റിലയൻസ് ഇൻഡസ്ട്രീസ് ചെയർമാനും ഏറ്റവും വലിയ ഓഹരി ഉടമയുമായ മുകേഷ് അംബാനിയെ 100 ബില്യൺ ഡോളറിലധികം ആസ്തിയുള്ള ഏഷ്യയിലെ അതിസമ്പന്നനാക്കിയത് വൈവിധ്യം നിറഞ്ഞ റിലയൻസ് സാമ്രാജ്യമാണ്. എന്നാൽ ഇന്ത്യയിലെ ഏറ്റവും വലിയ വ്യവസായ കൂട്ടായ്മ, ഉപ്പ് മുതൽ IT വരെയുളള ടാറ്റ ഗ്രൂപ്പാണെന്ന് പറയേണ്ടി വരും. ടാറ്റാ കൺസൾട്ടൻസി സർവീസസിലൂടെ ഇൻഫർമേഷൻ ടെക്നോളജിയാണ് ടാറ്റാ ഗ്രൂപ്പിന്റെ ഏറ്റവും വലിയ വരുമാന സ്രോതസ്സ്.

വിമാനം, കൺസ്യൂമർ പ്രോഡക്ട്സ്, ജ്യുവലറി,ഹോട്ടൽസ്,കമ്യൂണിക്കേഷൻ, എനർജി എന്നിവയിലെല്ലാമായി 25-ലധികം അനുബന്ധ സ്ഥാപനങ്ങളുണ്ട്. ടാറ്റ മോട്ടോഴ്‌സ് ഇന്ത്യയിലെ ഏറ്റവും വലിയ വാഹന നിർമ്മാതാക്കളാണ്, കൂടാതെ ദക്ഷിണ കൊറിയയിലെ Daewooവിന്റെയും യുകെയിലെ ജാഗ്വാർ ലാൻഡ് റോവറിന്റെയും ഉടമയാണ്. മാർക്കറ്റ് ക്യാപിറ്റലിൽ ഫിനാൻഷ്യൽ സോഫ്റ്റ്‌വെയർ ഡെവലപ്പറും കൺസൾട്ടന്റുമായ ഇൻഫോസിസും പേഴ്സണൽ കെയർ കമ്പനിയായ ഹിന്ദുസ്ഥാൻ യുണിലിവറും യഥാക്രമം നാലും( $94.4B) അഞ്ചും ($85.6B) സ്ഥാനങ്ങളിലാണ്.