Author: News Desk

കോവിഡ് ഉണ്ടാക്കിയ തകർച്ചയിൽ നിന്നും തിരികെ കയറിയ ബോളിവുഡ് നേടിയത് 12,000 കോടിയുടെ ബിസിനസ്. ഇതിൽ ഷാരൂഖ് ഖാൻ തന്റെ ചിത്രങ്ങളിലൂടെ ഒറ്റക്ക് നേടിയത് 2500 കോടി. ദക്ഷിണേന്ത്യൻ സിനിമകളുടെ കടന്നു കയറ്റത്തെ അതിജീവിച്ചു ബോളിവുഡിന്റെ വളർച്ച ഇക്കുറി 12% എന്നാണ് അനൗദ്യോഗിക കണക്കുകൾ. രണ്ടു വർഷത്തെ ബിസിനസ് മാന്ദ്യത്തിൽ നിന്നുമാണ് ബോളിവുഡ് കഴിഞ്ഞ വർഷം കരകയറിയത്. ഇതിൽ ഷാരൂഖ് ഖാൻ ഒറ്റയ്ക്കു പോരാടി നേടിയത് 2500 കോടിയോളം രൂപയുടെ ബിസിനസ്സാണ്. തമിഴ്, കന്നഡ, തെലുങ്ക് സിനിമകൾ കോടികൾ വാരിയ 2023ൽ ഹിന്ദി സിനിമ തകർന്നുവെന്നു കരുതിയിരിക്കെയാണ് കഴിഞ്ഞ വർഷത്തെ മിന്നും പ്രകടനം. കഴിഞ്ഞ വർഷം ഹിന്ദി സിനിമ 12 ശതമാനത്തിൽ കൂടുതൽ വളർച്ചയുണ്ടാക്കിയെന്നാണു കരുതുന്നത്. ഡിസംബറിൽ റിലീസ് ചെയ്ത സിനിമകളുടെ കളക്ഷൻ റിപ്പോർട്ട് വരാനിരിക്കുന്നതേയുള്ളു. ഒരു തരത്തിൽ ബോളിവുഡിനെ ദക്ഷിണേന്ത്യൻ സിനിമകളുടെ ബോക്സ് ഓഫീസ് കൊയ്ത്തിൽ നിന്നും പിടിച്ചു നിർത്തിയത് ഷാരൂഖ് ഖാൻ തന്നെ. കഴിഞ്ഞ വർഷം ഷാരൂഖ് അഭിനയിച്ച…

ചെന്നൈയിൽ നടന്ന രണ്ട് ദിവസത്തെ തമിഴ്നാട് ആഗോള നിക്ഷേപക സംഗമത്തിൽ 6.64 ലക്ഷം കോടി രൂപയുടെ നിക്ഷേപങ്ങൾ ആകർഷിക്കാൻ സാധിച്ചിട്ടുണ്ടെന്ന് തമിഴ്നാട് മുഖ്യമന്ത്രി എംകെ സ്റ്റാലിൻ. ഡിഎംകെ സർക്കാർ ആതിഥേയരായ സംഗമം തമിഴ്നാടിനെ 2030ഓടെ 1 ട്രില്യൺ സമ്പദ് വ്യവസ്ഥയുള്ള സംസ്ഥാനമായി മാറ്റുകയെന്ന ലക്ഷ്യത്തോടെയാണ് സംഘടിപ്പിച്ചത്. സംഗമത്തിൽ 5 ലക്ഷം കോടി രൂപയുടെ ധാരണാപത്രത്തിൽ ഒപ്പിടാൻ സാധിക്കുമെന്നായിരുന്നു സർക്കാർ കരുതിയിരുന്നത്. പ്രതീക്ഷിച്ചതിനേക്കാൾ നിക്ഷേപക സംഗമം വിജയം കൈവരിച്ചു. കാര്യങ്ങൾ ഉദ്ദേശിച്ച പോലെ നടക്കുകയാണെങ്കിൽ 26,90,657 തൊഴിലവസരങ്ങൾ സൃഷ്ടിക്കും. ഇതിൽ 14,54,712 പേർക്ക് നേരിട്ട് തൊഴിൽ ലഭിക്കും.സംഗമത്തിൽ ലഭിച്ച നിക്ഷേപക വാഗ്ദാനങ്ങൾ യാഥാർഥ്യമാക്കുന്നതിന് തുടർ നടപടികൾ സ്വീകരിക്കുമെന്നും മുഖ്യമന്ത്രി എംകെ സ്റ്റാലിനും വ്യവസായ മന്ത്രി ടിആർബി രാജയും പറഞ്ഞു. കമ്പനികൾക്ക് ഫാക്ടറികൾ തുടങ്ങുന്നതിനുള്ള സൗകര്യങ്ങൾ ഏകജാലക സംവിധാനത്തിലൂടെ ഉറപ്പാക്കും. ഫാക്ടറികൾ സ്ഥാപിക്കുന്നതിലും ഉത്പദാനത്തിലും സർക്കാരിന്റെ സഹായവും ഉണ്ടാകും. ഹരിത ഊർജത്തിന് ടാറ്റതമിഴ്നാട്ടിൽ നിക്ഷേപം നടത്തിയവരിൽ ടാറ്റ, ബ്രിഗേഡ്, ഹ്യൂണ്ടായ്, കാപ്ലിൻ പോയന്റ് ലബോറട്ടറി…

അത്യാവശ്യത്തിന് ഇമെയിൽ അയക്കാൻ നോക്കുമ്പോൾ അക്കൗണ്ട് സ്റ്റോറേജ് ഈസ് ഫുൾ എന്ന് കാണിക്കുന്നുണ്ടോ? ആൺഡ്രോയ്ഡിലും ഐഒഎസിലും ഡെസ്ക്ടോപ്പിലും ക്ലൗഡ് സ്റ്റോറേജ് ഉണ്ടെങ്കിൽ പിന്നെ സ്റ്റോറേജിനെ പറ്റിയുള്ള ടെൻഷൻ ഒഴിവാക്കാം. പണമടച്ച് ക്ലൗഡ് സ്റ്റോറേജ് വാങ്ങാൻ മടിക്കുന്നവർക്ക് മുന്നിലുള്ള ഏറ്റവും നല്ല മാർഗമാണ് ഗൂഗിൾ ഡ്രൈവ്. പോക്കറ്റ് കാലിയാക്കാതെ തന്നെ സ്റ്റോറേജ് ഉറപ്പിക്കാൻ ഗൂഗിൾ ഡ്രൈവ് സഹായിക്കും.മാസം 130 രൂപ മുതൽ ഇന്ത്യയിൽ ഗൂഗിൾ ഡ്രൈവ് സബ്സ്ക്രൈബ് ചെയ്യാൻ പറ്റും. 130 രൂപയ്ക്ക് 100 ജിബിയാണ് ഡ്രൈവ് സ്റ്റോറേജ് വാങ്ങാൻ സാധിക്കുക. ഓഫർ നോക്കാംഎന്നാൽ ക്ലൗഡ് സ്റ്റോറേജിന് ഗൂഗിൾ ഡ്രൈവ് ഉപയോഗിക്കുന്നതിന്റെ ഗുണം ഉപഭോക്താക്കൾക്ക് മനസിലാക്കി കൊടുക്കാൻ പുതുവർഷം മുതൽ കമ്പനി ഒരു സ്പെഷ്യൽ ഓഫർ മുന്നോട്ടു വെച്ചിരിക്കുകയാണ്. വെറും 35 രൂപയ്ക്ക് 3 മാസത്തേക്ക് ഡ്രൈവ് സ്റ്റോറേജ് വാങ്ങാം! പക്ഷേ, എല്ലാവർക്കും ഈ ഓഫർ ലഭ്യമായിരിക്കില്ല. ഓഫറിന് നിങ്ങൾക്ക് അർഹതയുണ്ടോയെന്ന് അറിയാൻ ഗൂഗിൾ ഐഡി ഉപയോഗിച്ച് ഗൂഗിൾ ഡ്രൈവ് അക്കൗണ്ടിൽ ഓഫർ…

കോടികൾ ചെലവഴിച്ച് ജപ്പാൻ കടലിൽ പടുത്തുയർത്തിയ കെൻസായ് അന്താരാഷ്ട്ര വിമാനത്താവളം മുങ്ങുന്നു. ജപ്പാനിലെ രണ്ടാമത്തെ ഏറ്റവും വലിയ മെട്രോ പൊളിറ്റൻ നഗരമായ ഒസാക്കയിൽ നിർമിച്ച വിമാനത്താവളമാണ് കടലിൽ മുങ്ങുന്നത്. വർഷം 25 മില്യൺ സഞ്ചാരികളെത്തുന്ന വിമാനത്താവളത്തിന്റെ വരുമാനം 20 മില്യൺ ഡോളറാണ്. വിമാനത്താവളം സംരക്ഷിക്കാൻ കോടികളാണ് ജപ്പാൻ ചെലവഴിക്കുന്നത്.1994ൽ പ്രവർത്തനം തുടങ്ങിയ വിമാനത്താവളം 30 വർഷം കൊണ്ട് 38 അടി കടലിൽ താണുവെന്നാണ് കണ്ടെത്തിയ്. ഏതാനും വർഷങ്ങൾ കൊണ്ട് വിമാനത്താവളവും ഒസാക്ക ദ്വീപും മുഴുവനായും കടലിൽ മുങ്ങാനുള്ള സാധ്യത വിദഗ്ധർ തള്ളിക്കളയുന്നില്ല. മനുഷ്യ നിർമിതമായ കൻകുജിമ ദ്വീപിന് മുകളിലാണ് വിമാനത്താവളം പണിതിരിക്കുന്നത്. കടലിന് മുകളിൽ പണിത ലോകത്തെ ആദ്യത്തെ വിമാനത്താവളം കൂടിയാണിത്. ടെർമിനൽ 1, ടെർമിനൽ 2 എന്നിവയ്ക്ക് വേണ്ടി ദ്വീപ് രണ്ടായി വേർത്തിരിച്ചിട്ടുണ്ട്. ലോകത്തെ തന്നെ ഏറ്റവും നീളം കൂടിയ എയർപോർട്ട് ടെർമിനലുള്ള വിമാനത്താവളത്തിന്റെ എന്ന വിശേഷണവും കെൻസായ്ക്കാണ്. 15 ബില്യൺ ഡോളർ ചെലവഴിച്ചാണ് വിമാനത്താവളം പണിതിരിക്കുന്നത്. പ്രധാന ദ്വീപിൽ…

6.82 ഇഞ്ച് ക്യൂഎച്ച്ഡിപ്ലസ് ( QHD+) ഡിസ്പ്ലേയുള്ള വൺപ്ലസ് 12 ഇന്ത്യയിൽ 23ന് ലോഞ്ചു ചെയ്യുന്നു. അതേ വേദിയിൽ തന്നെ വൺപ്ലസ് 12ആറിന്റെ (OnePlus 12R) ലോഞ്ചുണ്ടാകുമെന്നാണ് റിപ്പോർട്ട്. ലോഞ്ചിന് മുന്നോടിയായി യുഎസിൽ ഫോണിന്റെ വില പുറത്തായി. എൽടിപിഒ അമോലെ‍ഡ് (LTPO AMOLED) പാനലും 120Hz റിഫ്രഷ് നിരക്കുമുള്ള വൺ പ്ലസ് 12 ന്റെ ഏറ്റവും വലിയ പ്രത്യേകത 6.82 ഇഞ്ച് ക്യുഎച്ച്ഡി പ്ലസ് ഡിസ്പ്ലേയാണ്. ഇന്ന് ഉള്ളതിൽവെച്ചുള്ള ഏത് ഫോണിനെക്കാളും കൂടുതൽ ബ്രൈറ്റ്നെസ് വൺപ്ലസ് 12ന് അവകാശപ്പെടാനാകും. 4,500 nits പരമാവധി ബ്രൈറ്റ്നെസ് ഈ ഫോണുകൾക്കുണ്ട്. 10-ബിറ്റ് കളർ ഡെപ്ത്തും ഡിസ്പ്ലേ മേറ്റിൽ നിന്ന് എപ്ലസ് സർട്ടിഫിക്കറ്റ് നേടിയ പ്രോഎക്സ്ഡിആർ ഡിസ്പ്ലേ ഡോൾബി വിഷനിലാണ് വരുന്നത്. പെയിൽ ഗ്രീൻ, റോക്ക് ബ്ലാക്ക്, വൈറ്റ് എന്നീ നിറങ്ങളിലാണ് ഇവ വിപണിയിലെത്തുന്നത്. ബാറ്ററിയിലേക്ക് വരുമ്പോൾ, 5,400 mAh പവറിലാണ് ബാറ്ററി വൺ പ്ലസിന്റെ കുടുംബത്തിൽ നിന്ന് വരുന്നത്. വയർ ലെസ് ചാർജിംഗിന്റെ ശേഷി…

ഉത്പത്തി തുടങ്ങി ഇതുവരെയുള്ള പ്രപഞ്ചത്തിന്റെ അത്ഭുതങ്ങളുടെ പ്രദർശനവുമായി ഗ്ലോബൽ സയൻസ് ഫെസ്റ്റിവൽ കേരള ജനുവരി 15 മുതൽ ഫെബ്രുവരി 15 വരെ തോന്നയ്ക്കൽ ബയോ 360 ലൈഫ് സയൻസസ് പാർക്കിൽ. ശാസ്ത്ര സാങ്കേതിക പരിസ്ഥിതി കൗൺസിലും അമ്യൂസിയം ആർട്ട് സയൻസും ചേർന്നാണ് കേരള അന്താരാഷ്ട്ര ശാസ്ത്രോത്സവം സംഘടിപ്പിക്കുന്നത്. പരിണാമ സിദ്ധാന്തത്തിന്റെ ഉപജ്ഞാതാവായ ചാൾസ് ഡാർവിൻ സഞ്ചരിച്ച എച്ച്എംഎസ് ബീഗിൾ, ദിനോസറിന്റെ യഥാർഥ വലിപ്പത്തിലുള്ള അസ്ഥികൂടത്തിന്റെ മാതൃക, ഉള്ളിൽ നിന്ന് ആസ്വദിക്കാൻ കഴിയുന്ന പ്രപഞ്ചത്തിന്റെ മാതൃക, ബഹിരാകാശനിലയത്തിൽ നിന്നുള്ള കാഴ്ചകൾ തുടങ്ങി നിരവധി അത്ഭുതങ്ങൾ ശാസ്ത്രോത്സവത്തിൽ ആസ്വദിക്കാം. വീടിനുള്ളിൽ നിത്യവും കാണുന്ന വസ്തുക്കൾക്കു പിന്നിലെ ശാസ്ത്രം, മനുഷ്യ ശരീരത്തിന്റെ പ്രവർത്തനം എന്നിവയെല്ലാം നേരിട്ട് കണ്ടുപഠിക്കാനും അവസരമുണ്ട്. എ.ആർ, വി.ആർ അടക്കമുള്ള സാങ്കേതിക വിദ്യകളുടെയും മറ്റും സഹായത്തോടെ സംഘടിപ്പിക്കുന്ന ഫെസ്റ്റിവൽ കാണികൾക്ക് പുത്തൻ അനുഭവമാകും.   കേരളം കാണുന്ന ഏറ്റവും വലിയ ശാസ്ത്ര മേള 25 ഏക്കറിലാണ് ഫെസ്റ്റിവൽ സംഘടിപ്പിക്കുന്നത്. രണ്ടര ലക്ഷം ചതുരശ്ര…

32 കോടി വിനോദസഞ്ചാരികളുമായി ആഗോള വിനോദ സ‍ഞ്ചാര ഭൂപടത്തിൽ സ്ഥാനമുറപ്പിച്ച് ഉത്തർപ്രദേശ്. ഉത്തർപ്രദേശിൽ തന്നെ കഴിഞ്ഞ വർഷം വിനോദസഞ്ചാരികളുടെ ഒഴുക്കുണ്ടായത് കാശിയിലേക്കാണ്. ഒമ്പതു മാസം കൊണ്ടാണ് ഉത്തർപ്രദേശിൽ 32 കോടി വിനോദസഞ്ചാരികളെത്തിയത്. കാശി കഴിഞ്ഞാൽ പ്രയാഗ്‌രാജ്, അയോധ്യ തുടങ്ങിയ കേന്ദ്രങ്ങളിലേക്കാണ് ഏറ്റവും കൂടുതൽ വിനോദസഞ്ചാരികളെത്തിയത്. കോടികണക്കിന് ആളുകളാണ് ഇവിടം സന്ദർശിച്ചത്.മുൻ വർഷങ്ങളെ അപേക്ഷിച്ച് വിനോദസഞ്ചാരികളുടെ എണ്ണത്തിൽ 25% വർധനവുണ്ടായതായി കണക്കുകൾ സൂചിപ്പിക്കുന്നു. എഎൻഐയുടെ റിപ്പോർട്ട് അനുസരിച്ച് കഴിഞ്ഞ വർഷം യുപി സന്ദർശിച്ച ആഭ്യന്തര സഞ്ചാരികളുടെ എണ്ണം 31,91,95,206 ആണ്. ജനുവരി മുതൽ സെപ്റ്റംബർ വരെയുള്ള കണക്കാണിത്. 9,54,866 വിദേശ വിനോദസഞ്ചാരികളും ഉത്തർപ്രദേശ് സന്ദർശിച്ചു. കഴിഞ്ഞ വർഷം ഏറ്റവും കൂടുതൽ വിനോദസഞ്ചാരികളെ ആകർഷിച്ചത് പ്രധാനമന്ത്രി നരേന്ദ്ര മോദിയുടെ ലോക്സഭാ മണ്ഡലമായ വാരണാസിയാണ്. 8 കോടിയോളം പേരാണ് കഴിഞ്ഞ വർഷം വാരണാസി സന്ദർശിച്ചത്. ഇതിൽ ഒരുലക്ഷത്തോളം പേർ വിദേശ വിനോദസഞ്ചാരികളാണ്. ഉത്തർപ്രദേശിൽ സഞ്ചാരികൾ കാണാൻ ആഗ്രഹിക്കുന്ന രണ്ടാമത്തെ വിനോദസഞ്ചാര കേന്ദ്രം പ്രയാഗ്‌രാജാണ്. 4 കോടിയോളം…

പ്രധാനമന്ത്രി നരേന്ദ്ര മോദിയുടെ ലക്ഷദ്വീപ് സന്ദർശനത്തിന് പിന്നാലെ പ്രതിസന്ധി നേരിട്ട് മാലദ്വീപ്. ആഗോള വിനോദസഞ്ചാരികളുടെ ശ്രദ്ധ ലക്ഷദ്വീപിലേക്ക് കൊണ്ടുവരാൻ പ്രധാനമന്ത്രിയുടെ സന്ദർശനം സഹായിച്ചു. ഇത് തിരിച്ചടിയാകാൻ പോകുന്നത് മാലദ്വീപിന്റെ വിനോദസഞ്ചാര മേഖലയെയാണ്. ബീച്ച് ടൂറിസത്തിൽ നേട്ടമുണ്ടാക്കാൻ നമ്മുടെ ദ്വീപുകൾ ലക്ഷദ്വീപ് സന്ദർശന വേളയിലെ പ്രധാനമന്ത്രി നരേന്ദ്ര മോദിയുടെ സ്നോർക്കലിംഗിന്റെയും ബീച്ചിന്റെയും മറ്റും ചിത്രങ്ങളും വീഡിയോകളും സമൂഹമാധ്യമങ്ങളിൽ വൈറലായിരുന്നു. വിനോദസഞ്ചാര പട്ടികയിൽ ലക്ഷദ്വീപിനെയും ഉൾപ്പെടുത്തണമെന്നും പ്രധാനമന്ത്രി കുറിച്ചിരുന്നു. മാലദ്വീപിന് ബദലാണ് ലക്ഷദ്വീപ് എന്ന തരത്തിൽ സമൂഹമാധ്യമങ്ങളിൽ ചർച്ചകളും സജീവമായി. ഇതിന് പിന്നാലെയാണ് ബീച്ച് ടൂറിസത്തിൽ വെല്ലുവിളി നേരിടുന്ന ഇന്ത്യ മാലദ്വീപിനെ ലക്ഷ്യംവെക്കുന്നുവെന്ന തരത്തിൽ മാലദ്വീപ് മന്ത്രി അബ്ദുള്ള മഹ്സൂം മാജിദ് എക്സിൽ പോസ്റ്റിട്ടത്. പ്രധാനമന്ത്രിയുടെ ലക്ഷദ്വീപ് സന്ദർശനം ബീച്ച് മാലദ്വീപിന് വെല്ലുവിളിയാകുമെന്ന നിഗമനമാണ് ഇത്തരമൊരു പ്രസ്താവനയ്ക്ക് പിന്നില്ലെന്നാണ് വിലയിരുത്തൽ. ലക്ഷദ്വീപിലേക്ക് ലോകശ്രദ്ധ പോകുന്നത് വരുമാനത്തിന് വിനോദസഞ്ചാര മേഖലയെ മാത്രം ആശ്രയിക്കുന്ന മാലദ്വീപിന് വലിയ തിരിച്ചടിയാകും. രാജ്യത്തിന്റെ ബീച്ച് ടൂറിസത്തിന് പ്രധാനമന്ത്രിയുടെ ലക്ഷദ്വീപ് സന്ദർശനം…

തമിഴ്നാട്ടിൽ സൗരോർജ, കാറ്റാടി യൂണിറ്റുകൾക്ക് ടാറ്റയുടെ 70,000 കോടി രൂപയുടെ നിക്ഷേപം. 10 Gw ഉത്പാദന ശേഷിയുള്ള സൗരോർജ, കാറ്റാടി യൂണിറ്റുകൾക്ക് അഞ്ചു വർഷത്തേക്കാണ് ടാറ്റ 70,000 കോടി രൂപ നിക്ഷേപിക്കുന്നത്. നടപടിക്രമങ്ങൾ എല്ലാം കൃത്യമായി നടന്നാൽ ഇന്ത്യയിൽ ഒരു സംസ്ഥാനത്ത് ടാറ്റ നടത്തുന്ന ഏറ്റവും വലിയ നിക്ഷേപമായി ഇത് മാറും. തമിഴ്നാട് അന്താരാഷ്ട്ര നിക്ഷേപക സംഗമത്തിലാണ് സൗരോർജ, കാറ്റാടി യൂണിറ്റിനെ കുറിച്ച് ചർച്ച നടന്നത്. 2030ഓടെ 1 ട്രില്യൺ സമ്പദ് ശേഷിയുള്ള സംസ്ഥാനമായി തമിഴ്നാടിനെ മാറ്റുകയാണ് നിക്ഷേപക സംഗമത്തിന്റെ ലക്ഷ്യം.   ഇതു സംബന്ധിച്ച ധാരണാപത്രം തമിഴ്നാട് സർക്കാരും ടാറ്റ പവറും തമ്മിൽ തിങ്കളാഴ്ച ഒപ്പുവെക്കുമെന്നാണ് റിപ്പോർട്ട്.തമിഴ്നാട്ടിലെ തിരുനെൽവേലിയിൽ 4.3 Gw ഉത്പാദനശേഷിയുള്ള സോളാർ സെൽ ആൻഡ് മൊഡ്യൂൾ നിർമാണ ഫാക്ടറി നിർമിക്കാനിരിക്കുകയാണ് ടാറ്റ. ഇതിന് പുറമേയാണ് 10 ജിഗാവാട്ടിന്റെ പുതിയ പദ്ധതി. 5-7 വർഷം കൊണ്ടാണ് 70,000 കോടി രൂപയുടെ നിക്ഷേപം നടത്താൻ ഉദ്ദേശിക്കുന്നതെന്ന് ടാറ്റ പവർ കമ്പനി…

വിജയകരമായ ഇന്ത്യയുടെ പ്രഥമ സൗരദൗത്യ പേടകമായ ആദിത്യയിലും കേരളത്തിന്റെ വ്യക്തമായ പങ്കുണ്ട്. സംസ്ഥാനത്തെ പൊതുമേഖലാ സ്ഥാപനങ്ങളായ കെൽട്രോൺ, എസ്‌ഐഎഫ്‌എൽ, ടിസിസി, കെഎഎൽ എന്നീ സ്ഥാപനങ്ങളിൽ നിന്ന് നിർമ്മിച്ച വിവിധ ഉൽപ്പന്നങ്ങളാണ് ആദിത്യ എൽ-1 ദൗത്യത്തിനായി ഉപയോഗിച്ചിട്ടുള്ളത്. ആദിത്യ എൽ-1 വിക്ഷേപണ വാഹനമായ പിഎസ്‌എൽവിയുടെ വിവിധ ഘട്ടങ്ങൾക്കുള്ള ഫോർജിങ്ങുകൾ എസ്‌ഐഎഫ്‌എൽ തദ്ദേശീയമായി വികസിപ്പിച്ചു നൽകിയിട്ടുള്ളതാണ്. പ്രൊപ്പല്ലർ ടാങ്കിനാവശ്യമായ ടൈറ്റാനിയം അലോയ് ഫോർജിംഗ്‌സ്, 15സിഡിവി6 ഡോം ഫോർജിങ്സ് എന്നിവയ്ക്കൊപ്പം വികാസ് എഞ്ചിന്റെ പ്രധാന ഘടകമായ കൺവെർജെന്റ് ഡൈവേർജെന്റ് ഫോർജിങ്ങുകളും മറ്റു ഘടകങ്ങളായ പ്രിൻസിപ്പിൾ ഷാഫ്റ്റ്, ഇക്വിലിബിറിയം റെഗുലേറ്റർ പിസ്റ്റൺ, ഇക്വിലിബ്രിയം റെഗുലേറ്റർ ബോഡി എന്നിവയും എസ്‌ഐഎഫ്‌എൽ തദ്ദേശീയമായി വികസിപ്പിച്ചതാണ്. പിഎസ്‌എൽവി സി 57 ആദിത്യ എൽ-1 മിഷന്റെ ഭാഗമായി പിഎസ്‌എൽവി റോക്കറ്റിനു വേണ്ടി കെൽട്രോണിൽ നിർമിച്ചിട്ടുള്ള 38 ഇലക്‌ട്രോണിക്സ് മൊഡ്യൂളുകൾ ഉപയോഗിച്ചിട്ടുണ്ട്. ഇത് കൂടാതെ ദൗത്യത്തിനാവശ്യമായ വിവിധ തരം ഇലക്‌ട്രോണിക്സ് മോഡലുകളുടെ ടെസ്റ്റിങ് സപ്പോർട്ടും കെൽട്രോൺ നൽകിയിട്ടുണ്ട്. പദ്ധതിക്കാവശ്യമായ 150 മെട്രിക് ടൺ സോഡിയം…