ആമസോൺ ആദ്യ autonomous mobile warehouse robot ആയ Proteus അവതരിപ്പിച്ചു. അടുത്ത വർഷത്തോടെ റോബോട്ടിക് യൂണിറ്റ്, വെയർഹൗസുകളിൽ വിന്യസിക്കാനാണ് കമ്പനി ലക്ഷ്യമിടുന്നത്. ആമസോൺ ഫുൾഫിൽമെന്റ് സെന്ററുകളിലും സോർട്ട് സെന്ററുകളിലും ഔട്ട്ബൗണ്ട് ഗോകാർട്ട് കൈകാര്യം ചെയ്യുന്ന മേഖലകളിലും തുടക്കത്തിൽ വിന്യസിക്കും.
ആമസോൺ വികസിപ്പിച്ച അഡ്വാൻസ്ഡ് സേഫ്റ്റി, പെർസെപ്ഷൻ, നാവിഗേഷൻ ടെക്നോളജി ഉപയോഗിച്ചാണ് Proteus പ്രവർത്തിക്കുന്നത്. 50 പൗണ്ട് വരെ ഭാരം ഉയർത്താൻ കഴിവുള്ള Cardinal എന്ന robotic arms ഉം വെയർഹൗസുകളിൽ വിന്യസിക്കുമെന്ന് ആമസോൺ അറിയിച്ചു. ആമസോണിന് 520,000-ലധികം റോബോട്ടിക് ഡ്രൈവ് യൂണിറ്റുകളുണ്ട്. നെറ്റ്‌വർക്കിലുടനീളം GoCart കൈകാര്യം ചെയ്യൽ ഓട്ടോമേറ്റ് ചെയ്യുക എന്നതാണ് ലക്ഷ്യം, ഇത് ഭാരമുള്ള വസ്തുക്കൾ ജീവനക്കാർ സ്വമേധയാ നീക്കേണ്ടതിന്റെ ആവശ്യകത കുറയ്ക്കും.
