കുതിപ്പിൽ സൈബർസുരക്ഷാ മാർക്കറ്റ്

ഈ വർഷം 6 ബില്യൺ ഡോളറിന്റെ നേട്ടം കൈവരിച്ച് ഇന്ത്യയുടെ സൈബർ സുരക്ഷാ മാർക്കറ്റ്. ശരാശരി വാർഷിക വളർച്ചാ നിരക്കിൽ (CAGR) 2019-2023 കാലയളവിൽ 30% വളർച്ചയും സൈബർ സുരക്ഷാ മാർക്കറ്റ് കൈവരിച്ചു.
സൈബർ സുരക്ഷാ ഉത്പന്ന നിർമാണ-വിതരണ മേഖലയിലും സമാന നേട്ടമുണ്ടാക്കിയിട്ടുണ്ട്.

ഡാറ്റാ സെക്യൂരിറ്റി കൗൺസിൽ ഓഫ് ഇന്ത്യയുടേതാണ് റിപ്പോർട്ട്. 2019ൽ 1 ബില്യൺ ഡോളറിന്റെ സൈബർ സുരക്ഷാ ഉത്പന്നങ്ങളുടെ വിൽപ്പനയാണ് നടന്നത്. ഈ വർഷമത് 3.7 ബില്യൺ ഡോളറായി വർധിച്ചു.

സൈബർ സുരക്ഷാ ഉപകരണങ്ങൾ ഏറ്റവുമധികം വാങ്ങിയത് ബാങ്കിംഗ്, സാമ്പത്തിക സർവീസുകൾ, ഇൻഷുറൻസ്, ഐടി, ഐടിഇഎസ് സ്ഥാപനങ്ങളാണ്. 97% സ്ഥാപനങ്ങളും നിർമിത ബുദ്ധിയിലും (എഐ) മെഷീൻ ലേണിംഗിലും നിക്ഷേപം നടത്തിയിട്ടുണ്ട്.

കേന്ദ്ര സർക്കാർ നടപ്പാക്കിയ ഡിജിറ്റൈസേഷൻ പദ്ധതികളും മറ്റും രാജ്യത്ത് സൈബർ സെക്യൂരിറ്റിയിൽ നിക്ഷേപം വർധിക്കാൻ സഹായിച്ചിട്ടുണ്ട്. പ്രധാന സ്ഥാപനങ്ങളും എഐ/എംഎൽ, ക്ലൗഡ് സേവനങ്ങൾ കൂടുതൽ ഉപയോഗപ്പെടുത്തുന്നുണ്ട്. സൈബർ സുരക്ഷാ അപകടസാധ്യതകൾ ലഘൂകരിക്കാൻ സർക്കാരും മറ്റും പ്രവർത്തിക്കുന്നുണ്ട്. ഇന്ത്യ ആഗോള തലത്തിൽ സൈബർ സെക്യൂരിറ്റി ഹബ്ബായി മാറികൊണ്ടിരിക്കുകയാണെന്ന് കേന്ദ്ര ഇലക്‌ട്രോണിക്സ്, ഐടി മന്ത്രാലയം സെക്രട്ടറി എസ് കൃഷ്ണൻ പറഞ്ഞു.

^{India’s cybersecurity market has witnessed remarkable growth, reaching a staggering $6 billion in earnings this year. Demonstrating a consistent Compound Annual Growth Rate (CAGR) of 30% from 2019 to 2023, the cybersecurity sector has proven to be a robust and expanding industry. The Data Security Council of India reports that the market has experienced a significant boost, with cyber products and services sales amounting to $1 billion in 2019 and surging to $3.7 billion in the current year.}