അംബാനി സലൂൺ വരുമോ?
COVID-19 പാൻഡെമിക് ഏറ്റവും ഉയർന്ന ഘട്ടത്തിൽ ഏറ്റവും കൂടുതൽ ബാധിച്ച ബിസിനസ്സുകളിൽ ഒന്നാണ് സലൂണുകൾ. കോവിഡ് കുറയുകയും സാമൂഹിക നിയന്ത്രണങ്ങൾ എടുത്തുമാറ്റപ്പെടുകയും ചെയ്തതോടെ സലൂൺ ബിസിനസ്സ് കുതിച്ചുയരുകയാണ്.
മുകേഷ് അംബാനിയുടെ Reliance സലൂൺ ബിസിനസിലേക്കും പ്രവേശിക്കാൻ പദ്ധതിയിടുന്നതായി റിപ്പോർട്ടുകൾ പറയുന്നു. Naturals Salon & Spa-യുടെ ഏകദേശം 49% ഓഹരികൾ Reliance Retail വാങ്ങുമെന്നാണ് Economic Times റിപ്പോർട്ട്. ചർച്ചകൾ അവസാന ഘട്ടത്തിലാണെന്ന് നാച്വറൽസ് CEO സികെ കുമാരവേൽ പറഞ്ഞു. റിലയൻസിന്റെ ഫണ്ടിംഗ് Naturals നെറ്റ്വർക്ക് വിപുലീകരിക്കാൻ സഹായിക്കുമെന്ന് ET റിപ്പോർട്ട് ചെയ്യുന്നു. ഡീൽ മൂല്യം സംബന്ധിച്ച് നാച്ചുറൽസും റിലയൻസും പ്രതികരിച്ചിട്ടില്ല.
ബ്യൂട്ടി മാർക്കറ്റ് കയ്യടക്കാൻ റിലയൻസ്
രാജ്യത്തുടനീളം 700-ലധികം നാച്ചുറൽ സലൂണുകൾ നടത്തുന്ന Groom India Salons & Spa ആണ് Naturals Salon & Spaയുടെ പ്രൊമോട്ടർമാർ. ഡീലിന് ശേഷവും നിലവിലെ പ്രമോട്ടർമാർ തുടരുമെന്നാണ് റിപ്പോർട്ടുകൾ സൂചിപ്പിക്കുന്നത്. 2000-ത്തിന്റെ തുടക്കത്തിൽ സ്ഥാപിതമായ ചെന്നൈ ആസ്ഥാനമായ Naturals 2025-ഓടെ 3,000 സലൂണുകൾ സ്ഥാപിക്കാനാണ് ലക്ഷ്യമിടുന്നത്. അതേസമയം റിലയൻസിന്റെ ആദ്യ ഇൻ-ഹൗസ് പ്രീമിയം ഫാഷൻ ആൻഡ് ലൈഫ്സ്റ്റൈൽ സ്റ്റോർ ആരംഭിച്ചത് അടുത്തിടെയാണ്. LVMH-ന്റെ ഉടമസ്ഥതയിലുള്ള ബ്യൂട്ടി ശൃംഖലയായ സെഫോറയുടെ ഇന്ത്യയിലെ പ്രവർത്തനാവകാശം നേടാൻ വിപുലമായ ചർച്ചകളിലുമാണ് റിലയൻസ്.
Reliance Retail, plans to enter the salon business and is in final stages to buy 49% stake in Naturals Salon & Spa.