വിവിധ മേഖലകളിലെ നിക്ഷേപ സാധ്യതകൾ ലിസ്റ്റ് ചെയ്യാൻ സംയോജിത ഇലക്ട്രോണിക്ക് പ്ലാറ്റ്ഫോമിന് രൂപം നൽകി UAE. യുഎഇ വൈസ് പ്രസിഡന്റും, ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ അധ്യക്ഷതയിൽ ചേർന്ന മന്ത്രിസഭായോഗത്തിലാണ് തീരുമാനം.
യുഎഇ സാമ്പത്തികകാര്യ മന്ത്രാലയത്തിന്റെ കീഴിൽ വരുന്ന പ്ലാറ്റ്ഫോം, ടൂറിസം, പുനരുപയോഗ ഊർജം തുടങ്ങിയ മേഖലകളിലെ നിക്ഷേപ അവസരങ്ങൾ ഉയർത്തിക്കാട്ടും.
ആരോഗ്യ സംരക്ഷണം, വിദ്യാഭ്യാസം, വാർത്താവിനിമയം, ഇ-കൊമേഴ്സ്, ഐടി തുടങ്ങിയ വിഭാഗങ്ങളിലെ നിക്ഷേപകർക്ക് പ്ലാറ്റ്ഫോം അവസരമൊരുക്കും. പുനരുപയോഗ ഊർജം, ലോജിസ്റ്റിക്സ്, മെഡിക്കൽ ടൂറിസം, ക്രിയേറ്റീവ് വ്യവസായങ്ങൾ, സ്മാർട്ട് സിറ്റികൾ തുടങ്ങി തന്ത്രപ്രധാന മേഖലകളിലെ നിക്ഷേപ വർധനയ്ക്കും പദ്ധതി ഗുണകരമാകും.
മറ്റ് തീരുമാനങ്ങൾ
- യുഎഇയിൽ ആരോഗ്യകരമായ ജീവിതശൈലി പ്രോത്സാഹിപ്പിക്കുന്നതിനുള്ള ദേശീയ നയത്തിനും മന്ത്രിസഭ അംഗീകാരം നൽകി.
- എല്ലാ പ്രായത്തിലുമുള്ള എല്ലാ വ്യക്തികളുടെയും അവകാശങ്ങൾ പ്രോത്സാഹിപ്പിക്കുകയും സംരക്ഷിക്കുകയും ചെയ്യുന്ന ആരോഗ്യകരമായ അന്തരീക്ഷം സൃഷ്ടിക്കുക, അനാരോഗ്യകരമായ ജീവിതശൈലിയുമായി ബന്ധപ്പെട്ട രോഗങ്ങൾ തടയുക എന്നിവയാണ് ലക്ഷ്യം.
- കൂടാതെ, യോഗത്തിൽ പ്രഖ്യാപിച്ച സമഗ്രമായ സ്മാർട് ആരോഗ്യ സംരംഭം വിദൂരമായി ആരോഗ്യ സേവനങ്ങൾ നൽകാൻ അധികാരികളെ സഹായിക്കും.
- മികച്ച മെഡിക്കൽ ഉപദേശത്തിനും, രോഗനിർണയത്തിനും സഹായിക്കുന്നതാണ് സംവിധാനം.
Also Read: UAEയിലെ നിക്ഷേപക സാധ്യതകളറിയാം | ഇന്ത്യയാണ് ഭാവി പ്രശംസയുമായി UAE മന്ത്രി
UAE introduces an integrated platform to list out investment opportunities. The Ministry of Economy will supervise the electronic platform. The platform will serve as a guide to investors in UAE. Investors can look for opportunities in targeted sectors.
