Author: News Desk
ജാവ യെസ്ഡി മോട്ടോർസൈക്കിൾസ് ജാവ 42, യെസ്ഡി റോഡ്സ്റ്റർ എന്നിവയുടെ പുതിയ ഡ്യുവൽ-ടോൺ വേരിയന്റ് പുറത്തിറക്കി. രണ്ട് വേരിയന്റുകളും വിവിധ മെച്ചപ്പെടുത്തലുകൾക്കൊപ്പം നാല് പുതിയ കളർ ഓപ്ഷനുകളിൽ വിപണിയിലെത്തി. പുതിയ ജാവ 42 ഡ്യുവൽ ടോണിന്റെ വില 1,98,142 രൂപയിലും പുതിയ യെസ്ഡി റോഡ്‌സ്റ്ററിന് 2,08,829 രൂപയിലും ആരംഭിക്കുന്നു. Jawa 42 Dual Tone പുതിയ ജാവ 42 ഡ്യുവൽ ടോൺ വേരിയന്റിൽ നിലവിലെ 294.7 സിസി ലിക്വിഡ് കൂൾഡ് സിംഗിൾ സിലിണ്ടർ എഞ്ചിൻ തുടരുന്നു, ഇത് 27 ബിഎച്ച്പി, ആറ് സ്പീഡ് ഗിയർബോക്‌സുമായി മികച്ചതാക്കിയിട്ടുണ്ട്. ലെൻസ് ഇൻഡിക്കേറ്ററുകൾ, ഷോർട്ട്-ഹാംഗ് ഫെൻഡറുകൾ, ഡയമണ്ട് കട്ട് അലോയ് വീലുകൾ, പുതിയ ഡിംപിൾഡ് ഫ്യുവൽ ടാങ്ക് എന്നിവ പുതുമയാണ്. കൂടാതെ കോസ്മിക് റോക്ക്, ഇൻഫിനിറ്റി ബ്ലാക്ക്, സ്റ്റാർഷിപ്പ് ബ്ലൂ, സെലസ്റ്റിയൽ കോപ്പർ എന്നിവ ഉൾപ്പെടുന്ന ഡ്യുവൽ-ടോൺ കളർവേകൾ ജാവയുടെ സൗന്ദര്യത്തിനു മാറ്റു കൂട്ടുന്നു. Yezdi Roadster എർഗണോമിക്‌സ് ഡിപ്പാർട്ട്‌മെന്റിലെ പ്രധാന മാറ്റങ്ങളോടെ പുതിയ യെസ്ഡി…
ലോകോത്തര റീട്ടെയ്ൽ ഷോപ്പിങ്ങിന്റെ വാതിൽ തുറന്ന് തെലങ്കാന. സംസ്ഥാനത്തെ ആദ്യ ലുലു മാൾ ഹൈദരാബാദിലെ കുക്കട്ട്പള്ളിയിൽ ജനങ്ങൾക്കായി തുറന്നു. ലുലു ഗ്രൂപ്പ് ചെയർമാൻ എം എ യൂസഫലിയുടെ സാന്നിധ്യത്തിൽ തെലങ്കാന വ്യവസായ മന്ത്രി കെ.ടി. രാമറാവു, യുഎഇ കോൺസൽ ജനറൽ ആരെഫ് അൽനുഐമി എന്നിവർ ചേർന്ന് ഉദ്ഘാടനം നിർവ്വഹിച്ചു. അഞ്ച് ലക്ഷം സ്ക്വയർ ഫീറ്റിലാണ് ഹൈദരാബാദിലെ ലുലു മാൾ. ഷോപ്പിങ്ങിന്റെ ഏറ്റവും മികച്ച അനുഭവം സമ്മാനിച്ച് രണ്ട് ലക്ഷം സ്ക്വയർ ഫീറ്റിലാണ് ലുലു ഹൈപ്പർമാർക്കറ്റ്. രണ്ടായിരത്തിലധികം പേർക്കാണ് ഇവിടെ പുതിയ തൊഴിലവസരം ലഭിക്കുന്നത്. സ്വിറ്റസ്ർലൻഡിലെ ദാവോസിൽ കഴിഞ്ഞ വർഷം മെയിൽ നടന്ന വേൾഡ് ഇക്കണോമിക് ഫോറത്തിൽ വച്ച്, ലുലു ഗ്രൂപ്പ് ചെയർമാൻ എം.എ യൂസഫലിയും തെലങ്കാന വ്യവസായ മന്ത്രി കെ.ടി. രാമറാവു നടത്തിയ കൂടിക്കാഴ്ചയിൽ നിശ്ചയിച്ച തെലങ്കാനയിലെ നിക്ഷേപങ്ങളുടെ ഭാഗമായാണ് പുതിയ മാൾ. ധാരണാപത്രത്തിൽ ഒപ്പുവച്ച് മാസങ്ങൾക്കകം പദ്ധതി യാഥാർത്ഥ്യമായി. ഹൈദരാബാദിലെ ആദ്യ മാൾ പൂർ‌ത്തീകരിക്കാൻ മികച്ച പിന്തുണയാണ് തെലങ്കാന…
പറക്കും ടാക്‌സികള്‍ യാഥാര്‍ഥ്യമാക്കാനുള്ള ഒരുക്കത്തിലാണ് ദുബായി. 2026-ഓടെ ടാക്‌സി വിളിച്ച് ദുബായുടെ ആകാശത്തിലൂടെ പറക്കാം. മൂന്ന് വര്‍ഷത്തിന് ശേഷം ദുബായില്‍ പറക്കും ടാക്‌സികള്‍ സജീവമാകുമെന്ന് ലണ്ടന്‍ ആസ്ഥാനമായി പ്രവര്‍ത്തിക്കുന്ന സ്‌കൈപോര്‍ട്‌സ് (Skysports) സിഇഒ ഡണ്‍കണ്‍ വാള്‍ക്കര്‍ (Duncan Walker) പറഞ്ഞു. പറക്കും ടാക്‌സികള്‍ക്കായി ദുബായില്‍ ആദ്യത്തെ വെര്‍ട്ടിപോര്‍ട്ടുകള്‍ (vertiptor) അഥവാ വെര്‍ട്ടിക്കല്‍ പോര്‍ട്ടുകള്‍ പണിയുന്നത് സ്‌കൈപോര്‍ട്‌സ് ആണ്. വെര്‍ട്ടിപോര്‍ട്ടുകളുടെ നിര്‍മാണം പൂര്‍ത്തിയാകുന്നതോടെ ലോകത്ത് തന്നെ പറക്കും ടാക്‌സി ശൃംഖലാ സംവിധാനുമുള്ള ആദ്യ രാജ്യമായി ദുബായി മാറുമെന്ന് ഡണ്‍കണ്‍ പറഞ്ഞു. ദുബായില്‍ നടന്ന മൂന്നാമത് ദുബായി ലോക കോണ്‍ഗ്രസില്‍ സംസാരിക്കുകയായിരുന്നു.മണിക്കൂറില്‍ 300 കിലോമീറ്റര്‍ വേഗതയില്‍ പറക്കുന്ന എയര്‍ടാക്‌സികളെയാണ് ദുബായില്‍ അവതരിപ്പിക്കുന്നത്. 241 കിലോമീറ്റര്‍ പരിധിയില്‍ ഇവയുടെ സേവനം ലഭിക്കും. പൈലറ്റിനെ കൂടാതെ നാല് പേര്‍ക്കായിരിക്കും എയര്‍ ടാക്‌സിയില്‍ യാത്ര ചെയ്യാന്‍ സാധിക്കുക. എയര്‍ ടാക്‌സികള്‍ യാഥാര്‍ഥ്യമാകുന്നതോടെ യാത്രാസമയം കാല്‍ ഭാഗമായി കുറയും. റോഡ് മാര്‍ഗം മുക്കാല്‍ മണിക്കൂറെടുക്കുന്ന യാത്രയ്ക്ക് ആകാശ മാര്‍ഗം 6…
ഭൂകമ്പം വരുമ്പോൾ ആളുകൾക്ക് മുൻകൂട്ടി മുന്നറിയിപ്പ് നൽകുന്നതിന് ആൻഡ്രോയിഡ് ഭൂകമ്പ മുന്നറിയിപ്പ് സംവിധാനം ഇന്ത്യയിൽ അവതരിപ്പിച്ച് ഗൂഗിൾ. ഇന്ത്യയുടെ നാഷണൽ ഡിസാസ്റ്റർ മാനേജ്‌മെന്റ് അതോറിറ്റി (എൻഡിഎംഎ), നാഷണൽ സീസ്മോളജി സെന്റർ (എൻഎസ്‌സി) എന്നിവയുമായി സഹകരിച്ചാണ് ഗൂഗിളിന്റെ സംവിധാനം ഇന്ത്യയിലെത്തിച്ചത്. ലോകത്തെ പല രാജ്യങ്ങളിലും GOOGLE വിന്യസിച്ചതാണ് ഈ സംവിധാനം. എന്താണ് ആൻഡ്രോയിഡ് ഭൂകമ്പ മുന്നറിയിപ്പ് സിസ്റ്റം ആൻഡ്രോയിഡ് എർത്ത്‌ക്വേക്ക് അലേർട്ട് സിസ്റ്റം, ഭൂകമ്പങ്ങൾ കണ്ടെത്താനും കണക്കാക്കുന്നതിനും ആൻഡ്രോയിഡ് സ്‌മാർട്ട്‌ഫോണുകളിലെ സെൻസറുകൾ ഉപയോഗിക്കുന്നു. ഭൂകമ്പസമയത്ത് തീവ്രമായ തിരമാലകൾ അടിച്ചേക്കാവുന്ന പ്രദേശത്തെ Android ഉപകരണങ്ങളിലേക്ക് എമർജൻസി അലേർട്ടുകൾ അയയ്‌ക്കാൻ സിസ്റ്റം ഇന്റർനെറ്റ് ഉപയോഗിക്കുന്നു. വ്യക്തികൾ അവരുടെ പ്രദേശത്ത് ഭൂകമ്പത്തെക്കുറിച്ച് അന്വേഷിക്കുമ്പോൾ സമീപത്തുള്ള ഭൂകമ്പ സംഭവങ്ങളെയും സുരക്ഷാ മാർഗ്ഗനിർദ്ദേശങ്ങളെയും കുറിച്ചുള്ള Google തിരയൽ ഫലങ്ങളിലെ വിവരങ്ങളും സിസ്റ്റം നൽകുന്നു. ഭൂകമ്പ മുന്നറിയിപ്പ് സംവിധാനം എങ്ങനെയാണ് പ്രവർത്തിക്കുന്നത്? മിക്ക Android ഉപകരണങ്ങളിലും ബിൽറ്റ്-ഇൻ ആക്സിലറോമീറ്റർ സെൻസറുകൾ ഉണ്ട്. ഈ സെൻസറുകൾ മിനി സീസ്മോമീറ്ററുകളായി പ്രവർത്തിക്കുന്നു. ഒരു ഉപകരണം…
ഒടിടി പ്ലാറ്റ് ഫോമുകളുടെ ജിഎസ്ടി ചട്ടങ്ങള്‍ കടുപ്പിച്ച് കേന്ദ്ര സര്‍ക്കാര്‍. നെറ്റ് ഫ്‌ലിക്‌സ് (Netflix), സ്‌പോട്ടിഫൈ (Spotify), ഹോട്ട് സ്റ്റാര്‍ (Hotstar) തുടങ്ങിയ ഒടിടി പ്ലാറ്റ് ഫോമുകള്‍ ഇനി മുതല്‍ 18 % ജിഎസ്ടി അടയ്ക്കണം. ഒക്ടോബര്‍ ഒന്ന് മുതല്‍ പുതുക്കിയ ജിഎസ്ടി നിലവില്‍ വരും. ഇന്ത്യയിലെ മുഴുവന്‍ വിദേശ ഡിജിറ്റല്‍ സേവനദാതാക്കള്‍ക്കും നിയമം ബാധകം. ഒടിടി പ്ലാറ്റ് ഫോമുകള്‍ക്ക് പുറമേ, ഓണ്‍ലൈന്‍ വിദ്യാഭ്യാസ സേവനങ്ങളും ഗെയിമിങ്ങും പരസ്യങ്ങളും പുതിയ നിയമത്തിന് കീഴില്‍ വരും. ഇനി അടക്കേണ്ടി വരുംഒടിടി പ്ലാറ്റ്‌ഫോമുകള്‍ക്ക് ഇന്ത്യയില്‍ മികച്ച വരുമാനമാണ് ലഭിക്കുന്നത്. എന്നാല്‍ മിക്ക വിദേശ സ്ഥാപനങ്ങള്‍ക്കും ഇന്ത്യയില്‍ ജിഎസ്ടി അടക്കേണ്ട താനും. ജിഎസ്ടി രജിസ്‌ട്രേഷന് കീഴില്‍ വരാത്ത ഗുണഭോക്താക്കള്‍ക്ക് സേവനം നല്‍കുന്ന വിദേശ സ്ഥാപനങ്ങളെ ഇത്രയും കാലം നികുതിയില്‍ നിന്ന് ഒഴിവാക്കിയിരുന്നു. അതിനാല്‍ കേന്ദ്ര-സംസ്ഥാന സര്‍ക്കാരുകള്‍ക്കും വാണിജ്യേതര വിഭാഗത്തില്‍പെടുന്നവര്‍ക്കും ഡിജിറ്റല്‍ സേവനം നല്‍കിയിരുന്ന വിദേശ സ്ഥാപനങ്ങള്‍ക്ക് ജിഎസ്ടി അടയ്‌ക്കേണ്ടി വന്നിട്ടില്ല. ഇത്തരം സ്ഥാപനങ്ങളെല്ലാം ഇനി മുതല്‍…
ഇ-കൊമേഴ്‌സ് ഉത്സവ സീസണ്‍ വില്‍പ്പന ഇന്ത്യയിൽ ഈ വര്‍ഷം മൊത്തം 5,25,000 കോടി രൂപയുടെ ഓണ്‍ലൈന്‍ മൊത്ത വ്യാപാര മൂല്യം -GMV- നേടുമെന്ന് വിപണി ഗവേഷണ സ്ഥാപനമായ റെഡ്‌സീര്‍ സ്ട്രാറ്റജി കണ്‍സള്‍ട്ടന്റ്‌സിന്റെ (Redseer Strategy Consultants)റിപ്പോര്‍ട്ട് പറയുന്നു. ഏകദേശം 140 ദശലക്ഷം ഷോപ്പര്‍മാർ നയിക്കുന്ന ഇ കോമേഴ്‌സ് വിപണി ഈ വര്‍ഷം ഉത്സവ സീസണ്‍ വില്‍പ്പനയുടെ പത്താം വാര്‍ഷികം ആഘോഷിക്കുമ്പോള്‍ ഉത്സവമാസത്തില്‍ 90,000 കോടി രൂപയുടെ ഓണ്‍ലൈന്‍ മൊത്ത വ്യാപാരമൂല്യത്തിന്(ജി എം വി)സാക്ഷ്യം വഹിക്കാന്‍ സാധ്യതയുണ്ട്. ശരാശരി വില്‍പ്പന വില (എഎസ്പി) ഉയരുന്നതിലേക്ക് നയിക്കുന്ന സ്ഥിരമായ ഘടകങ്ങൾ ഇത്തവണത്തെ ഉത്സവ സീസണിലും ഉണ്ട്. കൂടാതെ പരസ്യങ്ങളുടെയും പ്രമോഷന്‍ വരുമാനത്തിന്റെയും വര്‍ദ്ധനവ് ഈ വര്‍ഷത്തെ ഉത്സവ സീസണിന്റെ മാര്‍ജിന്‍ ഏറ്റവും കാര്യക്ഷമമാക്കുമെന്ന് റിപ്പോര്‍ട്ട് പറയുന്നു.”ഈ പ്രവണതയില്‍ തുടരുന്നതിലൂടെ, ‘ഫാഷന്‍, സൗന്ദര്യം, വ്യക്തിഗത പരിചരണം, വീട്, പൊതു ചരക്കുകള്‍ എന്നിവയും അതിലേറെയും പോലെയുള്ള ഇലക്ട്രോണിക് ഇതര വിഭാഗങ്ങളില്‍ നിന്നുള്ള വരുമാനം വര്‍ദ്ധിക്കുമെന്ന് ഞങ്ങള്‍ പ്രതീക്ഷിക്കുന്നു”.…
2023-ൽ ഇന്ത്യയിൽ 20 സ്റ്റാർട്ടപ്പുകൾ മികച്ച രീതിയിൽ ഉയർന്നു വരുന്നതായി LinkedIn കണ്ടെത്തൽ. സാമ്പത്തിക വെല്ലുവിളികൾക്കിടയിലും, പ്രതിസന്ധികൾക്കിടയിലും, കൂട്ട പിരിച്ചു വിടലുകൾക്കു ഇടയിലും ഇന്ത്യൻ സ്റ്റാർട്ടപ്പുകൾ അഭിവൃദ്ധി പ്രാപിക്കുന്നു, ബഹിരാകാശ സാങ്കേതികവിദ്യ, AI, EV കമ്പനികൾ ആദ്യ 20 ൽ മുന്നിൽ നിൽക്കുന്നു എന്ന് ലിങ്ക്ഡ്ഇൻ പറയുന്നു. “രാജ്യത്തെ ബഹിരാകാശ സാങ്കേതിക സ്റ്റാർട്ടപ്പ് ഇക്കോസിസ്റ്റം പുതിയ ഉയരങ്ങൾ കൈവരിച്ചു, ആർട്ടിഫിഷ്യൽ ഇന്റലിജൻസ് കേന്ദ്രീകരിച്ചുള്ള കമ്പനികൾ നിക്ഷേപകരുടെ താൽപ്പര്യം ആകർഷിക്കുന്നു, ഇലക്‌ട്രിക് വെഹിക്കിൾ (ഇവി) സ്റ്റാർട്ടപ്പുകൾ ഇന്ത്യയുടെ ഗ്രീൻ റൈഡുകൾക്ക് ശക്തി പകരുന്നു”.ആറാമത്തെ വാർഷിക ലിങ്ക്ഡ്ഇൻ ടോപ്പ് സ്റ്റാർട്ടപ്പ് ലിസ്റ്റ് അനുസരിച്ച്, രാജ്യത്തെ 20 യുവ കമ്പനികൾ സമീപകാല സാമ്പത്തിക, ജോലിസ്ഥലത്തെ വെല്ലുവിളികളിലൂടെ കടന്നുപോകുകയും നിക്ഷേപകർക്കും മികച്ച പ്രതിഭകൾക്കും മുന്നിൽ വേറിട്ടുനിൽക്കുകയും ചെയ്തു. ലിങ്ക്ഡ്ഇൻ സ്റ്റാർട്ടപ്പുകളെ വിലയിരുത്തിയത് അവയുടെ 2022 ജൂലൈ 1 മുതൽ 2023 ജൂൺ 30 വരെയുള്ള തൊഴിൽ വളർച്ച, ഇടപഴകൽ, തൊഴിൽ താൽപ്പര്യം, മികച്ച പ്രതിഭകളുടെ ആകർഷണം എന്നിവ…
വേഗത്തില്‍ പറപറക്കുന്ന അതിവേഗ ട്രെയിനാണ് ഹൈപ്പര്‍ലൂപ് (Hyperloop), ഇലോണ്‍ മസ്‌കിന്റെ സ്വപ്‌ന പദ്ധതികളിലൊന്ന്. അങ്ങനെയുള്ള ഹൈപ്പര്‍ ലൂപ്പ് ഇന്ത്യയിലെ ട്രാക്കുകളിലൂടെ മിന്നിപായുമോ? സാധ്യത തള്ളികളയാന്‍ പറ്റില്ല. മദ്രാസ് ഐഐടിയിലെ മിടുക്കന്മാര്‍ അതിനുള്ള ശ്രമത്തിലാണ്. ഗരുഡ (Garuda) എന്ന പേരില്‍ ഹൈപ്പര്‍ ലൂപിന്റെ മാതൃക നിര്‍മിച്ച് വിജയകരമായി പരീക്ഷിച്ചിരിക്കുകയാണ് മദ്രാസ് ഐഐടിയിലെ വിദ്യാർത്ഥികള്‍. ആവിഷ്‌കാര്‍ ഹൈപ്പര്‍ലൂപ് (Avishkar Hyperloop) പദ്ധതിയുടെ ഭാഗമായാണ് അമ്പതോളം വിദ്യാർത്ഥികള്‍ ചേര്‍ന്ന് ഹൈപ്പര്‍ ലൂപിന്റെ ഇന്ത്യന്‍ മാതൃക നിര്‍മിച്ചത്. ഭാഗികമായി വാക്വമാക്കിയ (vaccum) ട്യൂബില്‍ കൂടി പാസഞ്ചര്‍ പോഡ് (യാത്രാവാഹനം) കടത്തി വിടുകയാണ് ഹൈപ്പര്‍ലൂപ് ചെയ്യുന്നത്. ഇതുവഴി യാത്രാസമയം കുറയ്ക്കാം. ഗരുഡയുടെ പാസഞ്ചര്‍ പോഡ് 1,000 കിലോമീറ്റര്‍ ദൂരം വെറും ഒരുമണിക്കൂറില്‍ പൂര്‍ത്തിയാക്കും. രാജ്യത്തിന് പുറത്തേക്കുംഹൈപ്പര്‍ലൂപ് സാങ്കേതിക വിദ്യയില്‍ പുതിയ ആശയങ്ങള്‍ കൊണ്ടുവരുന്നവര്‍ക്കായി സംഘടിപ്പിക്കുന്ന യൂറോപ്യന്‍ ഹൈപ്പര്‍ ലൂപ് വീക്ക് 2023-ലേക്ക് (European Hyperloop Week 2023) ഗരുഡ തിരഞ്ഞെടുക്കപ്പെട്ടതിന്റെ സന്തോഷത്തിലാണ് ഐഐടിയിലെ വിദ്യാർത്ഥികള്‍. ഐഐടിയിലെ അമ്പതോളം…
ലോകടൂറിസം ദിനത്തില്‍ പുരസ്കാരത്തിളക്കവുമായി കേരള ടൂറിസവും കാന്തല്ലൂരും. കേരളത്തിലെ ഉത്തരവാദിത്ത ടൂറിസം മിഷന്‍റെ സ്ട്രീറ്റ് പദ്ധതി നടപ്പാക്കിയ ഇടുക്കി ജില്ലയിലെ കാന്തല്ലൂരിനെ തേടിയെത്തിയത് കേന്ദ്ര സര്‍ക്കാരിന്‍റെ മികച്ച ടൂറിസം വില്ലേജ് ഗോള്‍ഡ് അവർഡ്. ടൂറിസത്തിലൂടെ സാമൂഹിക സാമ്പത്തിക പാരിസ്ഥിതിക മേഖലകളില്‍ നടത്തിയ സുസ്ഥിരവും വികേന്ദ്രീകൃതാസൂത്രണ പ്രവര്‍ത്തനങ്ങളും പരിഗണിച്ചാണ് പുരസ്കാരം. ലോക ടൂറിസം ദിനത്തോടനുബന്ധിച്ച് ന്യൂഡല്‍ഹിയിലെ ഭാരത് മണ്ഡപത്തില്‍ നടന്ന ചടങ്ങില്‍ കേന്ദ്ര ടൂറിസം സെക്രട്ടറി വി. വിദ്യാവതി ഐ എ എസ് കാന്തല്ലൂരിനുള്ള പുരസ്കാരം സമ്മാനിച്ചു. കേരള ടൂറിസം ഡയറക്ടര്‍ പി.ബി. നൂഹ് ഐ എ എസ്, സംസ്ഥാന റൂറല്‍ ടൂറിസം നോഡല്‍ ഓഫീസറും ഉത്തരവാദിത്ത ടൂറിസം സംസ്ഥാന മിഷന്‍ കോ ഓര്‍ഡിനേറ്ററുമായ കെ.രൂപേഷ് കുമാര്‍, കാന്തല്ലൂര്‍ ഗ്രാമപഞ്ചായത്ത് പ്രസിഡന്‍റ് പി.ടി. മോഹന്‍ദാസ് എന്നിവര്‍ പുരസ്കാരം ഏറ്റുവാങ്ങി.രാജ്യത്തിന് തന്നെ വിനോദ സഞ്ചാര മേഖലയില്‍ മാതൃകയാകുന്ന പ്രവര്‍ത്തനങ്ങള്‍ ഉത്തരവാദിത്ത ടൂറിസം മിഷനും കാന്തല്ലൂര്‍ ഗ്രാമ പഞ്ചായത്തും ചേര്‍ന്ന് നടപ്പാക്കിയിരുന്നു. കഴിഞ്ഞ എട്ടു മാസമായി…
ബാങ്ക് ജീവനക്കാര്‍ ഇടപാടുകാര്‍ക്കാണ് മുന്‍ഗണന നല്‍കേണ്ടതെന്ന് റിസര്‍വ് ബാങ്ക് ഓഫ് ഇന്ത്യ ഡെപ്യൂട്ടി ഗവര്‍ണര്‍ സ്വാമിനാഥന്‍ ജെ (Swaminathan J). ഇടപാടുകാരിൽ നിന്നും ബാങ്കുകളുടെ ഇടപാട് സംബന്ധിച്ച് വരുന്ന പരാതികൾ, അന്വേഷണങ്ങളുടെ വിഭാഗത്തില്‍ (enquiry) ഉള്‍പെടുത്താറുണ്ടെന്നും ഇത്തരം സ്ഥാപനങ്ങള്‍ക്കെതിരേ ശക്തമായ നടപടി സ്വീകരിക്കുമെന്നും സ്വാമിനാഥന്‍ പറഞ്ഞു. ബാങ്കുകള്‍ക്ക് ടാര്‍ഗറ്റ് പ്രധാനമാണെങ്കിലും ജീവനക്കാര്‍ ഇടപാടുകാരുടെ ആവശ്യങ്ങള്‍ക്കാണ് മുന്‍ഗണന നല്‍കേണ്ടത്.ഉപഭോക്താക്കളുടെ സാമ്പത്തിക ആവശ്യങ്ങള്‍ നടപ്പാക്കുന്നതിനൊപ്പം ടാര്‍ഗറ്റിലും ശ്രദ്ധിക്കാം. ഇതിനായി ബാങ്കുകള്‍ പുതിയ നയങ്ങള്‍ കൊണ്ടുവരാന്‍ തയ്യാറാകണം. വിവിധ ബാങ്കുകളിലെ തലവന്‍മാരുമായി സംസാരിക്കുകയായിരുന്നു അദ്ദേഹം. വാണിജ്യ സ്ഥാപനങ്ങള്‍ എന്ന നിലയില്‍ ബാങ്കുകള്‍ക്ക് ടാര്‍ഗറ്റുകള്‍ പ്രധാനപ്പെട്ടതാണ്. എന്നാല്‍ ടാര്‍ഗറ്റുകള്‍ എത്തിപ്പിടിക്കാനുള്ള പാച്ചിലിനിടയില്‍ പലപ്പോഴും ഇടപാടുകാരെ ശ്രദ്ധിക്കാതെ വന്നെന്നിരിക്കാം. ഉപഭോക്താക്കള്‍ക്ക് മുന്‍ഗണന നല്‍കേണ്ടതിന്റെ ആവശ്യകത ബാങ്കുകള്‍ ജീവനക്കാരെ ബോധ്യപ്പെടുത്തണം. ബാങ്കുകള്‍ പലപ്പോഴും വിപണി കണ്ടെത്തുന്നതില്‍ മാത്രമാണ് ശ്രദ്ധ കേന്ദ്രീകരിക്കുന്നത്. ഇടപാടുകാര്‍ക്ക് സാമ്പത്തിക മേഖലയുമായി ബന്ധപ്പെട്ട് സേവനമോ ഉപദേശമോ നല്‍കാന്‍ പലപ്പോഴും ജീവനക്കാര്‍ മെനക്കെടാറില്ല. ഇതില്‍ മാറ്റം വരണം. ഫിൻടെക്ക്…