ പച്ച നിറത്തിലും ഫ്ലാറ്റ് ഫ്രെയിം രൂപകൽപ്പനയിലുമാണ് പുതിയ ഫോൺ നിർമ്മിച്ചിരിക്കുന്നതെന്ന് ടീസർ വ്യക്തമാക്കുന്നു. 15,000 രൂപയിൽ താഴെ വില വരുന്ന ഈ വിഭാഗത്തിൽ സ്നാപ്ഡ്രാഗൺ പ്രൊസസറുമായി എത്തുന്ന രാജ്യത്തെ ഏക സ്മാർട്ട്ഫോൺ ആയിരിക്കുമിത്. ബ്ലൂടൂത്ത് സ്പീക്കറുകൾക്കും ഇയർബഡുകൾക്കും പേരുകേട്ട മിവിയുടെ ഈ പുതിയ ചുവടുവെപ്പ് സാങ്കേതിക വിപണിയിൽ വലിയ ചർച്ചയായിട്ടുണ്ട്.
Homegrown audio brand Mivi confirms its entry into the Indian smartphone market with a new sub-₹15,000 Snapdragon-powered 5G phone
