സൗന്ദര്യവർദ്ധക വസ്തുക്കളുടെ വിപണി പിടിക്കാൻ 400 ഓളം ഷോപ്പുകൾ തുറക്കാൻ പദ്ധതിയുമായി റിലയൻസ് റീട്ടെയിൽ
Tiara എന്ന കോഡ് നെയിമിലാണ് റിലയൻസ് ബ്യൂട്ടി -കോസ്മെറ്റിക്സ് റീട്ടെയ്ലറിന്റെ പ്രവർത്തനങ്ങൾ നടത്തുന്നത്
മുംബൈയിലെ Jio World സെന്ററിൽ വരും മാസങ്ങളിൽ ബ്യൂട്ടി -കോസ്മെറ്റിക്സ് റീട്ടെയ്ലറിന്റെ പ്രവർത്തനമാരംഭിക്കുമെന്നാണ് വിവരം
LVMHന്റെ സെഫോറയുടെ മാതൃകയിലുള്ള ഒരു മൾട്ടി-ബ്രാൻഡ് റീട്ടെയിലറും പദ്ധതിയിലുണ്ട്
വിവിധ നഗരങ്ങളിൽ 5,000 ചതുരശ്ര അടി വിസ്തീർണ്ണമുള്ള സ്റ്റോറുകളാണ് പദ്ധതിയിടുന്നത്
ഡെൽഹിയിലെയും മുംബൈയിലെയും നിരവധി മാളുകൾ റിലയൻസ് ഇതിനകം തിരഞ്ഞെടുത്തതായാണ് റിപ്പോർട്ട്
2025-ഓടെ ഇന്ത്യയിലെ മൊത്തം സ്വകാര്യ പരിചരണ-സൗന്ദര്യ വിപണി 4.4 ബില്യൺ ഡോളറിന്റേതാകുമെന്നാണ് കണക്കുകൾ പറയുന്നത്
ഓൺലൈൻ ബ്യൂട്ടി, പേഴ്സണൽ കെയർ വിപണിയിലെ വാങ്ങുന്നവർ 2020-ലെ 25 ദശലക്ഷത്തിൽ നിന്ന് 2025-ൽ 110 ദശലക്ഷം ആകുമെന്നാണ് കണക്കാക്കുന്നത്
