ലോകത്ത് കോടീശ്വരൻമാർ പെരുകുന്നു!

ആഗോള സമ്പദ്‌വ്യവസ്ഥയുടെ ഭാവി കോവിഡിന് ശേഷം കൂടുതൽ അനിശ്ചിതത്വത്തിലാണ്. എന്നാൽ ലോകമെമ്പാടുമുള്ള ദശലക്ഷക്കണക്കിന് ആളുകൾ കോടീശ്വര ക്ലബ്ബിൽ ചേരാൻ തയ്യാറെടുക്കുകയാണെന്ന് റിപ്പോർട്ടുകൾ പറയുന്നു. ക്രെഡിറ്റ് സ്യൂസിന്റെ (Credit Suisse) ആനുവൽ വെൽത്ത് റിപ്പോർട്ട് പറയുന്നതനുസരിച്ച് 2021 മുതൽ 2026 വരെ, ലോകമെമ്പാടുമുള്ള കോടീശ്വരന്മാരുടെ എണ്ണം 25 ദശലക്ഷത്തിലധികം വർദ്ധിക്കുമെന്നാണ്. ഇതോടെ ലോകത്തെ മൊത്തം കോടീശ്വരൻമാരുടെ എണ്ണം 87 ദശലക്ഷത്തിലധികമാകും. ഇതിനർത്ഥം 2026-ൽ ലോകജനസംഖ്യയുടെ 1.1% കോടീശ്വരന്മാരാകുമെന്നാണ്. 2021ൽ ഇത് 0.8% ആയിരുന്നു.

ഇന്ത്യയിൽ സമ്പന്നർ വർദ്ധിക്കും

2021 മുതൽ 2026 വരെയുള്ള കോടീശ്വരൻമാരുടെ വളർച്ചയിൽ ഏറ്റവും വലിയ മാറ്റത്തിന് തയ്യാറെടുക്കുന്ന രാജ്യങ്ങൾ ഇന്ത്യയും ബ്രസീലും ആണെന്ന് റിപ്പോർട്ട് പറയുന്നു. ഈ രണ്ട് രാജ്യങ്ങളും കോടീശ്വരൻമാരുടെ എണ്ണത്തിൽ 100% വളർച്ച കൈവരിക്കുമെന്ന് പ്രതീക്ഷിക്കുന്നു. ഇന്ത്യയെ സംബന്ധിച്ചിടത്തോളം ഇത് 796,000 മുതൽ 1,632,000 വരെയായിരിക്കും, അതായത് 105%. ബ്രസീലിന് ഇത് 115% ആയിരിക്കും. വികസ്വര രാജ്യങ്ങളിൽ, മധ്യവർഗത്തിന്റെ വികാസം ഉണ്ടാകും, ഇത് കോടീശ്വരന്മാരുടെ എണ്ണത്തിൽ വർദ്ധനവിന് കാരണമാകും. നിലവിൽ,താഴ്ന്ന, ഇടത്തരം വരുമാനമുള്ള രാജ്യങ്ങൾ സമ്പത്തിന്റെ 24% സംഭാവന ചെയ്യുന്നു, എന്നാൽ അടുത്ത അഞ്ച് വർഷത്തിനുള്ളിൽ ഈ രാ​ജ്യങ്ങളുടെ സംഭാവന 42% ആയിരിക്കും. ആഫ്രിക്കയിലെ കോടീശ്വരന്മാരുടെ എണ്ണം ഏകദേശം 352,000 ൽ നിന്ന് 961,000 ആകും. അല്ലെങ്കിൽ 173% വളർച്ച കൈവരിക്കുമെന്ന് പ്രതീക്ഷിക്കുന്നു. ലാറ്റിനമേരിക്കയിലെ ഈ സംഖ്യ ഏകദേശം ഇരട്ടിയായി 1.8 ദശലക്ഷത്തിലധികം വരും. യൂറോപ്പിലും വടക്കേ അമേരിക്കയിലും യഥാക്രമം 37%, 16% എന്നിങ്ങനെ മിതമായ വളർച്ച പ്രതീക്ഷിക്കുന്നു.

യുഎസിന്റെ മേൽക്കൈ ഇല്ലാതാകുമോ?

ചൈന ഇപ്പോൾ സാമ്പത്തിക മാന്ദ്യത്തെ അഭിമുഖീകരിക്കുന്നുണ്ടെങ്കിലും, റിപ്പോർട്ട് അനുസരിച്ച്, 2021 മുതൽ 2026 വരെ കോടീശ്വരന്മാരുടെ എണ്ണം 97% വർദ്ധിക്കും. യുഎസ്, ചൈന തുടങ്ങിയ രാജ്യങ്ങളിൽ, വരുമാന അസമത്വം സമീപ ദശകങ്ങളിൽ ഭീഷണി ഉയർത്തിയിട്ടുണ്ട്. 2021-ൽ ഏകദേശം 25 ദശലക്ഷവുമായി രണ്ടാം സ്ഥാനത്തുള്ള ചൈനയേക്കാൾ നാലിരട്ടി കോടീശ്വരന്മാരാണ് യുണൈറ്റഡ് സ്റ്റേറ്റ്സിന് ഉള്ളത്. എന്നാൽ റിപ്പോർട്ട് ചൂണ്ടിക്കാണിക്കുന്നത് ഭാവിയിൽ യുഎസ് കോടീശ്വരന്മാരുടെ ആധിപത്യം ഇല്ലാതകുമെന്നാണ്. പരിമിതമായ സാമ്പത്തിക വളർച്ചയും സ്റ്റോക്കുകൾ പോലെയുള്ള പ്രവചനാതീത സാമ്പത്തിക ആസ്തികളും നേട്ടം കുറയ്ക്കുമെന്ന് പ്രതീക്ഷിക്കുന്നു. ഈ സമ്പത്തിൽ ചിലത് സ്റ്റോക്ക് വിലകളിലെയും റിയൽ എസ്റ്റേറ്റ് മൂല്യങ്ങളിലെയും വളർച്ചയുമായി ബന്ധപ്പെട്ടിരിക്കുന്നു. റിപ്പോർട്ട് പറയുന്നതനുസരിച്ച് യുഎസിലെ വളർച്ച ഇക്കാലയളവിൽ 13% മാത്രമായിരിക്കും. സാമ്പത്തിക മാന്ദ്യം ഉണ്ടായിരുന്നിട്ടും, റഷ്യയും യുണൈറ്റഡ് കിംഗ്ഡവും യഥാക്രമം 43%, 64% കോടീശ്വരന്മാരുടെ വളർച്ച പ്രതീക്ഷിക്കുന്നു.

പണപ്പെരുപ്പം ഒരു ഘടകമാണോ?

പണപ്പെരുപ്പമാണ് കോടിശ്വരൻമാരെ സംഭാവന ചെയ്യുന്ന മറ്റൊരു ഘടകം. ഉയർന്ന പണപ്പെരുപ്പം ഒരു ദശലക്ഷം യുഎസ് ഡോളർ എന്ന പോയിന്റ് കടക്കുന്നത് എളുപ്പമാക്കും. പണപ്പെരുപ്പം വിലക്കയറ്റത്തിന് കാരണമാകും, ഇത് കൂലി ഉയരുന്നതിനും ആസ്തി മൂല്യം വർദ്ധിപ്പിക്കുന്നതിനും ഇടയാക്കും. ഇതിനർത്ഥം, മുന്നോട്ട് പോകുമ്പോൾ, ലോകമെമ്പാടുമുള്ള കോടീശ്വരന്മാരുടെ എണ്ണം വർദ്ധിച്ചുകൊണ്ടിരിക്കും എന്നാണ്. ആ വർദ്ധനവ് പണപ്പെരുപ്പത്തിന്റെ ഫലമാണോ, പങ്കിട്ട സമ്പൽസമൃദ്ധിയുടെ ഫലമാണോ, അല്ലെങ്കിൽ മോശമായി വരുന്ന വരുമാന അസമത്വമാണോ എന്നത് ഭാവിയിൽ വളരെ വിശദമായി പരി​ഗണിക്കേണ്ട ഒരു വിഷയമാകും.

The world is going to witness a surge in the millionaire population, says Credit Suisse’s annual wealth report. The future of the global economy remains uncertain but, by 2026, the number of millionaires is expected to grow by more than 25 million. The total number would be more than 87 million. That means, in 2026, 1.1 % of the world’s population could be millionaires. In 2021, it was 0.8 %.