പുനരുപയോഗ ഊർജത്തിലെ നിക്ഷേപത്തിലൂടെ ലോകത്തിലെ ഏറ്റവും വലിയ ഗ്രീൻ ഹൈഡ്രജൻ ഉത്പാദകരിൽ ഒരാളാകാനാണ് അദാനി ലക്ഷ്യമിടുന്നത്. അദാനി എന്റർപ്രൈസസിന്റെ പുതുതായി രൂപീകരിച്ച അനുബന്ധ സ്ഥാപനമായ അദാനി ന്യൂ ഇൻഡസ്ട്രീസ് ലിമിറ്റഡ് (ANIL) കരാറിന് കീഴിലുള്ള പദ്ധതികൾക്ക് നേതൃത്വം നൽകും.ഒരു ലോകോത്തര ഗ്രീൻ ഹൈഡ്രജൻ മൂല്യ ശൃംഖല നിർമ്മിക്കാനുള്ള പ്രവർത്തനങ്ങളിലാണ് അദാനി ന്യൂ ഇൻഡസ്ട്രീസ് ലിമിറ്റഡ്. ഇന്ത്യയിൽ ഒരു ഫ്യുവൽ സെൽ ഇക്കോസിസ്റ്റം സൃഷ്ടിക്കുന്നതിന് ഫ്യുവൽ സെൽ ടെക്നോളജിയിലെ ഗ്ലോബൽ ലീഡറായ ബല്ലാർഡുമായി സഹകരിക്കുന്നതിൽ സന്തോഷമുണ്ടെന്ന് അദാനി ന്യൂ ഇൻഡസ്ട്രീസ് ലിമിറ്റഡ് ഡയറക്ടർ വിനീത് എസ് ജെയിൻ പറഞ്ഞു. ഇന്ത്യ ബല്ലാർഡിന് ഒരു പുതിയ വളർച്ചാ സാധ്യതയാണ് തുറന്ന് നൽകുന്നതെന്ന് ബല്ലാർഡിന്റെ പ്രസിഡന്റും സിഇഒയുമായ റാൻഡി മാക്വെൻ പറഞ്ഞു. അദാനി ഗ്രൂപ്പിന്റെ ഊർജ്ജ പദ്ധതികളെയും ഡീകാർബണൈസേഷൻ ലക്ഷ്യങ്ങളും പിന്തുണയ്ക്കുന്നതിനും ത്വരിതപ്പെടുത്തുന്നതിനും പ്രവർത്തിക്കുമെന്നും റാൻഡി മാക്വെൻ പറഞ്ഞു.