ഏഷ്യൻ ഗെയിംസ് 2026ൽ പുരുഷന്മാരുടെ മാരത്തൺ മത്സരത്തിൽ വെള്ളി മെഡൽ നേടി ചരിത്രം കുറിച്ചിരിക്കുകയാണ് ഇന്ത്യൻ താരം സാവൻ ബർവാൾ. 44 വർഷത്തെ നീണ്ട കാത്തിരിപ്പിനൊടുവിലാണ് ഈ വിഭാഗത്തിൽ ഇന്ത്യ ഒരു മെഡൽ സ്വന്തമാക്കുന്നത്. 2:11:37 സമയം കുറിച്ച സാവൻ, തന്റെ മികച്ച വ്യക്തിഗത പ്രകടനം പുറത്തെടുക്കുന്നതിനൊപ്പം പുതിയ ദേശീയ റെക്കോർഡും സ്ഥാപിച്ചു. മത്സരത്തിൽ ജപ്പാന്റെ യമാഷിത സ്വർണം സ്വന്തമാക്കിയപ്പോൾ, അവസാന ഘട്ടങ്ങളിലെ കടുത്ത പോരാട്ടത്തിനൊടുവിലാണ് സാവൻ രണ്ടാം സ്ഥാനത്ത് ഫിനിഷ് ചെയ്തത്.
മത്സരത്തിലുടനീളം മികച്ച പ്രകടനം പുറത്തെടുത്ത സാവൻ 10 കിലോമീറ്റർ മാർക്കിന് ശേഷം മുൻനിര ഓട്ടക്കാർക്കൊപ്പമുണ്ടായിരുന്നു. നിർണായകമായ അവസാന കിലോമീറ്ററുകളിലും മികച്ച വേഗത നിലനിർത്താൻ സാവനിനായി. ഈ ചരിത്രനേട്ടത്തിലൂടെ 1982-ലെ ഗെയിംസിന് ശേഷം മാരത്തണിൽ ഇന്ത്യയുടെ ആദ്യ മെഡൽ എന്ന നേട്ടമാണ് ഈ താരം സ്വന്തമാക്കിയത്. ഈ വർഷം ആദ്യം റോടർഡാം മാരത്തണിൽ താൻ സ്ഥാപിച്ച ദേശീയ റെക്കോർഡാണ് സാവൻ ഇപ്പോൾ തിരുത്തിക്കുറിച്ചിരിക്കുന്നത്.
Indian runner Sawan Barwal broke a 44-year drought to win a silver medal and set a new national record with a time of 2:11:37 in the men’s marathon at the 2026 Asian Games.
