Author: News Desk
ദുബായ് പോലീസ് സ്വന്തമാക്കാനിരിക്കുന്ന ഹോവര്‍ ബൈക്ക് നിസ്സാരക്കാരനല്ല. ഒരാള്‍ക്ക് പറക്കാവുന്ന ഇലക്ട്രിക് പവര്‍ ബൈക്ക്I അടിയന്തര ഘട്ടങ്ങളില്‍ റെസ്‌ക്യൂ ഓപ്പറേഷനുകള്‍ക്കും ട്രാഫിക് സംവിധാനങ്ങള്‍ നിരീക്ഷിക്കാനും ഉപയോഗിക്കാം. മണിക്കൂറില്‍ 62 മീറ്റര്‍ വേഗത്തില്‍ പറക്കും. ശരിയായ രീതിയില്‍ കൈകാര്യം ചെയ്താല്‍ 40 മിനിറ്റുകള്‍ വരെ തുടര്‍ച്ചയായി പറത്താം. അങ്ങനെ ഹോവര്‍ ബൈക്കിന്റെ പ്രത്യേകതകള്‍ നിരവധിയാണ്. തിരക്കേറിയ റോഡുകളില്‍ അപകടസമയത്ത് അടിയന്തര സഹായമെത്തിക്കാനും മറ്റുമായിട്ടാണ് ഹോവര്‍ബൈക്ക് ദുബായ് പൊലീസ് സ്വന്തമാക്കുന്നത്. ഗള്‍ഫ് ഇന്‍ഫര്‍മേഷന്‍ ആന്‍ഡ് ടെക്നോളജി എക്‌സിബിഷനിലാണ് ബൈക്ക് ദുബായ് പൊലീസ് അവതരിപ്പിച്ചത്. റഷ്യന്‍ കമ്പനിയായ ഹോവര്‍സര്‍ഫ് നിര്‍മിച്ച സ്‌കോര്‍പിയോണ്‍ 3 ഹോവര്‍ബൈക്കാണ് ദുബായ് പൊലീസ് സ്വന്തമാക്കുന്നത്. ട്രാഫിക് പ്രശ്‌നങ്ങള്‍ മാനേജ് ചെയ്യുന്നതിലുള്‍പ്പെടെ ബൈക്കിന്റെ സേവനം പ്രയോജനപ്പെടുത്താമെന്നാണ് ദുബായ് പൊലീസിന്റെ വിലയിരുത്തല്‍. സുരക്ഷ മുന്‍നിര്‍ത്തി നിലവില്‍ ആറ് മീറ്റര്‍ വരെ ഉയരത്തില്‍ പറക്കാനാണ് ഹോവര്‍ ബൈക്കിന് അനുമതിയുളളത്. പ്രത്യേക പരിശീലനം നേടിയവരാണ് ബൈക്ക് പറത്തുക. അടുത്തിടെ റോബോട്ടിക് ടാക്‌സി സര്‍വ്വീസിലും ദുബായ് പരീക്ഷണം നടത്തിയിരുന്നു.…
വളര്‍ച്ചാനിരക്കില്‍ താല്‍ക്കാലികമായി നേരിയ മാന്ദ്യമുണ്ടെങ്കിലും ഇന്ത്യ ഗ്രോത്ത് ട്രാക്കില്‍ തന്നെയാണ്. മീഡിയം-ലോംഗ് ടേമില്‍ ഇന്ത്യയുടെ ഗ്രോത്ത് സോളിഡ് ആണ്. ഇന്ത്യന്‍ സാമ്പത്തിക രംഗത്ത് അടുത്തിടെ കൊണ്ടുവന്ന ഘടനാപരമായ പൊളിച്ചെഴുത്തുകളുടെ കൂടി ഫലമാണത്. കൂടുതല്‍ തൊഴിലവസരങ്ങള്‍ സൃഷ്ടിക്കപ്പെടുന്നത് ഉള്‍പ്പെടെയുളള മാറ്റങ്ങള്‍ ഈ സ്ട്രക്ചറല്‍ റീഫോംസിലൂടെ ഉണ്ടാകും. ക്രിസ്റ്റീന്‍ ലഗാര്‍ഡെ ഐഎംഎഫ് മേധാവി
പബ്ളിക് ട്രാന്‍സ്‌പോര്‍ട്ടേഷനില്‍ വിപ്ലവകരമായ മാറ്റത്തിന് വഴിതെളിച്ച ഊബറിന്റെ ഓണ്‍ലൈന്‍ ഫുഡ് ഡെലിവറി സര്‍വ്വീസ് ഊബര്‍ ഈറ്റ്‌സ് ഇന്ത്യയില്‍ സജീവമാകുന്നു. ചെന്നൈയില്‍ കഴിഞ്ഞ ദിവസം ലോഞ്ച് ചെയ്ത ഊബര്‍ ഈറ്റ്‌സ് വൈകാതെ കേരളത്തിലും തുടങ്ങും. ഭക്ഷണത്തിന്റെ വിലയ്ക്ക് പുറമേ ഒരു രൂപ മുതല്‍ നിസ്സാര തുകയാണ് ഡെലിവറി ചാര്‍ജായി ഈടാക്കുന്നത്. ട്രാന്‍സ്‌പോര്‍ട്ടിംഗ് സര്‍വ്വീസ് പോലെ ഓര്‍ഡര്‍ ചെയ്യുന്ന ഭക്ഷണം എവിടെയെത്തിയെന്ന് ഊബര്‍ ഈറ്റ്‌സില്‍ ട്രാക്ക് ചെയ്യുകയുമാവാം. ചെന്നൈ നഗരത്തിലെയും സമീപപ്രദേശങ്ങളിലെയും ബ്രാന്‍ഡഡും അല്ലാത്തതുമായ 200 ഓളം റസ്റ്ററന്റുകളുമായി ടൈഅപ്പ് ആയിട്ടാണ് ഊബര്‍ ഈറ്റ്‌സിന്റെ സേവനം. സ്‌പെഷല്‍ ടീ മുതല്‍ മീല്‍സും ബിരിയാണിയും തുടങ്ങി എന്തും ഊബര്‍ ഈറ്റ്‌സില്‍ ഓര്‍ഡര്‍ ചെയ്യാം. ഓര്‍ഡര്‍ ചെയ്തുകഴിഞ്ഞാല്‍ ഭക്ഷണത്തിന്റെ വിലയും ഡെലിവറി ചാര്‍ജും ഉള്‍പ്പെടെ തെളിയും. ഊബര്‍ അക്കൗണ്ട് വഴി പണം പേ ചെയ്യാം. ഡെലവറി പേഴ്‌സണ്‍സ് ബൈക്കുകളില്‍ ഭക്ഷണവുമായി നിങ്ങളുടെ വാതില്‍ക്കലെത്തും. ട്രാന്‍സ്‌പോര്‍ട്ടിംഗ് ആപ്പ് മോഡലില്‍ ഇഷ്ടമുളള സമയത്ത് വര്‍ക്ക് ചെയ്യാവുന്ന ഡെലിവറി പാര്‍ട്‌ണേഴ്‌സ് ജോബ്…
ചില വാക്കുകള്‍ നമുക്ക് ലൈഫില്‍ മുന്നോട്ടുപോകാനുളള ഊര്‍ജ്ജമായി മാറും. അത് മറ്റുളളവര്‍ നമ്മളെക്കുറിച്ച് പറയുന്ന മോശം വാക്കുകളോ നല്ല വാക്കുകളോ ആകാം. കെമിക്കല്‍ എന്‍ജിനീയറിംഗ് പഠനകാലത്ത് ഒരു അദ്ധ്യാപകനില്‍ നിന്ന് കേള്‍ക്കേണ്ടി വന്ന അത്തരമൊരു അഭിപ്രായത്തില്‍ നിന്നാണ് ഹരീഷ് ശിവരാമകൃഷ്ണന്‍ എന്ന ടെക്നോളജി ഇവാഞ്ചലിസ്റ്റ് ജീവിത്തില്‍ ആഗ്രഹിക്കുന്നത് നേടിയെടുക്കാന്‍ പ്രയത്‌നിച്ചു തുടങ്ങിയത്. ബെംഗലൂരുവില്‍ രാജ്യം മുഴുവന്‍ അറിയുന്ന അഗം എന്ന മ്യൂസിക്കല്‍ ബാന്‍ഡിന്റെ ശില്‍പിയായി ഹരീഷ് മാറിയതിന് പിന്നിലും ഈ വാക്കുകള്‍ കൊളുത്തിവിട്ട ഊര്‍ജ്ജമാണ്. ഈ രീതിയില്‍ പോയാല്‍ താന്‍ ഒന്നുമാകില്ലെന്ന് പറഞ്ഞ അദ്ധ്യാപകന്റെ വാക്കുകളാണ് ഇന്നും എന്നും തനിക്ക് കരുത്തും കോണ്‍ഫിഡന്‍സും നല്‍കുന്നതെന്ന് ഹരീഷ് പറയുന്നു. തന്റെ കരിയര്‍ മുഴുവന്‍ ആ വാക്കുകളില്‍ നിന്ന് ബില്‍ഡ് ചെയ്തതാണ്. ലൈഫില്‍ ഒരുപാട് തിരിച്ചടികള്‍ നേരിട്ടിട്ടുണ്ട്. ഇന്നും അത് തുടരുന്നു. അവിടെയെല്ലാം അതിജീവിക്കാന്‍ ആത്മവിശ്വാസം നല്‍കുന്നത് ഈ വാക്കുകളാണ്. താന്‍ എവിടെയെങ്കിലും എത്തുമോ ഇല്ലയോ എന്ന് പറയാന്‍ കഴിയുക തനിക്ക് മാത്രമാണെന്നാണ് ഹരീഷിന്റെ…
വെര്‍ച്വല്‍ റിയാലിറ്റിയിലൂടെ ആശയവിനിമയത്തിന്റെ പുതിയ തലം തേടുകയാണ് ഫെയ്സ്ബുക്ക്. വെര്‍ച്വല്‍ റിയാലിറ്റി പ്രൊഡക്ടുകളുടെ നീണ്ട നിരയാണ് ഫെയ്‌സ്ബുക്കിന്റെ അണിയറയില്‍ ഒരുങ്ങുന്നത്. ഒരു ബില്യന്‍ ആളുകളെ വെര്‍ച്വല്‍ റിയാലിറ്റിയുടെ ലോകത്ത് എത്തിക്കുകയാണ് ലക്ഷ്യം. കംപ്യൂട്ടറുമായോ സ്മാര്‍ട്ട്‌ഫോണുമായോ കണക്ട് ചെയ്യാതെ വെര്‍ച്വല്‍ റിയാലിറ്റിയുടെ അനുഭൂതി നുകരാന്‍ കഴിയുന്ന ഒക്യുലസ് ഗോ ഹെഡ്‌സെറ്റ് ഫെയ്സ്ബുക്ക് അടുത്ത വര്‍ഷം വിപണിയില്‍ എത്തിക്കും. വെര്‍ച്വല്‍ റിയാലിറ്റി ഡെവലപ്പേഴ്‌സിന്റെ കോണ്‍ഫറന്‍സില്‍ ഫെയ്സ്ബുക്ക് സിഇഒ മാര്‍ക്ക് സക്കര്‍ബര്‍ഗ് ആണ് ഇക്കാര്യം അനൗണ്‍സ് ചെയ്തത്. അഫോര്‍ഡബിള്‍ പ്രൈസില്‍ എല്ലാവര്‍ക്കും വെര്‍ച്വല്‍ റിയാല്‍റ്റി ലഭ്യമാകണമെന്നാണ് ഫെയ്‌സ്ബുക്കിന്റെ താല്‍പര്യമെന്ന് സക്കര്‍ബര്‍ഗ് പറഞ്ഞു. വെര്‍ച്വല്‍ റിയാലിറ്റി ആളുകളെ ഒറ്റപ്പെടുത്തുന്നുവെന്ന വാദത്തില്‍ കഴമ്പില്ല. 100 മില്യനിലധികം വിആര്‍ ആപ്പുകള്‍ ഡൗണ്‍ലോഡ് ചെയ്യപ്പെട്ടുകഴിഞ്ഞു. ലോകത്തെ കൂടുതല്‍ ആഴത്തില്‍ കണക്ട് ചെയ്യുന്നതിനുളള മാര്‍ഗമായി വെര്‍ച്വല്‍ റിയാല്‍റ്റി മാറി. ഡോക്ടര്‍മാര്‍ പോലും പെയിന്‍ റിലീഫിനായി രോഗികളില്‍ വെര്‍ച്വല്‍ റിയാല്‍റ്റി പരീക്ഷിക്കുന്ന കാലമാണെന്നും സക്കര്‍ബര്‍ഗ് ചൂണ്ടിക്കാട്ടി. വൈകാതെ ലൈവ് ഇവന്റുകളും വെര്‍ച്വല്‍ റിയാലിറ്റിയിലൂടെ ഫെയ്സ്ബുക്ക്…
ക്യാംപസ് ഇന്നവേഷന് പുതുചരിത്രമെഴുതി ചാനല്‍ അയാം ഓപ്പണ്‍ഫ്യുവലുമായി ചേര്‍ന്ന് നടത്തിയ ബൂട്ട് ക്യാമ്പ് സംസ്ഥാനത്തെ സ്റ്റുഡന്റ്‌സ് എന്‍ട്രപ്രണര്‍ഷിപ്പിന് ഊര്‍ജ്ജം പകരുന്നതായി. ആയിരക്കണക്കിന് വിദ്യാര്‍ത്ഥികളിലേക്ക് സംരംഭകത്വത്തിന്റെ സന്ദേശം പകര്‍ന്നതിന് പുറമേ എന്‍ട്രപ്രണര്‍ ആശയങ്ങളെക്കുറിച്ച് കൂടുതല്‍ മനസിലാക്കാനും സക്സസ് മോഡലുകള്‍ പരിചയപ്പെടാനുമുളള അസുലഭ അവസരസരമാണ് ബൂട്ട് ക്യാമ്പിലൂടെ ക്യാംപസുകള്‍ക്ക് ലഭിച്ചത്. തിരുവനന്തപുരം മുതല്‍ കാസര്‍ഗോഡ് വരെയുള്ള 14 ജില്ലകളിലെ തെരഞ്ഞെടുക്കപ്പെട്ട 23 ക്യാംപസുകളിലാണ് ബൂട്ട് ക്യാമ്പ് നടന്നത്. സര്‍ക്കാര്‍ നോഡല്‍ ഏജന്‍സികളായ കെഎസ്ഐഡിസിയുടേയും കേരള സ്റ്റാര്‍ട്ടപ് മിഷന്റേയും പിന്തുണയോടെയാണ് ബൂട്ട് ക്യാമ്പ് സംഘടിപ്പിച്ചത്. സംരംഭകത്വത്തിന്റെ ബാലപാഠങ്ങളില്‍ തുടങ്ങി എന്‍ട്രപ്രണര്‍ഷിപ്പിന്റെ അനന്തസാദ്ധ്യതകള്‍ തുറന്നിട്ട ബൂട്ട് ക്യാമ്പ് വിദ്യാര്‍ത്ഥികളുടെ സംരംഭക കാഴ്ചപ്പാടിനെ മാറ്റിമറിക്കുന്നതായിരുന്നു. നിയോ എന്ട്രപ്രണേഴ്സിനും, സ്റ്റാര്‍ട്ടപ്പുകള്‍ക്കും, സ്റ്റുഡന്റസിനും സംരംഭക വഴിയില്‍ പിന്തുണയേകുന്ന തുടര്‍ പ്രോഗ്രാമുകള്‍ സംഘടിപ്പിച്ച് കണ്‍സട്രക്റ്റീവ് ജേര്‍ണലിസത്തിന്റെ സാധ്യതയാണ് ചാനല്‍ഐആം മുന്നോട്ടുവെയ്ക്കുന്നത്. ഇന്നവേഷന് ത്രൂ മീഡിയ എന്ന ചാനലിന്റെ മോട്ടോ റിയലൈസ് ചെയ്യുന്ന രീതിയില്‍ താഴെത്തട്ടില്‍ എന്‍ട്രപ്രണേഴ്സിനേയും സ്റ്റാര്‍ട്ടപ്പുകളേയും സജ്ജരാക്കുകയാണ് ഇത്തരം ക്യാമ്പുകളിലൂടെ ലക്ഷ്യം…
അക്കൗണ്ടിംഗ് ബാക്ക്ഗ്രൗണ്ടില്ലാതെ ലിറ്ററേച്ചറില്‍ മാസ്റ്റര്‍ ബിരുദവുമായി ബാങ്കിംഗ് സെക്ടറിലെത്തി രാജ്യത്തെ ഏറ്റവും വലിയ പൊതുമേഖലാ ബാങ്കിന്റെ അമരത്ത് എത്തിയ അരുന്ധതി ഭട്ടാചാര്യയുടെ ലൈഫ് ഏതൊരു ബിസിനസ് ലീഡര്‍ക്കും മാതൃകയാക്കാവുന്ന അര്‍പ്പണബോധത്തിന്റെയും കഠിനാധ്വാനത്തിന്റെയും ഉദാഹരണമാണ്. ഇരുന്നൂറിലധികം വര്‍ഷത്തെ പാരമ്പര്യമുളള എസ്ബിഐയുടെ ചെയര്‍മാന്‍ പദവിയിലെത്തിയ ആദ്യ വനിതയാണ് അരുന്ധതി ഭട്ടാചാര്യ. മെഡിസിനും ജേര്‍ണലിസവും സ്വപ്‌നം കണ്ടിരുന്ന പെണ്‍കുട്ടി, ജാദവ്പൂര്‍ യൂണിവേഴ്‌സിറ്റിയില്‍ നിന്ന് ലിറ്ററേച്ചറില്‍ മാസ്റ്റര്‍ ബിരുദം നേടിയ ശേഷം യാദൃശ്ചികമായിട്ടാണ് എസ്ബിഐയില്‍ പ്രൊബേഷണറി ഓഫീസറായി ജോലിക്കെത്തിയത്. ഹൈദരാബാദ് എസ്ബിഐ സ്റ്റാഫ് കോളജിലെ ട്രെയിനിങ് കാലയളവിലും ജോലിയുടെ തുടക്കത്തിലും ബാങ്കിംഗ് സര്‍വ്വീസുകളും അക്കൗണ്ടിംഗും പഠിച്ചെടുക്കാന്‍ നന്നായി പണിപ്പെടേണ്ടിവന്നു. കിഴക്കന്‍ യുപിയിലെ ഉള്‍നാടന്‍ ഗ്രാമങ്ങള്‍ മുതല്‍ അങ്ങേയറ്റം വൈബ്രന്റായ ന്യൂയോര്‍ക്ക് പോലുളള ഫിനാന്‍ഷ്യല്‍ സെന്ററിലും കടന്നുചെന്ന ഔദ്യോഗിക ജീവിതത്തില്‍ അനുഭവങ്ങളിലൂടെ ആര്‍ജ്ജിച്ച അറിവുകളാണ് ഡീമോണിറ്റൈസേഷനും അസോസിയേറ്റ് ബാങ്കുകളുടെ ലയനവും ഉള്‍പ്പെടെയുളള സങ്കീര്‍ണമായ വിഷയങ്ങളില്‍ ഉറച്ച നിലപാടുകള്‍ സ്വീകരിക്കാന്‍ അരുന്ധതിയെ സഹായിച്ചത്. ഫോര്‍ബ്‌സ് മാഗസിന്‍ 2016 ല്‍ പ്രസിദ്ധീകരിച്ച…
ബിസിനസ് ഓര്‍ഡറുകളും പ്രൊഡക്ട് എന്‍ക്വയറിയുമൊക്കെയായി ദിവസവും നൂറുകണക്കിന് ഇ-മെയിലുകള്‍ക്ക് മറുപടി നല്‍കേണ്ടവരാണ് എന്‍ട്രപ്രണേഴ്‌സ്. മാത്രമല്ല ഡിജിറ്റല്‍ ലോകത്തെ ബിസിനസ് ട്രെന്‍ഡുകളും പുതിയ ഡെവല്പമെന്റും കൃത്യമായി പിന്തുടരുകയും വേണം. മിക്ക സംരംഭകരും ഇതിനായി മണിക്കൂറുകള്‍ കംപ്യൂട്ടറുകള്‍ക്ക് മുന്നില്‍ ചെലവിടുന്നുണ്ട്. അവര്‍ക്ക് വേണ്ടിയാണ് മീ മെറ്റ് മീ ഫൗണ്ടര്‍ നൂതന്‍ മനോഹറിലൂടെ ഈ യോഗ ടിപ്പ് channeliam.com അവതരിപ്പിക്കുന്നത്. ശരീരത്തിന്റെ പൊസിഷന്‍ ശ്രദ്ധിക്കാതെ ദീര്‍ഘനേരം ഇരിക്കുന്നത് പുകവലിയെക്കാള്‍ അപകടകരമാണെന്ന് പഠനങ്ങള്‍ പറയുന്നു. തുടക്കത്തില്‍ ശരിയായ പൊസിഷനിലാകും ഇരിക്കുന്നതെങ്കിലും ക്രമേണ നമ്മള്‍ അതൊക്കെ മറക്കും. നോട്ടം ലാപ്‌ടോപ്പിന്റെയും മൊബൈലിന്റെയുമൊക്കെ സ്‌ക്രീനുകളിലേക്ക് കേന്ദ്രീകരിക്കുമ്പോള്‍ ലോവര്‍ ബാക്കും ഷോള്‍ഡറും കഴുത്തുമൊക്കെ കംപ്രസ് ചെയ്യപ്പെടും. മസിലുകള്‍ക്ക് തേയ്മാനം ഉള്‍പ്പെടെയുളള തകരാറുകള്‍ ഉണ്ടാകുന്നതിന് പുറമേ നട്ടെല്ലിനെ ബാധിക്കുന്നതും സ്‌പോണ്ടിലൈറ്റിസ് പോലുളള രോഗങ്ങള്‍ക്കും അത് വഴിമാറും. എന്‍ട്രപ്രണേഴ്‌സ് മാത്രമല്ല കംപ്യൂട്ടര്‍ പ്രൊഫഷണലുകള്‍ ഉള്‍പ്പെടെയുളള കോര്‍പ്പറേറ്റ് ജീവനക്കാരെയും ബാധിക്കുന്ന മുഖ്യ ആരോഗ്യപ്രശ്‌നമാണിത്. എന്നാല്‍ ഓഫീസ് സമയത്ത് തന്നെ ചെയ്യാവുന്ന ലഘുവായ യോഗ ടിപ്‌സിലൂടെ ഈ…
ഈ ചെടി ചിരിക്കും. വെളളവും വളവും വേണമെങ്കില്‍ നിങ്ങളെ ഓര്‍മ്മിപ്പിക്കും. ടെക്നോളജി നമ്മുടെ പൂന്തോട്ടങ്ങളെയും കൃഷിയിടങ്ങളെയും സ്മാര്‍ട്ടാക്കുകയാണ്. തൃശൂര്‍ ചെറുതുരുത്തി ജ്യോതി എന്‍ജിനീയറിംഗ് കോളജിലെ ഒരു സംഘം വിദ്യാര്‍ത്ഥികളാണ് ഫാമിംഗ് ലളിതവും ഇന്‍ററസ്റ്റിംഗുമാക്കുന്ന ഇന്നവേഷന് അവതരിപ്പിക്കുന്നത്. ടെക്നോളജി ഉപയോഗിച്ച് പൂന്തോട്ട പരിപാലനത്തിന് സഹായിക്കുന്ന ടോക്കിംഗ് പ്ലാന്റ് എന്ന കണ്‍സെപ്റ്റാണിത്. ഗാര്‍ഡനിംഗിന് പുറമേ കൊമേഴ്സ്യല്‍ ഫാമിംഗിനും ഗുണം ചെയ്യുന്നതാണ് ഇവരുടെ പ്രൊജക്ട്. രാവിലെ എഴുന്നേല്‍ക്കുമ്പോള്‍ എന്താണ് വേണ്ടതെന്ന് പ്ലാന്റ് പറഞ്ഞുതരും. അതനുസരിച്ച് വെളളവും വളവും വെളിച്ചവും നല്‍കാം. ആവശ്യമായ വെളളവും വളവും ലഭിച്ചാല്‍ ഹാപ്പി ഇമോജിയിലൂടെ സന്തോഷം പ്രകടിപ്പിക്കും. ചെടിക്കാവശ്യമായ ഘടകങ്ങള്‍ കിട്ടിയില്ലെങ്കില്‍ സങ്കടം പ്രകടമാക്കും ഇമോജിയിലൂടെ തന്നെ. പ്ലാന്റിനെക്കുറിച്ചോ അതിന്റെ പരിപാലനത്തെക്കുറിച്ചോ അറിയാത്തവര്‍ക്ക് പോലും ഗാര്‍ഡനിംഗ് ഈസിയാക്കുമെന്നതാണ് ടോക്കിംഗ് പ്ലാന്റിന്റെ ഗുണം. ഓര്‍ഗാനിക് ഫാമിംഗിലും ഔഷധച്ചെടികളുടെയും അപൂര്‍വ്വ ഇനം ചെടികളുടെയും പരിപാലനത്തിനും സഹായകരമാണ് ടോക്കിംഗ് പ്ലാന്റ്. കൊമേഴ്സ്യല്‍ ഫാമിംഗിന് സഹായകമാകുന്ന രീതിയില്‍ കണ്‍സെപ്റ്റ് അപ്ഗ്രേഡ് ചെയ്യാനുളള ഒരുക്കത്തിലാണ് വിദ്യാര്‍ത്ഥികള്‍. Why should…
സ്റ്റാര്‍ട്ടപ്പുകള്‍ക്കും നിയോ എന്ട്രപ്രണേഴ്സിനും അനുഭവകഥകളുടെ പ്രാക്ടിക്കല്‍ ക്ലാസായി മാറുകയായിരുന്നു കേരള സ്റ്റാര്‍ട്ടപ്പ് മിഷനും മേക്കര്‍ വില്ലേജും കൊച്ചിയില്‍ സംഘടിപ്പിച്ച മീറ്റപ്പ് കഫെയുടെ തേഡ് എഡിഷന്‍. ഐഎഎസ് പ്രൊഫൈലില്‍ നിന്ന് എന്‍ട്രപ്രണേറിയല്‍ ചാലഞ്ച് ഏറ്റെടുത്ത സി. ബാലഗോപാലും കേരളത്തിന്റെ ബ്രാന്‍ഡായി രാജ്യമാകെ വളര്‍ന്ന ഈസ്റ്റേണ്‍ ഗ്രൂപ്പിന്റെ ചെയര്‍മാന്‍ നവാസ് മീരാനും ഒരു എന്‍ട്രപ്രണറുടെ റിസ്‌കും ചാലഞ്ചും ഷെയര്‍ ചെയ്തപ്പോള്‍ അത് ഉള്ളുതൊടുന്നതായി. ടെക്‌നോളജിക്കൊപ്പം ഒരു എന്‍ട്രപ്രണര്‍ അവലംബിക്കുന്ന സ്ട്രാറ്റജിയും ബിസിനസിന്റെ വിജയത്തില്‍ നിര്‍ണായകമാണെന്ന് തെരുമോ പെന്‍പോള്‍ ഫൗണ്ടറും മുന്‍ എംഡിയുമായ സി ബാലഗോപാല്‍ ചൂണ്ടിക്കാട്ടി. ഇക്കണോമിക്‌സ് പഠനത്തിന് ശേഷം ഐഎഎസ് നേടി ഉയര്‍ന്ന സര്‍ക്കാര്‍ സര്‍വ്വീസിലെത്തിയ ശ്രീ ബാലഗോപാല്‍ അത് രാജിവെച്ച് ബയോമെഡിക്കല്‍ ടെക്നോളജി സംരംഭത്തിലേക്ക് ഇറങ്ങിയത് തന്റെ വഴി അതാണെന്ന തിരിച്ചറിവിലൂടെയാണ്. പരാജയങ്ങള്‍ അംഗീകരിക്കാന്‍ കഴിയാത്ത ഇന്റോളറന്റ് സൊസൈറ്റിയായി നമ്മള്‍ എംബഡ് ചെയ്യപ്പെട്ടുകഴിഞ്ഞുവെന്ന് അദ്ദേഹം ചൂണ്ടിക്കാട്ടി. വാസ്തവത്തില്‍ പരാജയം ബിസിനസിന്റെ ഭാഗമാണ്. അത് മനസിലാക്കുകയാണ് വേണ്ടതെന്നും സി. ബാലഗോപാല്‍ പറഞ്ഞു. പണം…