Author: News Desk

ഇന്ത്യയുടെ വാർത്താവിനിമയ ഉപഗ്രഹമായ ജിസാറ്റ് 20 ഉടൻ വിക്ഷേപണത്തിന്. ജിസാറ്റ് എൻ 2 എന്ന പേരിലും അറിയപ്പെടുന്ന ഉപഗ്രഹം ഇലോൺ മസ്‌കിന്റെ സ്പേസ് എക്‌സ് ഫാൽക്കൺ 9 റോക്കറ്റിലാണ് വിക്ഷേപണം നടത്തുക. യുഎസിലെ കേപ് ക്യാനവർ വിക്ഷേപണ കേന്ദ്രത്തിൽ നിന്നാണ് ഇന്ത്യൻ ഉപഗ്രഹവുമായി ഫാൽക്കൺ 9 പറന്നുയരുക. ഐഎസ്ആർഒ വാണിജ്യ വിഭാഗമായ ന്യൂസ്പേസ് ഇന്ത്യ ലിമിറ്റഡും സ്പേസ് എക്സും തമ്മിലുള്ള കരാറിന്റെ അടിസ്ഥാനത്തിലാണ് ജിസാറ്റ് 20 വിക്ഷേപണത്തിനായി ഫാൽക്കൺ 9 ഉപയോഗിക്കുന്നത്. നിയുക്ത യുഎസ് പ്രസിഡന്റ് ഡൊണാൾഡ് ട്രംപിന്റെ വലംകയ്യാണ് ടെസ്ല-സ്പേസ് എക്സ് സ്ഥാപകൻ ഇലോൺ മസ്ക്. ട്രംപ് അധികാരത്തിൽ എത്തുന്നതോടെ യുഎസ്സിലെ മാത്രമല്ല മറ്റ് രാജ്യങ്ങളുടേയും ഗവൺമെന്റ് കേന്ദ്രീകൃത സംരംഭങ്ങളിൽ വൻ പങ്കാളിത്തമാണ് ഇലോൺ മസ്കിനെ കാത്തിരിക്കുന്നത്. ഇതിൽ ഏറ്റവും പ്രധാനമാണ് ഇന്ത്യൻ ബഹിരാകാശ ഏജൻസിയുമായുള്ള മൾട്ടി മില്യൺ ഡോളർ കരാർ. ഇന്ത്യൻ പ്രധാനമന്ത്രി നരേന്ദ്ര മോഡിയും നിയുക്ത യുഎസ് പ്രസിഡൻ്റ് ഡൊണാൾഡ് ട്രംപും തമ്മിൽ ഊഷ്മള സൗഹൃദമാണുള്ളത്. ലോക…

നടൻ ധനുഷിനെതിരെ ഗുരുതര ആരോപണങ്ങളുമായി തെന്നിന്ത്യൻ താരം നയൻതാര. തനിക്കും ഭർത്താവും സംവിധായകനുമായ വിഘ്‌നേശിനുമെതിരെ ധനുഷ് പ്രതികാരം തീർക്കുകയാണെന്ന് സമൂഹമാധ്യമങ്ങളിൽ പങ്കുവെച്ചിരിക്കുന്ന തുറന്ന കത്തിൽ നയൻതാര ആരോപിച്ചു. 2022ലായിരുന്നു നയൻതാര-വിഘ്നേശ് വിവാഹം. വിവാഹത്തോട് അനുബന്ധിച്ച് നെറ്റ്ഫ്ളിക്സ് പുറത്തിറക്കാനിരുന്ന Nayanthara: Beyond the Fairy Tale എന്ന ഡോക്യുമെന്ററി വൈകിയതിന് കാരണം ധനുഷാണെന്ന് നയൻതാര കത്തിൽ പറയുന്നു. ഡോക്യുമെന്ററിയിൽ ദമ്പതികൾ ഒന്നിച്ചുള്ള ആദ്യ ചിത്രമായ നാനും റൗഡി താനിലെ രംഗങ്ങൾ ഉപയോഗിക്കുന്നതിനെതിരെ ചിത്രത്തിന്റെ നിർമാതാവ് ധനുഷ് നീക്കം നടത്തി. ഇത് കാരണമാണ് ഡോക്യുമെന്ററി ഇത്രയും വൈകാനിടയായത് എന്ന് നയൻതാര പറഞ്ഞു. നയൻതാരയുടെ കരിയറും ജീവിതവും ആസ്പദമാക്കിയുള്ള ഡോക്യുമെന്ററിയിൽ ചിത്രത്തിലെ ഭാഗങ്ങൾ ഉപയോഗിക്കാനായി പല തവണ ധനുഷിനെ സമീപിച്ചെങ്കിലും എൻഒസി നൽകിയില്ല. തുടർന്ന് ഡോക്യുമെന്ററിയിൽ ചിത്രത്തിന്റെ മൂന്ന് സെക്കൻഡ് ദൈർഘ്യമുള്ള ലൊക്കേഷൻ ദൃശ്യങ്ങൾ ഉപയോഗിച്ചു. ഇപ്പോൾ ഡോക്യുമെന്ററിയുടെ ട്രെയ്‌ലർ പുറത്തുവന്നതിന് പിന്നാലെ 10 കോടി ആവശ്യപ്പെട്ട് വക്കീൽ നോട്ടീസ് അയച്ചിരിക്കുകയാണ് ധനുഷ് എന്നും നയൻതാര…

കേരളത്തിൽ താമസിക്കുന്നതോ ബിസിനസ് നടത്തുന്നതോ ആയ ആളുകൾക്ക് സംസ്ഥാനത്തെ ഏത് ആർടി ഓഫീസിലും വാഹനം റജിസ്റ്റർ ചെയ്യാമെന്ന് ഹൈക്കോടതി. മോട്ടോർ വാഹന നിയമം സെക്‌ഷൻ 40 പ്രകാരം സംസ്ഥാനത്ത് എവിടെ താമസിക്കുന്നവർക്കും ഇഷ്‌ടമുള്ള ആർടിഒയിൽ റജിസ്റ്റർ ചെയ്യാം. ഇത്തരം അപേക്ഷകൾ നിരസിക്കരുതെന്ന് കോടതി പറഞ്ഞു. തിരുവനന്തപുരം സ്വദേശിയുടെ പരാതിയിലാണ് കോടതി ഉത്തരവ്. കഴക്കൂട്ടത്ത് താമസിക്കുന്ന പരാതിക്കാരൻ വാഹനം ആറ്റിങ്ങലിൽ റജിസ്റ്റർ ചെയ്യാൻ അപേക്ഷ നൽകിയെങ്കിലും അത് നിരസിക്കപ്പെട്ടിരുന്നു. ഹർജിക്കാരൻ ആറ്റിങ്ങൽ ആർടിഒയുടെ അധികാരപരിധിയിൽ അല്ല താമസിക്കുന്നതോ ജോലി ചെയ്യുന്നതോ എന്ന് ചൂണ്ടിക്കാട്ടിയാണ് അപേക്ഷ നിരസിച്ചത്. ഇതിനെതിരെയാണ് ഇയാൾ ഹൈക്കോടതിയിൽ ഹർജി സമർപ്പിച്ചത്. ആറ്റിങ്ങൽ ആർടിഒ ഹർജിക്കാരന് താത്കാലിക റജിസ്‌ട്രേഷൻ സർട്ടിഫിക്കറ്റ് നൽകിയിരുന്നു. തുടർന്ന് പരിവാഹൻ പോർട്ടൽ നടത്തിയ ഫാൻസി നമ്പറുകൾക്കായുള്ള ഓൺലൈൻ ലേലത്തിൽ പങ്കെടുത്ത ഹർജിക്കാരൻ ഫാൻസി റജിസ്ട്രേഷൻ നമ്പറും സ്വന്തമാക്കി. എന്നാൽ ഫാൻസി നമ്പർ ലഭിച്ചതിനു ശേഷം ആറ്റിങ്ങൽ ആർടിഒയെ സമീപിച്ചപ്പോൾ റജിസ്‌ട്രേഷനായി കഴക്കൂട്ടം ആർടിഒയെ സമീപിക്കാൻ ആവശ്യപ്പെടുകയായിരുന്നു. 2019ലെ…

ഫിലിപ്പീൻസിലേക്ക് 1.29 ബില്യൺ ഡോളറിന്റെ ഇ-റിക്ഷകൾ കയറ്റിയയക്കാനുള്ള കരാർ സ്വന്തമാക്കി ഗുജറാത്ത് ആസ്ഥാനമായുള്ള ഇലക്ട്രിക് വാഹന നിർമാതാക്കൾ ജോയ് ഇ-ബൈക്ക്. ബ്രാൻഡിന് കീഴിൽ വാർഡ് വിസാർഡ് ഇന്നൊവേഷൻസ് ആൻഡ് മൊബിലിറ്റി ലിമിറ്റഡ് ആണ് ഡ്രൈവർ അടക്കം 11 പേർക്ക് സഞ്ചരിക്കാവുന്ന ഇ-ട്രൈക്കിന്റെ വമ്പൻ കരാർ സ്വന്തമാക്കിയത്. യുഎസും ഫിലിപ്പീൻസും ആസ്ഥാനമായി പ്രർത്തിക്കുന്ന ബ്യൂലാ ഇന്റർനേഷണൽ ഡെവലപ്മെന്റ് കോർപറേഷൻ വഴിയാണ് കരാർ. ഫിലിപ്പീൻസിലെ പൊതു ഗതാഗത സംവിധാനം കാര്യക്ഷമമാക്കുകയാണ് ഇ-ട്രൈക്കുകളുടെ ലക്ഷ്യം. ഇ റിക്ഷകൾക്കു പുറമേ വാർഡ് വിസാർഡിനു കീഴിലുള്ള മറ്റ് ഇലക്ട്രിക് വാഹനങ്ങളും 2025 ഫെബ്രുവരിയോടെ ഫിലിപ്പീൻസിലേക്ക് ടെസ്റ്റിങ്ങിനായി അയക്കുന്നുണ്ട്. വാർഡ് വിസാർഡും ഫിലിപ്പീൻസ് ഗവൺമെന്റുമായി ചേർന്ന് നടത്തുന്ന യൂടിലിറ്റി വെഹിക്കിൾ മോഡേർണൈസേഷൻ പദ്ധതിയുമായി ബന്ധപ്പെട്ടാണ് ഇത്. സാധാരണ വാഹനങ്ങൾ മാറ്റി പകരം ആധുനിക ഇ-വാഹനങ്ങൾ കൊണ്ടുവരികയാണ് ഫിലിപ്പീൻസ് ഗവൺമെന്റിന്റെ ലക്ഷ്യം. Wardwizard Innovations & Mobility Limited launches the e-Trike for testing in the Philippines as…

പിറന്നാൾ ആഘോഷത്തിന്റെ പകിട്ടിലാണ് ഇന്ത്യൻ ടെന്നീസ് ഇതിഹാസം സാനിയ മിർസ. ടെന്നീസ് രംഗത്തെ മികവിനൊപ്പം താരം സമ്പത്തിലും മുന്നിലാണ്. ഏറ്റവു പുതിയ കണക്കുകൾ അനുസരിച്ച് താരത്തിന്റെ ആസ്തി 216 കോടി രൂപയാണ്. സജീവ ടെന്നീസ് മതിയാക്കിയ താരം ഇപ്പോഴും ബ്രാൻഡിങ് തുടങ്ങിയവയിൽ നിന്നാണ് വൻ വരുമാനം ഉണ്ടാക്കുന്നത്. 25 കോടി രൂപയാണ് താരത്തിന്റെ വാർഷിക ബ്രാൻഡിങ് വരുമാനം. ഏഷ്യൻ പെയിന്റ്സ്, ലാക്മെ, ഹെർഷീസ് തുടങ്ങിയ ബ്രാൻഡുകളുടെ പരസ്യചിത്രങ്ങളിലാണ് താരം പ്രധാനമായും അഭിനയിക്കുന്നത്. ഹൈദരാബാദിലും ദുബായിലെ പാം ജുമൈറയിലും സാനിയ മിർസയ്ക്ക് ആഢംബര വീടുകളുണ്ട്. ഇവയുടെ മൂല്യ മാത്രം ഏകദേശം 15 കോടി രൂപയാണ്. ഇതിനു പുറമേ കോടികളുടെ കാർ ശേഖരവും സാനിയയ്ക്കുണ്ട്. റേഞ്ച് റോവർ ഇവോക്ക്, പോർഷെ കായേൻ, ജാഗ്വാർ എക്സ്എഫ്, ബിഎംഡബ്ല്യു 7 സീരീസ് തുടങ്ങിയവയാണ് താരത്തിന്റെ ഗാരേജിലെ പ്രധാന ആഢംബരങ്ങൾ. 2023ൽ ടെന്നീസിൽ നിന്നും വിരമിക്കുമ്പോൾ താരത്തിന്റെ ടെന്നീസ് മത്സരങ്ങളിൽ നിന്നു മാത്രമുള്ള സമ്പാദ്യം 52 കോടി രൂപയായിരുന്നു.…

കേരം തിങ്ങും കേരള നാട്ടിൽ നാളികേരവില വീട്ടമ്മമാരുടെ കൈ പൊള്ളിക്കുന്നു. കേര കർഷകർക്കാകട്ടെ സമീപകാലത്തെങ്ങും ലഭിക്കാത്ത വിലയാണ് പച്ച തേങ്ങക്കും കൊപ്രക്കും ലഭിക്കുന്നത്. ആഭ്യന്തര വിപണിയിൽ പച്ചത്തേങ്ങ വില കിലോക്ക് 61 രൂപ വരെ എത്തി. കൊപ്രക്കും വെളിച്ചെണ്ണക്കും വില ഇരട്ടിയായി. മലബാർ മേഖലയിൽ നാളികേര കർഷകർക്ക് ഇത്രവലിയ വില ലഭിക്കുന്നത് ഇതാദ്യമാണ്. പച്ചത്തേങ്ങ ഉൽപാദനം കുറഞ്ഞതും ആവശ്യം വർധിച്ചതുമാണ് വില കൂടാൻ കാരണമെന്ന് കച്ചവടക്കാർ പറയുന്നു. ശബരിമല സീസൺ കൂടി തുടങ്ങുന്നതോടെ പച്ചത്തേങ്ങ വില ഇനിയും കൂടും. കൊപ്രയുടെ വില ക്വിന്റലിന് ഇരട്ടിയായി. 180 രൂപയിൽ നിന്നിരുന്ന വെളിച്ചെണ്ണ വില വർധിച്ചു കിലോക്ക് 325 രൂപയിലെത്തി നിൽക്കുന്നു. 2018 ൽ നാളികേരത്തിന് കിലോക്ക് 40 രൂപവരെ ലഭിച്ചതായിരുന്നു ഏറ്റവും ഉയർന്ന വില.തമിഴ്നാട്ടിലെ കങ്കയം ഉൾപ്പെടെയുള്ള പ്രദേശങ്ങളിലേക്ക് നാളികേരം കയറ്റിയയക്കുന്ന ഏജൻസികൾ മൊത്ത കച്ചവടക്കാർക്ക് കിലോക്ക് 58 രൂപ വരെ നൽകാൻ തുടങ്ങി. തമിഴ്നാട്ടിൽ നിന്നും തിരുവനതപുരം, കൊല്ലം, ഇടുക്കി ജില്ലകളിലേക്ക്…

നിയുക്ത യുഎസ് പ്രസിഡൻ്റ് ഡൊണാൾഡ് ട്രംപിന്റെ ക്യാബിനറ്റിൽ ഇടം നേടിയിരിക്കുകയാണ് ഇന്ത്യൻ വംശജനായ വിവേക് രാമസ്വാമി. മുപ്പത്തിയൊൻപതുകാരനായ വിവേക് യുഎസ് പുതുതായി രൂപീകരിക്കുന്ന നൈപുണ്യ വികസന വകുപ്പിന്റെ കോ ഡയറക്ടർമാരിൽ ഒരാളാണ്. ടെസ്ല സ്ഥാപകൻ ഇലോൺ മസ്കാണ് മറ്റൊരു ഡയറക്ടർ. ബിസിനസ് രംഗത്ത് നിന്നാണ് വിവേക് രാഷ്ട്രീയത്തിലേക്കെത്തിയത്. ബയോടെക് കമ്പനിയായ റോയ്വെന്റ് സയൻസസ് ആണ് വിവേകിന്റെ സമ്പത്തിന്റെ ഏറ്റവും വലിയ ഉറവിടം. ഇതിനു പുറമേ നിരവധി ടെക് കമ്പനികളിലും അദ്ദേഹത്തിന് നിക്ഷേപമുണ്ട്. ക്രിപ്റ്റോ, അസറ്റ് മാനേജ്മെന്റ് തുടങ്ങിയവയാണ് വിവേകിന്റെ മറ്റ് സാമ്പത്തിക സ്രോതസ്സുകൾ. ഫോർബ്സിന്റെ നാൽപ്പത് വയസ്സിനു താഴെയുള്ള അതിസമ്പന്നരുടെ ലിസ്റ്റിൽ സ്ഥാനം പിടിച്ച വ്യക്തിയാണ് വിവേക് രാമസ്വാമി. ഒരു ബില്യൺ ഡോളറാണ് അദ്ദേഹത്തിന്റെ ആസ്തി. 2014ലാണ് അദ്ദേഹം റോയ്വെന്റ് എന്ന ബയോടെക് കമ്പനി ആരംഭിച്ചത്. പിന്നീട് അദ്ദേഹം 2016ൽ മയോവെന്റ് സയൻസസ് എന്ന കമ്പനിയും തുടങ്ങി. ആ വർഷത്തെ ബയോടെക് കമ്പനികളിലെ ഏറ്റവും വലിയ ഐപിഒ മയോവെന്റിന്റേതായിരുന്നു. നാസ്ഡാക് ലിസ്റ്റിങ്ങിൽ…

നാല് പതിറ്റാണ്ട് നീണ്ട കലാജീവിതം 250 കോടി ആസ്തിയാണ് ബോളിവുഡ് താരം മാധുരി ദീക്ഷിത്തിന് സമ്മാനിച്ചത്. കോടികളുടെ പ്രൗഢി മാധുരിയുടെ വീട്ടിലും പ്രതിഫലിക്കുന്നു. മുംബൈയിലെ സമ്പന്നരുടെ കേന്ദ്രമായ ഹൈറൈസ് ഇന്ത്യൻ ബുൾസ് ബ്ലൂവിലെ അമ്പത്തിമൂന്നാം നിലയിലാണ് മാധുരിയുടെ സ്വപ്നസൗധം. കടലിനോട് അഭിമുഖമായുള്ള ആഢംബര ഫ്ലാറ്റ് 5500 സ്ക്വയർ ഫീറ്റാണ്. 48 കോടി രൂപ വില വരുന്ന ഫ്ലാറ്റിന്റെ ഉൾവശത്തെ ദൃശ്യങ്ങൾ സമൂഹമാധ്യമങ്ങളിൽ വൈറലാണ്. മാധുരിയുടെ വലിയ ആരാധകനായിരുന്നു അന്തരിച്ച വിഖ്യാത ചിത്രകാരൻ എം. എഫ്. ഹുസൈൻ. ആരാധന മൂത്ത് അദ്ദേഹം മാധുരിയുടെ നിരവധി ചിത്രങ്ങളും വരച്ചു. ആ ചിത്രങ്ങളിൽ ഏറെയും മാധുരിയുടെ ആഢംബര ഫ്ലാറ്റിനെ അലങ്കരിക്കുന്നു. പ്രശസ്ത ആർക്കിടെക്റ്റ് അപൂർവ ഷ്റോഫ് ഡിസൈൻ ചെയ്ത വീടിന്റെ ഉൾവശം മനം മയക്കുന്നതാണ്. മിനിമലിസ്റ്റ്-കൺടംപററി രീതികളുടെ സമന്വയമാണ് മാധുരിയുടെ മണിമാളിക. Madhuri Dixit makes her big-screen comeback in Bhool Bhulaiyaa 3. Explore her Rs 48 crore minimalist sea-view…

ഇന്ത്യയുടെ അഭിമാനമാണ് വന്ദേഭാരത് ട്രെയിനുകൾ. 2019ലാണ് ആദ്യ ഇന്ത്യൻ നിർമിത സെമി ഹൈ സ്പീഡ് ട്രെയിനുകളായ വന്ദേഭാരത് ആരംഭിച്ചത്. 2022 മുതൽ പുത്തൻ രൂപത്തിലും ഭാവത്തിലും വന്ദേഭാരതിന്റെ പുതിയ ശ്രേണികളും എത്തി. 82 വന്ദേഭാരത് ട്രെയിനുകളാണ് നിലവിൽ രാജ്യമെങ്ങും സർവീസ് നടത്തുന്നത്. നമുക്ക് വന്ദേഭാരത് ഉള്ളതു പോലെ അയൽ രാജ്യമായ പാകിസ്താനും ഒരു പ്രീമിയം ട്രെയിനുണ്ട്-ഗ്രീൻ ലൈൻ എക്സ്പ്രസ്. ഇരു ട്രെയിനുകളും തമ്മിലുള്ള താരതമ്യം കൗതുകകരമാണ്. പാകിസ്താനിലെ ഏറ്റവും വേഗതയേറിയ ആഢംബര ട്രെയിനാണ് ഗ്രീൻലൈൻ. 2015ൽ സേവനം ആരംഭിച്ച ഗ്രീൻലൈൻ കറാച്ചി മുതൽ ഇസ്ലാമബാദ് വരെയാണ് ഓടുന്നത്. പത്ത് സ്റ്റേഷനുകളിലൂടെ കടന്ന് പോകുന്ന ട്രെയിൻ 22 മണിക്കൂർ എടുത്താണ് 1400 കിലോമീറ്ററുകൾ പിന്നിടുന്നത്. ആഢംബര ബസിന്റെ രൂപത്തിലുള്ള എസി പാർലർ ക്ലാസ്സുകളാണ് ഗ്രീൻലൈൻ ട്രെയിനിന്റെ സവിശേഷത. ഇതുപോലുള്ള രണ്ട് പാർലർ കാറുകളും അഞ്ച് ബിസിനസ് കോച്ചുകളും ആറ് എസി സ്റ്റാൻഡേർഡ് കോച്ചുകളുമാണ് ട്രെയിനിനുള്ളത്. കൂടാതെ നാല് മുതൽ ആറ് വരെ ഇക്കണോമി…

യാത്രക്കാർ പ്രതീക്ഷയോടെ കാത്തിരിക്കുന്ന ബെംഗളൂരു-ചെന്നൈ എക്സ്പ്രസ് വേ പ്രധാന നിർമാണ പ്രവർത്തനം പൂർത്തിയായി. കർണ്ണാടകയിലെ 72 കിലോമീറ്റർ അതിവേഗപാതയുടെ നിർമാണമാണ് പൂർത്തിയായത്. 262 കിലോമീറ്ററുള്ള പദ്ധതിയുടെ സുപ്രധാന ഭാഗമാണിത്. എന്നാൽ പണി പൂർത്തിയായ ഭാഗത്തിലൂടെയുള്ള ഗതാഗതം ഉടൻ ആരംഭിക്കില്ല. ജിന്നഗര ഭാഗത്തെ ചില പ്രശ്നങ്ങൾ കാരണം നിർമാണം നീളുകയായിരുന്നു. നിലവിലുള്ള 82 കിലോമീറ്റർ സാറ്റലൈറ്റ് ടൗൺ റിങ് റോഡുമായി ബന്ധിപ്പിക്കുന്നതണ് ഹോസ്‌കോട്ട് മുതൽ ബേതമംഗല വരെയുള്ള പുതിയ പാത. അതിവേത പാതാ നിർമാണത്തിലെ പ്രധാന നാഴികക്കല്ലാണ് ഇതെന്ന് ദേശീയപാതാ അധികൃതർ പറഞ്ഞു. ഇത് കൂടാതെ 18 കിലോമീറ്ററുള്ള മറ്റൊരു റോഡ് കൂടി നിർമിക്കാൻ ദേശീയപാതാ അതോറിറ്റിക്ക് പദ്ധതിയുണ്ട്. ദക്ഷിണേന്ത്യയിലെ ആദ്യ ഗ്രീൻഫീൽഡ് എക്‌സ്പ്രസ് വേ പദ്ധതിയാണ് ബെംഗളൂരു-ചെന്നൈ പാത. കർണ്ണാടകയിലെ ഹോസ്‌കോട്ടിനെയും തമിഴ്‌നാട്ടിലെ ശ്രീപെരുമ്പത്തൂരിനെയും ബന്ധിപ്പിക്കുന്ന പാതയുടെ ആകെ ചിലവ് 17900 കോടി രൂപയാണ്. എക്‌സ്പ്രസ് വേ വരുന്നതോടെ ബെംഗളൂരു-ചെന്നൈ യാത്രാസമയം ഏഴ് മണിക്കൂറിൽ നിന്ന് മൂന്ന് മണിക്കൂറായി ചുരുങ്ങും. The…