Author: News Desk
നിങ്ങൾ IT (Govt സൈബര്പാര്ക് , UL സൈബർപാർക് , Hilite Business Park , കിൻഫ്ര IT പാർക്ക് കൂടാതെ മറ്റു കേരളത്തിലെ IT പാർക്കുകൾ ) മേഖലയിൽ ജോലി നോക്കുന്നവരാണോ? ഇതാ നിങ്ങൾക്കൊരു സുവർണാവസരം. മലബാർ മേഖലയിലെ IT സംരംഭകരുടെ കൂട്ടായ്മയായ കാഫിട്(CAFIT) – കാലിക്കറ്റ് ഫോറം ഫോർ ഐടി നടത്തുന്ന ആറാമത് മെഗാ ജോബ്‌ഫെയർ CAFIT REBOOT ’24 ഈ വരുന്ന 2024 ഓഗസ്റ്റ് 17 ന് കാലിക്കറ്റ് ട്രേഡ് സെൻററിൽ വച്ച് നടക്കുന്നു. പങ്കെടുക്കുന്ന ഉദ്യോഗാർത്ഥികൾക്കും കമ്പനികൾക്കും തികച്ചും ഗുണകരമാകുന്ന രീതിയിലാണ് ഈ വർഷത്തെ റീബൂട്ട് ഒരുക്കിയിരിക്കുന്നത്. കൂടുതൽ ജോലി സാധ്യത ഈ വർഷം റീബൂട്ട് ഉറപ്പ് വരുത്തുന്നു. അതിനായി പരിപാടിക്ക് രജിസ്റ്റർ ചെയ്യുന്നവരുടെ വിവരങ്ങൾ വർഷം മുഴുവൻ ജോബ് ഫെയറിൽ പങ്കെടുക്കുന്ന ഐടി കമ്പനികൾക്ക് റിക്രൂട്ട്മെൻറ് വേണ്ടി ലഭ്യമാകുന്നതായിരിക്കും. കൂടാതെ കഴിഞ്ഞ തവണകളിൽ ഉണ്ടായ തിരക്ക് ഒഴിവാക്കാൻ വേണ്ടി ഈ വർഷം കൂടുതൽ സൗകര്യത്തോടുകൂടി…
തിരക്കേറിയ ജീവിതത്തിനിടയിൽ വീട്ടുജോലികൾ തീർക്കാൻ പാടുപെടുന്നവർക്ക് സഹായവുമായി എത്തിയിരിക്കുകയാണ് കുടുംബശ്രീ. അടുക്കള കാര്യം മുതൽ പ്രസവ ശ്രുശ്രൂഷ വരെ നിർവഹിക്കാൻ പരിശീലനം നേടിയ കുടുംബശ്രീ അംഗങ്ങൾ ഒറ്റ ഫോൺകോളിൽ വീട്ടിലെത്തും. കുടുംബശ്രീയുടെ തൊഴിൽദാന പദ്ധതിയായ കെ ലിഫ്ട് പദ്ധതിയുടെ ഭാഗമായുള്ള ‘ക്വിക്ക് സർവ് ‘ പദ്ധതി വഴിയാണ് ഈ പുതിയ സേവനങ്ങൾ. കൊല്ലം ജില്ലയിൽ പദ്ധതി ഉടൻ ആരംഭിക്കും. കോർപ്പറേഷൻ ഉൾപ്പെടെ എല്ലാ നഗരസഭകളിലും പ്രവർത്തിക്കുന്നതിനുള്ള ടീമിനെ തിരഞ്ഞെടുത്തിട്ടുണ്ട്. ഇവർക്ക് അടുത്ത ഘട്ടമെന്ന നിലയിൽ കുടുംബശ്രീ സംസ്ഥാന മിഷൻ എംപാനൽ ചെയ്ത ഏജൻസി വഴി പരിശീലനം നൽകും. പരിശീലനം പൂർത്തിയാക്കുന്ന ടീമിൽ നിന്ന് അഞ്ച് പേരെ ഉൾപ്പെടുത്തി സംരംഭക ഗ്രൂപ്പ് മുഖേന പ്രവർത്തനം നടത്തും. കുടുംബശ്രീ നഗര സി.ഡി.എസിൽ അംഗങ്ങളായവർക്കോ ഓക്‌സിലറി ഗ്രൂപ്പ് അംഗങ്ങൾക്കോ ടീം രൂപീകരിക്കാം. കുടുംബങ്ങളിലെ ആളുകളുടെ ജീവിതം ആയാസ രഹിതമാക്കുകയെന്ന ലക്ഷ്യത്തോടെയാണ് കുടുംബശ്രീ സംസ്ഥാന മിഷൻ ക്വിക്ക് സെർവ് പദ്ധതി വഴി ലക്ഷ്യമിടുന്നത്. വീട്ടുജോലി, പാചകം, കുട്ടിയെ…
കൊല്ലം ജില്ലാ പഞ്ചായത്തിന്റെ ‘കതിർമണി’ പദ്ധതിയിൽ ഉൽപ്പാദിപ്പിച്ച മട്ടഅരിക്ക്‌ ആവശ്യക്കാർ ഏറെ. ഓണക്കാലം ലക്ഷ്യമിട്ട് വിപണിയിലെത്തിച്ച 12.50 ടൺ അരിയാണ്‌ രണ്ടാഴ്ചയ്‌ക്കിടെ വിറ്റുപോയത്‌. 60ശതമാനം തവിട്‌ നിലനിർത്തി ബ്രാൻഡ് ചെയ്ത മട്ടയരി ഓണംവിപണിയിൽ എത്തിക്കാനുള്ള ജില്ലാ പഞ്ചായത്ത് പദ്ധതിയാണിത്. അഞ്ചുകിലോ പാക്കറ്റുകളിൽ കൊല്ലം ജില്ലാ പഞ്ചായത്തിന്റെ കതിർമണി മട്ടഅരി എന്ന പേരിൽ എത്തിച്ച അരി ആദ്യഘട്ടം 2500പാക്കറ്റാണ്‌ വിറ്റഴിഞ്ഞത്‌. 7500 പാക്കറ്റ്‌ കൂടി ഉടൻ വിപണിയിലെത്തും. ജില്ലാ പഞ്ചായത്ത് വിപണനകേന്ദ്രത്തിനു പുറമെ കൃഷിഭവൻ, ജില്ലാ പഞ്ചായത്ത് ഫാമുകൾ എന്നിവിടങ്ങളിലൂടെ വിൽക്കുന്ന പാക്കറ്റിന്‌ 325രൂപയാണ്‌ വില. പവിത്രേശ്വരം, അഞ്ചൽ, ഇളമാട്, മൈലം, ഉമ്മന്നൂർ, മൈനാഗപ്പള്ളി, തഴവ, പിറവന്തൂർ തുടങ്ങി വിവിധ പഞ്ചായത്തുകളിൽനിന്ന് സംഭരിച്ച നെല്ല് ഓയിൽപാം ഇന്ത്യയുടെ വൈക്കം വെച്ചൂർ റൈസ് മില്ലിൽനിന്നാണ് അരിയാക്കി എത്തിക്കുന്നത്. ജില്ലയിലെ ഒരു ഭൂമിയും തിരിശിടരുതെന്ന ലക്ഷ്യത്തോടെ 345 ഏക്കർ തരിശുഭൂമിയിലാണ്‌ നെൽക്കൃഷി ആരംഭിച്ചത്. പാടശേഖര സമിതികൾ, കർഷക സംഘങ്ങൾ, സ്വാശ്രയ സംഘങ്ങൾ, ഗ്രന്ഥശാലാ സംഘങ്ങൾ…
ഓൺലൈൻ ഡെലിവറി പ്ലാറ്റ്‌ഫോമുകൾ നമ്മെ മടിയന്മാരാക്കി എന്നത് ഒരു വസ്തുത തന്നെയാണ്. നമ്മൾ കടകൾ സന്ദർശിക്കുകയോ ആളുകളുമായി ഇടപഴകുകയോ ഉൽപ്പന്നങ്ങൾ വാങ്ങുകയോ ചെയ്യേണ്ടതില്ല, എല്ലാം നമ്മുടെ മൊബൈൽ സ്‌ക്രീനുകളിൽ ടാപ്പ് ചെയ്‌താൽ നമ്മുടെ കയ്യിലേക്ക് എത്തുന്നു. അതിവേഗ ഡെലിവറി വാഗ്ദാനം ചെയ്യുന്നുണ്ട്ചെയ്യുന്ന നിരവധി കമ്പനികളും നമ്മൾ കാണാറുണ്ട്. സ്വിഗ്ഗി, സൊമാറ്റോ എന്നിങ്ങിനെ നിരവധി ഫുഡ് ഡെലിവറി ആപ്പുകൾ ആണ് ഇക്കൂട്ടത്തിൽ ഉൾപ്പെടുന്നവ. ഇക്കൂട്ടത്തിലേക്കാണ് ബാംഗ്ലൂർ നഗരം കേന്ദ്രീകരിച്ചുകൊണ്ട് സ്വിഷ് എന്നൊരു ആപ്പ് കൂടി എത്തിയത്. സ്വിഷ് വളരെ പെട്ടെന്ന് ആയിരുന്നു സോഷ്യൽ മീഡിയയിലും വാർത്തകളിലും ഇടം പിടിച്ചത്. ഇതിനൊരു രസകരമായ കാരണം കൂടി ഉണ്ടായിരുന്നു. വെറും 10 മിനിറ്റിനുള്ളിൽ ഭക്ഷണ ഓർഡറുകൾ വിതരണം ചെയ്യാൻ തങ്ങൾക്ക് സാധിക്കും എന്നത് ആണ് ഈ പുതിയ ബ്രാൻഡ് അവകാശപ്പെടുന്നത്. പത്ത് മിനിറ്റ് അതായത് 600 സെക്കൻഡിനുള്ളിൽ ഉപഭോക്താക്കളുടെ വീട്ടുവാതിൽക്കൽ ഭക്ഷണം എത്തിക്കുമെന്ന് ആണ് പുതിയ ഫുഡ് ഡെലിവറി ആപ്പായ സ്വിഷിന്റെ വാഗ്ദാനം. 10 മിനിറ്റ്…
വിജയകരമായ ഒരു സംരംഭകനാകാൻ എന്താണ് വേണ്ടത്? ഈ ചോദ്യം സ്വയം ചോദിക്കാത്ത അല്ലെങ്കിൽ ആരോടെങ്കിലും ഇതേക്കുറിച്ച് ഉപദേശം തേടാത്ത ഒരു സംരംഭകരും ഉണ്ടാവില്ല. ഒരു ബിസിനസ് സ്ഥാപനത്തിന്റെ സ്ഥാപകന്/ സ്ഥാപകയ്ക്ക് ഒരു ആശയത്തിൽ വിശ്വസിക്കാനും ഒരു നല്ല ടീമിനെ ഒപ്പം കൂട്ടാനും ഒരു ബിസിനസ്സ് കെട്ടിപ്പടുക്കാനും സഹായിക്കുന്ന ചില സ്വഭാവസവിശേഷതകൾ ആവശ്യമാണ്. ഒരു സംരംഭകത്തിന്റെ വിജയത്തിന് മാറ്റ് കൂട്ടുന്ന 10 സ്വഭാവസവിശേഷതകൾ. ദീർഘവീക്ഷണം വിജയകരമായ ഒരു സംരംഭകന്റെ അടിസ്ഥാന സ്വഭാവമാണ് ദീർഘവീക്ഷണം. അവരുടെ തീരുമാനങ്ങളെ നയിക്കുകയും അവരുടെ ടീമിനെ പ്രചോദിപ്പിക്കുകയും ഉപഭോക്താക്കളെയും നിക്ഷേപകരെയും ആകർഷിക്കുകയും ചെയ്യാൻ ഈ ദീർഘവീക്ഷണം ആവശ്യമാണ്. അച്ചടക്കം/നിർവ്വഹണം അച്ചടക്കം/നിർവ്വഹണം എന്നത് ഒരു സംരംഭത്തെ സ്ഥിരമായി നിലനിർത്തുന്നതിൽ ഏറ്റവും അത്യാവശ്യമായി വേണ്ട ഒരു സ്വഭാവ സവിശേഷതയാണ്. ശുഭാപ്തിവിശ്വാസം ഒരു സംരംഭകനെ നിരാശപ്പെടുത്തുകയും അവർക്ക് ബിസിനസ് വരെ ഉപേക്ഷിക്കാൻ തോന്നിപ്പിക്കുകയും ചെയ്യുന്ന ഒരുപാട് കാര്യങ്ങൾ ഉണ്ടെങ്കിലും, ചിലപ്പോൾ ഒരു പോസിറ്റീവ് ആയ ചിന്ത അല്ലെങ്കിൽ നമുക്ക് അത് “ചെയ്യാൻ കഴിയും”…
പെനല്‍റ്റി കോര്‍ണറുകളില്‍ നിന്ന് വിജയം കണ്ടെത്തുന്ന മായാജാലക്കാരൻ, 2020 ലെ ടോക്കിയോ ഒളിംപിക്‌സില്‍ വെങ്കലം, ടോപ് സ്‌കോറര്‍, 2022 ലെ കോമണ്‍ വെല്‍ത്ത് ഗെയിംസില്‍ വെള്ളി.. 2023 ജനുവരിയിലാണ് ഹര്‍മന്‍ ഇന്ത്യന്‍ ഹോക്കി ടീമിന്റെ ക്യാപ്റ്റനാകുന്നത്. ഏഷ്യന്‍ ഗെയിംസില്‍ സ്വര്‍ണം. ഇപ്പോഴിതാ പാരീസിൽ ഹോക്കിയില്‍ വീണ്ടും ഒളിംപിക്‌സ് വെങ്കലം. കളിക്കളത്തിലെ ഹര്‍മന്‍ മാജിക് രാജ്യം നെഞ്ചോട് ചേര്‍ക്കുകയാണ്. പഞ്ചാബിലെ കാര്‍ഷിക കുടുംബത്തില്‍ അച്ഛനെ ട്രാക്ടറോടിച്ച് സഹായിച്ച കുഞ്ഞുപയ്യന്റെ കയ്യില്‍ ഹോക്കി സ്റ്റിക്കെത്തിയത് അവിചാരിതമായാണ്. ട്രാക്ടറിന്റെ പരുക്കന്‍ ഗിയറുമായി മല്ലുപിടിച്ച ഹര്‍മന്‍ അതിവേഗത്തില്‍ ഹോക്കിയുടെ ഗിയര്‍ വരുതിയിലാക്കി. അന്നുവരെ ഹാര്‍മോണിയവും സംഗീതവും മാത്രം തലയിലുണ്ടായിരുന്ന ഹര്‍മന്‍ ഇന്ത്യന്‍ ഹോക്കിയുടെ എല്ലാമെല്ലാമായി. 2011 ല്‍ ജലന്ധറിലെ സുര്‍ജീത് അക്കദമിയില്‍ മികച്ച പരിശീലനാര്‍ഥം ഹര്‍മന്‍ എത്തി. പെനല്‍റ്റി കോര്‍ണര്‍ വിദഗ്ധരായ ഗഗന്‍പ്രീതും സുഖ്ജീതും ഹര്‍മനിലെ പ്രതിഭയുടെ മാറ്റുകൂട്ടിയെടുത്തു. ഹര്‍മന്റെ കരുത്തുകൂട്ടാന്‍ സാധാരണ ഹോക്കി ബോളിന് പകരം ഭാരമേറിയ പന്തുകള്‍ പരിശീലകര്‍ ഉപയോഗിച്ചു. രണ്ട് വര്‍ഷത്തിനുള്ളില്‍ ഹര്‍മന്‍…
ഹാൻഡ്‌ലൂം ഡിയുടെ ബന്ധപ്പെട്ട് കേരള സ്റ്റാർട്ടപ്പ് മിഷന്റെ നേതൃത്വത്തിൽ JD ഇൻസ്റ്റിറ്റ്യൂട്ട് കൊച്ചി നടത്തിയ ഫാഷൻ ഷോ ശ്രദ്ധേയമാവുന്നു. കേരളത്തിലെ ഒരു പ്രമുഖ ഡിസൈൻ കോളേജ് ആണ് JD ഇൻസ്റ്റിറ്റ്യൂട്ട് ആണ് ഈ ഷോയ്ക്ക് പിന്നിൽ. ക്രിയാത്മക അഭിനിവേശത്തെ ഉൾക്കൊണ്ടുകൊണ്ട് ഡിസൈനിങ് ഒരു കരിയറായി മാറ്റാനുള്ള നിരവധി സമഗ്രമായ പ്രോഗ്രാമുകൾ ആണ് ഈ ഇൻസ്റ്റിറ്റ്യൂട്ട് വാഗ്ദാനം ചെയ്യുന്നത്. നവോമി എലിസബത്ത് ജോൺ, മെറിൻ ജോസഫ് & ബെൻ റെജി സാം, ഹർഷ സി, സുഖിൽ ദേവ് പികെ, റീനു റോസ് സി, ഹഷ്‌ന അഫീസ്, സോമി ജോൺസൺ, ഷാനിയ അജിതൻ, ഭൂമിക എസ് കുമാർ, സോന പി, സഹാറ കെ എന്നിവർ ചേർന്നാണ് ഫാഷൻ ഷോയ്ക്ക് ആവശ്യമായ വസ്ത്രങ്ങൾ ഡിസൈൻ ചെയ്തത്. മൂന്നു വ്യത്യസ്തമായ തീമുകൾ ഉൾപ്പെടുത്തി ആയിരുന്നു ഇവർ ഫാഷൻ ഷോ സംഘടിപ്പിച്ചത്. ആദ്യത്തേത് ഒരു മിലിട്ടറിയിൽ നിന്നും പ്രചോദനം ഉൾക്കൊണ്ടുകൊള്ളുള്ള ഒരു തീം ആയിരുന്നു. ഡിസ്‌നി സിനിമ ആയ…
മുകേഷ് അംബാനിയുടെയും നിത അംബാനിയുടെയും ഇളയ മകൻ അനന്ത് അംബാനിയും രാധിക മർച്ചൻ്റുമായുള്ള ജൂലൈ 12 ന് നടന്ന വിവാഹം ഇന്നുവരെയുള്ള ലോകത്തിൽ നടന്നിട്ടുള്ളതിൽ വച്ച് ഏറ്റവും ചെലവേറിയ വിവാഹങ്ങളിൽ ഒന്നായി ആണ് വിശേഷിപ്പിക്കപ്പെടുന്നത്. അവരുടെ അതിഗംഭീരമായ വിവാഹ ആഘോഷങ്ങൾക്കും 2024 ലെ പാരീസ് ഒളിമ്പിക്‌സിലെ അവരുടെ സാന്നിധ്യത്തിനും ശേഷം, അനന്ത് അംബാനിയും രാധിക മർച്ചൻ്റും ഇപ്പോൾ കോസ്റ്റാറിക്കയിൽ മധുവിധു ആസ്വദിക്കുകയാണെന്ന് ആണ് റിപ്പോർട്ടുകൾ. റിപ്പോർട്ടുകൾ പ്രകാരം, ആഗസ്റ്റ് 1 ന് അനന്ത് അംബാനിയും രാധിക മർച്ചൻ്റും കോസ്റ്ററിക്കയിൽ എത്തി. നവദമ്പതികൾ ഗ്വാനകാസ്റ്റിലെ പ്രകൃതിരമണീയമായ പ്രദേശത്തുള്ള കാസ ലാസ് ഒലാസ് എന്ന ആഡംബര റിസോർട്ടിലാണ് താമസിക്കുന്നതെന്നും റിപ്പോർട്ടുകൾ പറയുന്നു. ഈ റിസോർട്ടിൽ താമസിക്കുന്നതിന് ഒരു രാത്രിയ്ക്ക് മാത്രം ചിലവാക്കുന്നത് 30,000 ഡോളറാണ്, അതായത് 25 ലക്ഷം രൂപ. ശാന്തസമുദ്രത്തിനഭിമുഖമായി നിലകൊള്ളുന്ന ആറ് കിടപ്പുമുറികളുള്ള ആഡംബരവില്ലയാണ് കാസ ലാസ് ഒലാസ്. 18,475 ചതുരശ്രയടി വിസ്തൃതിയുള്ള സ്റ്റാര്‍വില്ല ആണ് ഇവർ ബുക്ക് ചെയ്തിരിക്കുന്നത്. കുട്ടികള്‍ക്കായി…
ഭക്ഷ്യസംസ്കരണ മേഖലയില്‍ നവീന സാങ്കേതികവിദ്യയുടെ ഉപയോഗം അനിവാര്യം എന്ന് മന്ത്രി പി. രാജീവ്. ഭക്ഷ്യസംസ്കരണ മേഖലയില്‍ കേരളത്തിലെ വിശാലമായ സാധ്യതകള്‍ പ്രയോജനപ്പെടുത്തുന്നതിനു തമിഴ്നാട്ടിലെ നിക്ഷേപകരെയും വ്യവസായ പ്രമുഖരെയും സ്വാഗതം ചെയ്തു കേരളം. ചെന്നൈയില്‍ നടക്കുന്ന ‘ഫുഡ്പ്രോ 2024’ അന്താരാഷ്ട്ര സമ്മേളനത്തിന്‍റെയും പ്രദര്‍ശനത്തിന്‍റെയും 15 ആം പതിപ്പില്‍ കേരളം തങ്ങളുടെ സാധ്യതകളുമായി സാന്നിധ്യമറിയിച്ചു. ഭക്ഷ്യസംസ്കരണ മേഖലയില്‍ ബ്ലോക്ക് ചെയിന്‍, ഓട്ടോമേഷന്‍, തുടങ്ങിയ നൂതന സാങ്കേതിക വിദ്യകള്‍ കേരളം കാര്യക്ഷമമായി നടപ്പാക്കുന്നുണ്ട്. ഇതിലൂടെ മാലിന്യങ്ങള്‍ കുറയ്ക്കുന്നതിനും ഭക്ഷ്യസുരക്ഷ ഉറപ്പാക്കുന്നതിനും സംസ്ഥാനത്തിന് സാധിച്ചു. ഈ മേഖലയില്‍ സാങ്കേതികവിദ്യ ഫലപ്രദമായി പ്രയോജനപ്പെടുത്തിയുള്ള അനേകം മികച്ച പദ്ധതികള്‍ കേരളം നടപ്പാക്കിയിട്ടുണ്ട്. കോള്‍ഡ് ചെയിന്‍ ലോജിസ്റ്റിക്സിലും സ്മാര്‍ട്ട് പാക്കേജിംഗിലുമുള്ള നവീന സംരംഭങ്ങള്‍ ഇതിന് മാതൃകകളാണ്. ഭക്ഷ്യസംസ്കരണ മേഖലയുടെ വളര്‍ച്ച ഉപയോഗപ്പെടുത്തുന്നതിന് നവീന സാങ്കേതിക വിദ്യ സ്വീകരിക്കണമെന്ന് കോണ്‍ഫഡറേഷന്‍ ഓഫ് ഇന്ത്യന്‍ ഇന്‍ഡസ്ട്രി (സിഐഐ) സംഘടിപ്പിച്ച ‘ഫുഡ്പ്രോ 2024’ ൽ സംസ്ഥാന വ്യവസായ മന്ത്രി പി.രാജീവ് ആവശ്യപ്പെട്ടു . ഇത് സാധ്യമാക്കുന്നതിന്…
വയനാട്ടിലെ ദുരന്തബാധിത പ്രദേശങ്ങൾ സന്ദർശിക്കാനായി പ്രധാനമന്ത്രി നരേന്ദ്രമോദി കേരളത്തിലെത്തി. ശനിയാഴ്ച രാവിലെ 11.10-ന് വ്യോമസേനയുടെ എയർ ഇന്ത്യ വൺ വിമാനത്തിൽ അദ്ദേഹം കണ്ണൂർ വിമാനത്താവളത്തിൽ ഇറങ്ങി. കേന്ദ്ര സഹമന്ത്രി സുരേഷ് ഗോപി പ്രധാനമന്ത്രിയോടൊപ്പം വിമാനത്തിൽ ഉണ്ടായിരുന്നു. ഗവർണർ ആരിഫ് മുഹമ്മദ് ഖാൻ, മുഖ്യമന്ത്രി പിണറായി വിജയൻ, കെ.കെ. ശൈലജ എം.എൽ.എ, ചീഫ് സെക്രട്ടറി ഡോ.വി.വേണു, ഡി.ജി.പി ഷേഖ് ദർവേശ് സാഹിബ്‌, ജില്ലാ കളക്ടർ അരുൺ കെ. വിജയൻ, സിറ്റി പോലീസ് കമ്മിഷണർ അജിത് കുമാർ, എ.പി അബ്ദുള്ളക്കുട്ടി, സി.കെ പത്മനാഭൻ തുടങ്ങിയവർ ചേർന്ന് പ്രധാനമന്ത്രിയെ വിമാനത്താവളത്തിൽ സ്വീകരിച്ചു. സ്വീകരണത്തിന് ശേഷം 11.17-ന് വ്യോമസേനാ ഹെലികോപ്റ്ററിൽ ആണ് പ്രധാനമന്ത്രി വയനാട്ടിലേക്ക് തിരിച്ചത്. ഗവർണർ ആരിഫ് മുഹമ്മദ് ഖാൻ, മുഖ്യമന്ത്രി പിണറായി വിജയൻ, കേന്ദ്രമന്ത്രി സുരേഷ്ഗോപി എന്നിവർ അതേ ഹെലികോപ്റ്ററിൽ പ്രധാനമന്ത്രിയെ അനുഗമിച്ചു. ദുരന്ത മേഖലയിൽ പ്രധാനമന്ത്രി ആകാശ നിരീക്ഷണം നടത്തുന്നുണ്ട്. Prime Minister Narendra Modi arrived in Kerala to visit…