കഫെ കോഫി ഡേയുടെ ഓഹരി കുത്തനെ ഇടിഞ്ഞു. ഫൗണ്ടര്‍ വി.ജി.സിദ്ധാര്‍ഥയെ കാണാതായതിന് പിന്നാലെയാണിത്. ഇന്ത്യയിലെ ഏറ്റവും വലിയ കോഫി ചെയിനാണ് Cafe Coffee Day. കമ്പനിയില്‍ വി.ജി.സിദ്ധാര്‍ഥയുടെ ഓഹരി 32.75 ശതമാനമാണ്, അതില്‍ 71.4 ശതമാനവും പണയത്തിലാണ്. CCDയുടെ ഓഹരികള്‍ കഴിഞ്ഞ 6 മാസത്തിനിടെ 41 ശതമാനവും ഒരാഴ്ചക്കുള്ളില്‍ 22 ശതമാനത്തിലധികവും ഇടിഞ്ഞു. ഓഹരി പങ്കാളിയില്‍ നിന്ന് നേരിടേണ്ടി വന്ന സമ്മര്‍ദ്ദം താങ്ങാന്‍ കഴിയുന്നില്ലെന്ന് സിദ്ധാര്‍ഥ ഒരു കത്തില്‍ വ്യക്തമാക്കിയിരുന്നു. കര്‍ണാടക മുന്‍ മുഖ്യമന്ത്രി എസ്.എം.കൃഷ്ണയുടെ മരുമകനാണ് വി.ജി.സിദ്ധാര്‍ഥ.
