അദാനി ഗ്രൂപ്പും, ഹിൻഡൻബർഗ് റിസർച്ചും തമ്മിലുള്ള സംഘർഷം നാൾക്കുനാൾ ശക്തിപ്രാപിക്കുകയാണ്. കോർപ്പറേറ്റ് ചരിത്രത്തിലെ ഏറ്റവും വലിയ തട്ടിപ്പിന് ഇന്ത്യൻ വ്യവസായിയായ ഗൗതം അദാനിയാണ് ഉത്തരവാദിയെന്ന ഹിൻഡൻബർഗിന്റെ വാദത്തിന് മറുപടിയായി ന്യൂയോർക്ക് ആസ്ഥാനമായുള്ള ഗവേഷണ സ്ഥാപനത്തെ “മഡോഫ്സ് ഓഫ് മാൻഹട്ടൻ” എന്നാണ് അദാനി വിളിച്ചത്.
ഇന്ത്യയ്ക്കെതിരെയുള്ള കരുതിക്കൂട്ടിയുള്ള ആക്രമണമാണ് ഹിൻഡൻബർഗ് നടത്തിയതെന്നും, രാജ്യത്തിന്റെ വളർച്ചയെ തകർക്കാൻ ലക്ഷ്യമിട്ടുള്ള ആസൂത്രിത ശ്രമമാണിതെന്നും അദാനി ആരോപിച്ചു. കഴിഞ്ഞദിവസം പുറത്തുവിട്ട 413 പേജുള്ള റിപ്പോർട്ടിലാണ് ഹിൻഡൻബർഗിനെതിരെ ഗുരുതര ആരോപണങ്ങളുമായി അദാനി രംഗത്തു വന്നത്. ദേശീയത മുൻനിർത്തിയോ, ഊതിവീർപ്പിച്ച പ്രസ്താവനകൾ നടത്തിയോ വഞ്ചനയെ മറയ്ക്കാനാവില്ലെന്നാണ് ഹിൻഡൻബർഗ് അദാനിയുടെ നീണ്ട പ്രതികരണ കുറിപ്പിന് മറുപടി നൽകിയത്. തങ്ങൾ ഉയർത്തിയ പ്രധാന ആരോപണങ്ങൾക്കൊന്നും അദാനി ഗ്രൂപ്പ് മറുപടി നൽകിയിട്ടില്ല. നിലവിലുള്ള പ്രശ്നങ്ങളിൽ നിന്ന് ശ്രദ്ധ തിരിക്കാനുള്ള ശ്രമമമാണ് അദാനി ഗ്രൂപ്പ് നടത്തുന്നതെന്നും ഹിൻഡൻബർഗ് റിസർച്ച് തിരിച്ചടിച്ചു.
സാമ്പത്തിക കാര്യത്തിൽ സുതാര്യതയുണ്ടോ ?
ചൈനയിലെ എച്ച്എൻഎ ഗ്രൂപ്പ്, എവർഗ്രാൻഡെ ഗ്രൂപ്പ് പോലുള്ള മറ്റ് കമ്പനികൾ, പ്രമുഖ ഷോർട്ട് സെല്ലർമാരുടെ വർഷങ്ങളോളമുള്ള ആക്രമണങ്ങളെ അതിജീവിച്ചു. ഒടുവിൽ രാഷ്ട്രീയ വേലിയേറ്റം അവർക്കെതിരെ മാറിയപ്പോഴാണ് പരാജയം സമ്മതിച്ചത്. എന്നാൽ അദാനി ഗ്രൂപ്പിന്റെ കാര്യത്തിൽ കൂടുതൽ സംഘർഷഭരിതമാകുകയാണ് കാര്യങ്ങൾ. അദാനിയ്ക്കെതിരെ ഹിൻഡൻബർഗ് ഉയർത്തുന്ന ആരോപണങ്ങളിൽ പ്രധാനപ്പെട്ടതാണ് സ്റ്റോക്ക് കൃത്രിമത്വം. ഓഫ്‌ഷോർ ഷെൽ എന്റിറ്റികളുടെ ഉപയോഗത്തിലൂടെ, അദാനി എക്‌സിക്യൂട്ടീവുകൾക്ക് ഇതിനകം തന്നെ പൊതുവിൽ ട്രേഡ് ചെയ്യപ്പെടുന്ന നാല് സബ്‌സിഡിയറികളിൽ 75 ശതമാനത്തിലധികം കൈവശമുണ്ടെന്ന് റിപ്പോർട്ട് ചെയ്യപ്പെട്ടിട്ടുണ്ട്. ഇന്ത്യൻ സെക്യൂരിറ്റീസ് നിയമങ്ങൾ അനുസരിച്ച്, ഡീലിസ്റ്റിംഗിന് വിധേയമാക്കപ്പെടേണ്ട ഒന്നാണിത്.
അദാനിയുടെ പ്രധാന കടമെടുപ്പ് മാർഗങ്ങളിലൊന്നെങ്കിലും തടയാൻ ഹിൻഡൻബർഗിന് ആഗോള തലത്തിൽ മതിയായ സ്വാധീനമുണ്ടോ എന്നതിനെ ആശ്രയിച്ചിരിക്കും എല്ലാം.
വ്യാവസായിക വ്യവസായങ്ങൾക്ക് മൂലധനം പ്രധാനമാണ്. വിജയകരമായ ബിസിനസ്സുകൾക്ക് പോലും റീഫിനാൻസ് ചെയ്യാൻ കഴിയുന്നില്ലെങ്കിൽ പരാജയപ്പെടാം. ലിസ്റ്റുചെയ്ത ഏഴ് അദാനി കമ്പനികളിൽ അഞ്ചെണ്ണത്തിന്റെയും നിലവിലെ അനുപാതങ്ങൾ കാണിക്കുന്നത്, ഹ്രസ്വകാല പ്രതിബദ്ധതകൾ നിറവേറ്റാൻ മതിയായ ലിക്വിഡ് ആസ്തികൾ അവയ്ക്ക് ഇല്ലെന്നാണ്. ഇത് കടം റീഫിനാൻസ് ചെയ്യാനുള്ള അദാനിയുടെ ശേഷിയെ കൂടുതൽ നിർണായകമാക്കിയേക്കാം.
ഓഹരികളിൽ തുടരെത്തുടരെ ഇടിവ്
ഹിൻഡർബർഗ് റിപ്പോർട്ട് പുറത്തുവന്ന ദിവസം തൊട്ട് തുടരെ തുടരെയുള്ള ഇടിവാണ് അദാനി ഓഹരികളിൽ രേഖപ്പെടുത്തുന്നത്. അദാനി ഗ്രീൻ (20%), അദാനി പവർ (5%), അദാനി വിൽമർ (5%), അദാനി ടോട്ടൽ ഗ്യാസ് (20%) എന്നിങ്ങനെ ഇടിഞ്ഞ് ഓഹരികൾ ലോവർ സർക്യൂട്ടിലെത്തി. അദാനി ട്രാൻസ്മിഷൻ 15.19% ഇടിവ് രേഖപ്പെടുത്തി. അദാനി ഗ്രൂപ്പ് ഏറ്റെടുക്കൽ നടത്തിയ, എൻഡിടിവി ഓഹരികളും 4.99% ഇടിഞ്ഞ് ലോവർ സർക്യൂട്ടിലെത്തി. എന്നാൽ ഓഹരികളിലെ ഇടിവ് പൂർണ്ണമെന്ന് തീർത്തു പറയാനുമാകില്ല. അദാനി ഗ്രൂപ്പ് ഏറ്റെടുത്ത എസിസി, 1.30 ശതമാനവും, അംബുജ സിമന്റ്സ്,1.85 ശതമാനവും ലാഭമുണ്ടാക്കി. അദാനി എന്റർപ്രൈസസസിന്റെ ഓഹരിയും 4.76% ഉയർന്നു.
The Adani Group and Hindenburg Research are intensifying their heated conflict. The corporation adopted a dramatic tone and referred to the New York-based research organisation as the “Madoffs of Manhattan” in response to Hindenburg’s assertion that Indian entrepreneur Gautam Adani has been responsible for the “biggest fraud in corporate history.” Adani claimed that the study by the activist short-seller was a “calculated attack on India” and its “growth story and ambition.”
