Author: News Desk

ബം​ഗളൂരുവിൽ 5,000 കോടി രൂപയുടെ ടൗൺഷിപ്പ് നിർമിക്കാൻ ​ഗോദ്റേജ്. നോർത്ത് ബെം​ഗളൂരുവിലാണ് ​ഗോദ്റേജിന്റെ സ്വപ്ന പദ്ധതി വരാൻ പോകുന്നത്.നോർത്ത് ബം​ഗളൂരുവിൽ 65 ഏക്കറിലാണ് ​ഗോദ്റേജ് ടൗൺഷിപ്പ് പണിയാൻ പോകുന്നത്. 5.6 മില്യൺ ചതുരശ്ര അടിയിലായിരിക്കും ടൗൺഷിപ്പിന്റെ നിർമാണം. 2014ലാണ് പദ്ധതി ആലോചിച്ച് തുടങ്ങിയത്. പക്ഷേ, പല കാരണങ്ങൾ കൊണ്ട് നീണ്ടു പോകുകയായിരുന്നു. പദ്ധതിയുടെ ആദ്യ ഘട്ടം 2025 സാമ്പത്തിക വർഷത്തിൽ ആരംഭിക്കാനുള്ള തയ്യാറെടുപ്പിലാണ് ​ഗോദ്റേജ്. റെ​ഗുലേറ്ററി ഫയലിം​ഗിൽ ആണ് ​ഗോദ്റേജ് ഇക്കാര്യം പറഞ്ഞത്.പ്രീമിയം റസിഡൻഷ്യൽ അപ്പാർട്ട്മെന്റുകൾക്ക് പ്രാധാന്യം കൊടുത്ത് കൊണ്ടായിരിക്കും ​ഗോദ്റേജ് ടൗൺഷിപ്പ് നിർമിക്കുക. കെംബ​ഗൗഡ അന്താരാഷ്ട്ര വിമാനത്താവളം, വരാനിരിക്കുന്ന മെട്രോ സ്റ്റേഷൻ, സ്പെഷ്യൽ ഇക്കണോമിക് സോൺ എന്നിവയെല്ലാം കണക്കിലെടുത്താണ് നോർത്ത് ബം​ഗളൂരുവിൽ ടൗൺഷിപ്പ് നിർമിക്കുന്നത്.

ഹൈഡ്രജൻ ഇന്ധനത്തിൽ ഓടുന്ന രാജ്യത്തെ ആദ്യത്തെ യാത്ര ബോട്ട് വികസിപ്പിച്ചതിനുള്ള ക്രെഡിറ്റ് കൊച്ചി കപ്പൽ ശാലയ്ക്കാണ്. ഭാവിയുടെ ഇന്ധനമെന്ന് പ്രശസ്തമായ ഹൈഡ്രജൻ ഫ്യുവൽ സെല്ലാണ് ബോട്ടിൽ ഉപയോഗിച്ചിരിക്കുന്നത്. വാരണാസിയിലാണ് ബോട്ട് സർവീസ് നടത്തുന്നത്. തദ്ദേശീയമായി രാജ്യത്ത് ആദ്യമായാണ് ഇത്തരമൊരു ബോട്ട് നിർമിക്കുന്നത്. ഒറ്റക്കാഴ്ചയിൽ കൊച്ചി വാട്ടർ മെട്രോയുമായി സാമ്യത തോന്നും.24 മീറ്റർ നീളത്തിൽ നിർമിച്ചിരിക്കുന്ന കാറ്റമരൻ ബോട്ടിന് 50 യാത്രക്കാരെ വഹിക്കാൻ ശേഷിയുണ്ട്. യാത്രക്കാർക്ക് ഇരിക്കാൻ പറ്റുന്ന ഭാഗം എയർ കണ്ടീഷൻ ചെയ്തിട്ടുണ്ട്. ഉയർന്ന ഗുണനിലവാരമുള്ള പ്ലാസ്റ്റിക്-ഫൈബർ ഗ്ലാസാണ് നിർമാണത്തിൽ ഉപയോഗിച്ചിരിക്കുന്നത്. കൊച്ചിൻ ഷിപ്പ്‌യാർഡാണ് ഹൈഡ്രജൻ ബോട്ട് നിർമിച്ചിരിക്കുന്നത്.50-കിലോവാട്ട് പ്രോട്ടോൺ-എക്സ്ചേഞ്ച് മെമ്പറയിൻ (PEM) ഫ്യൂവൽ സെൽ, ലിഥിയം അയേൺ ഫോസ്ഫേറ്റ് ബാറ്ററി എന്നിവയുടെ ഊർജശേഷിയുണ്ട്. ശബ്ദമലിനീകരണം കുറവ്, സീറോ കാർബൺ പുറന്തള്ളൽ എന്നിവയാണ് കൊച്ചിൻ ഷിപ്പ്‍യാർഡ് ഉറപ്പ് നൽകുന്നത്. 5 സിലിണ്ടർ ഹൈഡ്രജൻ ഫ്യൂവൽ സെല്ലാണ് ഊർജത്തിനായി ഉപയോഗിച്ചിരിക്കുന്നത്. അധിക ഊർജത്തിനായി 3 കിലോവാട്ട് സോളാർ പാനലും ഉപയോഗിച്ചിട്ടുണ്ട്. ഹൈഡ്രജൻ ഫ്യുവൽ…

ലോകത്തെ ഏറ്റവും സമ്പന്ന ഹിന്ദു ക്ഷേത്രമായ തിരുമല തിരുപ്പതി വെങ്കിടേശ്വര സ്വാമി ക്ഷേത്രത്തിന്റെ ഫെബ്രുവരിയിലെ നടവരവ് 111.71 കോടി രൂപ. കഴിഞ്ഞ മാസം മാത്രം 19.06 ലക്ഷം പേർ തിരുപ്പതിയിൽ ദർശനം നടത്തിയെന്ന് തിരുമല തിരുപ്പതി ദേവസ്ഥാനം ഇഒ എവി ധർമ റെഡ്ഡി മാധ്യമങ്ങളോട് പറഞ്ഞു.ക്ഷേത്ര ദർശനം നടത്തിയവർക്ക് 95.43 ലക്ഷം ലഡ്ഡുവാണ് വിതരണം ചെയ്തത്. തിരുപ്പതിയിലെ പ്രധാന പ്രസാദമാണ് ലഡ്ഡു. ഏപ്രിലിൽ വേനൽ അവധി തുടങ്ങിയാൽ വിഐപി ദർശനത്തിന്റെയും 300 രൂപ നൽകിയുള്ള പ്രത്യേക ദർശനത്തിന്റെയും എണ്ണം കുറയ്ക്കാൻ ദേവസ്ഥാനം തീരുമാനിച്ചു. ഇവ രണ്ടും ഒഴിവാക്കി സാധാരണ സന്ദർശകർക്ക് കൂടുതൽ ദർശന സൗകര്യം ഒരുക്കുകയാണ് ലക്ഷ്യം. തിരുമലയിലെത്തുന്നവർക്ക് താമസ സൗകര്യം ഒരുക്കാനായി നിർമിച്ചിരിക്കുന്ന 7500 മുറികളിൽ 85 ശതമാനവും സാധാരണക്കാർക്ക് നൽകാനും തീരുമാനമായിട്ടുണ്ട്. 45,000 പേർക്ക് ഇവിടെ താമസിക്കാൻ സാധിക്കും. ഇതിലും കൂടുതൽ ആളുകൾക്ക് തിരുമലയിൽ താമസം അനുവദിക്കാൻ സാധിക്കാത്തതിനാൽ ഭക്തരോട് പരമാവധി തിരുപ്പതിയിൽ തന്നെ തങ്ങാൻ ദേവസ്ഥാനം ആവശ്യപ്പെട്ടു.…

നവകേരളാ സദസ്സിനായി സംസ്ഥാന സർക്കാർ വാങ്ങിയ ഒന്നരക്കോടി വിലയുള്ള ബസ് വീണ്ടും അണിഞ്ഞൊരുങ്ങുകയാണ്. മന്ത്രിസഭയ്ക്ക് സഞ്ചരിക്കാൻ പാകത്തിന് നിർമ്മിച്ച ബസിന്റെ സീറ്റടക്കം മാറ്റി ടൂറിസ്റ്റ് ബസിനു വേണ്ടുന്ന സംവിധാനങ്ങൾ ഒരുക്കുകയാണിപ്പോൾ. ടൂറിസം വകുപ്പിന്റെ കീഴിൽ അന്തർസംസ്ഥാന വിനോദ സഞ്ചാര യാത്രയ്ക്ക് തയാറെടുക്കുകയാണ് ബസ്. ഇതിനായി മുഖ്യമന്ത്രിക്ക് ഇരിക്കാൻ തയ്യാറാക്കിയ റിവോൾവിംഗ് സീറ്റ് അടക്കം ഇളക്കി മാറ്റിയിട്ടുണ്ട്. ആദ്യ യാത്ര ഡൽഹിയിലേക്ക് വോൾവോ ബസ്സിന്റെ രൂപം മാറ്റി നവകേരള ബസ്സാക്കിയ ബംഗളൂരുവിലെ എസ്.എം കണ്ണപ്പ ഓട്ടോമൊബൈൽസ് പ്രൈവറ്റ് ലിമിറ്റഡാണ് ബസ് പുതുക്കി പണിയുന്നത്. ബസിന്റെ നിറത്തിൽ മാറ്റം വരുത്തില്ല. പുഷ്ബാക്ക് സീറ്റുകൾ ഘടിപ്പിക്കും. ഫുൾ സീറ്റിംഗ് കപ്പാസിറ്റിയോടെയായിരിക്കും ബസ് നിരത്തിലിറക്കുക. കൂടാതെ ബുള്ളറ്റ് പ്രൂഫ് മാതൃകയിലുള്ള കട്ടിയുള്ള ഗ്ലാസ്സുകൾ മാറ്റി സാധാരണ ഗ്ലാസ്സുകളും ഫിറ്റ് ചെയ്യും. റിവോൾവിംഗ് സീറ്റുകൾ, എസ്‌കലേറ്റർ പടികൾ എന്നിവ മാറ്റുമെങ്കിലും ടോയ്ലെറ്റ് സൗകര്യം മാറ്റില്ല.ഈ മാസം പകുതിയോടെ ബസ് ആദ്യ യാത്രക്ക് തയ്യാറാകുമെന്നാണ് വിവരം. ഈ മാസം 20ന്…

ഗൂഗിൾ പേ ആപ്പിന് അമേരിക്കയിൽ വന്ന  നിരോധനം ഇന്ത്യയിൽ ബാധകമാകുമോ? ആപ്പ് ഉപയോഗം സുരക്ഷിതമാണോ? എന്നീ ചോദ്യങ്ങളാണിപ്പോൾ ഇന്ത്യയടക്കം രാജ്യങ്ങളിൽ ഉയരുന്നത്. ഗൂഗിൾ പേ ആപ് നിർത്തലാക്കുന്നു എന്ന് കേട്ട് വിഷമിക്കേണ്ട. അതിനേക്കാൾ ഇടപാടുകൾക്ക് എളുപ്പമാണ് ഗൂഗിൾ വാലറ്റ് . പേടിഎം പോലുള്ള വാലറ്റുകൾക്ക് സമാനമായി തന്നെയാണ് പ്രവർത്തനം. “It’s not a wallet. It’s Google Wallet” എന്നാണ് ഗൂഗിളിന്റെ ഉറപ്പ്. ഗൂഗിൾ പേ ആപ്പ് അമേരിക്കയിൽ പ്രവർത്തനം അവസാനിപ്പിക്കുന്നു എന്നും ഇനി ഗൂഗിൾ പേ വാലറ്റ് ആപ്പ് ആയിരിക്കും ഉണ്ടായിരിക്കുക എന്നുമുള്ള റിപ്പോർട്ട് അടുത്തിടെയാണ് പുറത്ത് വന്നത്. പേടിഎം പോലുള്ള വാലറ്റുകൾക്ക് സമാനമായി തന്നെ പ്രവർത്തിക്കുന്ന ഗൂഗിൾ പേ വാലറ്റ് യുഎസ് ഉൾപ്പെടെയുള്ള രാജ്യങ്ങളിൽ കൂടുതൽ ജനപ്രിയമാണ്. ഇ-കൊമേഴ്‌സ് കമ്പനികളിലും റീട്ടെയ്ൽ സ്റ്റോർ ശൃംഖലകളിലും എല്ലാം ഡിജിറ്റൽ വാലറ്റുകൾ ഇപ്പോൾ വ്യാപകമായി ഉപയോഗിക്കാറുണ്ട്. മൊബൈൽ പേയ്‌മെൻ്റുകൾ സ്വീകരിക്കുന്ന ബിസിനസുകാർക്കും ഉപയോക്താക്കൾക്കും ഒക്കെ ഒരുപോലെ പ്രിയങ്കരമാണ് വാലറ്റുകൾ. ഉപയോഗിക്കാൻ എളുപ്പം…

സർക്കാർ ജീവനക്കാരുടെ മുടങ്ങിയ ശമ്പള വിതരണം തിങ്കളാഴ്ച ആരംഭിക്കും. 1, 2 പ്രവൃത്തി ദിവസങ്ങളിൽ ശമ്പളം ലഭിക്കുന്നവർക്കാകും തിങ്കളാഴ്ച ശമ്പളം നൽകുക. മൂന്നു ദിവസമായി മുഴുവൻ ജീവനക്കാർക്കും പെൻഷൻകാർക്കും പണം നൽകാനാണ് ആലോചന. തിങ്കളാഴ്ചയും ശമ്പളം ലഭിച്ചില്ലെങ്കിൽ അനശ്ചിതകാല സമരം ആരംഭിക്കാനായിരുന്നു സെക്രട്ടറിയേറ്റ് ആക്ഷൻ കൗൺസിലിന്റെ തീരുമാനം. 3.5 ലക്ഷം ജീവനക്കാർക്കാണ് ശമ്പളം ലഭിക്കാനുള്ളത്. തുടർച്ചയായി ട്രഷറി ഓവർ ഡ്രാഫ്റ്റിൽ ആകാതിരിക്കാനാണ് സർക്കാർ ജീവനക്കാരുടെയും പെൻഷൻകാരുടെയും അക്കൗണ്ടുകളിലേക്ക് പണം പോകാതെ മരവിപ്പിച്ചത്. തിങ്കളാഴ്ച മുതൽ ഘട്ടംഘട്ടമായി ഇത് ഒഴിവാക്കാനാണ് തീരുമാനം.ആദ്യദിനം പെൻഷൻകാർക്കും സെക്രട്ടേറിയറ്റ് ജീവനക്കാർക്കുമായിരിക്കും പണം നൽകുക. രണ്ടാംദിനം മറ്റു വകുപ്പുകളിലെ ജീവനക്കാർക്കും മൂന്നാം ദിനംഅധ്യാപകർക്കും ശമ്പളം വിതരണം ചെയ്യും. തിങ്കളാഴ്ച ഉച്ചയോടെയെങ്കിലും പകുതി ജീവനക്കാർക്ക് പണം നൽകാനുള്ള ശ്രമത്തിലാണ് സർക്കാർ. ഇതിനായി ട്രഷറിയിൽ പരമാവധി പണം എത്തിക്കും. ബീവ്റേജസ് കോർപ്പറേഷൻ, കെഎസ്എഫ്ഇ തുടങ്ങിയ സ്ഥാപനങ്ങളോട് പരമാവധി പണവും ഇന്ധന കമ്പനികളോട് നികുതിയും ട്രഷറിയിൽ ഒടുക്കാൻ സർക്കാർ നിർദേശിച്ചിട്ടുണ്ട്. ഈ പണം…

ബെംഗളൂരുവിലെ വൈറ്റ്ഫീൽഡ് ബ്രൂക്ക് ഫീൻഡിലെ രാമേശ്വരം കഫേയിലുണ്ടായ സ്ഫോടനവുമായി ബന്ധപ്പെട്ട് നാലുപേർ കസ്റ്റഡിയില്ലെന്ന് സൂചന. പ്രതിയുടെ സിസിടിവി ദൃശ്യങ്ങൾ പൊലീസിന് ലഭിച്ചിരുന്നു. ഇതിന് പിന്നാലെയാണ് നാലുപേരെ കസ്റ്റഡിയിലെടുത്തത്. അതേ സമയം ആരുടെയും അറസ്റ്റ് രേഖപ്പെടുത്തിയിട്ടില്ല. പിടികൂടിയവരെ ചോദ്യം ചെയ്ത് വരികയാണ്. ബംഗളൂരു, ഹുബ്ബള്ളി, ദർവാഡ് എന്നിവിടങ്ങളിൽ നിന്നുള്ളവരെയാണ് കസ്റ്റഡിയിലെടുത്തത്. ലഭിച്ച സിസിടിവി ദൃശ്യങ്ങളിൽ നിന്ന് പ്രതിയുടെ രേഖാച്ചിത്രം വരയ്ക്കാനുള്ള ശ്രമത്തിലാണ് പൊലീസ്. പ്രതിയുടെ പേരിൽ യുഎഇഎ ഉൾപ്പടെ 7 വകുപ്പുകളാണ് ചുമത്തിയിരിക്കുന്നത്. ടൈമർ ഉപയോഗിച്ചാണ് ഐഇഡി സ്ഫോടനം നടത്തിയത് എന്നു പൊലീസ് കണ്ടെത്തിയിരുന്നു. വെള്ളിയാഴ്ചയുണ്ടായ സ്ഫോടനത്തിൽ പത്തോളം പേർക്ക് പരിക്കേറ്റിരുന്നു. വിഷയത്തിൽ കർണാടക മുഖ്യമന്ത്രി സിദ്ദ രാമയ്യ ഉന്നത പൊലീസ് ഉദ്യോഗസ്ഥരുമായി ചർച്ച നടത്തി. സ്ഫോടനം നടന്ന സ്ഥലം മുഖ്യമന്ത്രി സന്ദർശിച്ചു. ബോംബ് സ്ഫോടനമാണ് നടന്നതെന്ന് മുഖ്യമന്ത്രി സിദ്ദരാമയ്യ പറഞ്ഞിരുന്നു. തീവ്രത കുറഞ്ഞ ഐഇഡി സ്ഫോടനമാണെന്നും സംശയിക്കുന്നതായി സിദ്ദരാമയ്യ പറഞ്ഞു. വെള്ളിയാഴ്ച ഉച്ച സമയത്താണ് സ്ഫോടനം നടക്കുന്നത്. പ്രതിയെന്ന് സംശയിക്കുന്ന ആൾ കഫേയിലെത്തി…

ഊർജ പ്രതിസന്ധിക്ക് പരിഹാരം കണ്ടെത്താൻ മസാച്ചുസാറ്റ്സ് ആസ്ഥാനമായി പ്രവർത്തിക്കുന്ന ജിയോ തെർമൽ സ്റ്റാർട്ടപ്പായ ഖ്വീസ് (Quaise). ഭൂമിയുടെ ഉള്ളിലേക്ക് 12 മൈൽ ആഴത്തിൽ കുഴിച്ചാണ് ഖ്വീസ് ഊർജം കണ്ടെത്താൻ പദ്ധതിയിട്ടിരിക്കുന്നത്. മസാച്ചുസാറ്റ്സ് ടെക്നോളജി ഇൻസ്റ്റിറ്റ്യൂട്ടിൽ ഗവേഷണം പൂർത്തിയാക്കിയതിന് ശേഷമാണ് ഖ്വീസ് പ്രൊജക്ട് നടപ്പാക്കാൻ പോകുന്നത്. ലോകത്തിന്റെ ഊർജ ആവശ്യങ്ങൾക്ക് പ്രൊജക്ട് പരിഹാരം ആകുമെന്നാണ് പ്രതീക്ഷിക്കുന്നതെന്ന് ഖ്വീസ് സിഇഒ കാർലോസ് അരാകു മാധ്യമങ്ങളോട് പറഞ്ഞു.ജിറോട്രോൺ എന്ന ഉപകരണം ഉപയോഗിച്ചാണ് ഭൂമിക്കുള്ളിൽ 12 മൈൽ ആഴത്തിൽ തുരക്കാൻ പോകുന്നത്. തുടക്കത്തിൽ ഡ്രിൽ ഉപയോഗിച്ച് തുരന്നതിന് ശേഷം ജിയോട്രോൺ ഉപയോഗിക്കും. 12 മൈൽ ആഴത്തിൽ 932 ഫാരൻ ഹീറ്റാണ് താപനില. ഇത് ഉപയോഗിച്ച് ഫോസിൽ ഫയേർഡ് പവർ പ്ലാന്റുകളെ റീപവർ ചെയ്യാൻ സാധിക്കും. Quaise Energy, a Massachusetts-based startup embarking on an ambitious geothermal project to tap into a million-year energy source deep within the Earth’s crust.…

കേരളത്തിലെ യുവജനങ്ങൾക്ക് പ്രിയം കൂടുതൽ ഏത് നഗരത്തോടാണ്? കൊച്ചിയോടാണോ, തിരുവനന്തപുരത്തോടാണോ? ബിസിനസ് ചെയ്യാനും ജീവിക്കാനും കേരളത്തിലെ യുവജനത തിരഞ്ഞെടുക്കാൻ ആഗ്രഹിക്കുന്നത് ഇതിൽ ഏത് നഗരത്തെ ആയിരിക്കും? അതറിയാനായി  channeliam.com നടത്തിയ സർവേയിൽ ഏറ്റവും കൂടുതൽ ആളുകൾ തിരഞ്ഞെടുത്ത നഗരമേതാണെന്ന് അറിയാമോ? ഏകദേശം 1,20,000 പേരിലേക്കാണ് സർവേ എത്തിയത്. സർവേയിൽ പങ്കെടുത്ത ഭൂരിപക്ഷവും തിരുവന്തപുരത്തെക്കാൾ കൊച്ചിയെ ആണ് അനുകൂലിച്ചത്. സർവേയിൽ പങ്കെടുത്ത 83% പേരും കൊച്ചിക്ക് അനുകൂലമായി വോട്ട് ചെയ്തപ്പോൾ വെറും 17% പേർ മാത്രമാണ് തിരുവനന്തപുരം ബിസിനസിനും ജീവിക്കാനും പറ്റിയ നഗരമായി തിരഞ്ഞെടുത്തത്. കൊച്ചി/തിരുവനന്തപുരത്തെ മികച്ചതാക്കുന്ന ഘടകങ്ങൾ അറിയാൻ 12 ചോദ്യങ്ങളും സർവേയിൽ ഉൾപ്പെടുത്തിയിരുന്നു.തിരുവനന്തപുരത്ത് ടെക്നോപാർക്ക് ഉണ്ടായിട്ടും സർക്കാർ സ്ഥാപനങ്ങൾ കൂടുതലായിരുന്നിട്ടും കേരളത്തിൽ മികച്ച തൊഴിൽ അവസരങ്ങൾ തുറന്നു തരുന്ന നഗരമായി ആളുകൾ തിരഞ്ഞെടുത്തത് കൊച്ചിയെ ആണ്. 68% പേരാണ് കൊച്ചിക്കൊപ്പം നിന്നത്. 26% പേർ തിരുവനന്തപുരം സിറ്റിയെയും അനുകൂലിച്ചു.യുവാക്കൾ ജോലി ചെയ്യാൻ തിരഞ്ഞെടുക്കുന്ന നഗരമേതെന്ന ചോദ്യത്തിന് കൊച്ചി എന്നാണ് 73% പേരും…

ചിദംബരത്തിന്റെ മഞ്ഞുമ്മൽ ബോയ്സ് തിയേറ്ററകളിൽ സൂപ്പർ ഹിറ്റായി മുന്നേറി കൊണ്ടിരിക്കുകയാണ്. സിനിമയിൽ പ്രധാന സംഭവങ്ങൾ നടക്കുന്ന ഗുണാ കേവ്സിനെ പറ്റിയാണ് ഇപ്പോൾ സോഷ്യൽ മീഡിയയിലെ പ്രധാന ചർച്ച. കൊടൈക്കനാലിലെ ഗുണാ കേവ്സിന് സമാനമായ ഇടം ഇവിടെ കേരളത്തിലുമുണ്ട്. എറണാകുളത്തെ കൊച്ചരീക്കൽ ഗുഹയാണത്. പിറവം പാമ്പാക്കുടയ്ക്ക് അടുത്തായി സ്ഥിതി ചെയ്യുന്ന കൊച്ചരീക്കലിനെ സുന്ദരമാക്കുന്നത് കാടും കാടിനുള്ളിലെ ഉറവയും ചിറയും ഗുഹയുമാണ്. ചിറയോട് ചേർന്ന് വളരുന്ന വടുവൃക്ഷങ്ങളുടെ വേരുകൾ പരിസരമാകെ പടർന്ന് നിൽക്കുന്നത് കാണാൻ മനോഹരമായ കാഴ്ചയാണ്. ഇവിടെ മരത്തിന്റെ വേരുകൾക്കിടയിലാണ് ഗുഹാ സങ്കേതമുള്ളത്. വൻമരങ്ങൾക്ക് താഴെയുള്ള ചെറിയ ഗുഹയും ചിറയും കാണാം. മുത്തശ്ശി മരത്തിന്റെ വേരുകളാണ് ഈ ഗുഹയെ പൊതിഞ്ഞ് സംരക്ഷിച്ചിരിക്കുന്നത്. അധികം വിനോദസഞ്ചാരികൾ എത്താത്ത ഇടം കൂടിയാണ് ജില്ലയുടെ വിനോദസഞ്ചാര ഭൂപടത്തിൽ ഇടം പിടിക്കാതെ പോയ ഈ ഗുഹ.ഐശ്വര്യ ലക്ഷ്മി നായികയായി എത്തിയ കുമാരി എന്ന ചിത്രത്തിന്റെ ലൊക്കേഷനുകളിൽ ഒന്ന് കൂടിയായിരുന്നു കൊച്ചരീക്കൽ.രാവിലെ 8 മുതൽ വൈകീട്ട് 6 വരെയാണ് ഇവിടെ…