Author: News Desk

241 ദശലക്ഷം യാത്രക്കാരെ കൈകാര്യം ചെയ്ത് ലോകത്തിലെ അഞ്ചാമത്തെ വലിയ വ്യോമയാന വിപണിയായി ഇന്ത്യ. 350 എയർലൈനുകളെ പ്രതിനിധീകരിക്കുന്ന ഇന്റർനാഷണൽ എയർപോർട്ട് ട്രാൻസ്‌പോർട്ട് അസോസിയേഷൻ (IATA) പുറത്തുവിട്ട 2024ലെ വേൾഡ് എയർ ട്രാൻസ്‌പോർട്ട് സ്റ്റാറ്റിസ്റ്റിക്‌സിന്റെ (WATS) ഏറ്റവും പുതിയ കണക്ക് പ്രകാരമാണിത്. 2023നെ അപേക്ഷിച്ച് 11.1 ശതമാനമാണ് യാത്രക്കാരുടെ എണ്ണത്തിൽ ഉണ്ടായിരിക്കുന്ന വളർച്ച. പട്ടിക അനുസരിച്ച് 876 ദശലക്ഷം യാത്രക്കാരുമായി ലോകത്തിലെ ഏറ്റവും വലിയ വ്യോമയാന വിപണിയായി യുഎസ് തുടരുകയാണ്. 741 ദശലക്ഷം യാത്രക്കാരുമായി ചൈനയാണ് രണ്ടാം സ്ഥാനത്ത്. അതേസമയം പട്ടികയിൽ യുകെ, സ്പെയിൻ എന്നീ രാജ്യങ്ങളാണ് മൂന്നും നാലും സ്ഥാനങ്ങളിൽ ഉള്ളത്. 261 ദശലക്ഷം, 241 ദശലക്ഷം എന്നിങ്ങനെയാണ് ഇരുരാജ്യങ്ങളും യഥാക്രമം കൈകാര്യം ചെയ്തിരിക്കുന്ന യാത്രക്കാരുടെ എണ്ണം. India is now world’s 5th biggest aviation market, according to new data from the International Air Transport Association (IATA). The country handled 241…

ഇന്‍വസ്റ്റ് കേരള നിക്ഷേപ സംഗമത്തില്‍(Invest Kerala Summit) വാഗ്ദാനം ചെയ്യപ്പെട്ട 429 പദ്ധതികളില്‍ ആഗസ്റ്റ് മാസത്തോടെ നിര്‍മ്മാണം തുടങ്ങിയ പദ്ധതികള്‍ നൂറെണ്ണമാകുമെന്ന് വ്യവസായ മന്ത്രി പി രാജീവ് പറഞ്ഞു. ഐകെജിഎസിലെ വാഗ്ദാന പദ്ധതികളുടെ തത്സ്ഥിതി നിക്ഷേപകരില്‍ നിന്ന് തന്നെ അറിയുന്നതിന് വ്യവസായവകുപ്പ് കൊച്ചിയില്‍ സംഘടിപ്പിച്ച സംഗമം ഉദ്ഘാടനം ചെയ്യുകയായിരുന്നു അദ്ദേഹം. ആഗോള നിക്ഷേപക സംഗമത്തിലെ വാഗ്ദാന പദ്ധതികളില്‍ 21 ശതമാനം പ്രാരംഭപ്രവര്‍ത്തനങ്ങള്‍ തുടങ്ങിയത് രാജ്യത്ത് തന്നെ ആദ്യമായിരിക്കുമെന്ന് മന്ത്രി പറഞ്ഞു. ഇത് 50 ശതമാനമാക്കാനാണ് സര്‍ക്കാരിന്‍റെ പരിശ്രമം. നിക്ഷേപ പദ്ധതികളില്‍ എന്തെങ്കിലും പ്രായോഗിക ബുദ്ധിമുട്ടുകളുണ്ടെങ്കില്‍ അത് നേരിട്ട് പരിഹരിക്കുന്നതിനായാണ് നിക്ഷേപക സംഗമം കെഎസ്ഐഡിസി നടത്തിയത്. 20 ഓളം നിക്ഷേപകര്‍ തങ്ങള്‍ക്കുണ്ടായ പ്രശ്നങ്ങള്‍ മന്ത്രിക്ക് മുന്നില്‍ അവതരിപ്പിച്ചു. ഓരോ പ്രശ്നത്തിനും തത്സമയം തന്നെ മന്ത്രി പരിഹാരം നിര്‍ദ്ദേശിക്കുകയും അതത് വ്യവസായവകുപ്പ് ഉദ്യോഗസ്ഥര്‍ക്ക് ഇക്കാര്യങ്ങള്‍ സമയബന്ധിതമായി പൂര്‍ത്തിയാക്കാനുള്ള നിര്‍ദ്ദേശങ്ങള്‍ നല്‍കി. വിവിധ വകുപ്പുകള്‍ ഉള്‍പ്പെടുന്ന പ്രശ്നങ്ങള്‍ പരിഹരിക്കുന്നതിന് ആവശ്യമാണെങ്കില്‍ മന്ത്രിതല യോഗം വിളിക്കാമെന്നും അദ്ദേഹം…

ആരോഗ്യ രം​ഗത്തെ പുതിയ ഡയ​ഗനോസ്റ്റിക് രീതികൾ, മെഡിക്കൽ ഉപകരണങ്ങൾ, ഡിജിറ്റൽ ഹെൽത്ത് കെയർ സാധ്യതകൾ, പുതിയ മെഡിക്കൽ ടൂറിസം ആശയങ്ങൾ, ആരോ​ഗ്യ ജീവിതം എന്നിവ വിശദമായി ചർച്ച ചെയ്യുന്ന മെ​ഗാ എക്സിബിഷൻ ഹോസ്‌പെക്‌സ്, ഈ മാസം 22 മുതൽ 24 വരെ കൊച്ചിയിൽ നടക്കുകയാണ്. ആരോ​ഗ്യ രം​ഗത്തെ ഏറ്റവും പുതിയ എല്ലാ മുന്നേറ്റങ്ങളെയും ഒരു കുടക്കീഴിൽ കൊണ്ടുവരുന്ന കേരളത്തിന്റെ മുൻനിര മെഡിക്കൽ ടെക്‌നോളജി എക്സിബിഷനായ ഹോസ്പെക്സ് ഇത്തവണ എംഎസ്എംഇ മാനുഫാക്ചറിം​ഗ് യൂണിറ്റുകൾക്കായി സാമ്പത്തിക സഹായത്തോടെ പിന്തുണ ഒരുക്കുകയാണ്. മെഡിക്കൽ ഹെൽത്ത് കെയറിലെ എക്യുപ്മെന്റ് നിർമ്മാതാക്കൾ, ഹോസ്പിറ്റൽ ഇൻഫ്രാസ്ട്രക്ചർ ഒരുക്കുന്നവർ, മെഡിക്കൽ ​ഗാർമെന്റ്സ് ഉണ്ടാക്കുന്നവർ, ഹെൽത്ത് സെക്ടറിലെ ഐടി-കമ്മ്യൂണിക്കേഷൻ മേഖലയിൽ ഉള്ളവർ തുടങ്ങി ആരോ​ഗ്യ രം​ഗത്തെ എംഎസ്എംഇ നിർമ്മാതാക്കൾക്കാണ് ഹോസ്പെക്സിൽ സ്റ്റോളുകൾ ഇട്ടാൽ റീഇംപേഴ്സ്മെന്റ് കിട്ടും. അതായത് ​ഗണ്യമായ റീഇംബേഴ്‌സ്‌മെന്റ് ആനുകൂല്യങ്ങളോടെ മെഡിക്കൽ ഉൽപ്പന്നങ്ങൾ പ്രദർശിപ്പിക്കാനുള്ള അവസരമാണ് ഹോസ്പെക്സ് ഒരുക്കുന്നത്. ജനറൽ വിഭാഗത്തിലുള്ളവരുടെ യൂണിറ്റുകൾക്ക് സ്റ്റോളിന്റെ വാടകയുടെ 80% വരെ റീഇംബേഴ്‌സ്‌മെന്റ് ലഭിക്കും,…

ഇന്ത്യയിലെ റോഡ് യാത്രയ്ക്ക് പുതിയ അനുഭവം ഒരുക്കി Uber Intercity . സേവനം രാജ്യത്തെ 3,000ത്തിലധികം റൂട്ടുകളിൽ വ്യാപിച്ചു.ആഗസ്റ്റ് 7 മുതൽ സെപ്റ്റംബർ 6 വരെ ആരംഭിക്കുന്ന Motorhome പൈലറ്റ് സർവ്വീസ്, ഇന്‌റർസിറ്റി സേവനമാണ് ഒരുക്കിയിരിക്കുന്നത്. നാലോ അഞ്ചോ യാത്രക്കാർക്കായുള്ള ഈ വാഹനത്തിൽ ഡ്രൈവർ , ഹെൽപ്പർ കൂടാതെ ടെലിവിഷൻ, മൈക്രോവേവ്, മിനി‑ഫ്രിഡ്ജ് എന്നിവയുമുണ്ടാകും. റിയൽ ടൈം ലൊക്കേഷൻ ട്രാക്കിംഗ്, 24×7 ലൈവ് കസ്റ്റമർ സപ്പോർട്ടും ലഭ്യമാണ്. മുംബൈ‑പൂനെ, ഡെൽഹി‑അഗ്രാ, ബെംഗളൂരു‑മൈസൂർ, ലക്‌നൗ‑കാന്പൂര്‍, അഹ്‌മദാബാദ്‑വഡോദറ എന്നീ റൂട്ടുകളിൽ കഴിഞ്ഞ ഒരു വർഷമായി പ്രചാരമുള്ളവയാണ്. വെള്ളിയാഴ്ചയും ശനിയാഴ്ചയും ആണ് കൂടുതൽ തിരക്ക്. കഴിഞ്ഞ 12 മാസത്തെ ഇടയിൽ ഏറ്റവും കൂടുതൽ ഇന്റർസിറ്റി യാത്രകള്‍ നടന്നതും ഈ പറയുന്ന റൂട്ടുകളിലൂടെയാണ് 2026‑ഓടെ Uber Intercity 4,500 റൂട്ടുകൾ ലക്ഷ്യമിടുന്നു. സൗകര്യം, മികച്ച ട്രാവൽ എക്സ്പീരിയൻസ് എന്നിവയാണ് യാത്രക്കാർക്കായി ഊബർ മുന്നോട്ട് വെക്കുന്നത്. തീർത്ഥാടന യാത്രയും, അവധിക്കാല യാത്രകൾക്കായോ, കുടുംബ ട്രിപ്പിനും ബിസിനസ് ട്രിപ്പും ലക്ഷ്യമാക്കിയാണ്…

ഇന്ത്യ പ്രഖ്യാപിച്ച ആദ്യ ബുള്ളറ്റ് ട്രെയിൻ മുംബൈ മുതൽ അഹമ്മദാബാദ് വരെയാണ്. ദൂരം 508 കിലോമീറ്റർ. സമയം വെറും 2 മണിക്കൂർ. നിലവിൽ അഞ്ചര മണിക്കൂറാണ് ട്രെയിനിൽ മുംബൈ നിന്ന് അഹമ്മദാബാദിൽ എത്താൻ എടുക്കുക. അതാണ് വെറും രണ്ട് മണിക്കൂറിലേക്ക് ചുരുങ്ങുക. ഈ സ്വപ്ന പദ്ധതി ഉടൻ യാഥാർത്ഥ്യമാകുമെന്നാണ് റെയിൽവേമന്ത്രി വെളിപ്പെടുത്തിയിരിക്കുന്നത്. രാജ്യത്തിന്റെ ബുള്ളറ്റ് പ്രൊജക്റ്റ് യാഥാർത്ഥ്യമാകുകയാണ്. വളരെ വേഗം പ്രൊജക്റ്റിന്റെ പണി പൂർത്തിയായിക്കൊണ്ടിരിക്കുന്നു- കേന്ദ്ര റെയിൽ മന്ത്രി അശ്വിനി വൈഷ്ണവ് പറഞ്ഞു. മുംബൈയിലെ ബാന്ദ്ര കുർള കോംപ്ളക്സിൽ നിന്ന് തുടങ്ങുന്ന ബുള്ളറ്റ് ട്രെയിൻ ഗുജറാത്തിലെ വാപി, സൂററ്റ്, ആനന്ദ്, വഡോദര, വഴി അഹമ്മദാബാദിലെത്തും. മണിക്കൂറിൽ  320 കിലോമീറ്ററാകും ബുള്ളറ്റ് ട്രെയിനിന്റെ വേഗത. India’s first bullet train between Mumbai and Ahmedabad will soon be a reality. It will cover 508 km in just 2 hours at 320 km/h.

കളമശ്ശേരി മണ്ഡലത്തിലെ കുന്നുകരയിൽ പുതുതായി ഒരു കിൻഫ്ര ഭക്ഷ്യസംസ്കരണ പാർക്കിന് വ്യവസായ വകുപ്പിന്റെ ഭരണാനുമതി. കുന്നുകര വില്ലേജിലെ 37.82 ഏക്കർ ഭൂമി ഭക്ഷ്യ സംസ്കരണ പാർക്കിനായി ഏറ്റെടുക്കും, കേരളത്തിലെ തന്നെ ഏറ്റവും ആധുനികമായ മിനി ഭക്ഷ്യ സംസ്കരണ പാർക്കായി ഇതിനെ മാറ്റും സംസ്ഥാന സർക്കാർ പ്രഖ്യാപിച്ചിട്ടുള്ള മിനി ഫുഡ് പാർക്ക് പദ്ധതിയിൽ ഉൾപ്പെടുത്തിയാണ് ഈ പാർക്ക് സ്ഥാപിക്കുന്നത്. കാർഷികാനുബന്ധ മേഖലയിലെ പ്രധാന പദ്ധതികളിലൊന്നായി കുന്നുകരയിലെ നിർദ്ദിഷ്ട പാർക്കിനെ മാറ്റും. കുന്നുകര വില്ലേജിലെ 37.82 ഏക്കർ ഭൂമി ഭക്ഷ്യ സംസ്കരണ പാർക്കിനായി ഏറ്റെടുക്കുവാൻ നടപടികൾ ആരംഭിച്ചു. കിഫ്ബി ധനസഹായത്തോടെയാണ് പദ്ധതി നടപ്പാക്കുക. കളമശ്ശേരി നിയമസഭാ മണ്ഡലത്തിലെ കാർഷിക മുന്നേറ്റത്തിൻ്റെ ഫലം കൂടുതൽ പേരിലേക്ക് എത്തിക്കുന്നതിനാണ് പാർക്ക് സ്ഥാപിക്കുന്നത്. കാർഷിക മേഖലയിലെ ഈ മുന്നേറ്റം ശക്തിപ്പെടുത്തുന്നതിന് ഭക്ഷ്യ സംസ്ക്കരണ പാർക്ക് വഴിയൊരുക്കും. സുഗന്ധവ്യഞ്ജനങ്ങൾ, നാളികേരം, പഴങ്ങൾ, കേക്ക് & ബേക്കറി, പാലുൽപന്നങ്ങൾ തുടങ്ങിയവ അടിസ്ഥാനമാക്കിയുള്ള വ്യവസായ യൂണിറ്റുകൾ പാർക്കിലുണ്ടാകും. ജില്ലാ ഭരണകേന്ദ്രവുമായി…

തിരുവനന്തപുരം അടക്കം ഇന്ത്യയിലുടനീളമുള്ള എട്ട് വിമാനത്താവളങ്ങളുമായി ബന്ധപ്പെട്ട് വമ്പൻ പദ്ധതിയുമായി അദാനി ഗ്രൂപ്പ് (Adani Group). അദാനി എയർപോർട്ടുകൾ (Adani Airports) സ്ഥിതി ചെയ്യുന്ന 8 നഗരങ്ങളുടെ വികസനത്തിനായാണ് ഗ്രൂപ്പ് വമ്പൻ പദ്ധതിയുമായി എത്തുന്നത്. അദാനി വിമാനത്താവളങ്ങളോടു ചേർന്നുള്ള 655 ഏക്കർ നഗരപ്രദേശങ്ങളുടെ വികസനം മൂന്ന് ഘട്ടങ്ങളിലായാണ് നടക്കുക. തിരുവനന്തപുരത്തിന് പുറമേ മുംബൈ (Mumbai), നവി മുംബൈ (Navi Mumbai), അഹമ്മദാബാദ് (Ahmedabad), ലഖ്നൗ (Lucknow), ജയ്പൂർ (Jaipur), ഗുവാഹത്തി (Guwahati), മംഗളൂരു (Mangaluru) വിമാനത്താവളങ്ങളോടു ചേർന്നുള്ള നഗരങ്ങളിലാണ് വികസന പ്രവർത്തനങ്ങൾ നടക്കുക. പദ്ധതിയുടെ ആദ്യ ഘട്ടമായി മുംബൈ, നവി മുംബൈ എയർപോർട്ടുകളോടു ചേർന്ന 50 ഏക്കർ നഗരപ്രദേശത്ത് വികസനപ്രവർത്തനങ്ങൾ നടക്കും. ബാക്കി ആറ് എയർപോർട്ടുകളോടു ചേർന്നുള്ള പ്രദേശങ്ങളിലും 60 ഏക്കറോളം സ്ഥലത്ത് ആദ്യഘട്ടത്തിൽ വികസനം നടക്കും. വിമാനത്താവളങ്ങളോടു ചേർന്ന പ്രദേശങ്ങൾ വാണിജ്യവത്കരിക്കുകയാണ് വികസനത്തിന്റെ പ്രധാന ലക്ഷ്യം. ഇതിന്റെ ഭാഗമായി വമ്പൻ ഹോട്ടലുകൾ, ഷോപ്പിങ് കോംപ്ലക്സുകൾ, കൺവൻഷൻ സെന്ററുകൾ, വിനോദ കേന്ദ്രങ്ങൾ…

എഫ്എംസിജി ഭീമനായ പി ആൻഡ് ജിയുടെ (P&G) തലപ്പത്തേക്ക് ഇന്ത്യക്കാരൻ. മുംബൈയിൽ ജനിച്ചുവളർന്ന ശൈലേഷ് ജെജുരിക്കറാണ് (Shailesh Jejurikar) കമ്പനിയുടെ സിഇഒ ആയിരിക്കുന്നത്. അടുത്ത വർഷം ജനുവരി ഒന്നു മുതൽ അദ്ദേഹം സ്ഥാനമേൽക്കും. ഇതോടെ ആഗോള കമ്പനികളുടെ തലപ്പത്തിരിക്കുന്ന ഇന്ത്യൻ വംശജരുടെ പേരുകൾ വീണ്ടും വാർത്തകളിൽ നിറയുകയാണ്. സുന്ദർ പിച്ചൈ (Sundar Pichai)ഗൂഗിളിനേയും (Google) അതിന്റെ പാരന്റ് കമ്പനി ആൽഫബെറ്റിനേയും (Alphabet) നയിക്കുന്നത് തമിഴ്നാട്ടിലെ മധുരയിൽ ജനിച്ച സുന്ദർ പിച്ചൈയാണ്. ആഗോള സിഇഓമാരിൽ നേതൃമികവ് കൊണ്ട് പേരെടുത്ത വ്യക്തിയാണ് അദ്ദേഹം. സത്യ നദെല്ല (Satya Nadella)2014 മുതൽ മൈക്രോസോഫ്റ്റ് (Microsoft) ചെയർമാനും സിഇഓയുമായ സത്യ നദെല്ല സ്റ്റാർബക്സ് (Starbucks) ബോർഡ് മെമ്പർ കൂടിയായിരുന്നു. ഹൈദരാബാദിലാണ് അദ്ദേഹം ജനിച്ചത്. അരവിന്ദ് കൃഷ്ണ (Arvind Krishna)ആന്ധ്രയിൽ ജനിച്ചുവളർന്ന് യുഎസ്സിലേക്കെത്തിയ വ്യക്തിയാണ് ഇന്റർനാഷണൽ ബിസിനസ് മെഷീൻസ് (IBM) ചെയർമാനും പ്രസിഡന്റുമായ അരവിന്ദ് കൃഷ്ണ. ശന്തനു നാരായൻ (Shantanu Narayen)അഡോബി (Adobe) സിഇഒയായ ശന്തനുവിന്റെ പേരിൽ അഞ്ച്…

ഇന്ത്യയിലടക്കം ഏറെ സാധ്യതകളുള്ള കൃഷിയാണ് കൂൺ കൃഷി. യുഎന്നിന്റെ (UN) ഫുഡ് ആൻഡ് അഗ്രികൾച്ചർ ഓർഗനൈസേഷൻ (FAO) കണക്ക് പ്രകാരം വർഷത്തിൽ 40 മില്യൺ മെട്രിക് ടൺ കൂണാണ് ലോകമാകെ ഉത്പാദിപ്പിക്കപ്പെടുന്നത്. നിലവിൽ ചൈനയാണ് ആഗോളതലത്തിൽ ഏറ്റവുമധികം കൂൺ ഉത്പാദിപ്പിക്കുന്ന രാജ്യം. ചൈനയ്ക്ക് തൊട്ടുപുറകിൽ ഇന്ത്യ കൂൺ കൃഷിയിൽ രണ്ടാമതുണ്ട്. വൈറ്റ് ബട്ടൺ മഷ്റൂം, ഷിറ്റാകെ, എനോക്കി, വുഡ് ഇയർ, ഓയ്സ്റ്റർ മഷ്റൂം തുടങ്ങിയവയാണ് ചൈനയിൽ ഏറ്റവുമധികം ഉത്പാദിപ്പിക്കപ്പെടുന്ന കൂൺ വകഭേദങ്ങൾ. 32 മില്യൺ മെട്രിക് ടൺ ഉട്പാദനവുമായി ആഗോള കൂൺ കൃഷിയുടെ 75% ചൈനയിൽ നിന്നാണ്. അതേസമയം, വർഷത്തിൽ 1.2 മില്യൺ മെട്രിക് ടൺ ഉത്പാദനമാണ് രണ്ടാമതുള്ള ഇന്ത്യയ്ക്ക് ഉള്ളത്. യുഎസ്, നെതർലാൻഡ്സ്, പോളണ്ട് എന്നിവയാണ് കൂൺ കൃഷിയിൽ മുന്നിലുള്ള മറ്റ് രാജ്യങ്ങൾ. According to UN FAO, China is the world’s leading mushroom producer, with India ranking second. China produces 75% of…

2016ലെ സിവിൽ സർവീസ് പരീക്ഷയിൽ 50ആം റാങ്ക് നേടിയതോടെയാണ് സുരഭി ഗൗതം (Surabhi Gautam) ദേശീയശ്രദ്ധ നേടുന്നത്. മധ്യപ്രദേശിലെ സദ്ന ജില്ലയിലെ ചെറുഗ്രാമത്തിൽ ജനിച്ചുവളർന്ന സുരഭി സർക്കാർ സ്കൂളുകളിൽ ഹിന്ദി മീഡിയത്തിൽ പഠിച്ചായിരുന്നു സിവിൽ സർവീസ് നേട്ടത്തിലെത്തിയത്. പത്താം ക്ലാസ് പരീക്ഷയ്ക്ക് മികച്ച മാർക്ക് നേടിയ സുരഭിക്ക് എന്നാൽ റുമാറ്റിക്ക് ഫീവർ ബാധിച്ച് 12ആംതരം പഠനത്തിൽ ബുദ്ധിമുട്ട് അനുഭവിച്ചു. എന്നാൽ ഇതിനോട് പടവെട്ടി പ്ലസ് ടു പഠനം പൂർത്തിയാക്കിയ സുരഭി എൻജിനീയറിങ് എൻട്രൻസിൽ മികച്ച റാങ്കോടെ ഭോപ്പാൽ എൻജിനീയറിങ് കോളജിൽ ഇലക്ട്രോണിക്സ് ആൻഡ് കമ്യൂണിക്കേഷനിൽ പ്രവേശനം നേടി. അതുവരെ ഹിന്ദി മീഡിയത്തിൽ മാത്രം പഠിച്ച സുരഭിക്ക് കോളേജ് സിലബസ്സിലെ ഇംഗ്ലീഷ് പ്രശ്നമായി. തുടർന്ന് ഇംഗ്ലീഷ് പ്രത്യേകം പഠിച്ച് സുരഭി ആ കടമ്പയും തരണം ചെയ്തു. തുടർന്ന് യൂണിവേഴ്സിറ്റി ഒന്നാം റാങ്കോടെ എൻജിനീയറിങ് പൂർത്തിയാക്കി. പഠനശേഷം ടാറ്റ കൺസൽറ്റൻസി സർവീസിൽ (TCS) ജോലി കിട്ടിയെങ്കിലും സിവിൽ സർവീസ് സ്വപ്നം കണ്ട് ജോലിയിലേക്കു പ്രവേശിച്ചില്ല.…