സഹസ്ഥാപകൻ ജെൻസൺ ഹുവാങ് സിഇഒ സ്ഥാനം രാജിവെച്ചതോടെ, ആഗോള ചിപ്പ് ഭീമനായ എൻവിഡിയയുടെ അടുത്ത നേതൃത്വത്തെക്കുറിച്ചുള്ള അഭ്യൂഹങ്ങളിൽ അദ്ദേഹത്തിന്റെ മകൾ മാഡിസൺ ഹുവാങ്ങിലേക്കാണ് ടെക് ലോകത്തിന്റെ ശ്രദ്ധ തിരിയുന്നത്. നിലവിൽ സിഎഫ്ഒ കോളറ്റ് ക്രെസ് ഇടക്കാല സിഇഒ ആയി തുടരുമ്പോൾ, എൻവിഡിയയുടെ ഭാവി വളർച്ചയ്ക്ക് നിർണ്ണായകമായ ‘ഫിസിക്കൽ എഐ’ (Physical AI) പ്ലാറ്റ്ഫോമുകളുടെ പ്രൊഡക്ട് ആൻഡ് ടെക്നിക്കൽ മാർക്കറ്റിംഗ് സീനിയർ ഡയറക്ടറായി പ്രവർത്തിക്കുകയാണ് മാഡിസൺ. റോബോട്ടിക്സ്, ഇൻഡസ്ട്രിയൽ സിമുലേഷൻ എന്നിവയുമായി ബന്ധപ്പെട്ട ഓമ്നിവേഴ്സ് (Omniverse), കോസ്മോസ്, ഐസക് തുടങ്ങിയ സുപ്രധാന വിഭാഗങ്ങളുടെ ചുമതലയും സാംസങ്, ഹ്യുണ്ടായ് തുടങ്ങിയ ആഗോള കമ്പനികളുമായുള്ള ചർച്ചകളിൽ വഹിച്ച പങ്കും കമ്പനിയിൽ അവരുടെ സ്വാധീനം വർദ്ധിപ്പിച്ചു.

മാതാപിതാക്കളെപ്പോലെ ഇലക്ട്രിക്കൽ എഞ്ചിനീയറിംഗ് പഠിക്കാൻ ആഗ്രഹിച്ചിരുന്ന മാഡിസൺ, പാചകകലയോടുള്ള താൽപ്പര്യം കാരണം അമേരിക്കയിലും പാരീസിലുമായി കലിനറി ആർട്സ് പഠിച്ച് പ്രൊഫഷണൽ ഷെഫ് ആയാണ് കരിയർ തുടങ്ങിയത്. പിന്നീട് പാരീസിലെ ആഡംബര ബ്രാൻഡായ ലൂയി വിറ്റൺ (LVMH) ഗ്രൂപ്പിൽ മാർക്കറ്റിംഗിൽ പ്രവർത്തിച്ച ശേഷമാണ് ലണ്ടൻ ബിസിനസ് സ്കൂളിൽ നിന്ന് എംബിഎയും എംഐടിയിൽ നിന്ന് എഐ കോഴ്സും പൂർത്തിയാക്കി 2020-ൽ ഇന്റേൺ ആയി എൻവിഡിയയിൽ എത്തുന്നത്. പടിപടിയായി വളർന്ന് കമ്പനിയുടെ നിർണ്ണായക പദവിയിലെത്തിയെങ്കിലും, അടുത്ത സിഇഒ സ്ഥാനത്തേക്ക് മാഡിസണിനെ പരിഗണിക്കുന്നതായി എൻവിഡിയ ബോർഡ് ഇതുവരെ ഔദ്യോഗികമായി പ്രഖ്യാപിച്ചിട്ടില്ല.
With Jensen Huang stepping down as Nvidia CEO, spotlight shifts to his daughter Madison Huang, Senior Director of Product & Technical Marketing for Physical AI.

