ദക്ഷിണേന്ത്യയിലെ പ്രധാന നഗരങ്ങളിൽ റിയൽ എസ്റ്റേറ്റ് വികസനത്തിനായി അടുത്ത മൂന്ന് വർഷത്തിനുള്ളിൽ 40,000 കോടി രൂപ നിക്ഷേപിക്കുമെന്ന് ബെംഗളൂരു ആസ്ഥാനമായുള്ള ബ്രിഗേഡ് ഗ്രൂപ്പ് പ്രഖ്യാപിച്ചു. പാർപ്പിടം, വാണിജ്യ സമുച്ചയങ്ങൾ, ഹോസ്പിറ്റാലിറ്റി, വെയർഹൗസിങ് എന്നീ മേഖലകളിലായി 40 ദശലക്ഷം ചതുരശ്രയടി വിസ്തൃതിയിൽ പദ്ധതികൾ നടപ്പിലാക്കാനാണ് കമ്പനി ലക്ഷ്യമിടുന്നത്.
ഈ വികസന പദ്ധതിയിലൂടെ 65,000 മുതൽ 75,000 കോടി രൂപ വരെയാണ് കമ്പനി വരുമാനം പ്രതീക്ഷിക്കുന്നത്. ആന്തരിക ഫണ്ടുകൾ, ഉപഭോക്താക്കളിൽ നിന്നുള്ള മുൻകൂർ തുക, വായ്പകൾ എന്നിവയിലൂടെയാണ് ഈ നിക്ഷേപത്തിനുള്ള തുക കണ്ടെത്തുന്നത്. നിർമ്മാണം, എൻജിനീയറിങ്, ഹോസ്പിറ്റാലിറ്റി തുടങ്ങിയ മേഖലകളിലായി ഏകദേശം 23,000 തൊഴിലവസരങ്ങൾ സൃഷ്ടിക്കാൻ ഈ പദ്ധതി വഴി സാധിക്കുമെന്ന് ഗ്രൂപ്പ് വ്യക്തമാക്കുന്നു. കമ്പനിയുടെ വാണിജ്യ ആസ്തികൾക്കായി അടുത്ത അഞ്ച് വർഷത്തിനുള്ളിൽ റിയൽ എസ്റ്റേറ്റ് ഇൻവെസ്റ്റ്മെന്റ് ട്രസ്റ്റ് (REIT) അവതരിപ്പിക്കാനും ബ്രിഗേഡ് ഗ്രൂപ്പ് പദ്ധതിയിടുന്നുണ്ട്.
Bengaluru-based Brigade Group has announced a ₹40,000 crore investment across South India over the next three years, aiming to develop 40 million sq ft of real estate
