Author: News Desk

എസ്‌യു 7(SU7)മായി ഇലക്‌ട്രിക് വാഹന വിപണി ലോകത്തേക്ക് ചുവട് വെച്ച് ഷഓമി (Xiaomi). ചൈന ആസ്ഥാനമായി പ്രവർത്തിക്കുന്ന ഇലക്ട്രോണിക്സ് ടെക്നോളജി ഭീമനായ ഷഓമിയുടെ ആദ്യത്തെ ഇലക്ട്രിക് കാറാണ് എസ്‌യു 7. ബെയ്ജിംഗിൽ നടന്ന ചടങ്ങിലാണ് ഷഓമി എസ്‍‌യു 7നെ ആദ്യമായി പുറത്തിറക്കിയത്. വാഹന നിർമാണ മേഖലയിൽ ലോകത്തെ ആദ്യ 5 സ്ഥാനങ്ങളിലെത്തണമെന്ന് കമ്പനി ആഗ്രഹം പ്രകടിപ്പിച്ചിരുന്നു. അടുത്ത 15-20 വർഷം കൊണ്ട് ഇലക്ട്രിക് വാഹന വിപണിയിൽ ആദ്യ 5 സ്ഥാനത്തെത്താൻ കഠിനമായി അധ്വാനിക്കുമെന്ന് കമ്പനി സിഇഒ ലീ ജൂൺ പറഞ്ഞു. ടെസ്ലയും മറ്റുമായി കിടപിടിക്കുന്ന വാഹനമായിരിക്കും എസ്‌യു 7 എന്ന് ലീ പറഞ്ഞു. ഒറ്റചാർജിൽ 800 കീമിഎസ്‌‌യു 7, എസ്‌‌യു 7 പ്രോ, എസ്‌‌യു 7 മാക്സ് എന്നീ മോഡലുകളാണ് ഷഓമി വിപണിയിലിറക്കാൻ പോകുന്നത്. അക്വ ബ്ലൂ, മിനറൽ ഗ്രേ, വെർഡന്റ് ഗ്രീൻ എന്നീ നിറങ്ങളിലായിരിക്കും വാഹനങ്ങൾ വിപണയിലെത്തുക. കമ്പനിയുടെ സ്മാർട്ട് ഫോൺ ബ്രാൻഡ് Mi കീഴിലായിക്കും വാഹനം പുറത്തിറക്കുക. മിഡ്…

സംരംഭക ലൈസൻസ് അടക്കം തദ്ദേശ സ്വയംഭരണ സ്ഥാപനങ്ങൾ വഴിയുള്ള മുഴുവൻ സേവനങ്ങളും ഓൺലൈൻ ആയി ലഭ്യമാക്കുന്ന സംസ്ഥാന സർക്കാരിന്റെ കെ-സ്മാർട്ട് പദ്ധതി 2024 ജനുവരി ഒന്നു മുതൽ നിലവിൽ വരും. ഇ-ഗവേണൻസിൽ കേരളത്തിന്റെ മുന്നേറ്റത്തിന് പുത്തൻ വേഗം പകരുന്ന സംവിധാനമാകും കെ-സ്മാർട്ട്. K-SMART e-Governance platform മൊബൈൽ ആപ്പിലുടെയും ഈ സേവനങ്ങൾ ജനങ്ങൾക്ക് ലഭ്യമാക്കും. പ്രവാസികൾക്ക് വിവാഹ രെജിസ്ട്രേഷന് അടക്കം ഇനി നാട്ടിൽ കാത്തു നിൽക്കേണ്ട, വീഡിയോ KYC മുഖേനെ വിദേശത്തിരുന്നു സേവനങ്ങൾ ലഭ്യമാക്കാം. തദ്ദേശ സ്ഥാപനങ്ങളിൽ നിന്നുള്ള ജന സേവനം വൈകുന്നുവെന്നും ഓഫീസുകൾ കയറിയിറങ്ങി മടുക്കുന്നുവെന്നുമുള്ള സ്ഥിരം പരാതികൾ ഈ സംവിധാനത്തിലൂടെ പരിഹരിക്കാൻ കഴിയും. സേവനങ്ങളിൽ സുതാര്യത, അഴിമതി രഹിതം, സമയബന്ധിതം എന്നിവയാണ് ഇതിലൂടെ ലക്ഷ്യമിടുന്നത്. കെ-സ്മാർട്ട് എന്ന കേരള സൊല്യൂഷൻസ് ഫോർ മാനേജിംഗ് അഡ്മിനിസ്ട്രേറ്റീവ് റീഫർമേഷൻ ആൻഡ് ട്രാൻഫർമേഷൻ സോഫ്റ്റ് വെയർ ആപ്ലിക്കേഷൻ നിലവിൽ വരുന്നതോടെ തദ്ദേശ സ്വയം ഭരണ സ്ഥാപനങ്ങളുടെ സേവനങ്ങൾ വിരൽത്തുമ്പിൽ ലഭ്യമാകും. കേരളത്തിലെ എല്ലാ…

ഇനി ദിവസങ്ങളില്ല എന്ന തരത്തിൽ ബാങ്കുകൾ ടെക്നോളജിയിൽ നിക്ഷേപം നടത്തണമെന്ന് റിസർവ് ബാങ്ക് ഓഫ് ഇന്ത്യ. ഐടി, ഐടി സെക്യൂരിറ്റി എന്നീ മേഖലകളിൽ ധാരാളം നിക്ഷേപം നടത്താൻ ബാങ്കുകൾ മുന്നോട്ടുവരണമെന്ന് ആർബിഐ ഡെപ്യൂട്ടി ഗവർണർ സ്വാമിനാഥൻ ജെയാണ് ആഹ്വാനം ചെയ്തത്. ആർബിഐ നടത്തിയ പരിശോധനയിൽ പല ബാങ്കുകളുടെയും ഡിസാസ്റ്റർ റിക്കവറിയിലേക്കുള്ള മാറ്റം അത്ര സുഗമമായിരുന്നില്ല എന്ന് കണ്ടെത്തിയിരുന്നു. എല്ലാ മേഖലയെയും ഒരേ പോലെ പിന്തുണയ്ക്കുന്നുമില്ല. മുംബൈയിൽ നടന്ന പത്താമത് എസ്ബിഐ കോൺക്ലേവിൽ സംസാരിക്കുകയായിരുന്നു അദ്ദേഹം. മികച്ച പ്രവർത്തനം കാഴ്ചവെക്കുന്ന വേളയിൽ തന്നെ റിസ്ക് ബഫറുകളുണ്ടാക്കി വെക്കുന്നത് പ്രതിസന്ധി ഘട്ടങ്ങളിൽ ബാങ്കുകളെ സഹായിക്കും. എന്നാൽ വരാനിരിക്കുന്ന പ്രതിസന്ധികളെ നേരിടണമെങ്കിൽ ബാങ്കുകൾ ടെക്നോളജിയിൽ നിക്ഷേപിക്കുന്നത് കാര്യക്ഷമമാക്കണം. പ്രതിസന്ധി ഘട്ടങ്ങളിൽ പല സ്ഥാപനങ്ങളും ഡിസാസ്റ്റർ റിക്കവറിയിലേക്ക് മാറാൻ ശ്രമിക്കുമ്പോൾ പരാജയപ്പെടുന്നത് ശ്രദ്ധയിൽപ്പെട്ടെന്ന് ആർബിഐ പറഞ്ഞു. നിലവിലെ സമീപനത്തിൽ നിന്ന് മാറി ബാങ്കുകൾ ഇന്റഗ്രേറ്റഡ് ബിസിനുകളിലേക്ക് തിരിയണമെന്ന് സ്വാമിനാഥൻ പറഞ്ഞു. ഗ്രീൻ ഡെപോസിറ്റുകളിലൂടെ സമാഹരിക്കുന്ന നിക്ഷേപങ്ങൾക്ക് ക്യാഷ്…

ഇന്ത്യൻ റെയിൽവേയ്ക്ക് കരുത്തേകാൻ അമൃത് ഭാരത് എക്സ്പ്രസ് ട്രെയിനുകൾ ട്രാക്കിലേക്കെത്തുന്നു. മികച്ച വേഗതയും, കുലുക്കമില്ലാത്ത യാത്രയും ഉറപ്പു നൽകുന്ന സാധാരണക്കാർക്കായുള്ള അമൃത് ഭാരത് പുതു വർഷം മുതൽ ഓടിത്തുടങ്ങും. ഇതോടൊപ്പം രാജ്യത്തെ ആറ് റൂട്ടുകളിലേക്ക് കൂടി വന്ദേ ഭാരത് എക്സ്പ്രസുകളെത്തുന്നു. കേരളത്തിലല്ലെങ്കിലും മലയാളികൾക്ക് ഏറെ പ്രയോജനപ്പെടുന്ന സർവീസുകൾ വന്ദേ ഭാരത്തിനുണ്ട്. അമൃത് ഭാരത്, വന്ദേ ഭാരത് എക്സ്കപ്രസ്സുകളുടെ ഫ്ലാഗ് ഓഫ് ഡിസംബർ 30 ശനിയാഴ്ച പ്രധാനമന്ത്രി നരേന്ദ്ര മോദി ഓൺലൈനിലൂടെ നിർവഹിക്കും. അയോധ്യ – ആനന്ദ് വിഹാർ, ന്യൂഡൽഹി – കത്ര , അമൃത്സർ – ന്യൂഡൽഹി, കോയമ്പത്തൂർ – ബെംഗളൂരു, മംഗളൂരു – മഡ്ഗാവ്, മുംബൈ – ജൽന റൂട്ടുകളിലാണ് വന്ദേ ഭാരതുകൾ സർവീസ് ആരംഭിക്കുക. ഇതിൽ കോയമ്പത്തൂർ – ബെംഗളൂരു, മംഗളൂരു – മഡ്ഗാവ് റൂട്ടുകൾ മലയാളികൾക്കു പ്രയോജനപ്പെടുന്നവയാണ്. പാലക്കാടുള്ളവർക്ക് കോയമ്പത്തൂരിൽ നിന്ന് ബെംഗളൂരുവിലേക്ക് യാത്ര ചെയ്യാനും, മലബാറിൽ നിന്നും ഗോവ യാത്രക്കും ഇനി ആശ്രയിക്കാൻ കഴിയുന്ന ട്രെയിനാണ്…

ജനുവരി 1 മുതൽ നിശബ്ദമാകാനൊരുങ്ങി തിരുവനന്തപുരം അന്താരാഷ്ട്ര വിമാനത്താവളം. യാത്രക്കാർക്ക് വിമാനത്താവളത്തിലെ കാത്തിരിപ്പ് സമയം ആസ്വാദ്യകരമാക്കാനും ബഹളമില്ലാത്ത സമാധനമായ യാത്രസൗകര്യം ഒരുക്കുകയുമാണ് ഇതിലൂടെ ലക്ഷ്യംവെക്കുന്നത്. എന്നാൽ സുപ്രധാന വിവരങ്ങളെല്ലാം യാത്രക്കാർക്ക് ലഭിക്കുന്നുണ്ടെന്ന് വിമാനത്താവളം ഉറപ്പാക്കും. ലഖ്നൗ, മുംബൈ, അഹമ്മദാബാദ് തുടങ്ങിയ സൈലന്റ് വിമാനത്താവളങ്ങളുടെ കൂട്ടത്തിലേക്ക് ഇനി തിരുവനന്തപുരം അന്താരാഷ്ട്ര വിമാനത്താവളവുമുണ്ടാകും. മറ്റുള്ളവരെ ബുദ്ധിമുട്ടിക്കാതെ യാത്രക്കാർക്ക് ഇഷ്ടപ്പെട്ട പ്രവർത്തനങ്ങളിലേർപ്പെടാം. ടെർമിനൽ-1, ടെർമിനൽ-2 എന്നിവിടങ്ങളിലെ ഫ്ലൈറ്റ് ഇൻഫർമേഷൻ ഡിസ്പ്ലേ സ്ക്രീനുകളിൽ ഫ്ലൈറ്റ് വിവരങ്ങൾ പ്രദർശിപ്പിക്കും. അതിനാൽ സുപ്രധാന വിവരങ്ങൾ യാത്രക്കാർ അറിയാതെ പോകില്ല. ബോർഡിംഗ് ഗേറ്റ് മാറ്റം, ഇൻലൈൻ ബാഗേജ് സ്ക്രീനിംഗ് സിസ്റ്റം, സുരക്ഷ എന്നിവയുമായി ബന്ധപ്പെട്ട വിവരങ്ങൾ മാത്രമായിരിക്കും അനൗൺസ് ചെയ്യുകയെന്ന് വിമാനത്താവളവുമായി ബന്ധപ്പെട്ട വൃത്തങ്ങൾ വ്യക്തമാക്കി. അടിയന്തരഘട്ടങ്ങളിലും സുരക്ഷയുമായി ബന്ധപ്പെട്ട വിവരങ്ങളും പതിവ് പോലെ പബ്ലിക് അനൗൺസ്മെന്റ് സിസ്റ്റത്തിലൂടെ അനൗൺസ് ചെയ്യും. ഇതുമായി ബന്ധപ്പെട്ട അവബോധ കാമ്പയിൻ സാമൂഹിക മാധ്യമങ്ങളിലൂടെ സംഘടിപ്പിക്കാനും അധികൃതർ തീരുമാനിച്ചു.

100 ബില്യൺ ഡോളർ ആസ്തിയുള്ള ലോകത്തെ ആദ്യ വനിതയായി ലോറിയലിന്റെ (L’Oreal) പിന്തുടർച്ചവാകാശിയായ ഫ്രാൻകോയ്സ് ബിറ്റെൻകോർട്ട് മേയേർസ്. ഫ്രാൻകോയ്സിന്റെ ആസ്തി 100.1 ബില്യൺ ഡോളറെത്തിയതായി ബ്ലൂംബർഗാണ് റിപ്പോർട്ട് ചെയ്തത്. സൗന്ദര്യ വർധക ഉത്പന്ന ബ്രാൻഡായ ലോറിയലിന്റെ ഓഹരിയിൽ റെക്കോർഡ് വർധനവാണ് ഫ്രാൻകോയ്സിന്റെ ആസ്തിയിലും പ്രതിഫലിച്ചത്. 1998ന് ശേഷം ആദ്യമായാണ് ലോറിയലിന്റെ ഓഹരിയിൽ ഇത്ര വലിയ കുതിപ്പുണ്ടാകുന്നത്. ലോകത്തെ അതിസമ്പന്നരുടെ പട്ടികയിൽ 12-ാം സ്ഥാനത്താണ് ഫ്രാൻകോയ്സുള്ളത്. ലോറിയലിന്റെ വൈയ് ചെയർപേഴസാണ്  70 കാരയായ ഫ്രാൻകോയ്സ്. ലോറിയലിന്റെ ഓഹരിയുടെ 35% ഫ്രാൻകോയ്സിന്റെയും കുടുംബത്തിന്റെയും പേരിലാണുള്ളത്. ഫ്രാൻകോയ്സിന്റെ മുത്തച്ഛൻ യൂജിൻ ഷൂലറാണ് ലോറിയൽ സ്ഥാപിക്കുന്നത്.എന്നാൽ എൽവിഎംഎച്ചിന്റെ സ്ഥാപകൻ ബർണാർഡ് ആർനോൾട്ടിനെ പിന്നിലാക്കാൻ ഫ്രാൻകോയ്സിന് സാധിച്ചിട്ടില്ല. 179 ബില്യൺ ഡോളറാണ് ബർണാർഡിന്റെ ആസ്തി. ആഡംബര ഉത്പന്ന വിപണിയിൽ ഫ്രാൻസിന്റെ ആധിപത്യം ബിസിനസുകളിലും പ്രതിഫലിക്കുന്നുണ്ട്. Francoise Bettencourt Meyers has achieved the historic milestone of becoming the first woman to amass a $100…

ബിനാൻസ് (Binance), കുകോയൻ (Kucoin) അടക്കം 9 അന്താരാഷ്ട്ര ക്രിപ്റ്റോ പ്ലാറ്റ്ഫോമുകളെ വിലക്കാൻ കേന്ദ്രസർക്കാർ. കള്ളപ്പണ നിരോധന നിയമത്തിന് കീഴിൽ (പിഎംഎൽഎ) രജിസ്റ്റർ ചെയ്യാത്തതിനെ തുടർന്ന് 9 ക്രിപ്റ്റോ പ്ലാറ്റ് ഫോമുകൾക്ക് ഫിനാൻഷ്യൽ ഇന്റലിജൻസ് യൂണിറ്റ് കാരണം കാണിക്കൽ നോട്ടീസ് അയച്ചിരുന്നു. ക്രാകെൻ (Kraken), ഗെയ്റ്റ് ഇഒ (Gate.io), ബിറ്റ്ട്രക്സ് (Bittrex), ബിറ്റ്സ്റ്റാംപ് (Bitstamp), മെക്സ്‌സി ഗ്ലോബൽ (MEXC Global), ബിറ്റ്സ്റ്റാംപ് (Bitfinex) തുടങ്ങിയ പ്ലാറ്റ്ഫോമുകൾക്കാണ് നോട്ടീസ് അയച്ചത്. കേന്ദ്ര ഇലക്ട്രോണിക്സ്, ഐടി മന്ത്രാലയത്തോട് ഈ പ്ലാറ്റ്ഫോമുകളുടെ യുആർഎൽ ബ്ലോക്ക് ചെയ്യാൻ ഫിനാൻഷ്യൽ ഇന്റലിജൻസ് യൂണിറ്റ് ആവശ്യപ്പെട്ടിട്ടുണ്ട്. 9 ക്രിപ്റ്റോ കോയിൻ പ്ലാറ്റ്ഫോമുകളും രാജ്യത്ത് നിയമവിരുദ്ധമായാണ് പ്രവർത്തിക്കുന്നതെന്ന് കാണിച്ചാണ് ഇന്റലിജൻസ് വിഭാഗം യുആർഎൽ വിലക്കാൻ ആവശ്യപ്പെട്ടത്. ഇതുവരെ 31 വിർച്വൽ ഡിജിറ്റൽ അസെറ്റ് സർവീസ് പ്രൊവൈഡർമാർ രജിസ്റ്റർ ചെയ്തതായി എഫ്ഐയു അറിയിച്ചു. എന്നാൽ വിദേശത്ത് പ്രവർത്തിക്കുന്ന പല ക്രിപ്റ്റോ പ്ലാറ്റ്ഫോമുകളും രജിസ്ട്രേഷനില്ലാതെയാണ് രാജ്യത്ത് സേവനം നൽകുന്നത് ഇന്റലിജൻസ് വിഭാഗം പറഞ്ഞു. കഴിഞ്ഞ…

മഹാരാഷ്ട്രയിലെ 10 നഗരങ്ങളിൽ വനിതകൾ ഓടിക്കുന്ന ഓട്ടോറിക്ഷകൾ റോഡിലിറക്കാൻ വനിതാ ശിശു വകുപ്പ്. മുംബൈ, താനേ, നവി മുംബൈ, പൂനെ, നാഗ്പൂർ തുടങ്ങിയ നഗരങ്ങളിലാണ് സ്ത്രീകൾ ഓടിക്കുന്ന ഓട്ടോറിക്ഷകളിറക്കാൻ പോകുന്നത്. പിങ്ക് റിക്ഷാ എന്നു പേരിട്ടിരിക്കുന്ന പദ്ധതി സ്വയം തൊഴിലിലൂടെ വനിതാ ശാക്തീകരണമാണ് ലക്ഷ്യം വെക്കുന്നത്. പദ്ധതിയിൽ 20% സർക്കാർ സബ്സിഡിയോടെ വനിതകൾക്ക് ഓട്ടോറിക്ഷ വാങ്ങാം. പദ്ധതിയുടെ അപേക്ഷകർ ഓട്ടോറിക്ഷ വാങ്ങാൻ തുകയുടെ 10% കണ്ടെത്തിയാൽ മതിയാകും. 70% ബാങ്ക് വായ്പയായി ലഭിക്കാനുള്ള സംവിധാനമുണ്ട്. നഗരങ്ങളിലെ സ്ത്രീകൾക്ക് സ്വയംതൊഴിൽ അവസരവും എല്ലാവർക്കും സുരക്ഷിത ഗതാഗത സംവിധാനവും ഒരുക്കാൻ പദ്ധതി സഹായിക്കുമെന്ന് സംസ്ഥാന വനിതാ – ശിശു വകുപ്പ് മന്ത്രി അദിതി തത്കരേ പറഞ്ഞു. ഉപമുഖ്യമന്ത്രി അജിത് പവാർ പദ്ധതിയോട് അനുകൂലമായി പ്രതികരിച്ചു. ആദ്യ കൊല്ലം പദ്ധതിക്ക് കീഴിൽ 5,000 പിങ്ക് ഓട്ടോറിക്ഷകളാണ് ഇറക്കാൻ പോകുന്നതെന്ന് വനിതാ ശിശു ഡെവലപ്മെൻ‍റ് വകുപ്പ് കമ്മിഷണർ പറഞ്ഞു. പദ്ധതിയിൽ ഇലക്ട്രിക് റിക്ഷകൾ ഉൾപ്പെടുത്താനും ആലോചിക്കുന്നുണ്ട്. The…

ഐഐടി ബോംബെയുമായി ചേർന്ന് നിർമിത ബുദ്ധി (എഐ) സംവിധാനമായ ഭാരത് ജിപിടി (Bharat GPT) നിർമിക്കാനൊരുങ്ങി റിലയൻസ്. ഐഐടി ബോംബെയുമായി സഹകരിച്ച് ഭാരത് ജിപിടി ഒരുക്കുന്ന പ്രവർത്തനങ്ങൾ പുരോഗമിക്കുകയാണെന്ന് റിലയൻസ് ജിയോ ഇൻഫോകോം (Reliance Jio Infocomm) ചെയർമാൻ ആകാശ് അംബാനി പറഞ്ഞു. ടെലിവിഷനുകൾക്ക് വേണ്ടി ഓപ്പറേറ്റിംഗ് സിസ്റ്റം (ഒഎസ്) അവതരിപ്പിക്കുമെന്നും ആകാശ് അംബാനി പറഞ്ഞു. അതിനായി ഒഎസ് വികസിപ്പിച്ചുകൊണ്ടിരിക്കുകയാണ്.  ഐഐടി വാർഷിക ടെക് ഫെസ്റ്റിൽ പങ്കെടുത്ത് സംസാരിക്കുകയായിരുന്നു ആകാശ്. ലാർജ് ലാംഗ്വേജ് മോഡൽ, ജനറേറ്റീവ് എഐ എന്നിവയുടെ തുടക്കം മാത്രമാണ് നമ്മൾ കണ്ടത്. വരും വർഷങ്ങളെ നിർണയിക്കുന്നത് ഈ ആപ്ലിക്കേഷനുകളായിരിക്കുമെന്നും ആകാശ് പറഞ്ഞു. എഐ സാങ്കേതിക വിദ്യ കമ്പനിയുടെ എല്ലാ മേഖലകളിലേക്കും വ്യാപിപ്പിക്കാനുള്ള തയ്യാറെടുപ്പിലാണ്. ഉത്പന്നങ്ങളിലും സേവനങ്ങളിലും എഐ സാങ്കേതിക വിദ്യ ഉപയോഗപ്പെടുത്തും. മീഡിയാ മേഖലയിലും കമ്യൂണിക്കേഷൻ, കൊമേഴ്സ് എന്നിവയിലും ഉത്പന്നങ്ങളും സേവനങ്ങളും പുറത്തിറക്കാനും കമ്പനി ലക്ഷ്യം വെക്കുന്നുണ്ട്. രാജ്യത്തിന്റെ പ്രത്യേകതകളും ആവശ്യങ്ങളും തിരിച്ചറിഞ്ഞ് പ്രവർത്തിക്കുന്ന ലാർജ് ലാംഗ്വേജ് മോഡലാണ്…

കൊപ്രയുടെ താങ്ങുവില അടുത്ത സീസണിൽ വർധിപ്പിക്കാൻ കേന്ദ്ര മന്ത്രിസഭാ യോഗത്തിൽ തീരുമാനം. ക്വിന്റലിന് 250-300 രൂപ താങ്ങുവില വർധിപ്പിക്കാനാണ് തീരുമാനം. മിൽകൊപ്ര ക്വിന്റലിന് 300 കൂട്ടി 11,160 രൂപയും ഉണ്ട കൊപ്ര ക്വിന്റലിന് 250 രൂപ കൂട്ടി 12,000 രൂപയുമാകും. പ്രധാനമന്ത്രി നരേന്ദ്ര മോദി അധ്യക്ഷത വഹിച്ച സാമ്പത്തിക കാര്യ മന്ത്രി സഭാ യോഗത്തിലാണ് തീരുമാനം.ഉത്പാദനച്ചെലവ് കണക്കാക്കുമ്പോൾ മുൻവർഷത്തെ അപേക്ഷിച്ച് മിൽ കൊപ്രയ്ക്ക് 51.8%, ഉണ്ടകൊപ്രയ്ക്ക് 63.2% വരുമാന വർധനവ് ലഭിക്കാൻ ഇത് സഹായിക്കും. 1493 കോടി രൂപ ചെലവിൽ നടപ്പു കാലയളവിൽ 1.33 ലക്ഷം ടൺ കൊപ്രയാണ് സർക്കാർ സംഭരിച്ചത്. കഴിഞ്ഞ സീസണിലും കൊപ്ര സംഭരണം റെക്കോർഡിലെത്തിയിരുന്നു. ആഗോളതലത്തിൽ കൊപ്ര വില ഇടിവ് നേരിടുന്നുണ്ടെങ്കിലും കേന്ദ്രസർക്കാർ രാജ്യത്ത് കൊപ്ര വില കൂട്ടാൻ തീരുമാനിക്കുകയായിരുന്നെന്ന് കേന്ദ്രമന്ത്രി അനുരാഗ് ഠാക്കൂർ പറഞ്ഞു. 2014-15 വർഷത്തെ കൊപ്ര വിലയുമായി തട്ടിച്ചു നോക്കുമ്പോൾ മിൽ കൊപ്രയ്ക്ക് 113%, ഉണ്ടകൊപ്രയ്ക്ക് 118% വില വർധനവുണ്ടായെന്ന് മന്ത്രി വ്യക്തമാക്കി.…