Author: News Desk

മാലിന്യ മുക്ത കേരളം പടുത്തുയർത്തുക എന്ന ഉദ്ദേശത്തോടെ എറണാകുളം മറൈൻ ഡ്രൈവിൽ നടന്ന ഗ്ലോബൽ എക്സ്പോ സമാപിച്ചപ്പോൾ അത് നിശ്ചയദാർഢ്യത്തിന്റെയും മാലിന്യമുക്ത സന്ദേശത്തിന്റെയും മറ്റൊരു തുടക്കമായി മാറുകയായിരുന്നു. എക്‌സ്‌പോ കഴിഞ്ഞപ്പോൾ കണ്ടത് 100% സീറോ വേസ്റ്റ്. ഗ്ലോബൽ എക്‌സ്‌പോയിൽ ഉപയോഗിച്ച പോളിഎത്തിലീൻ പ്രചാരണ പ്രിന്റിങ് ഷീറ്റുകൾ മുഴുവൻ എക്സ്പോയിൽ തന്നെയുള്ള റീസൈക്ലിങ് യൂണിറ്റിൽ വെച്ച് ലൈവായി റീസൈക്കിൾ ചെയ്ത് കൊണ്ടായിരുന്നു മാലിന്യ മുക്തം ഉറപ്പുവരുത്തിയത്. 100% ക്ലീനായി വേദിയും പരിസരവും എക്‌സ്‌പോ അവസാനിച്ച ദിവസം വൈകുന്നേരം, പ്രചാരണത്തിന് ഉപയോഗിച്ച പോളിഎത്തിലീൻ ഷീറ്റുകൾ മുഴുവൻ ഹരിത കർമ്മസേന വഴി തിരിച്ചെടുത്ത് ക്ലീൻ കേരള കമ്പനിക്ക് കൈമാറി. ക്ലീൻകേരള കമ്പനിയും കൊച്ചി മേയറും ചേർന്ന് കേരള പ്ലാസ്റ്റിക്ക് റീസൈക്ലിങ് ഇൻഡസ്ട്രീസ് അസോസിയേഷൻ പ്രസിഡന്റിന് അവ കൈമാറി. തുടർന്ന് അവ മേയർ തന്നെ റീസൈക്ലിങിന്റെ ആദ്യ പടിയായിട്ടുള്ള ഷെഡിങ് മെഷീനിലേക്ക് നിക്ഷേപിച്ച് കൊണ്ട് റീസൈക്ലിങിന് തുടക്കം കുറിക്കുകയും ചെയ്തു. സ്റ്റാൾ, കട്ടൗട്ട് എന്നിവയ്ക്ക് ഉപയോഗിച്ചവ അടുത്ത ദിവസം ഹരിത…

പ്രധാനമന്ത്രി നരേന്ദ്ര മോദിക്ക് ലയണൽ മെസ്സിയുടെ പേരുള്ള ജേഴ്സി സമ്മാനിച്ചു ബെംഗളൂരുവിൽ നടന്ന ഇന്ത്യൻ എനർജി വീക്കിൽ പ്രധാനമന്ത്രി നരേന്ദ്ര മോദിക്ക് ഒരു പ്രത്യേക സമ്മാനം ലഭിച്ചു. അർജന്റീനിയൻ ഊർജ കമ്പനിയായ വൈപിഎഫിന്റെ പ്രസിഡന്റ് പാബ്ലോ ഗോൺസാലസ്, ലയണൽ മെസ്സിയുടെ പേരുള്ള അർജന്റീനിയൻ ഫുട്‌ബോൾ ടീമിന്റെ ജേഴ്‌സി പ്രധാനമന്ത്രി മോദിക്ക് സമ്മാനിച്ചു. കായിക താരങ്ങളുടെ നേട്ടങ്ങളിൽ പ്രധാനമന്ത്രി നരേന്ദ്ര മോദി സോഷ്യൽ മീഡിയയിൽ എപ്പോഴും അഭിനന്ദനങ്ങൾ അറിയിക്കാറുണ്ട്. ഒളിമ്പിക്‌സ് പോലുള്ള മെഗാ ഇവന്റുകളിൽ ഇന്ത്യക്കാർ മെഡൽ നേടുമ്പോഴോ ക്രിക്കറ്റ് ടീമുകൾ മികച്ച പ്രകടനം നടത്തുമ്പോഴോ അവരെ അഭിനന്ദിക്കുന്നതിൽ പ്രധാനമന്ത്രി എപ്പോഴും സജീവമാണ്. ലയണൽ മെസ്സിയുടെ നേതൃത്വത്തിലുള്ള അർജന്റീന 2022 ഫിഫ ലോകകപ്പ് നേടിയപ്പോൾ പോലും അദ്ദേഹം ട്വീറ്റ് ചെയ്തിരുന്നു. “ഏറ്റവും ആവേശകരമായ ഫുട്ബോൾ മത്സരങ്ങളിൽ ഒന്നായി ഇത് ഓർമ്മിക്കപ്പെടും! #FIFAWorldCup ചാമ്പ്യൻമാരായതിന് അർജന്റീനയ്ക്ക് അഭിനന്ദനങ്ങൾ! അവർ ടൂർണമെന്റിലൂടനീളം ഉജ്ജ്വലമായി കളിച്ചു. അർജന്റീനയുടെയും മെസ്സിയുടെയും ദശലക്ഷക്കണക്കിന് ഇന്ത്യൻ ആരാധകർ ഗംഭീരമായ വിജയത്തിൽ ആഹ്ലാദിക്കുന്നു!…

തുടർച്ചയായ രണ്ട് സാമ്പത്തിക വർഷങ്ങളായി സാമ്പത്തിക സ്‌റ്റേറ്റ്‌മെന്റുകൾ സമർപ്പിക്കുന്നതിൽ പരാജയപ്പെട്ടതിന് ഇന്ത്യയിലെ ഒരു ലക്ഷത്തിലധികം കമ്പനികൾ രേഖകളിൽ നിന്ന് പുറത്താക്കപ്പെട്ടതായി കേന്ദ്ര സർക്കാർ അറിയിച്ചു തുടർച്ചയായ രണ്ട് സാമ്പത്തിക വർഷങ്ങളായി സാമ്പത്തിക സ്‌റ്റേറ്റ്‌മെന്റുകൾ സമർപ്പിക്കാത്തതിന് 1,27,952 കമ്പനികളെയാണ് കേന്ദ്ര സർക്കാർ റെക്കോർഡുകളിൽ നിന്ന് ഒഴിവാക്കിയത്. കോർപ്പറേറ്റ് കാര്യ സഹമന്ത്രി റാവു ഇന്ദർജിത് സിംഗ് ലോക്‌സഭയിലാണ് ഇക്കാര്യം വ്യക്തമാക്കിയത്. 2013ലെ കമ്പനീസ് ആക്‌ട് (Companies Act, 2013) പ്രകാരം ഷെൽ കമ്പനി എന്ന പദം നിർവചിച്ചിട്ടില്ലെന്നും ലോക്‌സഭയിൽ രേഖാമൂലം നൽകിയ മറുപടിയിൽ അദ്ദേഹം പറഞ്ഞു. ഷെൽ കമ്പനികളുമായി അറിയാതെ വ്യാപാരം നടത്തുന്ന സ്ഥാപനങ്ങൾക്ക് സർക്കാർ എന്തെങ്കിലും സുരക്ഷാ നടപടികൾ നടപ്പാക്കിയിട്ടുണ്ടോ എന്ന ചോദ്യത്തിന് മറുപടി പറയുകയായിരുന്നു മന്ത്രി. ഇത്തരം സ്‌ട്രക്ക് ഓഫ് കമ്പനികളുമായുള്ള ഇടപാടുകളുമായി ബന്ധപ്പെട്ട് സുരക്ഷാ നടപടികൾ സ്വീകരിക്കുന്നതിന്, മന്ത്രാലയം 2021 മാർച്ചിൽ നിയമത്തിലെ ഒരു ഷെഡ്യൂൾ ഭേദഗതി ചെയ്തതായി സിംഗ് പറഞ്ഞു. ഭേദഗതിയോടെ, സ്‌ട്രക്ക് ഓഫ് കമ്പനികളുമായി ബന്ധമുള്ള കമ്പനികൾ…

ഗ്രാമീണ കുടുംബങ്ങൾക്ക് കുറഞ്ഞ പലിശ നിരക്കിൽ വായ്പ വിതരണം ചെയ്യാൻ സംസ്ഥാന സർക്കാർ രൂപം നൽകിയ പദ്ധതിയാണ് മുറ്റത്തെ മുല്ല. ഗ്രാമീണ മേഖലയിലെ സ്ത്രീകളെയാണ് പദ്ധതി പ്രധാനമായും ലക്ഷ്യം വെയ്ക്കുന്നത്. കുടുംബശ്രീയുടേയും, സഹകരണ വകുപ്പിന്റേയും സംയുക്ത സഹകരണത്തോടെയാണ് പദ്ധതി നടപ്പിലാക്കുന്നത്. വീടുകളിൽ തുടങ്ങാനാകുന്ന ലഘുസംരംഭങ്ങൾക്കെല്ലാം ഈ വായ്പാ പദ്ധതി പ്രയോജനപ്പെടുത്താനാകും. 2018ലാണ് സംസ്ഥാന സർക്കാർ പദ്ധതിയ്ക്ക് തുടക്കമിട്ടത്. മണ്ണാർക്കാട് റൂറൽ സർവീസ് സഹകരണ ബാങ്കും, കുടുംബശ്രീയും സംയുക്തമായി തുടക്കമിട്ട മുറ്റത്തെ മുല്ല, വിജയം കണ്ടതോടെ മറ്റ് ജില്ലകളിലേക്കു കൂടി വ്യാപിപ്പിക്കുകയായിരുന്നു. പദ്ധതി പ്രകാരം, സ്ത്രീകൾക്ക് 12% പലിശനിരക്കിൽ 1,000 മുതൽ 25,000 രൂപ വരെ വായ്പയാണ് അനുവദിക്കുന്നത്. ഈടാക്കുന്ന 12 ശതമാനം പലിശയിൽ 9 ശതമാനം പ്രാഥമിക സഹകരണ സംഘങ്ങൾക്കും, 3 ശതമാനം കുടുംബശ്രീ വനിതകൾക്കും നൽകും. മികച്ച രീതിയിൽ പ്രവർത്തിക്കുന്ന കുടുംബശ്രീ യൂണിറ്റുകൾക്ക് കാർഷിക വായ്പാ സംഘങ്ങൾ 9% പലിശനിരക്കിൽ ക്യാഷ് ക്രെഡിറ്റ് വായ്പ അനുവദിക്കും. ഈ തുക 12%…

രാജ്യത്തെ 11 സംസ്ഥാനങ്ങളിലെയും, കേന്ദ്ര ഭരണ പ്രദേശങ്ങളിലെയും തിരഞ്ഞെടുത്ത പെട്രോൾ പമ്പുകളിൽ ഇനി മുതൽ ലഭിക്കുക ജൈവ പെട്രോൾ. 20 ശതമാനം എഥനോൾ കലർന്ന പെട്രോളാണ് ഇവിടങ്ങളിൽ ആദ്യഘട്ടമായി ലഭിക്കുക. കാർബൺ പുറന്തള്ളൽ കുറയ്ക്കുന്നതിനും, വിദേശനാണ്യം ലഭിക്കുന്നതിനും, സ്വാശ്രയത്വം രാജ്യത്തു ശക്തിപ്പെടുത്തുന്നതിനും ലക്ഷ്യമിട്ടുകൊണ്ടുള്ള ജൈവ ഇന്ധനങ്ങളുടെ ഉപയോഗം വർധിപ്പിക്കുന്നതിനുള്ള പരിപാടിയുടെ ഭാഗമായി പ്രധാനമന്ത്രി നരേന്ദ്രമോദിയാണ്‌ ബെംഗളുരുവിൽ നടന്ന ഇന്ത്യ എനർജി വീക്ക് 2023 ൽ വിപ്ലവകരമായ ഈ ജൈവ ഇന്ധനം പുറത്തിറക്കിയത്. E20 വന്നാൽ എന്താണ് മാറ്റം ? E20 ജൈവപെട്രോളിന്റെ നേട്ടങ്ങൾ നേരത്തെ പ്രഖ്യാപിച്ചത് പ്രകാരം ഏപ്രിലിൽ പുറത്തിറക്കുന്നതിന് രണ്ട് മാസം മുമ്പ് തന്നെ പ്രധാനമന്ത്രി നരേന്ദ്ര മോദി 10% എഥനോൾ കലർന്ന പെട്രോൾ പുറത്തിറക്കി എന്നിടത്താണ് പദ്ധതിയുടെ ഒരു വിജയം. 20% എഥനോൾ കലർന്ന ജൈവ പെട്രോൾ 2023ൽ രാജ്യത്തു അവതരിപ്പിക്കുകയായിരുന്നു ലക്ഷ്യം. എന്നാൽ അതിനും 5 വർഷം മുന്നേ തന്നെ 2025ൽ ഇ-20 (20 ശതമാനം എഥനോൾ ഉള്ള…

ഒക്കായയുടെ പുതിയ ഇലക്ട്രിക്ക് സ്കൂട്ടർ Faast F3 ഈ മാസം വിപണിയിലെത്തും. കമ്പനിയുടെ ഇലക്ട്രിക്ക് വാഹന പോർട്ട്ഫോളിയോയിലെ നാലാമത്തെ വാഹനമാണ് Faast F3 2500 വാട്ട് പീക്ക് പവർ ഉൽപ്പാദിപ്പിക്കുന്ന,1200 വാട്ട് മോട്ടോറോടുകൂടിയ Faast F3യ്ക്ക് 1,13,999 രൂപയാണ് പ്രാരംഭ വില വരുന്നത്. ഒറ്റച്ചാർജ്ജിൽ 120 മുതൽ 140 കിലോമീറ്റർ വരെ റേഞ്ചിൽ സഞ്ചരിക്കാൻ ഫാസ്റ്റ് എഫ് ത്രീയ്ക്ക് സാധിക്കുമെന്ന് കമ്പനി അവകാശപ്പെടുന്നു. 3.5 kwh ലിഥിയം അയേൺ എൽഎഫ്പി യൂണിറ്റുകളുള്ള ഡ്യുവൽ ബാറ്ററി പായ്ക്കാണ് വാഹനത്തിനുള്ളത്. ബാറ്ററി ലൈഫ് നീട്ടാൻ പര്യാപ്തമായ സ്വിച്ചബിൾ ടെക്നോളജിയും വാഹനത്തിൽ സജ്ജീകരിച്ചിരിക്കുന്നു. Faast F4, Freedum, ClassicIQ എന്നിവയാണ് ഒക്കായ പുറത്തിറക്കിയ മറ്റ് ഇലക്ട്രിക്ക് സ്ക്കൂട്ടറുകൾ. ഒക്കായയുടെ മറ്റ് ഇവികൾ നിലവിൽ, ഫാസ്റ്റ് സീരീസിൽ നിന്നുള്ള ഫാസ്റ്റ് എഫ്4 ഹൈ-സ്പീഡ് ഇലക്ട്രിക് സ്കൂട്ടറിന് രണ്ട് 72V 30Ah എൽഎഫ്പി ബാറ്ററികൾ ഉണ്ട്, ഇതിന് 4.4 kWh പീക്ക് എനർജി ഉൽപ്പാദിപ്പിക്കാൻ കഴിയും. ഒറ്റച്ചാർജ്ജിൽ 140…

തേങ്ങയുടച്ചു നിസാറിന് യാത്രയയപ്പ് , ഇന്ത്യയിൽ നിന്ന് ഭ്രമണപഥത്തിലേക്ക് ഇനി മഞ്ഞും മലയും ഭൂമിയുമൊക്കെ നിസാറിന്റെ റഡാറിൻകീഴിൽ NASA-ISRO Synthetic Aperture Radar mission – NISAR നിസാർ (NISAR) ഇന്ത്യയിലേക്ക് തിരിച്ചു. കാലിഫോർണിയയിൽ വച്ച് തേങ്ങയുടച്ചായിരുന്നു ഇന്ത്യൻ ആചാരപ്രകാരം നിസാറിനെ യാത്രയാക്കിയത്. നിസാർ ആരാണെന്നറിയണ്ടേ? നാസ-ഐഎസ്ആർഒ സിന്തറ്റിക് അപ്പേർച്ചർ റഡാർ (NASA-ISRO Synthetic Aperture Radar mission)നാസയും ഇന്ത്യൻ സ്‌പേസ് റിസർച്ച് ഓർഗനൈസേഷനും (ISRO) ചേർന്ന് നിർമ്മിച്ച സംയുക്ത ഭൗമ നിരീക്ഷണ ഉപഗ്രഹം (NISAR). ശുഭകരമായ യാത്രയയപ്പ് ഇന്ത്യയിൽ നിന്നും വിക്ഷേപണത്തിനൊരുങ്ങുന്ന, നാസയുടെ സാങ്കേതികത്വത്തിൽ തയാറായ നിസാർ ഇന്ത്യയിലേക്ക് പുറപ്പെടുന്നതിനു മുമ്പ് നാസ അധികൃതർ കാലിഫോർണിയയിൽ ഒരു യാത്രയയപ്പ് ചടങ്ങ് നടത്തി. ശുഭലക്ഷണമായ ഒരു യാത്രയുടെ തുടക്കമെന്ന നിലയിൽ നിസാർ ഉപഗ്രഹത്തിന്റെ സ്കെയിൽ മോഡലിന് മുന്നിൽ, നാസയുടെ നിസാർ പ്രോജക്ട് മാനേജർ ഫിൽ ബറേലയും (Phil Barela) ഐഎസ്ആർഒയുടെ നിസാർ പ്രോജക്ട് ഡയറക്ടർ സി വി ശ്രീകാന്തും (C V…

രാജ്യത്തെ ഇലക്ട്രിക് ഇരുചക്രവാഹനങ്ങൾക്കായുള്ള ഏറ്റവും വലിയ ബാറ്ററി സ്വാപ്പിംഗ് നെറ്റ്‌വർക്ക് പുറത്തിറക്കി യുമ എനർജി. പ്രമുഖ ഓട്ടോമോട്ടീവ് വിതരണക്കാരിൽ ഒന്നായ മാഗ്ന, ഷെയേർഡ് ഇലക്ട്രിക് മൈക്രോ-മൊബിലിറ്റി പ്ലാറ്റ്ഫോം യുലു എന്നിവയുടെ സംയുക്ത സംരംഭമാണ് ‘യുമ എനർജി’. സാങ്കേതിക വിദ്യയിൽ പ്രവർത്തിക്കുന്ന എനർജി-ആസ്-എ-സർവീസ് കമ്പനിയാണിത് ബാംഗ്ലൂർ, മുംബൈ, ഡൽഹി എന്നിവിടങ്ങളിലായി 85ലധികം എനർജി സ്റ്റേഷനുകളുടെ ശൃംഖല യുമ സ്ഥാപിച്ചിട്ടുണ്ട്. 2023 അവസാനത്തോടെ ഒന്നിലധികം നഗരങ്ങളിലായി 500-ലധികം സ്റ്റേഷനുകൾ വികസിപ്പിക്കാൻ പദ്ധതിയിടുന്നു. 2022 ഒക്ടോബറിൽ ഗവേഷണ വികസന കേന്ദ്രത്തിനായി ബെംഗളൂരുവിൽ 120 മില്യൺ ഡോളറിന്റെ നിക്ഷേപം കമ്പനി പ്രഖ്യാപിച്ചിരുന്നു. ഫിസ്ക്കർ അടക്കം ആ​ഗോള തലത്തിൽ പ്രവർത്തിക്കുന്ന കമ്പനികൾ മാ​ഗ്നയുടെ ഉപയോക്താക്കളിലുൾപ്പെടുന്നു. യുമയുടെ ബാറ്ററി സ്വാപ്പിം​ഗ് സ്റ്റേഷനുകൾ ഉയർന്ന ഡിമാൻഡുള്ള പ്രദേശങ്ങളിലാണ് യുമ സ്റ്റേഷനുകൾ സ്ഥിതി ചെയ്യുന്നത്. കൂടുതൽ ബന്ധിപ്പിച്ചതും കാര്യക്ഷമവും വിശ്വസനീയവും സുരക്ഷിതവുമായ സംയോജിത AI- പവർ ചാർജിംഗ് യൂണിറ്റുകളാണ് കമ്പനി സ്ഥാപിക്കുന്നത്. യുലുവിന്റെ അതിവേഗം വളരുന്ന ഇലക്‌ട്രിക് ഇരുചക്രവാഹനങ്ങളെ പിന്തുണയ്ക്കുക മാത്രമല്ല, മറ്റ്…

ഒരു പഴം കൊണ്ട് ഏഴ് ഗ്ലാസ് ജ്യൂസ്, മധുരം ആസ്വദിക്കാൻ മിറാക്കിൾ പഴം, സ്വയം വെള്ളം നനയ്ക്കുന്ന ചെടിച്ചട്ടി, ലോകരാജ്യങ്ങളിലെ അപൂര്‍വതകളുമായി ലുലു പുഷ്പമേളയുടെ രണ്ടാം സീസണ്‍ തിരുവനന്തപുരത്തെ ലുലു മാളില്‍ ലുലു പുഷ്പമേള‌ കാഴ്ചക്കാർക്കൊരുക്കിയത് ട്രെന്‍ഡിംഗ് കാഴ്ചകളും ലോകരാജ്യങ്ങളിലെ അപൂര്‍വതകളും.ബ്രസീല്‍, മലേഷ്യ, തായ്ലന്‍ഡ് ഉള്‍പ്പെടെ ലോകരാജ്യങ്ങളിലെ പുഷ്പ-ഫല സസ്യങ്ങളുടെയും വളര്‍ത്തുമൃഗങ്ങളുടെയും അപൂര്‍വ്വ കാഴ്ച മേളയെ ഏറെ ആകര്‍ഷകമാക്കി. ഇന്‍ഡോര്‍-ഔട്ട്‌ഡോര്‍ ഗാര്‍ഡനിംഗിനടക്കം അനുയോജ്യമായ സസ്യങ്ങള്‍, ബിഗോണിയ, ഇസെഡ്-ഇസെഡ്, സ്നേക്ക് പ്ലാന്‍റ് പോലുള്ള വായു ശുദ്ധീകരണ സസ്യങ്ങളും മേളയ്ക്ക് കൊഴുപ്പേകി. പല വര്‍ണ്ണങ്ങളിലുള്ള റോസ, ഓര്‍ക്കിഡ്, ബോഗണ്‍വില്ല അടക്കം സസ്യങ്ങളുടെയും പുഷ്പങ്ങളുടെയും ആയിരത്തിലധികം വൈവിധ്യങ്ങളാണ് മേളയിലുണ്ടായിരുന്നത്. മാളിലെ ഗ്രാന്‍ഡ് എട്രിയത്തില്‍ നടന്ന ചടങ്ങില്‍ ചലച്ചിത്ര താരം ഗൗതമി നായരാണ് പുഷ്പമേള ഉദ്ഘാടനം ചെയ്തത്. 7 ഗ്ലാസ് ജ്യൂസ് വരെ ഒരേസമയം നല്‍കുന്ന സണ്‍ഡ്രോപ് പഴം, ഒരു തവണ കഴിച്ചാല്‍ മൂന്ന് മണിക്കൂറോളം നാവില്‍ മധുര മുകുളങ്ങള്‍ നിലനിര്‍ത്തുന്ന പ്രമേഹ രോഗികളടക്കം ആവശ്യക്കാര്‍ ഏറെയുള്ള…

2023 ജനുവരി മാസത്തിൽ സമാഹരിച്ച മൊത്ത ചരക്ക് സേവന നികുതി (GST) വരുമാനം 1,55,922 കോടി രൂപ (1.55 ട്രില്യൺ രൂപ) ആണെന്ന് ധനമന്ത്രാലയം വെളിപ്പെടുത്തി. നടപ്പ് സാമ്പത്തിക വർഷത്തിലെ 2023 ജനുവരി വരെയുള്ള വരുമാനം കഴിഞ്ഞ വർഷം ഇതേ കാലയളവിലെ ജിഎസ്ടി വരുമാനത്തേക്കാൾ 24% കൂടുതലാണ്. അതിൽ CGST (കേന്ദ്ര ചരക്ക് സേവന നികുതി) 28,963 കോടി രൂപ, SGST (സംസ്ഥാന ചരക്ക് സേവന നികുതി) 36,730 കോടി രൂപ, IGST (സംയോജിത ചരക്ക് സേവന നികുതി നിയമം) 79,599 കോടി രൂപ- ചരക്കുകളുടെ ഇറക്കുമതിയിൽ നിന്ന് പിരിച്ചെടുത്ത 37,118 കോടി രൂപ ഉൾപ്പെടെ, സെസ് 10,630 കോടി രൂപ (സാധനങ്ങളുടെ ഇറക്കുമതിയിൽ നിന്ന് പിരിച്ചെടുത്ത 768 കോടി രൂപ ഉൾപ്പെടെ). റെ​ഗുലർ സെറ്റിൽമെന്റ് എന്ന നിലയിൽ സർക്കാർ IGSTയിൽ നിന്ന് 38,507 കോടി രൂപ സിജിഎസ്ടിയിലേക്കും 32,624 കോടി രൂപ എസ്ജിഎസ്ടിയിലേക്കും അടച്ചു. റെഗുലർ സെറ്റിൽമെന്റിന് ശേഷം 2023…