​ഗ്രീൻഫീൽഡ് ഹൈവേയ്ക്ക് പച്ചക്കൊടി

ബെംഗളൂരു-വിജയവാഡ സാമ്പത്തിക ഇടനാഴിയിലെ ഗ്രീൻഫീൽഡ് ഹൈവേയുടെ വികസനത്തിന് കേന്ദ്രഗതാഗതമന്ത്രാലയം അനുമതി നൽകി. മികച്ച കണക്റ്റിവിറ്റി ഒരുക്കുകയെന്ന ലക്ഷ്യത്തോടെയാണ് കേന്ദ്ര റോഡ് ഗതാഗത-ഹൈവേ മന്ത്രി നിതിൻ ഗഡ്കരി ഹൈവേ വികസനത്തിന് പച്ചക്കൊടി കാട്ടിയത്.

ഭാരത്മാല പരിയോജന

ഭാരത്മാല പരിയോജന (Bharatmala Pariyojana) പ്രകാരം 1292.65 കോടി രൂപ ചെലവ് വരുന്ന പദ്ധതിക്കാണ് മന്ത്രി അനുമതി നൽകിയത്. ബെംഗളൂരു-വിജയവാഡ സാമ്പത്തിക ഇടനാഴിയിൽ ആന്ധ്രാപ്രദേശിൽ ചന്ദ്രശേഖരപുരം മുതൽ പോളവാരം വരെയുള്ളതാണ് നിർദ്ദിഷ്ട 6-വരി പ്രവേശന നിയന്ത്രിത ഗ്രീൻഫീൽഡ് ഹൈവേ.

ആന്ധ്രാപ്രദേശിലെ പ്രകാശം ജില്ലയിൽ 14 പാക്കേജുകളിലായി ഹൈവേ വികസിപ്പിക്കാനാണ് ഉദ്ദേശിക്കുന്നതെന്ന് ഗഡ്കരി പറഞ്ഞു. മന്ത്രാലയം പറയുന്നതനുസരിച്ച്, കൊടികൊണ്ട ചെക്‌പോസ്റ്റ് മുതൽ മുപ്പാവരം വരെയുള്ള മുഴുവൻ ഇടനാഴിയും 342.5 കിലോമീറ്റർ നീളമുള്ള ഗ്രീൻഫീൽഡ് ഹൈവേയാണ്. മുപ്പവാരം മുതൽ വിജയവാഡ വരെയുള്ള നിലവിലെ എൻഎച്ച്-16 ആണ് അലൈൻമെന്റ് ഉപയോഗിക്കുന്നതെന്ന് മന്ത്രി ചൂണ്ടിക്കാട്ടി.

More Related News: Highway Ministry | Highways

മികച്ച കണക്റ്റിവിറ്റി ലക്ഷ്യം

പശ്ചിമ ബംഗാളിനായി 410.83 കോടി രൂപയുടെ ദേശീയ പാത പദ്ധതിയാണ് പ്രഖ്യാപിച്ചത്. ഇതിന്റെ ഭാഗമായി 410.83 കോടി രൂപ ചെലവിൽ നാലുവരി റാണിഗഞ്ച് ബൈപാസിന്റെ നിർമാണത്തിന് നിതിൻ‍ ഗഡ്കരി അനുമതി നൽകി. പശ്ചിമ ബംഗാളിലെ പശ്ചിം ബർധമാൻ ജില്ലയിലെ NH-14 (പഴയ NH-60)ൽ 5.261 കിലോമീറ്ററാണ് 4-വരി റാണിഗഞ്ച് ബൈപാസിന്റെ നീളം.

റാംപൂർ ഹാറ്റ്, സിയുരി, റാണിഗഞ്ച്, ബങ്കുര, ഗർബെട്ട, സൽബാനി എന്നിവയെ ബന്ധിപ്പിക്കുന്ന മോർഗ്രാമിന് സമീപമുള്ള എൻഎച്ച്-12 (പഴയ എൻഎച്ച് 34) ജംഗ്ഷനിൽ നിന്നാണ് എൻഎച്ച്-14 ആരംഭിക്കുന്നതെന്നും എൻഎച്ച്-16 (പഴയ എൻഎച്ച് 2) ജംഗ്ഷനിൽ അവസാനിക്കുമെന്നും ഗഡ്കരി ട്വീറ്റ് ചെയ്തു. ഖരഗ്പൂർ, മിഡ്‌നാപൂർ, ചന്ദ്രകോണ റോഡ്, ഗർബേറ്റ, ബിഷ്ണുപൂർ, ബങ്കുറ, റാണിഗഞ്ച്, പാണ്ഡബേശ്വർ, ദുബ്രജ്പൂർ, സൂരി, രാംപുർഹട്ട്, നൽഹട്ടി തുടങ്ങി നിരവധി പ്രധാനപ്പെട്ട വ്യാവസായിക, മത, കാർഷിക മേഖലകളെ ഈ സ്ട്രെച്ച് ബന്ധിപ്പിക്കുന്നു. ദക്ഷിണേന്ത്യൻ സംസ്ഥാനങ്ങളിൽ നിന്നും ഒഡീഷയിൽ നിന്നും വടക്കൻ ബംഗാൾ, വടക്കുകിഴക്കൻ സംസ്ഥാനങ്ങളിലേക്കുള്ള ഗതാഗതത്തിനുള്ള പ്രധാന റൂട്ടുകളിലൊന്നായി ഇത് കണക്കാക്കപ്പെടുന്നു.

In an effort to improve connectivity, Union Minister for Road Transport and Highways Nitin Gadkari approved on Friday the construction of a 32 km long, 6-lane, access-controlled Greenfield Highway in Andhra Pradesh along the Bengaluru-Vijayawada economic corridor (NH-544G). Under the Bharatmala Pariyojana, the minister gave his approval to the project, which will cost Rs 1292.65 crore. The Bengaluru – Kadapa – Vijayawada economic corridor, according to Gadkari’s tweets, starts at the Bengaluru STRR and uses the already-existing Bengaluru – Hyderabad (NH-44) till the Kodikonda checkpoint on NH 44.