Author: News Desk

സാങ്കേതിക വിദ്യയുടെ കാര്യത്തിലാണെങ്കിലും സ്റ്റാർട്ടപ്പിന്റെ കാര്യത്തിലാണെങ്കിലും സ്ത്രീകളുടെ സാന്നിധ്യമില്ലാത്ത രംഗങ്ങൾ ഇന്ന് തീരെയില്ല എന്നു പറയാം. സാമ്പത്തിക ശാക്തീകരണത്തിലൂടെയേ സ്ത്രീ ശാക്തീകരണം സാധ്യമാകുകയുള്ളൂവെന്ന തിരിച്ചറിവിൽ ലോകം എത്തിക്കഴിഞ്ഞു. സ്വയം സാമ്പത്തിക സ്വാതന്ത്ര്യം നേടുകയല്ല, മറ്റുള്ളവരെ അതിന് സഹായിക്കുകയും ചെയ്യുന്ന സ്ത്രീകൾ നമ്മുക്ക് ചുറ്റുമുണ്ട്. ചില വനിതകൾ എന്റർപ്രണർ-എന്ന തലത്തിൽ തങ്ങളുടെ മേഖലയിൽ വെന്നിക്കൊടി പാറിക്കുകയും ചെയ്യുന്നു. സൗന്ദര്യ വർധക ഉത്പന്നങ്ങൾ, ഭക്ഷണം, വസ്ത്രം, അലങ്കാര വസ്തു നിർമാണം എന്നീ മേഖലകളിലേ വനിതാ എന്റർപ്രണർമാർ ശോഭിക്കുകയുള്ളൂവെന്ന പൊതുബോധം തിരുത്തി കുറിച്ച വനിതകളും നിരവധി.കൈവെച്ച മേഖലകളിൽ വിജയം കൈവരിച്ച 25 വനിതാ എന്റർപ്രണർമാരെ കണ്ടെത്താനുള്ള തയ്യാറെടുപ്പിലാണ് സ്റ്റാർട്ടപ്പ്, എന്റർപ്രണർ മേഖലയിൽ പ്രവർത്തിക്കുന്ന എക്സ്ക്ലൂസീവ് മീഡിയാ പ്ലാറ്റ് ഫോമായ Channeliam.com. അന്താരാഷ്ട്ര വനിതാ ദിനത്തിന്റെ ഭാഗമായി ഈ വനിതാ എന്റർപ്രണർമാരുടെ നേട്ടങ്ങളും ഇന്നൊവേഷനും Channeliam ഫീച്ചർ ചെയ്യും. രണ്ട് കാറ്റഗറികളിലായിട്ടാണ് തിരഞ്ഞെടുപ്പ് 1. ബെസ്റ്റ് ഇൻ ഫീൽഡ്: പതിവ് രീതിയിൽ നിന്ന് മാറി, വ്യത്യസ്ത…

ടാറ്റ ഗ്രൂപ്പിന്റെ ഓഹരി സ്വന്തമാക്കാൻ നീക്കം നടത്തി മുകേഷ് അംബാനിയുടെ റിലയൻസ്. വാൾട്ട് ഡിസ്നി കമ്പനിയുടെ ഉടമസ്ഥതയിലുള്ള ടാറ്റാ പ്ലേയുടെ 29.8% ഓഹരിയാണ് റിലയൻസ് സ്വന്തമാക്കാൻ ലക്ഷ്യമിടുന്നത് എന്നാണ് റിപ്പോർട്ട്. ഇതുവഴി രാജ്യത്തെ ടെലിവിഷൻ വിതരണ മേഖലയിൽ അതികായന്മാരാകാനാണ് റിലയൻസ് ലക്ഷ്യമിടുന്നത്. ബിസിനസ് സ്റ്റാൻഡേർഡ് ആണ് റിപ്പോർട്ട് പുറത്തുവിട്ടത്.എല്ലാം മുകേഷ് അംബാനി വിചാരിക്കുന്ന പോലെ നടന്നാൽ ആദ്യമായി റിലയൻസും ടാറ്റയും ഒന്നിക്കും. ടാറ്റാ പ്ലേ പ്ലാറ്റ്ഫോമിൽ ജിയോ സിനിമ കാണാനും പറ്റും. ഒടിടി പ്ലാറ്റ് ഫോമിലൂടെ ജിയോ സിനിമയ്ക്ക് കൂടുതൽ റീച്ച് ഉണ്ടാക്കാനുള്ള ശ്രമത്തിലാണ് റിലയൻസ്.ടാറ്റാ പ്ലേയുടെ 50.2% ഓഹരി ടാറ്റാ സൺസിന്റെ ഉടമസ്ഥതയിലാണ്. ഡിസ്നിയെ കൂടാതെ സിംഗപ്പൂർ ആസ്ഥാനമായി പ്രവർത്തിക്കുന്ന ഫണ്ടിംഗ് കമ്പനിയായ ടെമസെകിനും (Temasek) ഓഹരിയുണ്ട്.   ടെമസെക് 1 ബില്യൺ ഡോളർ വില മതിക്കുന്ന 20% ഓഹരി വിൽക്കാൻ ഉദ്ദേശിക്കുന്നുണ്ട്. കഴിഞ്ഞ മാർച്ചിൽ ടാറ്റാ പ്ലേയുടെ വരുമാനത്തിൽ 105 കോടി രൂപയുടെ നഷ്ടം നേരിട്ടിരുന്നു. ഇതാണ് ടാറ്റാ…

യൂബർ ടെക്നോളജീസുമായി പങ്കാളിത്തതിന് ടാറ്റാ ഗ്രൂപ്പ് (Tata Group). ടാറ്റയുടെ ഡിജിറ്റൽ പ്ലാറ്റ് ഫോമിൽ എൻഗേജ്മെന്റും ട്രാഫിക് വോള്യവും വർധിപ്പിക്കാനാണ് ടാറ്റ, യൂബറുമായി പങ്കാളിത്തതിന് ലക്ഷ്യം വെക്കുന്നത്. ആങ്കർ ആപ്പിലേത് പോലെയായിരിക്കും യൂബറിന്റെ സേവനങ്ങൾ ലഭ്യമാകുക.സൂപ്പർ ആപ്പ് എന്ന പേരിൽ ടാറ്റ മാർക്കറ്റിലെത്തിച്ച ടാറ്റ ന്യൂ (Tata Neu) ആളുകൾക്കിടയിൽ പ്രതീക്ഷിച്ച പ്രതികരണമല്ല സൃഷ്ടിച്ചത്. ആപ്പിലേക്ക് പുതിയ ഉപഭോക്താക്കൾ വരുന്നത് കുറഞ്ഞതും ഉപയോഗം കുറഞ്ഞതും തിരിച്ചടിയായിരുന്നു. യൂബറിന്റെ സിഇഒ ഡാര കൊസ്റോഷാഹി ടാറ്റ സൺസിന്റെ ചെയർമാൻ എൻ ചന്ദ്രശേഖരനെ മുമ്പ് കണ്ട് സംസാരിച്ചിരുന്നു. കൂടുതൽ കാര്യങ്ങൾ ചർച്ച ചെയ്യാനായി വീണ്ടും ഇവർ ചർച്ച നടത്തുമെന്നാണ് വിവരം. ടാറ്റയും യൂബറും തമ്മിൽ ഇതിന് മുമ്പും കരാറിലേർപ്പെട്ടിട്ടുണ്ട്. 25,000 വാഹനങ്ങളുടെ വിതരണത്തിന് ഫെബ്രുവരിയിൽ ഇരു കമ്പനികളും തമ്മിൽ ധാരണയിൽ എത്തിയിരുന്നു. രാജ്യത്തെ ഏറ്റവും വലിയ വാഹന നിർമാതാവും റൈഡ് ഷെയറിംഗ് പ്ലാറ്റ് ഫോമും തമ്മിലുള്ള ഏറ്റവും വലിയ കരാറാണ് ഇത്. യൂബറിന് എക്സ്പ്രസ് ടി…

സ്ക്രീനിൽ നസ്‌ലിനും മമിതാ ബൈജുവും തകർത്തഭിനയിച്ചപ്പോൾ തിയേറ്ററിൽ പ്രേക്ഷകർ ചിരിച്ചു മറഞ്ഞു, ബോക്സ് ഓഫീസിൽ കോടികളുമെത്തി. ഗിരീഷ് എഡി സംവിധാനം ചെയ്ത പ്രേമലു ആദ്യ ഞായറാഴ്ച തന്നെ തിയേറ്ററിൽ നല്ല കളക്ഷൻ വാരിയിരുന്നു. ആദ്യ ആഴ്ച 7 കോടി രൂപയാണ് പ്രേമലു തിയേറ്റർ കളക്ഷൻ നേടിയത്. മൗത്ത് പബ്ലിസിറ്റി തിയേറ്ററിലെത്തി ആദ്യ ദിനം 90 ലക്ഷം രൂപയായിരുന്നു പ്രേമലുവിന്റെ കളക്ഷൻ. രണ്ടാം ദിനം കളക്ഷൻ 1.9 കോടിയായി. ഞായറാഴ്ച 2.75 ലക്ഷം രൂപ കളക്ഷൻ എന്ന റെക്കോർഡ്. മറ്റ് പ്രമോഷനുകളെക്കാൾ മൗത്ത് പബ്ലിസിറ്റിയാണ് പ്രേമലു കാണാൻ തിയേറ്ററിലേക്ക് ആളെ എത്തിച്ചത്. സിനിമ മൊത്തത്തിൽ യൂത്ത് വൈബാണെങ്കിലും കുടുംബ പ്രേക്ഷകരടക്കം എല്ലാവരും ഇരും കൈയും നീട്ടിയാണ് ചിത്രത്തെ സ്വാഗതം ചെയ്യുന്നത്. വലിയ താരനിരയില്ലെങ്കിലും തിയേറ്ററിലേക്ക് ഇടിച്ചു തള്ളി കയറുകയാണ് ആളുകൾ. ഹൈദരാബാദിലേക്ക് ക്യാമറ തിരിച്ച് ശ്യാം മോഹൻ, അഖില ഭാർഗവൻ, സംഗീത് പ്രതാപ്, മീനാക്ഷി രവീന്ദ്രൻ എന്നിവരും പ്രധാന വേഷങ്ങളിലെത്തിയ പ്രേമലു ചെറിയ…

ലോകത്തിൽ ആദ്യമായി ഗ്രീൻ ഹൈഡ്രജൻ ഉല്പാദന  പ്ലാന്റ് സ്ഥാപിക്കുന്ന വിമാനത്താവളമായി  മാറുകയാണ്  സിയാൽ. സിയാലിന്റെ സൗരോർജ പ്ലാന്റുകളിൽ നിന്നുള്ള വൈദ്യുതോർജം ഉപയോഗിച്ച്   ബി.പി.സി.എല്ലിന്റെ സാങ്കേതിക സഹായത്തോടെ ‘ ഭാവിയുടെ ഇന്ധന’മായ ഗ്രീൻ ഹൈഡ്രജൻ  ഉല്പാദിപ്പിക്കുന്നു എന്നതാണ് സവിശേഷത. പൂർണമായും സൗരോർജ്ജത്തിൽ പ്രവർത്തിക്കുന്ന ലോകത്തെ ആദ്യത്തെ വിമാനത്താവളമായ കൊച്ചി അന്താരാഷ്ട്ര വിമാനത്താവള ലിമിറ്റഡ് -സിയാൽ തങ്ങളുടെ ഹരിതോർജ പദ്ധതികൾ വിപുലീകരിക്കുകയാണ്.  വിമാനത്താവളത്തിൽ  ഗ്രീൻ ഹൈഡ്രജൻ പ്ലാന്റ് സ്ഥാപിക്കുന്നതിനായി സിയാൽ ഭാരത് പെട്രോളിയം കോർപ്പറേഷൻ ലിമിറ്റഡുമായി (ബി.പി.സി.എൽ) ധാരണാപത്രം ഒപ്പുവച്ചു. ബി. പി. സി. എല്ലിന്റെ  സാങ്കേതിക പിന്തുണയോടെ, കൊച്ചി വിമാനത്താവള പരിസരത്താണ് ഗ്രീൻ ഹൈഡ്രജൻ പ്ലാന്റ് സ്ഥാപിക്കുന്നത്. പുനരുപയോഗയോഗ്യമായ സ്രോതസ്സുകളിൽ നിന്ന് ലഭിക്കുന്ന ഊർജമുപയോഗിച്ച്  ഉൽപ്പാദിപ്പിക്കുന്നതാണ് ഗ്രീൻ ഹൈഡ്രജൻ. സിയാലിന്റെ സൗരോർജ പ്ലാന്റുകളിൽ നിന്നുള്ള വൈദ്യുതോർജം ഉപയോഗിച്ചാണ് ഗ്രീൻ ഹൈഡ്രജൻ ഉത്പാദിപ്പിക്കുക.   കാർബൺ വിമുക്ത (സീറോ കാർബൺ) സ്ഥാപനമായ സിയാലിന്റെ ഊർജോദ്പാദന സംരംഭങ്ങൾക്ക് ഇത് കരുത്ത് പകരും.  കരാർ…

രാജ്യത്തെ വീടുകളിൽ സൗരോർജ പാനലുകൾ സ്ഥാപിക്കുന്നതിന് പിഎം സൂര്യ ഘർ; മുഫ്ത് ബിജ്ലി യോജന സ്കീലേക്ക് കേന്ദ്രം 75,000 കോടി രൂപ നീക്കിവെക്കും. 1 കോടി വീടുകൾക്ക് മാസം സൗജന്യമായി 300 യൂണിറ്റ് വൈദ്യുതി ലഭ്യമാക്കുകയാണ് പദ്ധതിയുടെ ലക്ഷ്യം.പിഎം സൂര്യ ഘർ; മുഫ്ത് ബിജ്ലി യോജനയ്ക്ക് വേണ്ടി 75,000 കോടി രൂപ വകയിരുത്തിയതായി പ്രധാനമന്ത്രി എക്സിൽ കുറിച്ചു. അർഹതപ്പെട്ടവർക്ക് സോളാർ പാനൽ സ്ഥാപിക്കാനുള്ള സബ്സിഡി തുക അവരവരുടെ ബാങ്ക് അക്കൗണ്ടുകളിലേക്ക് നേരിട്ട് ലഭിക്കും. ബാങ്ക് ലോണുകൾക്ക് പലിശ ഇളവ് ലഭിക്കും.നാഷണൽ ഓൺലൈൻ പോർട്ടൽ വഴിയായിരിക്കും പ്രവർത്തനം. സ്കീം പൊതുജനങ്ങളിലേക്ക് എത്തിക്കാൻ തദ്ദേശ ഭരണകൂടം, പഞ്ചായത്ത് എന്നിവ പ്രചാരണം നൽകും.വൈദ്യുത ബില്ല് തുക കുറയ്ക്കാനും അതുവഴി കൂടുതൽ തുക മിച്ചം പിടിക്കാനും കുടുംബങ്ങളെ പദ്ധതി സഹായിക്കും. നാഷണൽ ഓൺലൈൻ പോർട്ടൽ വഴി സോളാർ പാനൽ സ്കീമിലേക്ക് അപേക്ഷിക്കാൻ പ്രധാനമന്ത്രി യുവാക്കളോട് ആഹ്വാനം ചെയ്തു. The PM Surya Ghar: Muft Bijli Yojana,…

ഇന്ത്യൻ നഗരങ്ങളിലെ എയർ ട്രാഫിക്കിൽ വിപ്ലവം സൃഷ്ടിക്കാനുള്ള ശ്രമത്തിലാണ് മാരുതി സുസുക്കി. ഏറ്റവും പുതിയ സംരംഭമായ ഇലക്ട്രിക് എയർ കോപ്റ്ററുകളുമായി ആകാശത്തേക്ക് കുതിക്കാൻ ഒരുങ്ങുകയാണ് മാരുതി സുസുക്കി. സുസുക്കിയുടെ സഹായത്തോടെയാണ് ഇലക്‌ട്രിക് കോംപാക്റ്റ് എയർ ടാക്‌സികൾ അവതരിപ്പിക്കാൻ മാരുതി പദ്ധതിയിടുന്നത്. പൈലറ്റ് ഉള്‍പ്പെടെ കുറഞ്ഞത് മൂന്ന് പേരെ വഹിക്കാന്‍ സാധിക്കുന്നതായിരിക്കും മാരുതിയുടെ എയര്‍ കോപ്റ്റര്‍. സ്‌കൈ ഡ്രൈവ് SkyDrive എന്ന പേരായിരിക്കും മാരുതി എയര്‍ കോപ്റ്ററിന് നല്‍കുകയെന്നും റിപ്പോര്‍ട്ടുണ്ട്. വലുപ്പത്തില്‍ ഡ്രോണിനേക്കാള്‍ വലുതായിരിക്കും. എന്നാല്‍ ഹെലികോപ്റ്ററിനേക്കാള്‍ ചെറുതുമായിരിക്കും. എയര്‍ കോപ്റ്ററിന് 1.4 ടണ്‍ ഭാരമുണ്ടാകുമെന്നാണു കണക്കാക്കുന്നത്. ഇന്ത്യൻ വിപണിയിലേക്ക് കടക്കുന്നതിന് മുമ്പ് ജപ്പാനിലും യുണൈറ്റഡ് സ്റ്റേറ്റ്സിലും തുടക്കത്തിൽ എയര്‍ കോപ്റ്റര്‍ പറത്താനാണ് പദ്ധതി ലക്ഷ്യമിടുന്നത്. ഊബർ, ഓല തുടങ്ങിയ ഗ്രൗണ്ട് അധിഷ്ഠിത റൈഡ് ഷെയർ സേവനങ്ങളുടെ മാതൃകയിൽ കോംപാക്റ്റ് എയർ ടാക്‌സികൾ നഗര ഗതാഗതത്തെ മാറ്റിമറിക്കാൻ സജ്ജമാണ്. പിനീട് മെയ്ക് ഇൻ ഇന്ത്യ പദ്ധതിയിൽ പെടുത്തി ഇന്ത്യയിൽ ഉത്പാദനം ആരംഭിക്കാമെന്ന കണക്കുകൂട്ടലിലാണ് സുസുകി.ഭാരത്…

അബുദാബിയിലെ ആദ്യത്തെ ബിഎപിഎസ് (BAPS-ബാപ്സ്) ഹിന്ദു മന്ദിർ പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. പുരോഹിതരുടെ സാന്നിധ്യത്തിൽ പ്രധാനമന്ത്രി ക്ഷേത്രത്തിൽ പ്രാർഥന നടത്തി. അബുദാബിയിൽ വലിയ ആഘോഷത്തോടെയാണ് ക്ഷേത്രത്തിന്റെ ഉദ്ഘാടനം നടന്നത്. ബോളിവുഡ് താരങ്ങളായ അക്ഷയ് കുമാർ, വിവേക് ഓബ്റോയ്, പിന്നണി ഗായകൻ ശങ്കർ മഹാദേവൻ തുടങ്ങിയവർ ചടങ്ങിൽ പങ്കെടുത്തു. ക്ഷേത്രത്തിന്റെ നിർമിതിയിൽ ശങ്കർ മഹാദേവൻ സന്തോഷം പ്രകടിപ്പിച്ചു. അബുദാബിയിൽ നിർമിക്കുന്ന ആദ്യത്തെ ഹിന്ദു ശിലാക്ഷേത്രമാണ് ബോച്ചെസെൻവാസി അക്ഷർധാം പുരുഷോത്തം സ്വാമി നാരായൺ സൻസ്ത ഹിന്ദു മന്ദിർ. ഇന്ത്യ-യുഎഇ സംസ്കാരങ്ങളുടെ ഇഴചേർത്താണ് ക്ഷേത്രത്തിന്റെ നിർമിതി. പശ്ചിമേഷ്യയിലെ ഏറ്റവും വലിയ ഹൈന്ദവ ക്ഷേത്രമാണിത്. മന്ദിറിന്റെ ഉദ്ഘാടന ചടങ്ങിൽ പങ്കെടുത്ത പ്രധാനമന്ത്രി ആരാതി ഉഴിഞ്ഞും മറ്റും പ്രാർത്ഥനാ ചടങ്ങുകളിൽ പങ്കെടുത്തു. ഉദ്ഘാടനത്തിന് മുന്നോടിയായി തുടങ്ങിയ വിശ്വ സംവാദിത മഹായജ്ഞം തുടങ്ങിയ പ്രത്യേക പൂജകൾ 21 വരെ തുടരും. ബിഎപിഎസിന്റെ ഇപ്പോഴത്തെ ആചാര്യൻ മഹന്ദ് സ്വാമീ മഹാരാജ് കർമങ്ങൾക്ക് നേതൃത്വം നൽകും.അബുദാബി അബുമുറൈഖയിൽ 27 ഏക്കറിലാണ്…

ദുബായിൽ സിബിഎസ്ഇ ഓഫീസ് തുറക്കുമെന്ന് പ്രധാനമന്ത്രി നരേന്ദ്ര മോദി. അബുദാബി ഷെയ്ഖ് സെയിദ് സ്റ്റേഡിയത്തിൽ അഹ്‌ലൻ മോദി പരിപാടിയിൽ ഇന്ത്യക്കാരെ അഭിസംബോധന ചെയ്യവേയാണ് പ്രധാനമന്ത്രി ഇക്കാര്യം പ്രഖ്യാപിച്ചത്. ഏകദേശം 1.5 ലക്ഷം ഇന്ത്യൻ വിദ്യാർഥികൾ യുഎഇയിൽ പഠിക്കുന്നുണ്ടെന്നും ഇവർക്കായി സിബിഎസ്ഇ ഓഫീസ് ആരംഭിക്കുമെന്നും പ്രധാനമന്ത്രി പറഞ്ഞു. അബുദാബിയിലെ ഡൽഹി ഐഐടിയിൽ ഓഫ് കാമ്പസിൽ മാസ്റ്റർ കോഴ്സ് ആരംഭിച്ചിട്ടുണ്ട്. യുഎഇയിലെ ഇന്ത്യൻ സമൂഹത്തിന് മികച്ച വിദ്യാഭ്യാസം നൽകുന്നതിന് ഈ സ്ഥാപനങ്ങൾ സഹായിക്കുമെന്ന് പ്രധാനമന്ത്രി പറഞ്ഞു. ഇന്ത്യയും യുഎഇയും തമ്മിലുള്ള സാംസ്കാരിക ബന്ധത്തെ കുറിച്ചും ആഗോള തലത്തിൽ ഇരുരാജ്യങ്ങളും കൈവരിച്ച നേട്ടങ്ങളെ കുറിച്ചും പ്രധാനമന്ത്രി പരാമർശിച്ചു. ഇരു രാജ്യങ്ങളുടെയും സാംസ്കാരികവും സാമൂഹികവുമായ നേട്ടങ്ങൾ ലോകത്തിന് മാതൃകയാണ്.ഐഐടി ഡൽഹി-അബുദാബി കാമ്പസിലെ ആദ്യ ബാച്ച് വിദ്യാർഥികളുമായി പ്രധാനമന്ത്രി സംവദിക്കുകയും ഇരുരാജ്യങ്ങളിലെയും വിദ്യാർഥികളെ ഒരുമിച്ച് കൊണ്ടുവരുന്നതിനുള്ള പദ്ധതിയെ അഭിനന്ദിക്കുകയും ചെയ്തു. ഇന്ത്യയും യുഎഇയും തമ്മിലുള്ള ഉഭയകക്ഷി സഹകരണത്തിന്റെ പുതിയ അധ്യായത്തിന് തുടക്കമായെന്നും പ്രധാനമന്ത്രി പറഞ്ഞു. സാങ്കേതിക വിദ്യ, ഗവേഷണം,…

20 ലക്ഷം കോടി രൂപയ്ക്ക് മുകളിൽ മൂല്യമുള്ള ആദ്യത്തെ ഇന്ത്യൻ കമ്പനി എന്ന നേട്ടം സ്വന്തമാക്കി റിലയൻസ് ഇൻഡസ്ട്രീസ്. മുകേഷ് അംബാനി നയിക്കുന്ന റിലയൻസ് ഇൻഡസ്ട്രീസിന്റെ ഓഹരി മൂല്യം വർധിച്ചതാണ് മാർക്കറ്റ് കാപ്പിറ്റലൈസേഷനിലും പ്രതിഫലിച്ചത്. ചൊവ്വാഴ്ചത്തെ ഇൻട്രാ-ഡേ ട്രേഡിൽ ബിസിഇയിൽ റിലയൻസിന്റെ ഓഹരി വില 2,957.80 രൂപയിലെത്തി. റെക്കോർഡ് നേട്ടമാണിത്. ചൊവ്വാഴ്ച ക്ലോസ് ചെയ്യുമ്പോൾ 0.68% എന്ന ബെഞ്ച്മാർക്ക് സെൻസെക്സ് നേട്ടത്തിനെതിരേ 0.90% അധികം നേടി 2928.95 രൂപയെത്തി. 52 ആഴ്ചയിലെ ഏറ്റവും ഉയർന്ന വില കൂടിയാണിത്. ഈ കലണ്ടർ വർഷം തുടങ്ങിയതിന് ശേഷം 14% ആണ് ഓഹരിയിൽ വർധനവുണ്ടായത്. 2 ആഴ്ചയ്ക്കുള്ളിൽ റിലയൻസിന്റെ വിപണി മൂല്യത്തിൽ 1 ലക്ഷം കോടി രൂപയ്ക്ക് മുകളിൽ വർധനവുണ്ടായി. കഴിഞ്ഞ 3 വർഷം കൊണ്ട് മാർക്കറ്റ് കാപ്പിറ്റലൈസേഷനിൽ രണ്ടിരട്ടി വർധനവുണ്ടാക്കാൻ റിലയൻസിന് സാധിച്ചു. റിലയൻസിന്റെ മാർക്കറ്റ് കാപ്പിറ്റലൈസേഷൻ കണക്കു കൂട്ടിയാൽ ഇന്ത്യയുടെ ആകെ ബജറ്റിന്റെ 45% വരും.മാർക്കറ്റ് കാപ്പിറ്റലൈസേഷൻ റെക്കോർഡ് ഉയരത്തിൽ എത്തിയതോടെ റിലയൻസ്…