Author: News Desk

പാകിസ്താന്റെ പുതിയ ഉപഗ്രഹം ചൈനയിൽ നിന്നും കഴിഞ്ഞ ദിവസം വിക്ഷേപിച്ചിരുന്നു. PRSC-EO1 എന്ന പേരിലുള്ള ഉപഗ്രഹമാണ് പാകിസ്താൻ ചൈനയിലെ ജിയുക്വാൻ സാറ്റലൈറ്റ് ലോഞ്ച് സെന്ററിൽ നിന്നും വിക്ഷേപിച്ചത്. എന്നാൽ സംഭവവുമായി ബന്ധപ്പെട്ട രസകരമായ മറ്റൊരു കാര്യമാണ് നെറ്റിസൺസിന് ഇടയിലെ സംസാരവിഷയം. പാകിസ്താൻ്റെ ഉപഗ്രഹം കാഴ്ചയിൽ ഒരു വാട്ടർ ടാങ്ക് പോലെയുണ്ട് എന്നാണ് സമൂഹമാധ്യമങ്ങളിൽ ട്രോളുകൾ നിറയുന്നത്. ഉപഗ്രഹത്തിന്റെ ചിത്രങ്ങൾ സഹിതം സമൂഹമാധ്യമമായ എക്സിൽ പാകിസ്താൻ പ്രധാനമന്ത്രി ഷഹബാസ് ഷെരീഫ് രാജ്യത്തിന്റെ ബഹിരാകാശ നേട്ടത്തെക്കുറിച്ച് പോസ്റ്റിട്ടിരുന്നു. ഈ പോസ്റ്റിൽ കമന്റുകളായും പോസ്റ്റ് ഷെയർ ചെയ്തുമാണ് നെറ്റിസൺസ് വാട്ടർ ടാങ്ക് ട്രോളുകളുമായി എത്തിയിരിക്കുന്നത്. പാകിസ്താൻ വിക്ഷേപിച്ച റോക്കറ്റിൻ്റെ ആകൃതിയും വെള്ള പെയിന്റടിച്ച വാട്ടർ ടാങ്കിന്റെ ചിത്രവും സഹിതവും നിരവധി ട്രോളുകൾ ഷെയർ ചെയ്യപ്പെടുന്നുണ്ട്.  Pakistan launched its satellite PRSC-EO1 from China’s Jiuquan Satellite Launch Center, but the event took a humorous turn as netizens trolled its…

കശ്മീരിലെ ദാൽ തടാകത്തെ സംരക്ഷിക്കാൻ കേരളം ആസ്ഥാനമായുള്ള മാലിന്യ സംസ്‌കരണ കമ്പനി. ആലപ്പുഴ കേന്ദ്രീകരിച്ചുള്ള സമുദ്ര പ്ലാനെറ്റ് (Samudra Planet) എന്ന കമ്പനിയാണ് തടാകത്തിൻ്റെ മാലിന്യ പ്രശ്നം പരിഹരിക്കാനും സൗന്ദര്യം സംരക്ഷിക്കാനും ലക്ഷ്യമിട്ടുള്ള സംരംഭത്തിൽ ജമ്മു കാശ്മീർ ലേയ്ക്ക്സ് ആൻഡ് വാട്ടർവേയ്സ് ഡെവലപ്മെന്റ് അതോറിറ്റിയുമായി കൈകോർക്കുന്നത്. ഹൗസ് ബോട്ടുകളിൽ നിന്ന് ദാൽ തടാകത്തിലേക്ക് ശുചിമുറി മാലിന്യം ഉൾപ്പെടെ തള്ളുന്നതുമായി ബന്ധപ്പെട്ട പ്രശ്‌നത്തിന് പദ്ധതിയിലൂടെ പരിഹാരമാകുകയാണ്. ഡിഫൻസ് റിസർച്ച് ഡെവലപ്‌മെൻ്റ് ഓർഗനൈസേഷൻ (DRDO) വികസിപ്പിച്ച മൈക്രോബയൽ സാങ്കേതികവിദ്യ പ്രയോജനപ്പെടുത്തിയാണ് സമുദ്ര പ്ലാനെറ്റ് ദാൽ തടാക സംരക്ഷണം ഒരുക്കുന്നത്. മാലിന്യ പ്രശ്നത്തിന് സുസ്ഥിരവും പരിസ്ഥിതി സൗഹൃഹാർദപരവുമായ പരിഹാരം വാഗ്ദാനം ചെയ്യുന്ന മൈക്രോബയൽ സാങ്കേതികവിദ്യ അടങ്ങുന്ന ബയോ ഡൈജസ്റ്ററുകൾ കമ്പനി വിവിധ ബോട്ടുകളിൽ സ്ഥാപിച്ചു കഴിഞ്ഞു. നേരത്തെ ഡൽഹി മെട്രോ മുൻ മേധാവി ഇ. ശ്രീധരൻ തലവനായ കമ്മിറ്റി മാലിന്യപ്രശ്നം പരിഹരിക്കുന്നതിന് ബയോ ഡൈജസ്റ്ററുകൾ സ്ഥാപിക്കാൻ ശുപാർശ ചെയ്തിരുന്നു. ദാൽ തടാകം സംരക്ഷിക്കുന്നതിനുള്ള ശ്രമങ്ങളിൽ ബയോ…

ഭാരത് മൊബിലിറ്റി ഗ്ലോബൽ എക്സ്പോ 2025ൽ പുതിയ ഇവി 6 അവതരിപ്പിച്ച് പ്രീമിയം കാർ നിർമാതാക്കളായ കിയ ഇന്ത്യ. കാറിന്റെ ബുക്കിംഗ് ഇന്ന് മുതൽ ആരംഭിച്ചതായി കമ്പനി പ്രഖ്യാപിച്ചു. അഡാസ് 2.0 പാക്കേജുമായി എത്തുന്ന പുതിയ ഇവി 6ൽ സുരക്ഷയും ഡ്രൈവർ അസിസ്റ്റ൯സും നൽകുന്ന 27 നൂതന സവിശേഷതകളാണുള്ളത്. മുൻ പതിപ്പിനെ അപേക്ഷിച്ച് ആറ് സവിശേഷതകൾ കൂടി ലഭ്യം. സിറ്റി/കാൽനടയാത്രക്കാർ/സൈക്കിൾ യാത്രക്കാർ/ജംഗ്ഷൻ ടേണിംഗ് എന്നീ സാഹചര്യങ്ങളിലെ അപകടങ്ങളെ പ്രതിരോധിക്കുന്ന ഫ്രണ്ട് കൊളീഷൻസ് അവോയിഡൻസ് അസിസ്റ്റ് (FCA), ജംഗ്ഷൻ ക്രോസിംഗിൽ സൂക്ഷ്മത ഉറപ്പാക്കുന്ന ഫോർവേഡ് കൊളീഷൻ അവോയിഡൻസ് ലെയ്ൻ അസിസ്റ്റ് ചേഞ്ചിൽ ഓൺകമിംഗ്, സൈഡ് സുരക്ഷ നൽകുന്ന ഫോർവേഡ് കൊളീഷൻ അവോയിഡൻസ് , ഫോർവേഡ് കൊളീഷൻ അവോയിഡൻസ് അസിസ്റ്റ് -ഇവാസിവ് സ്റ്റിയറിംഗ്, ലെയ്ൻ ഫോളോ അസിസ്റ്റ് എന്നിവയാണ് അധിക സവിശേഷതകൾ. കിയയുടെ മുൻനിര മോഡലായ ഇവി 9ൽ നിന്നുള്ള അത്യാധുനിക സാങ്കേതികവിദ്യയിൽ നിന്ന് പകർത്തിയിരിക്കുന്നു ഈ സവിശേഷതകൾ കൂട്ടിയിടിയിൽ നിന്നുള്ള സുരക്ഷ, മികച്ച…

മലയാളത്തിലെ ഏറ്റവും വയലൻസ് നിറഞ്ഞ ചിത്രം എന്ന വിശേഷണത്തോടെയാണ് ഉണ്ണി മുകുന്ദൻ ചിത്രം ‘മാർക്കോ’ തിയേറ്ററുകളിലെത്തിയത്. ഇപ്പോൾ പുതിയൊരു നേട്ടം സ്വന്തമാക്കിയിരിക്കുകയാണ് മാർക്കോ. മലയാള സിനിമാ ചരിത്രത്തിൽ ആദ്യമായി ഒരു എ സർട്ടിഫിക്കറ്റ് ചിത്രം 100 കോടിയിലധികം കലക്ഷൻ നേടി എന്ന നേട്ടമാണ് മാർക്കോ സ്വന്തമാക്കിയത്. ചിത്രത്തിന്റെ പുതിയ പോസ്റ്റർ സമൂഹമാധ്യമങ്ങളിൽ പങ്ക് വെച്ചതിനൊപ്പം നടൻ ഉണ്ണി മുകുന്ദൻ തന്നെയാണ് നേട്ടത്തെക്കുറിച്ച് പ്രേക്ഷകരെ അറിയിച്ചിരിക്കുന്നത്. ഡിസംബർ 20ന് ക്രിസ്മസ് റിലീസായാണ് മാർക്കോ തിയേറ്ററുകളിൽ എത്തിയത്. റിലീസ് ദിവസം മുതൽ തന്നെ ചിത്രം ബോക്സ് ഓഫീസിൽ മികച്ച പ്രകടനമാണ് കാഴ്ചവെച്ചത്. വയലൻസ്-ആക്ഷൻ രംഗങ്ങളുമായി എത്തിയ ചിത്രം മലയാള സിനിമയ്ക്ക് പുതിയ ബെഞ്ച് മാർക്ക് സൃഷ്ടിച്ചു. ഇപ്പോഴും തിയേറ്ററുകളിൽ മുന്നേറുന്ന ചിത്രത്തിന്റെ മലയാളം പതിപ്പിനു പുറമേ ഹിന്ദി, തെലുങ്ക്, തമിഴ് പതിപ്പുകളും ഇറങ്ങിയിട്ടുണ്ട്. മുതിർന്നവർക്ക് (18 വയസ്സിന് മുകളിലുള്ളവർക്ക്) മാത്രമായി പരിമിതപ്പെടുത്തിയിട്ടുള്ള ചിത്രങ്ങളാണ് എ സർട്ടിഫിക്കറ്റ് ചിത്രം. അതിഭീകര വയലൻസ് രംഗങ്ങൾ-സംഭാഷണങ്ങൾ, ലൈംഗിക രംഗങ്ങൾ,…

രണ്ട് മുൻനിര നാവിക കപ്പലുകളും, ഒരു മുങ്ങിക്കപ്പലുമായി ഇന്ത്യൻ നാവികസേന കൂടുതൽ കരുത്താർജ്ജിച്ചിരിക്കുകയാണ്. ഐഎൻഎസ് സൂറത്ത്, ഐഎൻഎസ് നീലഗിരി എന്നീ യുദ്ധക്കപ്പലുകളും ഐഎൻഎസ് വാഗ്ഷീർ എന്ന മുങ്ങിക്കപ്പലുമാണ് കഴിഞ്ഞ ദിവസം പ്രധാനമന്ത്രി നരേന്ദ്ര മോഡി രാജ്യത്തിന് സമർപ്പിച്ചത്. ഇന്ത്യൻ മഹാസമുദ്രത്തിൽ ആധിപത്യം സ്ഥാപിക്കാനും ചൈനയുടെ ഭീഷണി ചെറുക്കാനും ലക്ഷ്യമിട്ടാണ് ഇന്ത്യയുടെ നീക്കം. പ്രൊജക്റ്റ് 15 ബി ഗൈഡഡ് മിസൈൽ ഡിസ്‌ട്രോയർ പദ്ധതിയിലെ നാലാമത്തേയും അവസാനത്തേയും കപ്പലായ ഐഎൻഎസ് സൂറത്ത്, പ്രൊജക്റ്റ് 17 എ സ്റ്റെൽത്ത് ഫ്രിഗേറ്റ് പദ്ധതിയിലെ ആദ്യ കപ്പലായ ഐഎൻഎസ് നീലഗിരി, പി75 സ്കോർപീൻ പദ്ധതിയുടെ ആറാമത്തേയും അവസാനത്തേയും അന്തർവാഹിനിയായ ഐഎൻഎസ് വാഗ്ഷീർ എന്നിവയാണ് ഇന്ത്യൻ നാവികസേനയ്ക്ക് കരുത്ത് പകരുന്ന പുതിയ അംഗങ്ങൾ. നിലവിൽ കടൽമാർഗമുള്ള ഇന്ത്യയുടെ 95% വ്യാപാരനീക്കങ്ങളും ഇന്ത്യൻ മഹാസമുദ്രം കേന്ദ്രീകരിച്ചാണ്. ഇവിടെ സമീപകാലത്ത് ഉണ്ടായ ചൈനീസ് മേൽക്കോയ്മ മറികടക്കുന്നതിന്റെ ഭാഗമായാണ് ഇന്ത്യ പുതിയ പടക്കപ്പലുകളും മുങ്ങിക്കപ്പലുമായി എത്തുന്നത്. മുൻപ് അറ്റ്ലാൻ്റിക് സമുദ്രത്തിന് ഉണ്ടായിരുന്ന പ്രാധാന്യം ഇപ്പോൾ…

ഇന്ത്യൻ സംരംഭകർക്കായി ഒത്തുചേരൽ ഒരുക്കി ടെക് ലോകത്തെ പ്രമുഖനും ടെസ്ല സ്ഥാപനുമായ ഇലോൺ മസ്ക്. ടെക്സാസിലെ സ്പേസ് എക്സ് സ്റ്റാർ ബേസിലാണ് ഒത്തുചേരൽ നടത്തിയത്. സാങ്കേതിക വിദ്യ, ബഹിരാകാശ പര്യവേക്ഷണം എന്നീ രംഗങ്ങളിൽ യുഎസ്സും ഇന്ത്യയും തമ്മിൽ കൂടുതൽ സഹകരണ സാധ്യത ഉറപ്പുവരുത്തുമെന്ന് ഇലോൺ മസ്ക് പറഞ്ഞു. ഇരുരാജ്യങ്ങളും തമ്മിലുള്ള വ്യാപാര രംഗത്തെ തടസ്സങ്ങൾ കുറയ്ക്കുന്നതിൽ നിയുക്ത ട്രംപ് ഗവൺമെന്റ് എഫിഷ്യൻസി ഡിപാർട്മെന്റ് വകുപ്പ് തലവൻ കൂടിയായ മസ്ക് പിന്തുണ പ്രഖ്യാപിച്ചു. അമേരിക്കൻ പ്രസിഡൻ്റ് ഡൊണാൾഡ് ട്രംപ് ഇന്ത്യൻ ഇറക്കുമതിക്ക് മേൽ വ്യാപാര തീരുവ വർധിപ്പിച്ചേക്കുമെന്ന ആശങ്കയ്‌ക്കിടയിലാണ് മസ്‌കിൻ്റെ പരാമർശം. സാങ്കേതികവിദ്യയും നിർമാണവും മുതൽ പുനരുപയോഗ ഊർജം വരെയുള്ള വിവിധ മേഖലകളിലെ സംരംഭകരാണ് മസ്ക് ആതിഥേയത്വം വഹിച്ച പ്രതിനിധി സംഘത്തിൽ പങ്കെടുത്തത്. സാമ്പത്തികരംഗത്ത് സാങ്കേതികവിദ്യയുടെ പങ്ക്, ബഹിരാകാശത്തിലേയും AI നവീകരണത്തിലേയും പങ്കാളിത്തം, ആഗോള ഇന്നൊവേഷൻ രംഗത്ത് ഇന്ത്യയുടെ വർദ്ധിച്ചുവരുന്ന പങ്ക് തുടങ്ങിയ വിഷയങ്ങൾ പ്രതിനിധി സംഘം ചർച്ച ചെയ്തു. എസ്സാർ ക്യാപിറ്റൽ…

ബഹിരാകാശത്തു സ്പേഡെക്സ് ഇരട്ട ഉപഗ്രഹങ്ങളുടെ സംയോജനം വിജയകരമായി പൂർത്തിയാക്കി ഡോക്കിങ് സാങ്കേതികശേഷി നേടിയിരിക്കുകയാണ് ഇന്ത്യ. ജനുവരി 16നാണ് സ്പേഡെക്സ് ഉപഗ്രഹങ്ങളുടെ (SDX-01, SDX-02) ഡോക്കിങ് ഐഎസ്ആ‍ർഒ വിജയകരമായി പൂർത്തിയാക്കിയത്. ഡോക്കിങ് സാങ്കേതിക വിദ്യ സ്വന്തമാക്കുന്ന നാലാമത്തെ രാജ്യമാണ് ഇന്ത്യ. റഷ്യ, അമേരിക്ക, ചൈന എന്നീ രാജ്യങ്ങളാണ് ഇതിന് മുൻപ് ഡോക്കിങ് സാങ്കേതികശേഷി നേടിയ മറ്റു മൂന്ന് രാജ്യങ്ങൾ. ഇപ്പോൾ ബഹിരാകാശ രംഗത്തെ ചരിത്ര നേട്ടത്തിൽ ഇന്ത്യയെ അഭിനന്ദിച്ച് രംഗത്തെത്തിയിരിക്കുകയാണ് ചൈന. സ്പേഡെക്സ് ദൗത്യത്തിന് കീഴിൽ ഉപഗ്രഹങ്ങൾ ബഹിരാകാശത്ത് വിജയകരമായി ഡോക്ക് ചെയ്തതിന് ഇന്ത്യയ്ക്കും ഐഎസ്ആ‍ർഓയ്ക്കും അഭിനന്ദനങ്ങൾ നേരുന്നതായി ഇന്ത്യയിലെ ചൈനീസ് വക്താവ് യു ജിങ് പറഞ്ഞു. ബഹിരാകാശ രംഗത്തെ നേട്ടത്തിൽ ഇതാദ്യമായല്ല ചൈന ഇന്ത്യയെ പുകഴ്ത്തുന്നത്. 2014ൽ ഇന്ത്യയുടെ ചൊവ്വാ പര്യവേക്ഷണ ദൗത്യം വിജയകരമായി ചൊവ്വയുടെ ഭ്രമണപഥത്തിൽ പ്രവേശിച്ചപ്പോഴും ‍ചൈന ഇന്ത്യയെ അഭിനന്ദിച്ചിരുന്നു. ബഹിരാകാശ രംഗത്ത് മനുഷ്യരാശിയുടെ തന്നെ നാഴികക്കല്ല് എന്നാണ് ദൗത്യത്തെ അന്ന് ചൈന വിശേഷിപ്പിച്ചത്. 2023ൽ ചന്ദ്രയാനിന്റെ വിക്ഷേപണ…

തൊഴിൽ അന്വേഷകനിൽ നിന്ന് തൊഴിൽ ദാതാവായുള്ള മാറ്റത്തിന് അനുകൂലമായ ഒരു സംരംഭക അന്തരീക്ഷം 2024ൽ കേരളത്തിൽ രൂപപ്പെട്ടുകഴിഞ്ഞു. ഇടതു സർക്കാർ നടപ്പാക്കിയ സംരംഭക വർഷം പദ്ധതി വിജയകരമായിരുന്നു. അതിന്റെ തുടർ പദ്ധതികൾ ഇക്കൊല്ലവും സജീവമാണ്. ഈ സാഹചര്യം ഉപയോഗപ്പെടുത്താൻ, സംസ്ഥാന സർക്കാരിന്റെ തൊഴിലും നൈപുണ്യവും വകുപ്പിന് കീഴിലുള്ള എംപ്ലോയ്‌മെന്റ് എക്സ്ചേഞ്ച് വഴി സ്വയം തൊഴിൽ സംരംഭങ്ങൾ തുടങ്ങാൻ ആഗ്രഹിക്കുന്നവർക്കായി അഞ്ച് സ്വയംതൊഴിൽ പദ്ധതികളാണ് നിലവിലുള്ളത്. ഗ്രൂപ്പ് സംരംഭങ്ങൾ ആരംഭിക്കുന്നതിന് മൾട്ടിപർപ്പസ് ജോബ് ക്ലബ്, കേരളത്തിൽ രജിസ്റ്റർ ചെയ്ത തൊഴിൽരഹിതർക്കുള്ള കെസ്റു, വിധവകൾക്കും വിവാഹ മോചിതർക്കുമുള്ള, സ്ത്രീകൾക്കുമാത്രമായുള്ള ശരണ്യ, ഭിന്നശേഷിക്കാർക്കുള്ള കൈവല്യ, മുതിർന്ന പൗരൻമാർക്കും ഉപയോഗപ്പെടുത്താവുന്ന നവജീവൻ എന്നിങ്ങനെ അഞ്ച് സ്വയംതൊഴിൽ പദ്ധതികളാണ് നിലവിലുള്ളത്. ബിരുദമുള്ള സ്ത്രീകൾക്ക് പദ്ധതികളിൽ മുൻഗണനയും ലഭിക്കും. നവജീവൻ പദ്ധതിയിലും 25 ശതമാനം സ്ത്രീകൾക്കു അർഹതയുണ്ട്. സ്ത്രീകൾക്ക് വേണ്ടി മാത്രം ശരണ്യഅശരണരായ സ്‌ത്രീകളോടുള്ള സംസ്‌ഥാന സർക്കാരിന്റെ കരുതലാണ് ശരണ്യ സ്വയംതൊഴിൽ വായ്പ പദ്ധതി. ശരണ്യ സംരംഭങ്ങൾ വീടുകളിലും തുടങ്ങാവുന്നതാണ്.തൊഴിൽരഹിതരായ…

ദേശീയ സ്റ്റാർട്ടപ്പ് ദിനാഘോഷത്തിന്റെ ഭാഗമായി സംരംഭകർക്കായി ഭാരത് സ്റ്റാർട്ടപ്പ് ഗ്രാൻഡ് ചാലഞ്ച് ആരംഭിച്ച് കേന്ദ്രം. പുനരുപയോഗ ഊർജം, അഗ്രിടെക്, ഹെൽത്ത്‌കെയർ, റോബോട്ടിക്‌സ്, ബ്ലോക്ക്‌ചെയിൻ, സെമി കണ്ടക്ടറുകൾ ഉൾപ്പെടെയുള്ള മേഖലകളിലെ പ്രശ്‌നങ്ങൾ പരിഹരിക്കാൻ ക്യാഷ് പ്രൈസുകൾ, ഫണ്ടിംഗ്, മെൻ്ററിംഗ് സപ്പോർട്ട് തുടങ്ങിയവ വാഗ്ദാനം ചെയ്യുന്ന ചാലഞ്ചുകൾ സ്റ്റാർട്ടപ്പുകളെ പ്രാപ്തമാക്കും. 20 വൻകിട കോർപ്പറേഷനുകളുമായി സഹകരിച്ച് നടത്തുന്ന ചാലഞ്ച് കേന്ദ്ര വാണിജ്യ-വ്യവസായ മന്ത്രി പീയൂഷ് ഗോയൽ ഉദ്ഘാടനം ചെയ്തു. സ്റ്റാർട്ടപ്പുകളുടെ ആശയം മുതൽ നിർവഹണ ഘട്ടം വരെ ഗവൺമെന്റ് സ്റ്റാർട്ടപ്പുകളുമായി തോളോട് തോൾ ചേർന്ന് പ്രവർത്തിക്കുകയും നയപരമായ പിന്തുണ നൽകുകയും ചെയ്യുമെന്ന് മന്ത്രി പീയൂഷ് ഗോയൽ പറഞ്ഞു. ഇതിലൂടെ നവീകരണത്തിലും സാങ്കേതികവിദ്യാധിഷ്ഠിത വളർച്ചയിലും ഇന്ത്യയെ ആഗോള തലത്തിൽ ഒന്നാമതെത്തിക്കുകയാണ് ലക്ഷ്യം. നേരത്തെ സ്റ്റാർട്ടപ്പുകൾക്ക് പരിമിതമായ സാങ്കേതിക പിന്തുണ മാത്രമേ നൽകാൻ കഴിഞ്ഞിരുന്നുള്ളൂ. എന്നാൽ ഇപ്പോൾ ഡിജി-ടെക്, ഹെൽത്ത്-ടെക്, ഫിൻ-ടെക്, ആർട്ടിഫിഷ്യൽ ഇൻ്റലിജൻസ് (എഐ) രംഗത്തേക്കും പിന്തുണ വ്യാപിപ്പിക്കാൻ സാധിച്ചതായി മന്ത്രി വ്യക്തമാക്കി. Union…

ഇന്ത്യയും സൗദി അറേബ്യയും തമ്മിലുള്ള 2025ലെ ഹജ്ജ് കരാറിൽ ഇരുരാജ്യങ്ങളും കഴിഞ്ഞ ദിവസം ഒപ്പ് വെച്ചിരുന്നു. കരാറിനെ സ്വാഗതം ചെയ്യുന്നതായും കരാർ ഇന്ത്യയിൽ നിന്നുള്ള ഹജ്ജ് തീർഥാടകർക്ക് സന്തോഷകരമായ വാർത്തയാണെന്നും പ്രധാനമന്ത്രി നരേന്ദ്ര മോഡി പ്രതികരിച്ചു. തീർത്ഥാടകർക്ക് മെച്ചപ്പെട്ട അനുഭവം ഉറപ്പാക്കാൻ ഗവൺമെന്റ് പ്രതിജ്ഞാബദ്ധമാണെന്നും പ്രധാനമന്ത്രി കൂട്ടിച്ചേർത്തു. ഹജ്ജ് തീർഥാടനം വർധിപ്പിക്കാനുള്ള മോദിയുടെ പ്രതിബദ്ധത മാതൃകാപരമാണെന്നും അതിന് നന്ദി പറയുന്നതായും സൗദി ഹജ്ജ്-ഉംറ കാര്യ മന്ത്രി ഡോ. തൗഫീഖ് ബിൻ ഫൗസാൻ അൽ റാബിയ പറഞ്ഞു. ഹജ്ജ് മേഖലയിലെ പങ്കാളിത്തം ശക്തമാക്കുന്നത് രാജ്യത്തിനുള്ള ആദരമായി കാണുന്നതായും അദ്ദേഹം വ്യക്തമാക്കി. ഇന്ത്യയ്ക്കായി നേരത്തെ അനുവദിച്ച ഹജ്ജ് ക്വാട്ടയായ 1,75,025 തീർത്ഥാടകർ തന്നെ ഈ വർഷവും തുടരും. ജിദ്ദയിൽ നടന്ന ചങ്ങിൽ സൗദി ഹജ്ജ്-ഉംറ കാര്യ മന്ത്രി ഡോ. തൗഫീഖ് ബിൻ ഫൗസാൻ അൽ റാബിയ, ഇന്ത്യൻ പാർലിമെന്ററി ന്യൂനപക്ഷകാര്യ മന്ത്രി കിരൺ റിജിജു എന്നിവരാണ് കരാറിൽ ഒപ്പുവെച്ചത്. India and Saudi Arabia…