Author: News Desk

ടാറ്റാ ഗ്രൂപ്പിന്റെ റീട്ടെയിൽ സ്ഥാപനമായ ട്രെന്റിന്റെ (Trent Ltd) വാല്യൂ-ഫാഷൻ ബ്രാൻഡായ ‘സുഡിയോ’ (Zudio) രാജ്യത്ത് 1,000 സ്റ്റോറുകൾ എന്ന നാഴികക്കല്ല് പിന്നിട്ടു. 2016ൽ ആരംഭിച്ച ബ്രാൻഡ് പത്ത് വർഷത്തിനുള്ളിൽ ഇന്ത്യയിലെ 300ലധികം നഗരങ്ങളിലേക്കാണ് പ്രവർത്തനം വ്യാപിപ്പിച്ചത്. ഈ കാലയളവിൽ 10 കോടിയിലധികം ഉപഭോക്താക്കൾക്കാണ് സുഡിയോ സേവനം നൽകിയിട്ടുള്ളത്. സാധാരണക്കാർക്ക് താങ്ങാനാവുന്ന വിലയിൽ ട്രെൻഡി വസ്ത്രങ്ങൾ ലഭ്യമാക്കുന്നതിലൂടെ സംഘടിത റീട്ടെയിൽ വിപണിയിൽ വൻ മുന്നേറ്റമാണ് സുഡിയോ കാഴ്ചവെച്ചിരിക്കുന്നത്. ഒരൊറ്റ പരസ്യം പോലും നൽകാതെയാണ് സുഡിയോ ഈ വിപണി വിജയം കൈവരിച്ചതെന്നത് മറ്റൊരു പ്രധാന പ്രത്യേകതയാണ്. യാതൊരുവിധ പരസ്യ പ്രചാരണങ്ങളുമില്ലാതെ, ആകർഷകമായ വിലയും മികച്ച നിലവാരവും കൊണ്ട് മാത്രം ലക്ഷക്കണക്കിന് ഉപഭോക്താക്കളുടെ പ്രിയപ്പെട്ട ബ്രാൻഡായി മാറാൻ സുഡിയോയ്ക്ക് സാധിച്ചു. ടയർ-2, ടയർ-3 നഗരങ്ങൾ കേന്ദ്രീകരിച്ചുള്ള അതിവേഗ വിപുലീകരണവും ശക്തമായ വിതരണ ശൃംഖലയുമാണ് ട്രെന്റിന്റെ ഉടമസ്ഥതയിലുള്ള ഈ ബ്രാൻഡിനെ ഇന്ത്യയിലെ പ്രമുഖ വാല്യൂ-റീട്ടെയിൽ ശൃംഖലയാക്കി മാറ്റിയത്. Tata Group’s value-fashion brand Zudio achieves…

സംരംഭകർക്കായി തുടക്കമിട്ട കേരളാ ബ്രാൻഡ് കൂടുതൽ വിപുലപ്പെടുത്തുന്നു. കേരളത്തിൽ ഉത്പാദിപ്പിക്കുന്ന സംരംഭക ഉൽപ്പന്നങ്ങൾക്കും സേവനങ്ങൾക്കും ആഗോള വിപണിയിൽ മുൻഗണന ലഭ്യമാക്കുന്നതിനായുള്ള ‘കേരള ബ്രാൻഡ്’ ഇനി പോർട്ടൽ വഴി ലോകമൊട്ടുക്കുമെത്തും. സംസ്ഥാന വ്യവസായ വാണിജ്യ ഡയറക്ടറേറ്റ് തയ്യാറാക്കിയ ഈ പോർട്ടൽ വഴി ഉയർന്ന ഗുണനിലവാരവും തനിമയും പുലർത്തുന്ന തദ്ദേശീയ ഉൽപ്പന്നങ്ങൾക്ക് ‘MADE IN KERALA’ എന്ന സവിശേഷമായ ആഗോള ബ്രാൻഡിംഗ് കൈവരും. കേരളത്തിൽ നിന്നുള്ള അസംസ്‌കൃത വസ്തുക്കൾ ഉപയോഗിച്ച് നിർമ്മിക്കുന്നതും പരിസ്ഥിതി സൗഹൃദവും ബാലവേലയോ വിവേചനങ്ങളോ ഇല്ലാത്തതുമായ തൊഴിൽ സാഹചര്യങ്ങളിൽ തയ്യാറാക്കുന്നതുമായ ഉൽപ്പന്നങ്ങൾക്കാണ് അംഗീകാരം നൽകുന്നത്. വെളിച്ചെണ്ണ, കാപ്പി, തേയില, പാദരക്ഷകൾ, നെയ്യ്, തേൻ, കുപ്പിവെള്ളം, പ്ലൈവുഡ്, പി.വി.സി പൈപ്പ്, സർജിക്കൽ റബ്ബർ ഗ്ലൗസ്, കാലിത്തീറ്റ എന്നിങ്ങനെ 11 ഉൽപ്പന്നങ്ങളാണ് ആദ്യഘട്ടത്തിൽ ‘MADE IN KERALA’ എന്ന ആഗോള ബ്രാൻഡിംഗിനായി സംസ്ഥാനതല സമിതി അംഗീകരിച്ചിട്ടുള്ളത്. www.keralabrand.industry.kerala.gov.in പോർട്ടലിന്റെ ഉദ്‌ഘാടനം വ്യവസായ വകുപ്പ് മന്ത്രി പി കെ കുഞ്ഞാലിക്കുട്ടി ഉദ്ഘാടനം ചെയ്തു. കേരളത്തിൽ നിന്നുള്ള തനതു…

രൂക്ഷമായ ഭൗമരാഷ്ട്രീയ പ്രതിസന്ധികളും യുദ്ധങ്ങളും സാമ്പത്തിക സംഘർഷങ്ങളും നിറഞ്ഞ ഇന്നത്തെ ലോകത്തിന് സമാധാനത്തിന്റെയും കൂട്ടായ്മയുടെയും പുതിയ വഴി തുറക്കുകയാണ് ന്യൂഡൽഹിയിൽ നടന്ന ബ്രിക്സ് (BRICS) ഉച്ചകോടി. പശ്ചിമേഷ്യയിലെ സംഘർഷങ്ങൾ, റഷ്യ-ഉക്രെയ്ൻ യുദ്ധം, അമേരിക്കയുടെ കടുത്ത താരിഫ് നയങ്ങൾ എന്നിവയാൽ ലോകം വിഭജിക്കപ്പെട്ടിരിക്കുന്ന ഘട്ടത്തിലാണ് ‘ന്യൂഡൽഹി പ്രഖ്യാപനം’ അംഗീകരിച്ചുകൊണ്ട് അംഗരാജ്യങ്ങൾ ഒത്തുകൂടിയത്. കടുത്ത അഭിപ്രായവ്യത്യാസങ്ങൾക്കിടയിലും അഭിപ്രായസമന്വയത്തിലെത്താൻ ബ്രിക്സിന് കഴിഞ്ഞത് ധ്രുവീകരിക്കപ്പെട്ട ലോകത്തിന് നൽകുന്ന ശക്തമായൊരു സന്ദേശമാണ്. ലോക ഭരണസംവിധാനങ്ങളിലെ അസമത്വങ്ങളെയും വിവേചനങ്ങളെയും രൂക്ഷമായി വിമർശിച്ചുകൊണ്ട് പ്രധാനമന്ത്രി നരേന്ദ്ര മോദി ഉച്ചകോടിയിൽ ഉന്നയിച്ച ആശയങ്ങൾ ശ്രദ്ധേയമായി. വികസ്വര രാജ്യങ്ങളുടെ താൽപ്പര്യങ്ങൾ അവഗണിക്കപ്പെടുന്ന നിലവിലെ ആഗോള തീരുമാനമെടുക്കൽ ഘടനയെ pyramid of privilege എന്ന് വിശേഷിപ്പിച്ച അദ്ദേഹം, അതിനുപകരം എല്ലാവർക്കും തുല്യ പ്രാധാന്യമുള്ള ‘പങ്കാളിത്ത പ്ലാറ്റ്‌ഫോം’ (platform of partnership) വേണമെന്ന് ആവശ്യപ്പെട്ടു. ആഗോള പ്രതിസന്ധികളിൽ മുന്നിൽ നിൽക്കുന്ന ‘ഗ്ലോബൽ സൗത്ത്’ രാജ്യങ്ങൾക്ക് നയതീരുമാനങ്ങളിൽ അർഹമായ ഇടം ലഭിക്കണമെന്നതാണ് ഉച്ചകോടി മുന്നോട്ടുവെക്കുന്ന പ്രധാന ആശയം. വ്യത്യസ്ത…

ബ്രിക്സ് ഉച്ചകോടിക്കിടെ മോദിക്കും ലോകനേതാക്കൾക്കും മുൻപിൽ ‘അണ്ടർ വാട്ടർ ഡ്രോൺ’ സാങ്കേതികവിദ്യ അവതരിപ്പിച്ച് ശ്രദ്ധനേടുകയാണ് കൊച്ചിയിലെ ഐറോവ് സ്റ്റാർട്ടപ്പും സ്ഥാപകൻ ജോൺ ടി.മത്തായിയും. സൈനിക ആവശ്യങ്ങൾക്കായി വികസിപ്പിച്ച ‘ട്രൗട്ട്’ എന്ന അണ്ടർവാട്ടർ ഡ്രോൺ ആണ് ഐറോവ് ബ്രിക്സ് വേദിയിൽ അവതരിപ്പിച്ചത്. ബ്രിക്സ് ഉച്ചകോടിയുടെ ഭാഗമായുള്ള ‘ഭാരത് ഇന്നവേറ്റ്സ് എക്സ്പോസിഷനിലാണ്’ (Bharat Innovates Exposition) പ്രധാനമന്ത്രി നരേന്ദ്ര മോദി, റഷ്യൻ പ്രസിഡന്റ് വ്‌ളാഡിമിർ പുടിൻ, ചൈനീസ് പ്രസിഡന്റ് ഷി ജിൻപിങ്, ഇറാൻ പ്രസിഡന്റ് മസൂദ് പെസെഷ്കിയൻ, ഇന്തോനേഷ്യൻ പ്രസിഡന്റ് പ്രബോവോ സുബിയാന്തോ, ദക്ഷിണാഫ്രിക്കൻ പ്രസിഡന്റ് സിറിൽ റാമഫോസ തുടങ്ങിയ ലോകനേതാക്കൾക്ക് മുന്നിൽ ഐറോവ് തങ്ങളുടെ തദ്ദേശീയ അണ്ടർവാട്ടർ ഡ്രോൺ സാങ്കേതികവിദ്യ അവതരിപ്പിച്ചത്. സൈനിക ആവശ്യങ്ങൾക്കും സമുദ്ര സുരക്ഷയ്ക്കും ഒപ്പം കടലിനടിയിലെ അടിസ്ഥാന സൗകര്യങ്ങളും ഘടനകളും പരിശോധിക്കുന്നതിനായി വികസിപ്പിച്ചെടുത്തതാണ് ഐറോവിന്റെ അണ്ടർവാട്ടർ റോബോട്ടിക്സ് സംവിധാനങ്ങൾ. ഇതിൽ പ്രതിരോധ ആവശ്യങ്ങൾക്കായി പ്രത്യേകം വികസിപ്പിച്ച ‘ട്രൗട്ട്’ (Trout) എന്ന അണ്ടർവാട്ടർ ഡ്രോൺ ആണ് ഉച്ചകോടിയിൽ പ്രധാനമായും പ്രദർശിപ്പിച്ചത്.…

മഹാരാഷ്ട്രയിലെ സാങ്ലി ജില്ലയിലെ ചെറുഗ്രാമത്തിൽ ചെരുപ്പുകുത്തിയുടെ മകനായി ജനിച്ച് പത്മശ്രീ തിളക്കത്തിലേക്കും 350 കോടിയുടെ ബിസിനസ് സാമ്രാജ്യത്തിലേക്കും വളർന്ന യാത്രയാണ് അശോക് ഖാഡെയുടേത്. കടുത്ത ദാരിദ്ര്യവും ജാതിവിവേചനവും അനുഭവിച്ചു വളർന്ന ബാല്യകാലമായിരുന്നു അദ്ദേഹത്തിന്റേത്. ഉപജീവനത്തിനായി മുംബൈയിലേക്ക് ചേക്കേറിയ അശോക് ഖാഡെ, 1975ൽ മസഗോൺ ഡോകിൽ മാസത്തിൽ വെറും 90 രൂപ ശമ്പളത്തിൽ വെൽഡിങ് അപ്രന്റീസായി തന്റെ ഔദ്യോഗിക ജീവിതം ആരംഭിച്ചു. കഠിനാധ്വാനത്തിലൂടെ പടിപടിയായി ഉയർന്ന അദ്ദേഹം ജോലിക്കൊപ്പം പഠനം തുടർന്ന് മെക്കാനിക്കൽ എൻജിനീയറിങ് ഡിപ്ലോമ സ്വന്തമാക്കി. തുടർന്ന് ഇന്ത്യയുടെ അന്തർവാഹിനി പദ്ധതിയുടെ ഭാഗമായി വെസ്റ്റ് ജർമ്മനിയിൽ പരിശീലനത്തിന് പോകാൻ ലഭിച്ച അവസരം അദ്ദേഹത്തിന്റെ ജീവിതത്തിലെ വലിയൊരു വഴിത്തിരിവായി മാറി. ജർമ്മനിയിൽ നിന്ന് നേടിയ ആധുനിക മറൈൻ എൻജിനീയറിങ് പരിചയവും ഗുണനിലവാര മാനദണ്ഡങ്ങളും മുതൽകൂട്ടാക്കി, മസഗോൺ ഡോകിലെ ജോലി ഉപേക്ഷിച്ച് അദ്ദേഹം തന്റെ സഹോദരങ്ങളുമായി ചേർന്ന് 1992-ൽ ‘ഡി.എ എസ് ഓഫ്‌ഷോർ’ (DAS Offshore) എന്ന കമ്പനിക്ക് രൂപം നൽകി. ചെറിയൊരു ഫാബ്രിക്കേഷൻ…

വ്യത്യസ്തമായ കഥാപാത്രങ്ങളിലൂടെയും സിനിമകളിലൂടെയും ദക്ഷിണേന്ത്യൻ സിനിമാലോകത്ത് തന്റേതായ ഇടം നേടിയ താരമാണ് കാർത്തി. തമിഴ്നാടിനു പുറമേ ആന്ധ്രയിലും കേരളത്തിലും അടക്കം വലിയ ആരാധകവൃന്ദമുള്ള താരം, സ്വന്തം ഇൻഡസ്ട്രിക്ക് പുറത്തും ഏറെ പരിചിതമായ മുഖമാണ്. ‘സർദാർ 2’ എന്ന ചിത്രത്തിന്റെ റിലീസിനായി താരം തയ്യാറെടുക്കുമ്പോൾ, അദ്ദേഹത്തിന്റെ കരിയറിനൊപ്പം ആസ്തിയും ആഡംബര ജീവിതവുമെല്ലാം വീണ്ടും ആരാധകർക്കിടയിൽ ചർച്ചയാകുന്നു. ടിവി9 തെലുരുവിന്റെ റിപ്പോർട്ടുകൾ പ്രകാരം നടൻ കാർത്തിയുടെ ആകെ ആസ്തി ഏകദേശം 100 കോടി രൂപയാണ്. സിനിമാ പ്രതിഫലം, പരസ്യ ചിത്രങ്ങൾ, ബ്രാൻഡ് എൻഡോഴ്സ്മെന്റുകൾ എന്നിവയാണ് അദ്ദേഹത്തിന്റെ പ്രധാന വരുമാന സ്രോതസ്സുകൾ. പ്രതിവർഷം ഏകദേശം 18 കോടി രൂപയാണ് കാർത്തി സമ്പാദിക്കുന്നത് എന്നാണ് റിപ്പോർട്ട്. ഒരു ചിത്രത്തിന് ഏകദേശം 8 കോടി രൂപയാണ് താരം പ്രതിഫലമായി വാങ്ങുന്നത്. എങ്കിലും പ്രൊജക്റ്റിന്റെ സ്വഭാവത്തിനനുസരിച്ച് ഇതിൽ മാറ്റങ്ങൾ വരാറുണ്ട്. സിനിമാ വരുമാനത്തിന് പുറമെ ആഡംബര വാഹനങ്ങളിലും പ്രോപ്പർട്ടികളിലും കാർത്തി നിക്ഷേപം നടത്തിയിട്ടുണ്ട്. ഏകദേശം 66 ലക്ഷം രൂപ വിലമതിക്കുന്ന…

ലോകത്തിലെ ഏറ്റവും ഉയർന്ന ശമ്പളം വാങ്ങുന്ന സിംഗപ്പൂർ പ്രധാനമന്ത്രി ലോറൻസ് വോങ്ങിന്റെ ശമ്പളം വീണ്ടും വർധിപ്പിച്ചു. പാർലമെന്റിൽ നടത്തിയ പ്രഖ്യാപനപ്രകാരം, പ്രധാനമന്ത്രിയുടെ അടിസ്ഥാന വാർഷിക ശമ്പളം 60 ശതമാനത്തിലധികം വർധിപ്പിച്ച് 3.6 മില്യൺ സിംഗപ്പൂർ ഡോളർ (ഏകദേശം 27 കോടി രൂപ) ആക്കും. ഇതോടൊപ്പം മറ്റ് നേതാക്കളുടെ ശമ്പളവും വർധിപ്പിക്കും. സമർത്ഥരായ നേതാക്കളെ ഭരണത്തിലേക്ക് ആകർഷിക്കാനും മികച്ച ഭരണം നിലനിർത്താനും ഉയർന്ന ശമ്പളം അത്യന്താപേക്ഷിതമാണെന്നാണ് സർക്കാർ ഇതിന് ന്യായീകരണമായി ചൂണ്ടിക്കാണിക്കുന്നത്. പുതിയ പരിഷ്കരണ പ്രകാരം ഉപപ്രധാനമന്ത്രിയുടെ ശമ്പളം 3.06 മില്യൺ ഡോളറായും കാബിനറ്റ് മന്ത്രിമാരുടെ ശമ്പളം 1.80 മില്യൺ മുതൽ 2.88 മില്യൺ ഡോളർ വരെയുമായി ഉയരും. എങ്കിലും, ഒക്ടോബർ 15 മുതൽ നിലവിലുള്ള മന്ത്രിമാർക്ക് 9% വരെ ഒറ്റത്തവണ ശമ്പള വർദ്ധനവ് മാത്രമാണ് ആദ്യഘട്ടത്തിൽ ലഭിക്കുക. അതേസമയം സ്വന്തം ശമ്പള തുക പൂർണ്ണമായും ജീവകാരുണ്യ പ്രവർത്തനങ്ങൾക്ക് സംഭാവന ചെയ്യുമെന്ന് പ്രധാനമന്ത്രി ലോറൻസ് വോങ് വ്യക്തമാക്കിയിട്ടുണ്ട്. സ്വകാര്യമേഖലയിലെ ഉയർന്ന ശമ്പളവുമായി മത്സരിച്ച്…

യാത്രക്കാരുടെ യാത്രാനുഭവം കൂടുതൽ സുഗമമാക്കുന്നതിനായി ഇന്ത്യൻ റെയിൽവേ പഴയ പാസഞ്ചർ ട്രെയിനുകളിൽ പുതിയതും ഊർജ്ജക്ഷമതയുമുള്ള 6,000 എച്ച്.പി ലോക്കോമോട്ടീവുകൾ ഉൾപ്പെടുത്താൻ പദ്ധതിയിടുന്നു. മികച്ച സർവീസുകൾ ഉറപ്പാക്കുന്നതിനായി ഈ ശക്തമായ ജോടി എൻജിനുകൾ ‘പുഷ്-പുൾ’ രീതിയിലാണ് പ്രവർത്തിക്കുന്നത്. ഈ ആധുനിക ലോക്കോമോട്ടീവുകൾ വരുന്നതോടെ ട്രെയിനുകളിൽ വെളിച്ചത്തിനും എയർകണ്ടീഷണറുകൾക്കുമായി പ്രത്യേകമായി ഉപയോഗിച്ചിരുന്ന പവർ ജനറേറ്റർ കാറുകളുടെ ആവശ്യം പൂർണ്ണമായും ഒഴിവാകും. വന്ദേ ഭാരത് ട്രെയിനുകൾക്ക് പുറമെ സാധാരണ ട്രെയിനുകളിലും യാത്രക്കാർക്ക് കൂടുതൽ ആധുനിക സൗകര്യങ്ങളും മികച്ച യാത്രാനുഭവവും ഉറപ്പാക്കാൻ ഈ മാറ്റം സഹായിക്കുമെന്ന് മുതിർന്ന ഉദ്യോഗസ്ഥർ വ്യക്തമാക്കി. ഒരു ജോടി എൻജിനുകൾ ചേർന്ന് 12,000 എച്ച്.പി വരെ സംയോജിത കരുത്ത് നൽകുന്നതിനാൽ ട്രെയിനുകളുടെ വേഗത വർദ്ധിക്കുകയും, നവീകരിച്ച പാതകളിൽ മണിക്കൂറിൽ 160 കിലോമീറ്റർ വേഗതയിൽ സർവീസ് നടത്താൻ സാധിക്കുകയും ചെയ്യും. കോച്ചുകളുടെ പരമ്പരാഗത രീതി മാറ്റമില്ലാതെ നിലനിർത്തിക്കൊണ്ട് തന്നെ ലോക്കോമോട്ടീവ് സർവീസുകൾ കൂടുതൽ ആധുനികവത്കരിക്കാൻ ലക്ഷ്യമിട്ടുള്ളതാണ് ഈ പുതിയ നീക്കം. Indian Railways to…

രാജ്യത്തെ വർധിച്ചുവരുന്ന ജലക്ഷാമത്തിന് പരിഹാരം കാണാൻ കൃഷിയിൽ സാങ്കേതികവിദ്യയുടെ സഹായത്തോടെ ജല ഉപഭോഗം കുറക്കാനുള്ള ദൗത്യവുമായി രംഗത്തെത്തി ഐ.ഐ.ടി മദ്രാസ്. കുറഞ്ഞ അളവിലുള്ള ജലം ഉപയോഗിച്ച് നെല്ലും കരിമ്പും കൃഷി ചെയ്യുന്നതിനുള്ള പ്രിസിഷൻ അഗ്രികൾച്ചർ രീതികൾ ഐ.ഐ.ടി മദ്രാസ് പര്യവേക്ഷണം ചെയ്യുന്നതായി ഡയറക്ടർ പ്രൊഫ. വി. കാമകോടി വ്യക്തമാക്കി. കൃത്രിമ ബുദ്ധി, സെൻസറുകൾ, നെറ്റ്‌വർക്ക് സാങ്കേതികവിദ്യ, സൈബർ ഫിസിക്കൽ സംവിധാനങ്ങൾ എന്നിവ സംയോജിപ്പിച്ചാണ് ഐ.ഐ.ടി മദ്രാസ് ഈ സാങ്കേതികവിദ്യ വികസിപ്പിക്കുന്നത്. ഇന്ത്യയിൽ ഒരു കിലോഗ്രാം അരി ഉത്പാദിപ്പിക്കാൻ ശരാശരി 1,500 മുതൽ 2,000 ലിറ്ററിലധികം വെള്ളം ആവശ്യമാണെന്നിരിക്കെ, പരമ്പരാഗത ജലസേചന രീതികൾ രാജ്യത്തെ ജലക്ഷാമം രൂക്ഷമാക്കുന്നുണ്ട്. ഈ പശ്ചാത്തലത്തിൽ, മണ്ണിന്റെ ഈർപ്പം കൃത്യമായി അളക്കുന്ന സെൻസറുകളും ‘ആൾട്ടർനേറ്റ് വെറ്റിങ് ആൻഡ് ഡ്രൈയിങ്’ പോലുള്ള നൂതന മാർഗ്ഗങ്ങളും പ്രയോജനപ്പെടുത്തി കാർഷിക രംഗത്തെ ജലഉപഭോഗം വൻതോതിൽ കുറയ്ക്കാൻ കഴിയുമെന്നാണ് ഐ.ഐ.ടി മദ്രാസിന്റെ വിലയിരുത്തൽ. IIT Madras explores AI and precision agriculture techniques…

രാജ്യത്തെ പ്രമുഖ സെലിബ്രിറ്റികൾ സ്റ്റാർട്ടപ്പ് നിക്ഷേപങ്ങളിൽ സജീവമായി പങ്കെടുക്കുന്നതായി ട്രാക്‌സിന്റെ (Tracxn) പുതിയ റിപ്പോർട്ട് വ്യക്തമാക്കുന്നു. ഇലക്ട്രിക് വെഹിക്കിൾ (EV), ഓട്ടോമൊബൈൽ മേഖലകളിലെ വിവിധ ഫണ്ടിംഗ് റൗണ്ടുകളിൽ മുൻ ഇന്ത്യൻ ക്രിക്കറ്റ് താരം എം.എസ്. ധോണി, നടി ശ്രദ്ധ കപൂർ, ക്രിക്കറ്റ് ഇതിഹാസം സച്ചിൻ ടെൻഡുൽക്കർ എന്നിവർ നിക്ഷേപം നടത്തിയിട്ടുണ്ടെന്ന് ഈ ഡാറ്റ കാണിക്കുന്നു. വ്യക്തിഗത നിക്ഷേപ തുകയേക്കാൾ താരങ്ങൾ പങ്കെടുത്ത ഫണ്ടിംഗ് റൗണ്ടുകളുടെ എണ്ണത്തിന്റെ അടിസ്ഥാനത്തിലാണ് ഈ പട്ടിക തയ്യാറാക്കിയിരിക്കുന്നത്. ഇലക്ട്രിക് വെഹിക്കിൾ സ്റ്റാർട്ടപ്പായ ‘ഇ മോട്ടോറാഡിന്റെ’ (E Motorad) 2024 ഏപ്രിൽ 15ലെ ഏഞ്ചൽ ഫണ്ടിംഗ് റൗണ്ടിലാണ് എം.എസ്. ധോണി പങ്കാളിയായത്. ഇലക്ട്രിക് വാഹന മേഖലയിലെ ധോണിയുടെ ആദ്യ നിക്ഷേപമാണിത്. സോളാർ ഊർജ്ജം, ഡ്രോണുകൾ, ഫിറ്റ്നസ്, ഫുഡ് ടെക് തുടങ്ങിയ മറ്റ് വിവിധ മേഖലകളിലെ സ്റ്റാർട്ടപ്പുകളിലും ധോണി നിക്ഷേപം നടത്തിയിട്ടുണ്ട്. ഇവി സ്റ്റാർട്ടപ്പായ ‘ചാർജ് അപ്പിന്റെ’ (Chargeup) രണ്ട് ഫണ്ടിംഗ് റൗണ്ടുകളിലാണ് നടി ശ്രദ്ധ കപൂർ നിക്ഷേപം നടത്തിയിട്ടുള്ളത്.…